زواج سوداناس

بالصورة.. لاعبو الهلال يجلسون بجوار (ست) الشاي ويعرضون أنفسهم للسخرية والنقد



شارك الموضوع :

تعرض لاعبو فريق الهلال السوداني للانتقادات والتعليقات الساخرة داخل مواقع التواصل الاجتماعي علي خلفية صورتهم والتي أظهرتهم مجتمعين بجوار إحدى بائعات الشاي.

وبحسب الصورة التي تم تداولها بكثافة داخل مواقع التواصل الاجتماعي فقد ظهر بعض من نجوم الهلال وهم في لحظة من الصفاء و (الونسة).

رواد مواقع التواصل جعلوا من الصورة مادة دسمة للهجوم علي نجوم الهلال علي خلفية النتائج المتواضعة التي حققها الفريق في الآونة الأخيرة, فبعد خسارته أمام فريق المغرب التطواني في دوري أبطال أفريقيا عاد الفريق لتحقيق النتائج المخيبة وتعادل أمام هلال كادوقلي في الدوري المحلي.

البعض من الرواد انتقد لاعبي الهلال بسبب هذه الصورة حيث يري المنتقدين أن لاعبو الفريق الأزرق كان يجب أن يحترموا أنفسهم لأنهم يلعبون لنادي الكبير وليس من الصواب جلوسهم أمام بائعات الشاي لأن هذه المجالس ليست للعام وهم نجوم كان لابد لهم أن يحترموا شعار الهلال.

فيما دافعت طائفة من الناس علي لاعبي الهلال واعتبروا أن من حقهم الجلوس في المكان الذي يحبوه طالما هم بشر وجزء من المجتمع.

لاعبو الهلال مع ست الشاي

ياسين الشيخ _ الخرطوم

 

النيلين

شارك الموضوع :

تعليقات الفيسبوك

تعليقات


19 التعليقات

إنتقل إلى نموذج التعليقات

      1. 1
        سعد البركلي

        ست الشاي حاله ثقافيه سودانيه
        وليس هنالك اي عيب في الجلوس وشرب الشاي معها
        من يري ذلك عيب فالعيب فيه هو شخصيا وهو معقد نفسيا
        لان ست الشاي شئ من اشياء السودان الجميله
        هؤلاء النسوه مفخره للسودان
        متحملات مسؤوليات هرب منها الرجال
        هؤلاء النسوه اشرف من شباب هذه الايام العاطل
        شباب قاعدين يتسكعوا في الشوارع والطرقات والبنات شغلات
        البنات حتي في نتائج التعليم افضل الف مره من الشباب العاطل

        الرد
        1. 1.1
          zool

          بطلو تطبيل وتلميع لي ستات الشاي !!؟؟.. كفاح المراة السودانية العاملة .. ابدا ما مرتبط بي ستات الشاي !!.. من زمان هن عاملات ومكافحات في كل المجالات .. ساعد بي ساعد مع الرجال ايوا في كل المجالات .. مالو ست الشاي ممكن تكون مهنة للربح والتجارة .. زي عوضية سمك المشكلة شنو !!؟؟.. لكن لا انتو استغليتوها للتطبيل لعملية النزوح الجماعية للعاصمة !!.. يعني شغل مخطط ليهو من جهة واحدة .. زي ما قال غاندي للهنود

          الرد
        2. 1.2
          العم

          أعتقد انو المشكلة مافي القعدة مع ست الشاي المشكلة الكوشة القاعدين فيها دي …

          الرد
        3. 1.3
          العم

          بعدين فعلا ديل ناس الهلال ولا فريق حلة ساكت … مرات الكلام بكون مفبرك

          الرد
      2. 2
        حاتم

        عادى جدا جلوس لاعبين مع ست الشاى حتى لو سفراء او وزراء برضو عادى

        الرد
      3. 3
        سوداني وافتخر

        الصورة الاولى ظاهرين فيها زي اجدادنا الزمان تلتينات واربعينات

        الرد
      4. 4
        kaka vaka

        ست الشاي هي امي وامك …ست الشاي هي الكلمه
        الحنونه والضل البارد…ست الشاي هي امراه شريفه
        ست الشاي هي ام سودانيه
        ست الشاي وست الكسره وست الدكوه وست اللقيمات
        هن سودانيات اصيﻻت.
        اما ست العرقي دي الممكن نقيف فيها

        الرد
        1. 4.1
          zool

          يا زول .. دا شنو !!!!.. كدي قول بسم الله .. الموضوع دا مرتبط بفئة محددة .. الامر عادي عند رجاالهم انو يكونو قاعدين عطالة ذي ما قال سعد البركلي .. ( متحملات مسؤوليات هرب منها الرجال) .. قاعدين عطالة في معسكرات النزوح ونسوانوم شغالات ستات شاي في العاصمة !!؟؟.. مافيش داعي للتطبيل والتلميع !!!!..

