سياسية

الكودة يطالب “بكري صالح” بإنقلاب عسكري ضد البشير لإرضاء الله


دعا المعارض السوداني الدكتور يوسف الكودة نائب الرئيس السوداني “بكري صالح” بضرورة القيام بإنقلاب على الرئيس السوداني عمر البشير يستلم فيه بكري السلطة ثم يسلمها للشعب .

وكتب المعارض السوداني المقيم بسويسرا “دكتور الكودة” بحسب رصد النيلين على فيسبوك(سبق أن تقدمنا لكم بمقترح ضرورة استلامكم السلطة ومن ثم القيام بتسليمها للشعب السوداني وها نحن نجدد الطلب ملحقين بطلبنا الأول ما توصلتم إليه أنتم من مخاطر جمة لحقت بالبلاد جراء الكذب والتزوير الذي ظلت تمارسة حكومات الإنقاذ المتعاقبة ووزرائها وولاتها ذكرتموها بمؤتمركم الصحفي التاريخي الأخير.

سعادة النائب أن الكيل طفح والضرر بلغ مداه مما لم تعد هناك إمكانية لانتظار اومعالجة ،فقم بما يرضي الله عل ذلك يكتب لكم في ميزان حسناتكم ماسحا لسيآتكم
والله من وراء القصد).

الخرطوم/معتصم السر/النيلين


‫19 تعليقات

  1. يا كدوتي راحت عليك خلاص ….وباب الريد واتسدا …باي باي ومرحب يا زهايمر

  2. ياااا الكودة طيب ماتسوق زوجاتك التلاتة الباقيات واولادك الباقين من زيجاتك السبعة.. سوقهم معاك اوربا عشان الله يرضى عليك…مامعقول تسوق واحدة وتخلي الباقين!!!..
    لكن مابتقدر ..تعرف ليه؟.. انت عااااارف..
    لانو لو (أولياء) نعمتك السويسريين شموا خبر بالموضوع دا انت طيارتك قامت من هناك.. الناس ديل ممنوع عندهم تعدد الزوجات..ولو عرفوا بالدليل القاطع انك في عصمتك اكتر من زوجة بطردوك… وانت ما ناقص ياخ…لكن السؤال هنا هل بتقدر ترضي الله وتعدل بين زوجاتك وتشيلهم معاك ولا بتخاف من غضب الناس ..
    احسن حاجة (تضرب) الجو داك وتحك باقي دقنك و(تدفن) دقن وتعمل رايح… مالك ومال الشبك..انت مش شردت..آيي خليك في حالك

  3. هربت من البلد ومشيت فرنسا وتطالب النائب الاول يعمل انقلاب وهو فردة البشير ؟
    بالمناسبة انت هناك شغال شنو ؟ وبتصرف علي اسرتك من وين ؟

  4. خسارة فيك الفرصة الاخذتها في الدراسة بالسعودية
    انت بقيت ما عندك موضوع
    أمسك لسانك اخير ليك
    نحن بكره الحكومة لكن ما عاوزين منك نصائح

  5. … من مخاطر جمة لحقت بالبلاد جراء الكذب والتزوير الذي ظلت تمارسة حكومات الإنقاذ المتعاقبة ووزرائها وولاتها..
    طيب وبكري دا واقع من السماء؟؟!! ماهو زاتو ضمن حكومات الإنقاذ المتعاقبة ووزرائها وولاتها!!
    هو انت قاعد في سويسرا تعمل شنو؟ تعال انصلي بالاسعار والهجيرة دي عشان تقلبها انت. قال سبق أن تقدمنا لكم بمقترح قال!

  6. الكودة الجنينة قال ناس الأمن كانوا مسلطين عليه جني يا ترى الجني مشى معاك سويسرا ولا لا ؟ الكودة اتفضح وهو يعاكس الفتيات في الفيس قام عمل اعتذار وقال دا ما هو ديل الشباب العملوا ليه الحساب ، زوجات الكودة المطلقات شافن الويل منو .. السعوديين وقفوا راتبه طوالي وقف ( الدعوة ) وخطب المساجد آل إيه ؟ قال انو دعوته في الفيس اتوسعت و انتشرت بمتابعيه الكثر ، اللي عايز يعرف نوع متابعيه الكثر يدخل بروفايلاتهم و يشوف العجب ، الكودة دا و أخوه مبارك الإتنين جنينات لكن داك أعقل شوية ، الكودة الجنينة ما لقى مناسبة يفتتح بيها علاقاته مع المتمردين غير مناسبة وثيقة الفجر الجديد !!!!! تف على الكودة

  7. تعليقي الأول يا إدارة لو ما عجبكم فيه آخر كلمتين أحذفوهن و أنشروا الباقي

  8. العلماء في السودان بقو الكودة وشيخ الأمين
    الصبر من عندك يا رب العالمين

  9. تجارة بالدين على الطريقة السويسرية
    طريق ربنا براهو
    وطريق السلطة براهو
    يادكتور

  10. يا كودة خليك فى همبريبك
    انت مالك ومال الشعب
    بل انت مالك ومال السودان
    انت مش خليت السودان ومشيت لاوربا عشان تاكل
    قال لاجى سياسى قال
    خليك فى حالك وما لك دخل بالسودان

  11. فهنئا للشعب بهذا البشير وهنئا للبشير بهذا الشعب الوفي. من التعليقات يتضح أن الكودة يكورك خارج الشبكة ولايمكن الوصول لما يحلم او يحلو له.

  12. إنت كنت حرضت قوش ولا شنو؟؟؟ كلامك ينم عن جهل بل غباء زي ما قال ليك فوق بكري دا واقع من السماء ولا أحسن من البشير.

  13. دعا المعارض السوداني الدكتور يوسف الكودة السوداني نائب الرئيس السوداني بكري صالح السوداني بضرورة القيام بإنقلاب سوداني على الرئيس السوداني عمر البشير السوداني يستلم فيه بكري السوداني السلطة ثم يسلمها ليوسف الكودة السوداني !!! هذه أعراض زهايمر ـ نوصي بالتقليل من أكل الشوكلاتة لأنه يحتوي على الكثير من دهن الخنزير .

  14. ههههههههه يامحمد الرشيد … ضحكتنى تعليقك جميل الله يقطع ابليسك …