ما زلت يا السودان وطن..!!

القومة لك..
نفديك جميع ..أرواحنا لك..
أهتُف معاي..
ما أجملك ..
ما أروعك..
رغم المصائب والمِحن..
الصراعات والفتن..
رغم الحروب..
البينا يا ناس فرقن ..
رغم الأنين..
ما زلت يا السودان وطن..
مازلت يا أجمل وطن..
شامخ بـديـع..
شاسع وسيع..
يسع الجميع..
يكفيك مولانا السميع..
شر الدمار الجانا منك يا ربيع..
فيك الشباب الرائعين..
الشايلين..
هَم عزتك..
إعجابنا بيك..
ما فيهو شك..
وبلا حدود..
وطن الجدود..
دايرين..
نرد ليك الجميل..
نوفيها يا بلدي العهود..
متشكرين..
دعواتنا ليك ..
ترجع تعود..
المولى يرفع ذكرتك..
يكفيك شر الطامعين..
الحاسدين..
الفاسدين..
المُفسدين..
الشالوا قُطنك وثروتك..
باعوها أيضاً سكتك..
انصاعوا تابعوا لللعين..
كانوا السبب ..
في فتنتك..
مولايَ يا رب يا مُعين..
احفظ شبابنا الصامدين..
الصادقين..
القابضين..
على جمرتك..
هم يا وطن..
نورنا اليشع..
يهدي الحيارى..
الضائعين..
الضالعين..
في نكبتك..
أسباب شتاتك وفرقتك..
أحمينا منهم يا كريم..
أحفظنا..
أحفظ نعمتك..
بلا أقنعة..
صحيفة الجريدة السودانية…