حوارات ولقاءات

وزير المعادن السوداني: لو خدعت الرئيس بكنز الذهب.. أستحق الإعدام


العقد مع الشركة الروسية يوفر قرضاً لحكومة السودان يبلغ (5) مليارات دولار بضمان احتياطي الذهب .. وهذا غير مسبوق!
الإنتاج سيبدأ خلال (6) أشهر من توقيع العقد .. ونسبة الحكومة (75%) ولو ما عملنا كدا نستحق الإعدام
أقول لأهل السودان: البلد دي موعودة بخير كتير
“صابون” مستشار بعقد لشهر واحد وأنهيناه .. ولا علاقة له بشركة “سيبيريا”

غبار كثيف علق بالكثير من الأعين خلال الأيام الفائتة والسبب معلومات مغلوطة أو (موجهة) عن الشركة الروسية صاحبة العقد الكبير المدهش الذي وقعته الأسبوع قبل الماضي مع وزارة المعادن السودانية بحضور المشير “عمر البشير” رئيس الجمهورية .

البعض طعن في حقيقة وجود الشركة في روسيا أو في أي مكان بالعالم !! وبعض آخر خلط الأوراق عامداً أو متعمداً فأقحم قضية إنهاء خدمات مستشار (مؤقت ولمدة شهر) في ملف الشركة الروسية دون أي علاقة!! وكما قلت بالأمس خلال مكالمة هاتفية جرت مع وزير المعادن الشاب الدكتور “أحمد الكاروري”، فإن الذهب مدعاة لصراع المجموعات وإن كانوا في حزب واحد!! وقد تشتعل الحرب في أي مكان بالعالم بسبب المعادن النفيسة، كما اشتعلت بسبب البترول حروب.

ولأن (المجهر) تبحث دائماً عن الحقيقة بعيداً عن الأجندات ومصالح المجموعات، فقد أتيح لها من خلال المكالمة الهاتفية أمس بين وزير المعادن ورئيس هيئة التحرير الحصول على معلومات جديدة وقيمة من خلال الإفادات التالية التي نرجو أن تكون كاشفة الفوانيس على المناطق المظلمة:

{السيد الوزير .. ثار جدل كثيف حول حقيقة الشركة الروسية التي وقعتم عقداً معها مؤخراً للتنقيب عن الذهب بولايتي نهر النيل والبحر الأحمر؟
-الشركة موجودة وهي شركة كبيرة بمقاطعة سيبيريا وتساهم فيها الحكومة الروسية، وقد بدأت عملياتها الاستكشافية في السودان منذ العام 2013، وتم تسجيلها بالسودان في نفس العام .

{لكن اسم “سيبيريا” غير موجود في روسيا حسب بحث جهات عديدة؟
-طبعاً .. لأن هذا هو الاسم المسجل في السودان، ونحن نلزم الشركات الأجنبية التي تأتي للسودان بالتسجيل هنا، فشركة “مناجم” المغربية – مثلاً – تعمل في السودان باسم شركة “مانوب” في منطقة “أبو حمد” . وشركة “تاهي” التركية تشتغل باسم “دلقو”. وشركة “إليانس” الروسية عملت في مرحلة الاستكشاف باسم “كوش”.

ما يثار في هذا الأمر مجرد كلام يفتقد للمعلومات وتشوبه رائحة الغرض والاستهداف لمشروع “سيبيريا” الكبير في السودان وهو استهداف للسودان في المقام الأول ولاقتصاده ونمائه .

{كيف استوثقتم من مكانة الشركة وقدراتها؟
-الشركة جاءتنا بخطاب رسمي من وزير الاقتصاد الروسي، مدعوماً بشهادة تقديرية رفيعة من الرئيس الروسي “بوتين”، ثم بحث الوزارة أمر دخول هذه الشركة في استكشاف الذهب من خلال زيارة وزير الموارد الطبيعية الروسي للسودان في ديسمبر عام 2013 .
(نحنا نكون ناس ما مسؤولين لو بنجيب لينا شركة ما عارفنها وندعو السيد الرئيس لحضور مراسم توقيع العقد. في الحالة دي ما بنستحق الإقالة أو الاستقالة .. بل نستحق الإعدام).

