زواج سوداناس

مواطنون يرفعون الكلفة مع نائب الرئيس.. يا بكري يا بكري ..عليك الله أسمعنا!



شارك الموضوع :

تفاجأ المراجعون بجهاز المغتربين نهار يوم الإثنين بدخول الفريق بكري حسن صالح النائب الأول للرئيس السوداني ودخوله لصيوان المنتظرين ..شاهد عيان كتب:الناس لما شافوا نائب الرئيس من شدة ما ممكونة وزعلانة ومغبونة شبكوهو: يا بكري يا بكري (بدون ألقاب)..عليك الله تعال شوف الناس ديل بعملوا فينا كيفن !

النائب الأول وقف وإستمع لشكاوي بعض المراجعين ودخل المكاتب وتفقد سير العمل والإجراءات وهرش المسئولين بالمغتربين وطلع والناس جارية وراهو: يا بكري يا بكري أسمعنا شوية !.

بقلم: تهاني عوض

بكري صالح1

بكري صالح3

شارك الموضوع :

تعليقات الفيسبوك

تعليقات


24 التعليقات

إنتقل إلى نموذج التعليقات

      1. 1
        OMAR ALKASHEF

        رفعوا الكلفة؟؟؟
        هو من الشغال عند منو؟
        المواطن عند الحكومة ولا الحكومة عند المواطن؟

        الرد
      2. 2
        العم

        يابكري يابكري عليك الله أسمعنا … تنفع من ضمن أغاني البنات

        الرد
        1. 2.1
          احمد بحري

          يابكري يابكري عليك اسمعني
          شيل همي وزيل المي يا بكري اسمعني

          الرد
          1. يحيا العدل

            يابكري يابكري ارجوك اسمعني
            شيل همي زيل المي بكوري اسمعني
            ايصالكم ال بالنت والله موجعني
            ماخد زمنا عديل والشبكة تمنعني
            جوازكم الجبتوه ورقمكم الوطني
            ماقلنا فيهن شي لكنو مرمطني
            يابكري يابكري ارجوك اسمعني
            شيل همي زيل المي بكوري اسمعني
            ***
            ورا ورا ورا ورا الصفقة الصفقة الصفقة

            الرد
      3. 3
        العم

        ذكرنا زمن رامبو البجي ناطي من الهليكوبتر

        الرد
      4. 4
        صا بر

        الناس اللابسين النظارات ديل كلهم يا مجرمين يا مسطولين شكلهم ده ما شكل ناس عاديين.

        الرد
      5. 5
        هاشم

        كيف يعني طلع والناس جاريه وراهو؟
        يعني هو أصﻻ كان جاي show off وﻻ للوقوف علي واقع مزري ووضع حلول لذلك؟
        نشوف من هنا لي عشره ايام راح يحصل تحسن وﻻ من سيء ﻷسوأ!

        الرد
      6. 6
        متسكع

        ديل رجال امن ولا شيالين غي فرقة مسيقية
        ما خليل فيكم اللبس ولا اشكالكم رجال حرس

        الرد
      7. 7
        كتاحة

        دا بتاع تاني مافي عضه ولاشنو ؟؟

        الرد
      8. 8
        امريكي

        بالله عليك الله دي خلق دي وبعد دا كولو تلقاهم بانيين اعلي العمارات في كافوري

        الرد
      9. 9
        محمد أحمد

        و تيمان برقو ديل شنو!! معقول ديل حرس بكري..مهزلة..

        الرد
      10. 10
        ود البطانة

        للأمانة كثير من الضباط والعساكر العاملين بجهاز المغتربين وفي أماكن الجوازات بيعملوا ويتفانوا في عملهم وأنا شاهد عيان علي ذلك وليس لي فيهم قريب ولا صديق ولاحبيب ، المشكلة تكمن في الكثافة العددية للمغتربيب مع قلة نوافز الخدمة ، اعتقد عشان تحل المشكلة يتم فتح نوافز خدمة تكفي الأعداد المتزايدة كل يوم

        الرد
      11. 11
        بلد

        ان شاء الله تتحسن الخدمه وتستلم الجواز اليوم التالي

        الرد
      12. 12
        ابوهتون

        لبس الحرس ديل ذكرنى كماسرة بص ابورجيلة زمان هههههههههه

        الرد
      13. 13
        أبوأحمد

        السلام عليكم ورحمة الله وبركاته

        غايتو في ضابط هنا في السفاره في الرياض إسمو آدم تقريبا عميد هو المسئول عن التصاديق الرجل ده قمه في الأدب والتعامل والذوق وشايف شغلو تمام ماشاء الله عليه ربنا يحفظه ويوفقه.

        ويشهد الله أنا ما عندي معاهو أي معرفه أو أي علاقه أو قرابه لكن غصبا عن الواحد الذوق والأدب والمعامله الراقيه لازم تلفت نظرك.
        الله يوفقك دنيا وآخره

        الرد
        1. 13.1
          أبو هبه

          اوافقك الرأي ي اخي أبوأحمد راجل في قمة الأدب وقايم بشغلو تماما

          الرد
      14. 14
        واقعي

        هسه نظرة بكري للمواطن في الصورة التانية دي مش نظرة زول ساطل عديل ؟؟

        الرد
      15. 15
        صالح بجاوي

        السلام عليكم

        والله العظيم ياناس مرة دخلت نقاش مع احد الضباط في الازدحام والاسباب قال لي بملا الفم المكان والمساحة ضيقة ونحن طالبنا من قبل اكثر من مرة ولا بايدينا شئ غير الانتظام والصفوف لحين الفرج

