بكري حسن صالح : بعد أورنيك 15 الإلكتروني (مافي زول بلقى عضة)
أقر النائب الأول للرئيس السوداني الفريق بكري حسن صالح بتزايد ضغوط الحصار الأمريكي على البلاد بواسطة آلية مكتب السيطرة على الممتلكات الأجنبية المعروفة بـ( أوفاك ) .وأرجع تجاوز السودان للربيع العربي لانشغال الشباب بالتعدين الأهلي للذهب ، واعتبر ان التحصيل الالكتروني سيغلق الباب أمام المفسدين ونفى في المؤتمر الصحفي بمجلس الوزراء أمس دخول الرسوم التي أعلنتها وزارةالمالية و بلغت أكثرمن 36 الف رسم الى خزينة الدولة ، وقال: ليت تلك الرسوم ذهبت للحكومة ، وأضاف لكن بعد أن يذهب أورنيك 15 الورقي مزبلة التاريخ و (بعد أورنيك 15 الإلكتروني مافي زول بلقى ليهو عضة ) وتابع إن تضيق الخناق على الحكومة زاد من خلال آلية آوفاك بعد إتجاه الحكومة لإستخدام اليورو كبديل للدولار( لن يأتوا بحركة تمرد جديدة ولكن سيواصلون الضغوط على الحكومة عبر تلك الآلية) وكشف عن ان اللجنة المناط بها تشكيل مفوضية مكافحة الفساد سترفع تقريرها اليوم لرئاسة الجمهورية للبت في كيفية تشكيلها ووضع قانون خاص بها . وأشار الى إن مهام مفوضية مكافحة الفساد تشمل التصدي للمحسوبية والفساد في العطاءات والقضايا التي يصعب إثباتها ، وقلل في الوقت ذاته مما يثار حول تفشي الفساد وفي رده على قضية الفساد رأى ان الحديث حول حجمها محل إختلاف وتابع ان الحديث حول تفشي الفساد بصورة كبيرة يحتاج لاثبات ، ونوه الى وجود أجهزة قضائية بجانب ديواني المراجعة القومي ، وديوان العدالة ، وقال : وبين هذا وذاك كل مايصل للدولة من قضايا فساد تبت فيه ، وتابع لولا التعدين الأهلي للذهب الذي شغل الكثير من شباب السودان،لما تجاوزنا الربيع العربي مؤكداً استمرار استراتجية تقسيم دول الربيع الى دويلات في اليمن والعراق، وأعلن النائب موافقته على مقترح تقدم به احد الصحفيين باستبدال العربات الحكومية ( برادو) بعربات جياد لدعم الصناعة الوطنية إلا انه عاد واستدرك قائلا الاقتراح وجيه ولكنه يحتاج لحملة اعلامية قوية .
صحيفة الجريدة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
اذا صدقناك تاني مافي عضة ( النفس ) كيف ؟؟!!
وتابع لولا التعدين الأهلي للذهب الذي شغل الكثير من شباب السودان،لما تجاوزنا الربيع العربي
كلام خطير من الرجل الثاني في الدوله
هذا المنصب اكبر منك شويه يا حبه
دا شكلو الكلام البتونسو بيه ناس عمك واللمبي وبكري في العيزومات والبكيات … ولانو صاحبك دا مادبلوماسي بفت الشغل طوالي للصحافة
الراجل دا مخو مخ جيش
ما في اي رجا من تصريحاتوا
الحمد لله الذي فضلنا على كثيراً من خلقه وفضلنا تفضيلا
من خلال تجربة الأسبوع الماضي لاستخراج جواز الكتروني من فرع العلاقات البينية تأتي ملفات للمتحصل داخل المكتب و هناك شخص آخر يساعده و تكون الرسوم المتحصلين عليها اكتر من الرسوم المقررة (رشاوي ) و طبعا بيستخرجوا الايصال الإلكتروني عادي و يكونوا لقو ليهم عضات مش عضة و طبعا المساكين و المغلوب على أمرهم ينتظرون في الصفوف لاوقات طويلة و لا يدركون ان سبب التأخير أن هناك آخرين تتم لهم معاملاتهم دون ان يخرجوا من بيوتهم
العافية درجات وبعد فترة وجيزة سوف يقوم كل شخص باستخراج الإيصال اللكتروني بنفسة ومن أقرب صرافة
(بعد أورنيك 15 الإلكتروني مافي زول بلقى ليهو عضة )
بالله عايز تعليق مناسب لهذا التعبير من السادة القراء
أكيد كلام مساطيل ليس إلا وكلام ناس مخهم “كيسهم ” فاضي شديد …كان الله في عون السودان
هههههههه هو بالله انتو خليتو للناس حاجة تعضها
الفساد الاعمي شايفو
شعب عظيم يحكمه اقذام
(بعد أورنيك 15 الإلكتروني مافي زول بلقى ليهو عضة )
هو بالله عليكم الله إنتوا خليتوا فيها عضة ؟؟
هذا ليس اسلوب نائب رئيس جمهورية اللهم كن في عون السودان
***عضة ، ياحليل الباعوض
***ثاني العضة للكلاب بس
يابختنا
الاورنيك الالكتروني
والجواز الالكتروني
وباقي لينا الزواج الالكتروني
ياااااااهو
انقاذ ياااخ
مع الانقاذ مش ممكن تغمض عينيك
على ما علينا من أحباط عام من كل مناحي الحياة
إلا ما يغيظ لابد من وجود مسؤول يكرر علينا عبارات
الأسواق والجزارات وهو سعيد مبتسم كأننا فى مسرحية
رجل الدولة لا يتكلم إلا كلاما رزينا يحترم قائله
ناس عضة وقرمة ولحس كوع وفطايس ديل ما بودوا البلد أقرب من جهنم
موقع النيلين ….. تعقيب على التعليق رقم (5) للأخ المجذوب :
” من خلال تجربة الأسبوع الماضي لاستخراج جواز الكتروني من فرع العلاقات البينية تأتي ملفات للمتحصل داخل المكتب و هناك شخص آخر يساعده و تكون الرسوم المتحصلين عليها اكتر من الرسوم المقررة (رشاوي ) و طبعا بيستخرجوا الايصال الإلكتروني عادي و يكونوا لقو ليهم عضات مش عضة و طبعا المساكين و المغلوب على أمرهم ينتظرون في الصفوف لاوقات طويلة و لا يدركون ان سبب التأخير أن هناك آخرين تتم لهم معاملاتهم دون ان يخرجوا من بيوتهم ”
اقترح على المسئولين أن يتم تخصيص شباك لخدمة الواسطات .. وذوي الإحتياجات الخاصة .. عند مكاتب الخدمات مثل مراكز استخراج الجواز الإلكتروني .. أو تأشيرة الخروج .. والخدمات المماثلة .. بدل يضايقو الناس المساكين الذين يزحفون في الصفوف وحتى يصل الواحد منهم لشباك الخدمة يكون نفسو اتقطع .. وربما يجد الموظف خرج للفطور أو الموظفة مشت بيتها عشان بترضع ( ترضع شنو وهي تكون قدر حبوبتي شامه ) .. والسبب يعود لخدمة الواسطات .
بالامس طلع الاولاد لأستخراج جواز أكتروني من الخرطوم قالوا ليهم لازم موافقة الوالد من السفارة بالرياض والسفارة علشان تقول لي موافقة لازم رسوم الموافقة 110 ريال سعودي وبعدين نحضر الموافقة لجوزات الخوطوم وندفع رسوم استخراج الجواز والقصة علي الله استخراج جواز لمة5سنوات يكلف البني ادم مالاطاقة بيه ربنا ارحمنا وانت خير الراحمين وعليك بالظالمين والفاسدين
يا جماعة الراجل بقول أي كلام يجيه في خشمه – معنى كلامه ده يعني والله يا جماعة أكان ما ربنا شغل الاولاد ديل بالتعدين كنا رحنا فيها. فعلا كلام ونسة بين البشير ونائبه وابراهيم الطاهر والطفل المعجزة ونافع وعلي محمود وغيرهم. أخطر كلام معنى الكلام ده الناس دي عبارة عن نمر من ورق أي هبة تستمر 3 يوم متواصلة سوف يروحوا فيها
أخي radar الله يجيب الهبة و ترتاحو من السفاية دي. و الله البلد فيها شباب فيهو خير كتير
الله يكون في عونك يابلادي وياشعب بلادي
عاوز اسأل الحكومة سؤال .الكلام ده موجه للشعب السودانى.ولا لى ناسكم …انتو بتخاطبوا فى منو …عايزين نقضى على الفساد؟؟؟ومافى حد بلقى عضة؟؟؟؟ فساد الشعب وعضاتوا…مش..
يا جماعه كلام المواقع في الحكومه عملت والمشؤول عمل ده كلو ما بجيب نتيجه لو بتقدروا تغيروا الحكومه اطلعوا الشارع لكن للاسف الشديد مافي معارضه هو اصلا المعارضه داخلها توجد معارضه يعني يا ناس المعارضه ويا البتتكلموا ضد الحكومه والمسؤوليين لو حكمتوا السودان حتعملوا شنو والله العظيم تودوه الجحيم بالله عليكم الله شوفوا ليكم سياسه تانيه اتكلموا فيها لان سياسة المؤتمر الوطني انتوا ماقدرها وكل اناء بما فيه ينضح وللاسف الاناء بتاعكم فارق ياهو الكلام الما بودي ولا يجيب نتيجه ده
الزول دا بكلم شماسة
السلام عليكم ( الجمل ما بشوف عوجة رقبته ) انى تكونوا يولى عليكم تعالوا ننسى الحكام وكلامهم ونوصوف الحالة بتعتنا ( نحب المظاهر – نتجنب ونبعد عن النظافة – تتفشي فينا اعمال السحر والشعوذة نزو الاضرحة نتبرك بتراب ما سمو بالاولياء ياخي شبشبو نبوس فيه —– انزرنا الله كم انزر ال فرعون بالسنين نقص في الاموال امراض عجيبة مرة طوفان ضفادع ومرة اسراب ابو الجندي وامراض ما سمعنا بها وحاجات عجيبة حروب هنا وهناك اليس هذا ما سبق وان حدث لال فرعون ياقوم ( شعب للان يتبول في الشارع بالاسواق ) تعالو نتخليل ان جميع شعب السودان خرج من بلده وسكن بها يمن اهل ابان او المان او حتى لبنان هل يرضي امام بيته زبالة امام متجرة وساخة ( تفشت بين افرا الشعب اكل اموال الناس بالباطل اصبحنا اخطر من المصريين —– ان الله لا يغير ما بقوم حتى يغيروا ما بانفسهم )
الزول دا اصلا بتاع عمليات يعني عارفين عمليات شنو؟ ..بس القدر جابو لينا يكون في المنصب الرفيع …..غايتو ان شخصياً لسوداني اقبلوا بس عليكم الله يا ناس الرئاسة ما تفضحونا في المؤتمرات العالمية والتمثيل الخارجي ……