{خطاب الوزير الروسي ليس كافياً .. ماذا فعلتم للاستيثاق أكثر من قدرات وإمكانيات الشركة؟
-شركة “سيبيريا” حصلت على رخصة استكشاف منذ يوليو عام 2013 .. أي قبل عامين من الآن، وهذا ما لا يعلمه الناس فأخذوا يتحدثون كيف لشركة قدمت أمس أن توقع عقداً لإنتاج كميات مهولة!! نحن لم نوقع مع هذه الشركة عقداً للتنقيب والإنتاج طيلة هذه الفترة. لقد استخدمت الشركة (القمر الصناعي الروسي) وتقنيات حديثة جداً للكشف عن الذهب وأعماقه المختلفة في المنطقة المحددة .
وظلوا لمدة عامين يجمعوا المعلومات ويشيلوا العينات .
{هل حفروا في الأرض بالمربع المحدد بنهر النيل طيلة هذه الفترة لأن التقليد في علم الجيولوجيا الحفر وأخذ العينات؟
-نعم حفروا .. وبالضبط حفروا أكثر من(600) حفرة من العام 2013 وحتى الآن.

{ثم ماذا؟
-ثم فاوضتهم الوزارة عبر لجنة فنية تضم مدير عام الأبحاث الجيولوجية الدكتور “يوسف السماني”، وبعد أن اطمأنينا تماماً وقعنا معهم العقد .
{هناك حديث عن أن كمية الإنتاج المتوقعة مبالغ فيها ..(46) ألف طن؟
-الإنتاج المتوقع حسب الاستكشافات التي وثقتها وراجعتها جامعة روسية، هي (8) آلاف طن بقيمة (300) مليار دولار في الجزء الخاص بولاية نهر النيل، و(38) طناً أخرى في البحر الأحمر .
{هل العقد يشمل البحر الأحمر؟
-لا .. حتى الآن وقعنا معهم عقداً لولاية نهر النيل.

{ما هي أهم بنود العقد وكم تبلغ نسبة حكومة السودان من الإنتاج؟
-نسبتنا كدولة نسبة غير مسبوقة في أغلب العقود المشابهة على مستوى العالم، فقد وصلنا معهم لنسبة (75%) لصالح حكومة السودان ممثلة في وزارة المعادن.
الجزء الأهم أن العقد ينص على الحصول على قرض توفره الشركة من مؤسسات التمويل العالمية بضمان احتياطي الذهب في باطن الأرض بقيمة (5) مليارات دولار .. وهذا أيضاً شيء غير مسبوق في العقود المماثلة لا في داخل ولا خارج السودان .
{هذه معلومات جديدة ومدهشة يا دكتور .. خاصة في ما يتعلق بالقرض الملياري .. متى يبدأ إذن الإنتاج لأن هناك تصريحات من لجنة الطاقة بالبرلمان تؤكد بأن الإنتاج سيبدأ في أكتوبر 2017 أو كما أوردت بعض الصحف عن رئيس اللجنة؟
-الإنتاج سيبدأ خلال (6) أشهر من تاريخ التوقيع .. هذا ما ينص عليه العقد .. خلال عام سيبلغ الإنتاج إن شاء الله (32) طناً .. وخلال سنتين سيصل بإذن الله إلى (53) طناً .

{كم يبلغ كل إنتاج السودان حالياً من الذهب؟
-كل الإنتاج في العام 2014 كان (73) طناً . لاحظ هذه شركة واحدة “سيبيريا” ستنتج خلال سنتين (53) طناً .. !!
{تردد أيضاً أن السفارة الروسية لم تكن موجودة في حفل التوقيع مع سيبيريا ؟

-هذا أيضاً كذب .. القائم بالأعمال الروسي كان موجوداً جوار مدير الشركة!! السفير كان في إجازة .

{ما خلفيات الضجة التي أثيرت حول المستشار دكتور “صابون” المقيم في روسيا؟
-هو أولاً .. لا علاقة له بشركة سيبيريا وقدومها للسودان ..
ثانياً هو سوداني مقيم في روسيا عرض على الوزارة خدماته من خلال علاقاته بالجامعات والمعاهد الجيولوجية الروسية، وافقنا مبدئياً ووقعنا معه عقداً لمدة (شهر واحد) .. بعدها جلست إليه لجنة فنية لتقييم خدماته وقررت هي إنهاء العقد ووافقت أنا على قرار خبراء الوزارة وقد كان .. فلم كل هذه الضجة والمعارك في غير معترك؟

{ربما هو تقاطع المصالح .. فحول الذهب يتصارع الناس؟
-جايز .. طبعاً هناك مصالح وهناك أفراد وجهات لم تحصل على تراخيص للتنقيب .. وهذا ما قررته وتقرره الجهات الفنية المختصة في الوزارة ولا أقرر أنا منح زيد أو عبيد مربعاً للتنقيب .
لكنني أؤكد لكم أننا سنمضي في عملنا، واثقون في الله وفي قيادة الدولة خدمة للوطن وأهله .. ونقول لأهل السودان: (البلد دي موعودة بخير كتير إن شاء الله).
{شكراً .. السيد الوزير.
-شكراً لـ(المجهر) ولكل الصحافة الوطنية الصادقة.