        وانا بقول ليكم يهو الفرج جاكم لحد عندكم منتظريين شنو تاني

        الرد
      16. 16
        عبدالله

        زيارة موفقة وإن شاء الله لها مابعدها.. أولا: لماذا ضياع الوقت والجهد لعمل تأشيرة خروج يمكن أخذها من المطار؟
        ثانياً: ما هي المهمة التي يقوم بها جهاز رعاية المغتربين؟ فكنت أتمنى من السيد النائب الاول بعد تفقده لصالات الجوازات وتسوية الضرائب والزكاة . أن يقوم بزيارة (المكاتب الغربية) والتي تمثل 20 ادارة ومبنى فخم وكبير بإسم مركز ابحاث ودراسات الهجرة .. 20 ادارة سيادة النائب الاول ادارة للتعليم وادارة للتربية وادارة للدمج واعادة التأهيل وادارة للعودة الطوعية وادارة للاستثمار وادارة الجاليات وادارة قضايا العمل والعمال وادارة وادارة والمغترب يجي للجهاز ماداير سوى (التأشيرة). اذا كلها ادارات للاستهتار بموارد الدولة والمواطن . جهاز المغتربين يتقاضى رسوم قدرها (25) دولار من كل جواز ويقول هذه رسوم (خدمة) يقدمها الجهاز للمغتربين فأسألوا المغتربين عن الخدمة التي قدمت لهم؟ رسوم ورسوم والدم قبل الدولار للوطن !! فلماذا النتيجة (رسوب) ؟
        سيادة النائب مع الاحترام والتقدير نرجو أن تقوم الجهة المعنية بدراسة عمل هذا الجهاز وأجهزة أخرى بعمل استبيانات بموقع (مكتب سيادتكم) وسؤال المغتربين عن حلمهم وأحمالهم التي يتمنون حملها للوطن

        الرد
      17. 17
        kimo

        احقاقا للحق يوم السبت الماضى كنت فى قنصلية جدة لمعاملة رقم وطنى لى ولعائلتى رغم الازدحام والحر الا ان تعامل الضباط معنا كان قمة فى الادب والذوق انا بنفسى تمت مساعدتى بصورة جميلة رغم تخلف معاملة اصغر الابناء بسبب شهادة الميلاد.
        نرجو من كل متظلم يكتب عن ظلامته ان يكتب ليضا حين يجد تعامل راقى فمن لا يشكر الناس لا يشكر الله

        الرد
      18. 18
        عزالدين

        والله العظيم اغتربت حوالى 26 سنة وسمعنا كل ما يمكن ان يقال عن المغتربين وانهم سيجدون الاعفاءات الجمركية والمساعدة التى تمكنهم في العيش الكريم بالسودان عند العودة والله العظيم ما في أي شيئ مقابل الضرائب التي تؤخذ بغير حق من المغتربين خليك من التحويل الالزامي ثم الزكاة على المستوفي وغيره كلها دخلت وين الله اعلم بها لكن للمغتربين العائدين والله لاشي نهائيا وما زالت الطاحونه مدوره تفرم حقوق الناس الذين يعانون الغربه والامها نسأل الله السلامة والعافية .

        الرد
      19. 19
        العم

        الناس مطالبها بسيطة وهي من أبجديات حقوق الانسان وهي أنو الواحد يستطيع أن يقوم بكل اجراءاته بسهولة ويسر وطريقة حضارية وانسانية وذلك يتلخص في الاتي …
        وضوح الاجراءات في المرافق الخدمية
        حفظ النظام ومنع التكدس والهرج
        سرعة الاجراءات بحيث لايتجاوز زمن النتظار نصف ساعة على سبيل المثال
        منع الواسطات والمحسوبية والرشاوى
        وجود صالات انتظار تليق بالانسان من وجود كراسي وتكييف الخ
        حسن المعاملة من الموظفين والمسؤوليين مع بذل النصح والارشاد

        الرد
      20. 20
        kabashi

        هذه بادرة طيبة من مسؤول يزور مواقع العمل وخاصة جهاز مثل جهاز مراجعة المقتربين فيه من كل ألوان الطيف السوداني من العامل البسيط الي المحاضر والمتخصص في مهن عالية المستوي والجهاز يقوم بمساهمة فاعلة في اقتصاد البلد … وهنا نقول الكلام دخل الحوش وهذه الزيارة لم تأتي من فراغ وانما اتت بعد سماع نائب رئيس الجمهورية لبعض معاناة المقتربين وتعامل الموظفين بدواوين الحكومة .. نسال الله ان لا تكون زيارة عابرة وان تكون زيارة لحل مشاكل ومعاناة المقتربين نهائيا وان يكون لجهاز له اكثر من فرع داخل العاصمة وفي اكثر من مدنية وان يضاف عدد كافي من الموظفين لتقديم الخدمات للمقتربين في اسرع وقت وفي الوقت المناسب حتي لو تفرض مبلغ عشرين جنيه على كل مراجع من المقتربين لتبني وتأجر بها المكاتب الجديدة خاصة هذه الزيارة للرجل الثاني في الدولة لابد ان يكون لها اثر قوي وفاعل في حل المشاكل بكل انواعها وكان الله من وراء القصد والحمد لله

        الرد
      21. 21
        عبودالازرق

        اتمني ان تتبع الذيارة قرارات تساعد المغتربين بانهاء اجراءتهم في اسرع وقت ممكن الاجازة مدتها قصيرة ومكان وجود المراجعين لعمل التاشيرة عباره عن ممر ضيق لو تم عمل صالة كبيرة مكيفه مع الكراسي وجهاز ارقام كل واحد يدخل ياخد رقم ويجلس
        ذي نظام البنوك اعتقد بتسهل كثير ويتم عمل نافذه لحالها لمكاتب الخدمات
        اما الشي التاني ودي للمسئولين عن مكتب النائب الاول كل حرسه اقصر منه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *