سياسية

الشعبي يطالب بإلغاء تأشيرة الدخول للجنوبيين


طالب حزب المؤتمر الشعبي المعارض في السودان، بفتح حدود بلاده مع دولة جنوب السودان وإلغاء التأشيرة للجنوبيين، داعياً الخرطوم للعمل بصورة جادة على وقف الحرب بين الفرقاء في الدولة الوليدة لتحقيق التواصل الحقيقي مع السودان.

ووصف الأمين السياسي لحزب المؤتمر الشعبي كمال عمر، في المنبر الدوري للحزب بالخرطوم، انفصال جنوب السودان بأنه سياسي. وقال إنهم يجتهدون لتحسين العلاقات بين البلدين.

ودعا الحكومة السودانية لبناء علاقات قوية، “بعيداً عن المصالح المتعلقة بالبترول والتجارة، خاصة وأن العالم أصبح كتلة واحدة” – حسب تعبيره -.

في سياق آخر، قال عمر وهو عضو بآلية الحوار الوطني (7+7)، إن الجمعية العمومية للحوار الوطني ستنعقد في 20 سبتمبر المقبل لإعلان أسماء 50 شخصية قومية، ورؤساء اللجان الست ونوابهم، وخمسة من الموفقين، و25 شخصاً يمثلون الأمانة العامة، منوهاً إلى أن انعقاد الجمعية يمثل إيذاناً لانطلاقة الحوار بشكل رسمي.

وأوضح أن اجتماع اللجنة التنسيقية فوَّض القوى السياسية للاتصال بالحركات المسلحة، وبعض قيادات الأحزاب وعلى رأسهم الصادق المهدي، تمهيداً لانخراطهم في الحوار، مشيراً إلى أن اللقاء التحضيري بالخارج محصور على الحركات المسلحة لإيجاد الضمانات لمنسوبيها بالخرطوم حال حضورهم للحوار.

شبكة الشروق


‫13 تعليقات

  1. البصيرة ام حمد قطعت الراس ودايرة تكسر الزير

    1. دا كلام للاستهلاك فقط ..
      هسي لو الجنوبيين ديل دخلوا الشمال حسب طلبه، وجات أسرة جنوبية عملت ليها راكوبة في الفسحة اللي قدام بيته .. ح يتصل بالبوليس طوالي وما ح يخش البيت قبل ما يتأكد من ازالة السكن العشوائي وطردهم .. والكلام دال بينطبق علي 99% من الشماليين اللي (عاملين) فيها متعاطفين مع الجنوبيين .. خاصة لو الموضوع جاب ليهو تداخل اجتماعي أو مصاهرة طوالي بيظهروا علي حقيقتهم.. عشان كدا ما في داعي للكضب يا جماعة الناس ديل انفصلوا ربنا يسهل عليهم .. أصلا نحن ما كنا نافعين مع بعض .. وفي عدم ثقة شديدة، ممكن نبقى جيران مع (الحد الأدنى) من حسن الجوار .

  2. لن تقوم لنا قائمة اذا نقص عندنا الحس الوطني و الغيرة على الوطن كما نرى في مثل هذا الكلام ..الجنوبيون لا يكنون لكم غير الحقد و الكراهية و قد عبروا عنها بوضوح في استفتاء حر ..ثم يا اخي هل انتهت مشاكل السودان الاقتصادية والامنية و السياسية حتى نطالب بفتح الحدود? البلدان في كل العالم تحمي حدودها من النزوح لان ذلك ضد المصلحة الوطنية العليا ..الحقيقة ان البعض يريد ان يخطب ود مواطني دولة جنوب السودان نكاية في الحكومة و لا يدري ان هذه نكاية في هذا الشعب المنكوب

  3. مقترح خاطئ مائة بالمائة وانت اصلا مامفروض تتكلم في حاجات زي دي لانو حزبك الشعبي وشيخك الترابي سبب بلاوي السودان كلها والجنوبيين لا يكنون لنا الا الحقد والعداوة وهم من صوتوا للانفصال بنسبة 99% وبعدها طوالي ضربوا هجليج زعموا ان ابيي جنوبية ويوون حركات التمرد التي تقتل في ابناء دارفور وجنوب كردفان والنيل الازرق يوميا اذهب ياكمال عمر غير ماسوف عليك

  4. الحدود دى ماكانت مفتوحة والبلد واحده والشعب واحد من الذى طلب الانفصال بالله عليك ما بتخجل من كلامك ده والله انته انسان عديم الدم وعديم الوطنية وكلامك ده كلو ما مقصود منه إلا الظهور ولكنه كلام ينم عن ثقل دم قائله وعدم احساسه ناس صوتت بنسبة 99% للانفصال تجى تقول نفتح حدودنا معاها لا تحرق دمنا بالله واترك السودان فى حاله انت انسان لاتنتمى للسودان .