حاوره عبر الهاتف : الهندي عز الدين -المجهر السياسي


‫34 تعليقات

  1. انتم كلكم برئيسكم تستحقون الاعدام لكذبكم على الله وعلى المسلمين وادعاء التدين لدنيا تصيبونها

  2. والله نتمني ذالك وانا بالزات اريدالسودان يكون سله غذا العالم انشاالله
    واتمني من المولي عزوجل ان يفتح لنا باب الرزق في الذهبونجي بلدنا ونخلي الهجره

  3. ونحي الشعب السوداني
    وتحياتي للوزير
    ويارب السودان ينعم بالخير والاطمنان
    وانشاالله لي قدام

  4. طبعا لازم يحاوره الهندى عزالدين الحمدالله الثلج بقى بينزل
    جاهز من السماء ما بحتاج لى كسير

  5. يا ناس لقد حكمتم اكثر من ربع قرن و لم ياتي منكم الا الخراب و الدمار وتقسيم البلاد و تشريد العباد؛ ثم ها انتم تمارسون الكذب مجددا في وسيلة للبحث عن مخارج للازمات ادخلتم فيها هذا السودان المسكين. يا زول دهب شنو و صابون شنو وسيبيريا شنو و روسيا شنو ؟ ارحمونا فقط و انزلوا من راسنا عملتوا لينا ربشه … ياخ انتوا حراميه و لصوص لم تتلقوا اي قسط من التربية و ليست لديكم اي اخلافيات ..ياخ انتوا جايين من وين؟ طلعتو روحنا استحوا يا لصوص يا كذابين يا منافقين.. بالله عليكم ضربتوا قروش البترول و دلوقت خشيتوا على الدهب و جابت ليها صابون كمان… صابونه التزحلقكم انتو و رئيسكم قوموا لفوا كده ولا كده …

  6. الغريبة الخبر ده جاء في قناة روسيا اليوم ما عارفين نقول كذب ولا حقيقة غايتو الله يكذب الشينة كان الموضوع ده طلع حقنة تخدير البشير امانة ما جاك يوم

  7. أبشروا بالخير، ولا تقنطوا من رحمة الله ولا تخذلوا ولا تستكثروا على أنفسكم هذا الرزق الرباني الكريم. ولا تنسوا أن مبشراته قد أتتكم طيلة سني ما بعد إيقاف بترول الجنوب، حيث عوضكم الله ما شاء لكم من رزق – حكومة وأفراد..فله الحمد وله الشكر.

    1. بترول الجنوب جانا منو شنو كلو ما سافر برة والباقي غابات اسمنتية للسادة وباقي الفتات بجدعو للجداد ونحن منتظرين اخذ عزيز مقتدر ( اللهم انهم نافقوا وكذبو باسم دينك وخدعوا البسطاء باسمك اللهم انهم مكرو فارنا فيههم خير مكر ي عزيز ي جبار)

  8. قرينا في تاريخ السودان انو محمد علي باشا احتل السودان ﻷجل الرجال اﻷشداء والذهب.
    السؤال البفتش ليهو اجابه، من بعد خروج محمد علي وحتى بداية ثورة التعدين اﻷهلي اﻷخيره هذه، منو الكان بينقب عن الدهب؟ ووين كان بيمشي؟ واربار التي كان يتم اكتشلفها مكدسه ببضائع، هل كانت فعﻻ مخازن بضائع مهربه وﻻ ابار تنقيب تم التمويه عليها؟ وهل قبيلة الرشايده المهاجره من الجزيره العربيه استغلت سذاجتنا المعهوده وكانت ترتع في ثرواتنا تحت ستار انها قبيله عربيه لها تقاليد تحافظ عليها؟

  9. ان شاء خير للبلاد والعباد يارب العالمين ومنو الما داير الخير للسودان واهله اللهم اجعله خير .

