رياضية

صورة للاعبي الهلال بجوار “ست الشاي” تثير الغضب في مواقع التواصل الإجتماعي


أثارت صورة للاعبي الهلال في مواقع التواصل الاجتماعي غضب عشاق الازرق ومحبيه حيث كشفت الصورة التي تنشرها لاعبي الهلال و هم جالسين علي (بنابر) بجوار احدي ستات الشاي في الخرطوم جوار فندق الصنوبر الذي تقيم فيه البعثة.

و رجح ناشطون أن الصورة التقطت للاعبين قبل السفر الي كادقلي امس لأداء مباراة الدوري الممتاز مع هلال كادقلي وأبدي العديد من عشاق الهلال غضبهم تجاه هذه الفوضي

سودانا فوق


‫10 تعليقات

  1. أصلهم لاعبين في مانشستر يونايتد؟؟ ما يقعدوا ويشربوا شاي زيهم وزي خلق الله، هو السودان دا كله فيهو كورة ولا لعيبة كورة، ما كله دافوري وعجاج ،،،

    1. فعلاً حاجة عجيبة يا اب زرد اصلاً بلد مافيه كورة إلي نسمع ضجيج إعلامي اكثر ولانري كورة في الميدان لدرجة اصبح بعض الصحفين اشطر من المدربين واللعيية في التنظير
      انا الدكتور المافاقد تربوي زي ناس قريعتي راحت ديل بجلس وبشرب الشاي مع ست الشاي وتبقي اين المشكلة إذا جلس اتير ولا مساوي ولا بوي ولاغيرو وشرب شاي

  2. انا مريخابي
    هذا التصرف عادي جدا
    ست الشاي جزء لا يتجزء من نسيجنا الاجتماعي
    من منا لا يجلس ويشرب شاى او قهوه
    فهن منهن الافضل ولا تجد اشرف منهن حتي داخل القصور
    بل هنالك من تبع جسدها
    لا تستهذؤ بالعباد

  3. اوباما قعد وشرب قهوة فى اثيوبيا وحالتو لاقى وزير الخارجية بس لو كان لاقى السيد الرئيس كان تلقوهو قاعد فى شارع الصحافة شرق فى الديم دة حالكم الجديد شنو

  4. ست الشاي مثل للمراة المكافحة التي تقتاد عيشها من جهدها
    بالله كفاية عليها غلب المعيشة ونار الشاي
    امسكوا نظراتكم المسمومة ونفوسكم المريضة
    واتركوا الخلق للخالق

    1. بطلو تطبيل وتلميع لي ستات الشاي !!؟؟.. كفاح المراة السودانية العاملة .. ابدا ما مرتبط بي ستات الشاي !!.. من زمان هن عاملات ومكافحات في كل المجالات .. ساعد بي ساعد مع الرجال ايوا في كل المجالات .. مالو ست الشاي ممكن تكون مهنة للربح والتجارة .. زي عوضية سمك المشكلة شنو !!؟؟.. لكن لا انتو استغليتوها للتطبيل لعملية النزوح الجماعية للعاصمة !!.. يعني شغل مخطط ليهو من جهة واحدة .. زي ما قال غاندي للهنود

  5. القضية ما ست الشاى…القضية انو اذا كان بيشربوا شاى فى الشارع لازمة المعسكر شنو…؟

  6. ست الشاي الجلوس حولها عادي لكن الغير عادي القذارة التي خلفهم في الصورة

    1. كلو عادي حتي القذارة التي خلفهم في الصورة..كدي جيب لي صورة شارع في الخرطوم مافيهو مثل تلك القذارة؟