  5. وإيه رأيك يكون من كمان من طرف واحد زي التأشيرة مع مصر التي هي وضع نهائي وليس انتقالي برضا واستسلام عجيب ومشبوه من حكومتنا

  6. والله أكرر وأقول للمره المليون ان البلد ليست لها وجيع وان هؤلاء الناس أتوا من كوكب اخر لا ينتمون لهذا الوطن الغالي بصلة وللأسف هنالك اجهزة أعلام وصحافه منحطة تسمح لهؤلاء الارازل ان يسرحوا ويمرحوا ان ما شأوا ولا رقيب ولا من يظبط هذه التصريحات الجوفاء التي تسئ لهذا الوطن الرائع الذي اصبح يتزيل القوائم في كل شي الفساد البييه وخلافه برغم الأزمات التي تمر بها بلادنا من أزمات اقتصاديه وسياسيه وحروبات أدت ولا زالت تعيق مسيرة هذا الوطن الجميل الصابر أهله هذه تصريحات جوفاء لا تنم على غيرة حقيقية لأي من ينتمي لتراب هذا الوطن الغالي كل من هب ودب حكومة ًمعارضه لا هم لها الا الكرسي وإنسان هذا الوطن في ضياع والمواطن السوداني بموت واقف على حيله ولو فيه حيل أمن هذا الوطن يهم كل سوداني غيور على وطنه ويكفينا ما يكفينا حتى نسمح لهؤلاء الذين فرزوا عيشتهم لوحدهم والله من وراء القصد
    و

    1. %100000000000000

      كمال عمر
      الكوده
      الترابي
      امين حسن عمر
      بت الصادق
      فاطمه الصادق
      الرشيد علي
      10000 فنان و فنانه بنبحوا ليل و نهار
      وزير الكهرباء
      زياده الاسعار كل يوم
      زياده الدولار
      الدوله العميقه
      الفساد

      الخ………………………………………………….

      عارف دي سبب بلاوي السودان و معاها حاجات تانيه

  7. شعب مرجانيه تقوم ليك فى راسك الفاضى دا شعبى شنو وخرف شنوا عالم عديمه فائده ودايره تظهر كل شهرين بموضوع جديد وفتوى جديده عطاله اتعودوا يمصوا فى دم الشعب وينا دكترتكم وسجم شهاداتكم الغير ما ضيعت البلد ما سوت حاجه دى وانا لو محل الحكومه بكومكم فى الحدود عشان الجنوبيين يوروكم حاجه ومن ناحيه السودان بخت ليكم الدعم السريع برضوا عشان تفهموا حاجه بدل شهاداتك الما نافعه دى

  8. هذا الرجل يهرف ولا يعي ما يقول ، هل هذا الكمال عنده عقل ، ناس انفصلوا واسسوا دولة ، وربنا بجودوا وكرموا ابعدهم مننا
    الان تضرب الكوليرا معظم الجنوب وامراض اخرى وداير تجيبها للسودان ( يبدوا انك ) عايش في كوكب اخر ، والله متسغرب ليه الترابي عين هذا الشخص كمتحدث باسم المؤتمر الشعبي ، هذا لا يحسن التحدث عن نفسه فكيف يتحدث ان حزب فيه وفيه … الترابي لان عنده قل على الحكومة فعين هذا الرجل لانه بذيء اللسان جعله يتكلم نيابة عنه ، تذكرون ظهورة في بعض القنوات ايام كان يكيل الانقاذ السباب والشتائم ، كل ما قاله مسجل ومحفوظ ( ولنعتبر ذلك في اطار الكيد السياسي )
    بس نقول شنو في رجل عايز يجيب الامراض لبلده ويفتك بما تبقى من الشعب