زواج سوداناس

الليله كان كلكلوك مابتضحك



شارك الموضوع :

*الشفناهوا امس ده بطل افريقيا
*الشفناهوا امس ماقادر يعمل هاجمه واحده ده بطل افريقيا
*الشفناهوا امس جايينا بي خطة الجزارة ده بطل افريقيا
*الماقدر يوقفنا بالشلوت ده بطل افريقيا
*عرفتوا ليه بقول ليكم شامي لي ريحة مطار ؟؟؟؟
*ياناس هووووي
*المطار مطارنا
*كان يرضي التطوان او يزعلوا
*تطواني ايه الجاي تقول عليه
*مدرب كبير بعرف يقود المباراه بي مزاجو كيف
*لاعبين مرتبطين بتوجيهات المدرب التقول مشغلهم بالرموت
*مهارات بالهبل
*مانمشي المطار كيف بس ؟؟؟
*المهم
*امس بالنهار اتصل علي واحد تطواني
*قال لي مشينا الفكي اديناهو خمسين مليون عشان تتغلبوا
*قلت ليهو كان قصرت بنتمها ليكم
*وقال لي الليله د\ايرين نضحك فيكم
*عليكم الله شفوففوا ليكم تطواني زي ده
*المهم قال لي دايرين نضحك فيكم الليله
*قلت ليهو والله الليله لو كلكلوك ما تضحك
*اظنو لي اسي ببكي
*ايها الناس
*لوحه رسمها الشفوت بالاستاد
*اجبرت السطايفه علي التصوير بالموبايلات والكاميرات
*دهشه
*روعه
*شفتنه
*جمهور بطولات
*مافي شك
*جمهور يملي العين موش يكف العين
*جمهور بعرف شغلو شنو
*شكر كبير للشفوت
*والامواج المريخيه كانت اروع امواج
*امواج دي موش في شارع المطار ؟؟؟
*اسي الجاب سيرة المطار شنو ؟؟؟
*خلونا من التطوان
*شفتوا بكري امس
*القون الاول بلنت معاهو
*والقون التاني جهزها بكري
*ويقولوا ليك بكري ما عمل شئ في المريخ
*بكري ياناس لو ما اضاف للمريخ فرق مع الهلال
*ولو ما فرق مع الهلال اضاف للمريخ
*اختاروا ليكم واحده يا تطوان
*المهم
*بكري بلعب بخطة ضربني وبكي سبقني اشتكي
*يقول للاعب دردقها لي
*دردقها وماعندك شغله
*ولما يدردقوها ليهو
*يظهر ليك للحارس
*عديل كده بقول ليهو كان راجل اهبشني
*يا يخليهو وتبقي وووب
*يا بلنتي وتبقي وببين
*كان راجل اهبشني
*خلونا من التطوان
*جمهور امس ده جمهور نصاح !!!!
*جمهور اكتر من مواطني التطوان
*بتاعين الحمامه البيضاء
*الحمامه البيضاء الشالت البيض من عش الحمامه الزرقاء
*بالغتي يا الحمامه الزرقاء
*المهم
*شن جاب لي جاب
*جمهور في الاستاد يهتف الله لينا
*وجمهور في الاستاد يهتف الله علينا
*الفرق كبير بين لينا وعلينا
*ايها الناس
*الشفناهوا امس ده هو بطل افريقيا 2015
*قبل التطوان ام طرشقوا
*لكن شيبوب بالغ
*ده حالتو مسجل رديف
*بمناسبة رديف دي
*حقو ناس روشا كورة مازيمبي يلعبوها بالرديف
*التطوان غلبوهم عشان ما لعبوا بالرديف
*كان يلعبوا بالرديف
*جيبوا الرديف يا روشا تاكلوا عيش الريف
*ده كاس كبير ما لعب زناطير
*اخير تتموا مدتكم السنه دي بالرديف
*عشان ينجضوا للسنه الجايه
*وطبعا نحنا لما نكون حامل اللقب بفضل الله
*مابنفرط فيهو قريب
*يبقي ناس رديفكم اخدوا خبره زياده
*وما مشكله
*اصلوا ابو الهل مصفر سبعه وتمنين سنه
*مافارقه كان صفر تاني سبعه وتمنين سنه
*علي بال ما الشفع ينجضوا يا كردنه
*يكون الاهله الشرفاء نجضوا
*المهم
*التطواني يا ربي ضحك ؟؟؟
*غايتو لو بعرف بيتو كان مشيت كلكلتو
*الزول رايحه ليهو ضحكه
*ايها الناس
*نحمد الله الذي من علينا بمدرب كهذا
*نحمد الله الذي اكرمنا بجمهور كهذا
*نحمد الله الذي اعطانا لاعبين زي ديل
*نحمد الله الكردنه فرط في العقرب
*نحمد الله مقدما علي بطولة افريقيا السنه دي
*ونحمدوا كذلك علي كاس السوبر الافريقي
*ونحمدو علي اللعب في كاس العالم للانديه
*غايتو في ناس كده الا يطيروا
*اليوم داك تبقي بلدنا خاليه منك يا ملاريا
*لاتطوان في امدرمان
*بطشوا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*شفت امس كورتنا يا والينا
*هي كورة نصاح !!!!
*بكري المدينه غيرنا اسمولي بل المدينه
*نضف ولايتك يا والينا
*لما تقلانا شلنا كاسنا وبالطياره جينا
*علق في كل عمود رتينه
*عشان الكهربا ما تقطع علينا
*خت في اي لافته علم مريخي نجمتو زينه
*واسألنا
*الكاس ده رقم كم بالطياره قول لينا
سلك كهربا
ننساك كيف وامس الكلب زاتو انبسط
والي لقاء
سلك

شارك الموضوع :

تعليقات الفيسبوك

تعليقات


4 التعليقات

إنتقل إلى نموذج التعليقات

      1. 1
        الصاموتي

        كلكلوك!!!!! !!!!!!! يكلكلك الكلكل حبوبتك

        الرد
      2. 2
        أبو هاشم

        والله يا أستاذ بس لو أجلت حكاية المطار وشامي لي ريحه ووووو الكلام من دا لو اجلت هذا الخرف إلى ان يصل المريخ المباراة النهائية إن شاء الله وبعدين تتنبأ .والله ما خايفين على المريخ إلا منكم انتم . الشيى التاني عليك الله بطٌل مكاواة الهلال . وركز انت ومزمل في النقد البناء اللي ممن يفيد المريخ . مانا احسن من الهلال في شي الان المريخ شكلوا شكل فريق يشرف الناس بس المرحلة الجاية أشد صعوبة طبعا نحن بنفكر ما بعد دور الأربعة لامن نلاقي مازيمبي .اها ديل بكجور بخمونا بلعب بخمونا مالم نحل مشكلة هجوم المريخ واضاعته للسوانح السهلة . جالك كلامي يا أستاذ نحب عمودك وبنشتري عشانو بس ركز في ما هو أنفع للمريخ ….. ودمتم ……

        الرد
      3. 3
        abdu

        ده شنو يا ساموطى، خاف الله……الكورة طايرة وانت وراها…اسلوب شوارعى…..حسبنا الله ونعم الوكيل

        الرد
      4. 4
        omar

        الحاجة الوحيدة البتحك هي غباءك. لا ومصر انه صحفي ودمه خيف كمان.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *