كاسين بى عقرب واحد
* مبسوطين
* نحمد ربنا
* مبسوطين من حقنا
* مبسوطين لأننا
* عملنا بجد وإجتهاد
* برغم بعض الهنات البسيطه
* مثلاً جمال سالم يخلى مهاجم وراهو ويدردق الكورة على الأرض
* مثلاً المدافعين يكتروا من التمرير العرضى بيناتهم فى وجود مهاجمين
من الخصم
* لا أسميه إستهتار
* ولكن ثقه زائدة
* والثقة الزائدة فى الطيارة ما تمام
* بالذات ونحنا خلاص الكابتن قال لينا أربطوا الأحزمه
* نازلين مطار الخرطوم
* عفشنا كاس كبير
* جايبنو صحبة راكب
* وناس امجاد يقيفوا بره
* ممنوعين يدخلوا المطار
* يقيفوا بره جمب جاد
* أيها الناس
* الكاس كاسنا إن شاء الله
* وبعدو فى كاس السوبر
* أسهل من الكاس ده
* يبقى جيتو مضمونه
* ونكون جبنا كاسين بى عقرب واحد
* وإتعقربى
* بمناسبة الكاس دى
* قال ليك فى تطوانى طالع من كورة التطوان زهجان
* شأنه شلأن بقية الزناطير
* طلع وبطنو طاااااامه من الطامة وعندو حيرقان شديد
* قام مشى لى واحد ببيع زبادى بلدى
* قال الزبادى ببرد حرقة الحشا دى
* قام دفع القريشات وقال لى بتاع الزبادى سريع بالله
* بتاع الزبادى كان بوزع الزبادى مرة فى كاسات
* ومرة فى قوالب
* قام أدى صاحبنا ده فى كيس
* زولك زعل وجدع الزبادى هناااااك
* خاص صفحة الأحمر الوهاج
* وهاج
* هيجة زنطور مغبون أشد من هيجة تور
* وقعد يكورك
* ليه بس؟؟؟..حقاره يعنى؟؟ليه بس
* بتاع الزبادى قال ليهو مالك يا زول
* الزنطور قال ليهو تدى الناس فى كاس وتدينى فى كيس ليه بس؟؟؟
* بتاع الزبادى ضحك وقال ليهو
* وشك ده ما وش كاس يا اخوى شيل كيسك وأمش
* المهم
* نواصل العمل بنفس الإهتمام والإحترام والثقه الكبيرة
* المطار وجب
* والريحة عبقت وفاحت وعمت القرى والحضر والمدينة
* كلو زول يقوم بى واجبو كاملاً وقشه ما بتعتر لينا
* أيها الناس
* جمهور عطبره ما كعب
* وعطبره وما حولها مريخاب شديد
* فيها بعض التطوان
* والتحرشات التى يقوم بها البعض ضد الزعيم بعطبرة
* مابقوم بيها جمهور عطبره الواعى
* ولكنهم بعض جماهير فريق تانى
* الحيله غالباهو
* لذا أتوقع أن يحسم جمهور عطبره تفلتات تلك الفئه الجايبه ليهم الكلام
* وأتوقع لجمهور عطبره أن يستمتع
* بإبداعات أولادنا
* من حقهم المتعة
* فالمريخ ثروة قومية الجميع شريك فيها
* مجرد حصولك على الرقم الوطنى
* يعطيك حق الإستمتاع بالزعيم
* وزى مافى جواز ممغنط
* حانعمل مريخ ممغنط
* وبمناسبة الجواز دى
* حقوا التطوان يمشوا يطلعوا الجواز الممغنط
* الشبكه كعبه
* وبتعبوا شديد
* أخير يستخرجوهوا من أسى
* شهر حداشر البلد دى ما بتتقعد ليهم
* خاص صفحة الأحمر الوهاج
* يستخرجو الجواز الممغنط ويشتروا ليهم إقامات
* إن شاء الله فى تشاد
* شهر حداشر ما يرجوهوا فى البلد دى
* أيها الناس
* ماتسمعوا لى رديف وأشبال
* بالمريخ مهارات كبيرة وأعمار صغيرة
* شيبوب وأبراهومه وأوكراه وجمال سالم الأصغر منهم منو؟؟؟
* رمضان ومصعب وأمير قارنهم عمرياً بى عمك مساوى وحاج أتير
وسيسيه
* بكرينا وكاريكتهم
* جمال الوالى وأندرزينهيو الأكبر منو؟؟؟؟؟
* لاحاضر ولامستقبل
* وفى بداية الموسم قلنا ليكم الكضاب وصلوهو خشم الباب
* قبل نصل خشم الباب ظهر الكضاب
* وإتكضبى
* بالمناسبة دى
* حلمان فى لافته مكتوب عليها
* روضة ولدى وبتى إدارة فطومة أختى
* وإتروضى
* أيها الناس
* دحين ما ليهو حق يديهو الزبادى فى كيس؟؟؟
* المهم
* تحية نجددها يومياً للشفوت