          الرد
      5. 5
        OMAR ALKASHEF

        ست الشاي ممكن تكون اخت او ام او زوجة الكثيرين من ابناء بلدي والمهنة في حد ذاته ما فيها ما يعيبها الا من قبل بعض ضعاف النفوس الذين يسعون في بعض الحالات لاستغلال الظروف التي اجبرت امثالهن لتلك المهنة …. فيها نسوان احسن من مية راجل وفيها واحدات خاربات مية راجل …. في الحالتين الواحدة بي مية………… عمر الكسب الحلال ما كان عيب مادام الانسان بيتحري الحلال ويتجنب الحرام ..
        كل مجال ومهنة فيه الصالح والطالح وفي اي مجال الحاجة دي موجودة

        الرد
      6. 6
        طاهر

        والله ست الشاي زاتها مفروض تقوم منهم مايملوها فقر

        الرد
      7. 7
        ابو ياسمين

        إنتوا في لاعبي الهلال ولا في كوم الكوشة القاعدين فيها دي

        الرد
      8. 8
        صلاح الشخ

        ست الشاى ربت اوالادها وعلمتهم وبقو رجال منهم المهندس والطبيب والمعلم والموظف والعامل ولو كنت رئسا لجمهورية لجلس بجوارها لاحتس احلى كباية شاى وفنجان جبنة بى شماله تسوى الدنيا بى ماله ويعنى ايه لاعب كوره او فنان او وزير ونحن الشعب الوحيد فى العالم نقدر بعضنا البعض نحن ربنا خلفنا كده سمحين وزينين ومين زينا ونحمده ونشكره على ان ننتمى للوطن الفريد فى طبعه واه لو ماكنت سودانى واهل الحاره مااهلى

        الرد
      9. 9
        كابوس

        لو راحوا قعدوا ليفطروا عند عوضيه سمك حتقولوا شنو؟؟؟؟ مالفرق بين ست الشاي وست المطعم؟؟؟ هي أصلها ست شاي ولا ست عرقي؟؟؟؟ على العموم المثل قال(الفايق بهمز أمه)

        الرد
      10. 10
        العرب المستعربة

        هم جالسين امام ست شاي ام جالسين في كوشة

        الرد
      11. 11
        سوداني__لا حزبي__لا انفصالي _وحدوي

        من الحبة قبة __ كل الناس يتقعد تشرب شاي وقهوة قدام ست الشاي
        هل لاعبي الهلال ملائكة ؟؟؟
        من تواضع لله رفعه يا كاتب الخبر وبلاش عنتظة وعنجهية فارغة

        الرد
      12. 12
        جنقور

        الكووووشة الجنبهم دي شنو؟؟؟؟؟؟

        الرد
      13. 13
        بدر الدين احمد

        اين السخريه اذ ان السودان ليس به كوفى شوب راقى يمكن ارتشاف القهوة والشاى به واذا كان هنالك كوفى فمن الذى يقدم لك القهوة اكيد داعره من دول الجوار فالتحية لست الشاى التى هى امنا وهى تكافح من اجل لقمة العيش وست الشاى لها ابناء مثلنا يرتادون الجامعات والمدارس ومنهم العطاله فى ظل الظروف الاقتصادية المترديه

        الرد
      14. 14
        adamali

        عادى جداَ ما فيها حاجة ، عادة سودانية موجودة وجميلة أن تجلس مع ست الشاى .

        الرد
      15. 15
        كايدهم

        الصباح اول مارايت الصورة قبل التعليقات لم اصدق انهم لاعبي الهلال ,, ليس لجلوسهم امام ست الشاي ولكن هل يعقل في مكان مزري سيء وسخ ويظهر مظهر تخلف يجلس هؤلاء من يسمون بنجوم هذه الجلسة .. يا اخي اجعلوا منها لفتة اجتماعية ولتكن في مكان معد مسبقا ومهيء لكم ويكون نظيفا في شارع النيل مثلا او في بحري او امدرمان في موقع يعكس شيء من حضارة البلد
        الان يتناول الصورة اشخاص غرباء ويقولون انظروا نادي الهلال السوداني وفي قلب العاصمة السودانية يتناول الشاي علة كومة زبالة

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *