منوعات

صاحب شركة النصب والإحتيال “تساهيل”يحتفل بإكتمال مزرعته ويشكر الله


احتفل خالد الكتيابي صاحب شركة تساهيل المثيرة للجدل بإكتمال مزرعته وحمد الله وشكره على ذلك وكتب على فيسبوك بحسب رصد موقع النيلين
(الخضرة والوجه الحسن تشرح الصدر الحمد لله الذي وفق وسهل اكتمال المزرعة اللهم لك الحمد والشكر، اللهم انعمت علي فأعيني علي شكرك).

ونشر الكتيابي عدداً من الصور لمزرعته نالت إعجاب أصدقائه.

ويشير النيلين ومن واقع أخبار تم نشرها على الصحف السودانية وصفحات التواصل أن شركة تساهيل تقوم بعمليات نصب وإحتيال واسعة وهنالك شكاوى كثيرة مقدمة من المواطنين وأضرار لا تحصى تعرضوا لها بعد أن ظلوا يتهافتون على شركات الأنشطة المتعددة «تساهيل».

تم النصب على المواطنين بعد ان أودعوا مبالغ مالية كبيرة للدخول في مشروع استثماري او شراء عربات تجارية تساعد على تحسين الدخل أو قد يكون عقاراً، كل ذلك يذهب هباء وتنتهي الآمال والطموحات.

ولمعرفة تفاصيل عمليات الاحتيال يمكن الرجوع للروابط أدناه كنماذج لما نشره موقع النيلين في وقت سابق
تسـاهيل والجـوكـر .. الاحتيـال المنظـم

شركة تساهيل الكذبة الكبري..قصة اكبر نصاب في تاريخ السودان

بالوثائق ضحايا جدد لشركة تساهيل للتشييد

شركة تساهيل تأخذ ضمانات حقوقها.. فمن يأخذ حق المواطن

الخرطوم/معتصم السر/النيلين

كتيابي1

كتيابي2

كتيابي4


‫23 تعليقات

  1. عارف ياكتيابي نصيحة ليك لوجه الله اذا عليك اي حقوق من الناس أرجعها ليهم والله ربنا يبارك ليك في الحلال ولو كان قليل وماتنسي الموت فهو قد ياتي في اي لحظة ولو سكنت في القطية ألفي الصورة دي وأكلت كسرة بموية احسن وابرك ليك من قصر من حقوق الناس.فقد يأتي عليك يوم تتوب فيه ولكن لا تجد المال لترجعه لأهله او لا تجد اصحاب الحقوق نفسهم

    1. يا راااااااجل !

      يعنى لو عايز يلبس بدلة لبنية يكلم الجماعة يقول ليهم طلعوا الكنب اللبني من المخزن …. معقول يعنى !!

  2. كل صاحب نعمة محسود . . المزرعة دي يمكن تكون من حر ماله لكن دايما الناس تشكك في شرعية غنى الاغنياء

  3. الزول دا اكبر نصاب بعرف كان بعمل شنو قبل الشركه وشغلو كان شنو اسكت يازبيدي

  4. الوقت ده النصب اصبح مباح وادركود الكتيابى الصباح وكل الكسرة والملاح والحاسد يقول كلامى ماصاح

  5. يا جماعة دي ما دايرة ليها درس عصر اذا في زول الكتيابي ده اكل حقو وشقا عمرو يصل مزرعتو دي ويحرقها ليهو
    دي اللغة الوحيدة البفهموها الجماعة ديل

  6. النصب والاحتيال بقى عادى جدا فى السودان المنكوب يعنى هى بقت على صاحب شركة تساهيل

  7. ياناس هسى المزرعه دى غير القطيه دى فيها شنو ؟؟ يعنى مافيها قصر ولا فيها نيل جارى ولا فيها اشجار فاكهه ولا فيها اسفلت داخلى ولا سيارات واقفه جوه عااااااااااااااااااااااديه جدا ممكن تتوفر لاى واحد ميسور الحال الجوطه في شنو اى تاجر بسيط عندو احسن مليون مره من المزرعه دى لكن الشكوى لله ده حالنا بقى كده

  8. في السودان اي زول عنده جضوم اعرفه حرامي .. اصلا الجضوم ما بتتكون بالحلال ..

  9. القنوات هي من ورائه اذا كان نصب يجب محاسبة كل من اظهره على الاعلام خاصة اي مغترب يشاهد البرامج يصدق ماذا تبقى لنا اين نذهب ونصدق من