* لملوك المدرجات والإبداع والإمتاع
* الخوف لى قدام
* اللاعبين ذاتهم يخلوا كورتهم ويقعدوا يتفرجوا فى إبداع الشفوت على
المدرجات
* نعم نعم مريخاب أحييكم وأحبكم
* المهم
* وصلنا من الشفت لعوته من الدويم
* بأن صحف الجماعة بتتباع تلاتة بى ألف
* الله ينزل سعر الطماطم يا لعوته
* قلت لى تلاتة بى الف؟؟؟؟
* المهم
* ابوالهل فريق كبير
* وشهرتوا للأمانة وصلت أيطاليا
* صحيفة ايطاليه كبيرة
* جايبة سيرة ابوالهل
* خاص صفحة الأحمر الوهاج
* بتسخر من النقالة المقدودة
* وكاتبين بالإيكالى مانشيت
* نقلو بيتزا اور مسطافينو بالوتولى شاى روسى؟؟؟
* يعنى نقالة ولا مصفى شاى
* يقولوا للمصفى مصطافينو
* حرين فى لغتهم
* أسى موش فى ناس مصفرين ويقولوا مصنفين؟؟؟
* هو الكلام بى قروش؟؟؟؟
* أيها الناس
* كنا نحتد مع الريس حول الإستثمار
* وكان يصر على رأيه أن نستثمر فى الجماهير
* علينا خلق فريق قوى يستقطب الجماهير
* كان الريس يردد هذا الكلام كثيرا
* وأخيراً
* أدركنا أن الرجل كان على حق
* وأن الرجل مستثمر كبير
* وأن أموالا لدنيا كلها لوجات جوه خزنتو بى رجلينها
* بتكون محقة لأنها جات ورا فكرة ودرايه ومعرفة
* نشكرك يا ريس
* فعلاً الإستثمار فى الجمهور يا ريس
* جمهور يدفع مليار فى مباراة نعم الجمهور
* وعشان نستفيد من الإستثمار فى الجمهور يا ريس
* مثلاً ممكن ننشئ إذاعة المريخ بإشتراكات للجمهور من مباراتين
* نعمل تذكرة دعم الإذاعة بإتنين جنيه بس
* تتوزع مع تذكرة الكورة بالنوافذ
* ما إجباريه
* الداير يقطعها
* والما داير يخليها
* لو إفترضنا الكورة الأفريقية بتجيب خمسين الف شفت
* وأنو عشرين الف اليوم داك ظروفهم كعبة وما قطعوا تذكرة دعم الإذاعة
* وتلتين الف إشتروا
* تلتين الف فى اتنين الف فى مباراتين
* دحين من أمدرمان إذاعة جمهورية المريخ ما بتنسمع أسى؟؟؟؟؟
* وإستثمار ثانى فى الجمهور
* أضغط نجمة وشيل النغمة
* نكتر النغمات
* خاص صفحة الأحمر الوهاج
* وإن كان إشتراك النغمة بى جنيه
* نقول نغمتنا دى بخمسه
* الشركات تشيل حقها من السعر الأساسى الجنيه
* وتدينا حقنا فى الجنيه
* والأربعه جنيه الباقيات حقاتنا صااااااافى
* وتعال نشوف تنافسنا على النغمات
* البشترك فى مريخنا العظيم أنت نجم فى السماء
* والبشترك فى بالطول بالعرض مريخنا يهز الأرض
* والبشترك فى العجب العجب
* والبشترك فى يافتى المريخ
* والغريبة كان عملنا نغمة بتقول
* لو قلت آى آى ما تستغرب00
* بتكون قرصتنى عقرب
* دى بالذات إشتراكها لو ميه جنيه
* بيشتركوا فيها تلتين مليون
* والغريبة لو ضرب ليك تطوانى
* من يسمع عقرب يجدع التلفون
* لو طالبك دين تانى ما بضرب ليك
* فعلاً الإستثمار فى الجمهور هو الإستثمار يا ريس
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* الكلب بعد خلانا تانى بقى يجينا
* هزهز ضنبو وإتقلب إتحك زيييين يا والينا
* وقام هزهز ضنبو تانى وهوهو هووو قالها يا والينا
* يجرى شويه ويرجع يجينا
* فهمنا كلامو يا والينا
* إنتو لى اسى قاعدين قال لينا؟؟؟؟
* إتخارجوا ارح معاى وجرى يا والينا
* خاص صفحة الأحمر الوهاج
سلك كهربا :
** ننساك كيف وكلنا غبنا نحنا والنفايات والكلب والعربية يا والينا..الخوف
يوم تجى العربية ترفعنا نحنا يا والينا..هى النفايات دى كيفنها بس قول
لينا؟!!
ﻭﺍﻟﻲ ﻟﻘﺎﺀ
ﺳلللللللك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الامل كيف