  10. كسرة يا أبو علي
    حسب كلام الوزير الانتاج سنة 2014 كان 73 طن ذهب ، أين ذهب الذهب ،
    بعد سنتين ستنتج الشركة الروسية 53 طن ذهب ، هل سيذهب هذا الذهب كما ذهب ذهب 2014
    شمومة بالله معاكم خلو عندكم زوق يا جماعة ما براكم . شوية انسلوين وبنسلين و اوكسجين وحاجات كده بسيطة تخلينا نعيش ونخدمكم .أكيد بتحتاجوا سواقين وميكانيكية وعمال بناء ، أصلوا ما حنفكر في رجال اعمال و مهن قيادية دي حقتكم براكم.
    با جماعة العندو كديسة في البيت بيديها معاه ، نحن بيناتنا لحم ودم وعشرة ونسابة ، تسوا فينا كده ، عيب عليكم. كده حتخلونا نقلع عديل كده والبادي أظلم
    قالوا الدولار عمل كم …………أبو الزفت زاتوا

  11. نعم حفروا .. وبالضبط حفروا أكثر من(600) حفرة من العام 2013 وحتى الآن!!!!!!!!!!!!!!!!!

    يا وزير انت كضاب يا ماعارف شغلك مستشار لمدة شهر وشركة تاسست في ٢٠١٣

  12. انا عارف الحصل شنو من مدة وصل السودان الرجل الروسي ده عرض خدماتو لي ناس النفيدي قالو ليهو ده ماشغلنا مشي لي سعود البريري قال ليهو نحنا عايزين شد واقطع يعني ابحاث والنتيجة بعدي كم سنة مابتنفع زول تاجر اها عمك الروسي قال الناس ديل نجيهم بي كضبه ومنها يخدرو الشعب الوهم ده المهم كانت فركشه اعلامية غطو بيها علي زيادة المويه والكهرباء ماممكن يكون في دهب قدر ده في مربعيين

  13. برافو عليك ياسيد الوزير ضربة في الصميم على قفا الصابون الذي ذاب في مياه بحيرة سيبريا وكذا على قفا الذين يحاولون تشويه سمعة السودان …

  14. اللهم انفع به البلاد والعباد ….اللهم انعم علينا من خيرات ارضنا ..الحمد لله علي هذه النعمه..

  15. عائلة الكرارير من اكثر العائلات فسادا في الانقاذ كل مصلحة حكومية تجد عددا من الكاروري معينين بالواسطة
    ياترى من هو سندهم اكيد خيلان واحد من اللصوص الكبار جدا

  16. ليه ما سال عن اليورانيوم او ايه معادن اخرى قد تكتشف او تستخرج أثناء عمل الشركه سواء بعلم او بدون علم الوزاره
    منو الشريك السوداني لهذه الشركه و نسبته
    وين حقوق و امتيازات مناطق التنقيب
    وين حقوق تشغيل أبناء مناطق التنقيب
    إجراءات حمايه البيئه

  17. انتو دايرين واحد ذى الحجاج
    اهل شقاق ونفاق
    لا يعجبكم العجب ولا الصيام فى رجب
    لو انزل الله عليكم رزقا من السماء او اخرج لكم كنوز الارض افلا تشكرون الله
    بئس القوم انتم
    اعرف ان هذه الاصوات الشاذة قلة كثيرة النباح قليلة الافعال
    فلا باس دعهم ينبحون
    لو كل كلب عوى القمته حجرا
    لاصبح الصخر مثقالا بدينار

    1. انت يا حيدر قاعد وين ؟ ما هو الله سبحانه و تعالى انزل علينا الخيرات وانتهينا , و الحكومة استلمت بعضمة لسانها اكثر من 80 مليار دولار عائدات النفط من 1998 و كل المشاريع الكبيرة القامت تم تموليها من قروض بي فوائد حا يسددوها احفادك و برضو باعتراف حكومتك !! .
      ما تسألهم ودوا القروش دي وين ؟

    2. إيه الهبل ده ؟؟
      حجاج شنو وكلام فاضي شنو ..
      يعني شايفين الفساد قدامنا ونسكت عشان نبقى مطيعين ؟؟

  18. انت وامثالك يارمضان تستحقوا الاعدام ياحاقد يامتخلف لاترحموا ولا تخلو رحمة ربنا تنزل الله لايرحمك

  19. يا جماعة الخير انتوا مالكم اما مستعجلين او محبطين او تكسرون المجاديف للعايز يبحر .. ماذا يضيركم في توقيع هذا العقد ؟؟
    ان كانت شركة حقيقية او وهمية او انها لاتوجد على الخرطة ما الضرر الذي سيصيبكم او يصيب البلد اذا كانت حكومة السودان لن تدفع دولارا واحد للشركة ..؟؟
    مالذي يضير اذا كان على سمعة توقيع هذا العقد تستطيع الحكومة ان تاخذ قروض وتطلع من الخنقة الاقتصادية المفروضة .. وتحسن الانتاج ليتقلص العجز وينفخض معدل التضخم
    لو انكم حقانيين لتسآلتم ماذا فعل السودان ليحاصر هكذا ويعاقب من البيوت التجارية والاقتصادية .. اذا كان هذه الدول وعلى راسها امريكا لا تحارب من حمل في وجها السلاح كداعش والنتصرة وطالبان ماذا يريدون من السودان الضعيف المسكين ؟؟ لو ان بكم قليل من التفكير لفهمتم ان الهدف هو عدم اعطاء فرصة لهذا البلد للنهوض ، فاستغلوا ضعاف النفوس ، المرتشين والرخيصين ، ومنهم من ارخص ن ان يرتشى بمال فحسب زجاجات بيرة وزججات ويسكة وقطع لحم خنزير ..
    نعم اعملوهم ضد وطنهم فساحوا في الارض شاتمين ومنددين بوطنهم ويبنون ويالفون القصص والافلام لتعزيز موقف الاعداء ..
    اذا كانت هذه الدول تدعي ما تدعي في حصارها على السودان اجيبوني ماذا فعلت ممع سوريا ؟؟ اجيبوني ماذا فعلت من الاانقلاب في مصر قتل في يوم واحد نصف ما قتل في مكل حروب السودان وخلال سنتين كان عدد القتلى اكبر من كل الذين قتلوا في السودان .. ماذا فعلت من اجل هذا لم تفعل بل فرشت البساط الاحمر لاكبر قاتل في تاريخ مصر ,,
    مذا فعلت هذه الدول تجاه كل التنظيمات التي تجتاح العريق ذبحا وقتلا وتشريد بل كانت هذه التتنظيمات من انشائها وبنائها ..
    تقوم طائرات اسرائيل وتضرب داخل الاراضي بحجة ان السودان يمد الفلسطينين بالسلاح ولم يظهروا يوما سفينة او مركبة واتوا بمن فيها ليقولوا انهم اتون من السودان ..
    امريكا تحارب السودان بطريقة اكثر فظاعة وتستعمل اساليب لم تستعملها مع دول كانت بينهم حروب .. استعملت امريكا كل ما يمكن خنق المواطن اكثر من الحكومة منعت عنه التقنية المدنية ومنعت عنه التقنية الطبية والزراعية وليتها اكتفت بمقاطعتها هي فقط وانما البت وصفت كل اوربا وحلفائها في هذا الصف .. فجلست طائراتنا قابعة لا قطع غيار ولا تدريب لفنين ومهنيين .. منعت تكنولجيا الحاسوب حين منحتها للمالكي ومنحتها لغيره والتي استعملت لقتل الشعوب ..
    هذا العقد الذي تم توقيعه انا لا ارى اي سبب لهذا الحملة التي يقودها شخص مغمور فشل في اثبات اهليته داخل الوزارة ، وربما كان يتمنى ان تاتي الشركة عن طريقة ليصبح امبراطور الذهب في السودان
    كل السلبيات التي سيقت عن العقد لم ياتي احد ويعدد وينتقد ما ستدفعه الحكومة .. لانه لايوجد .. اذن ما الذي يبكي هؤلاء ويجعلهم يبشعون بل يذبحون في الوطن كل يوم
    هذا لايعني توافقنا السياسي مع الحكومة او رضاؤنا عن الاداء ولكن يجب ان يكون الانسان صاحبة كلمة حق .. وعليكم ان تكتبوا في كيفية حماية المنتج من الذهب من ان تطاله يد السرقات ولصوص المال العام يجب ان تبعد الحكومة كلية عن الامر وما عليها الا ان تستلم عملاتها الحرة وحسب الانتاج الذي تراقبه ببيت خبرة ..

  20. كل سوداني عاقل بتمني الخير لبلده لكن حكاية الاغدام بشوف ليها تحلل لان مجدي محجوب في وقتها التحلل ما تذكره

  21. لازم تسجل مؤتمر موطني عشان تشوفو من الدهب حاجه لاننا ما عندنا لكم اي حاجه سير سير يا بشير

  22. بسم الله الرحمن الرحيم

    نسال الله أن يوفق أهل السودان لما فيه الخير والصلاح وأن يرزقهم من حيث لا يحتسبوا

    ونرجو من كل الأخوة إتباع أساليب خالية من التجريح والشتائم فى الإنتقاد او معارضة اى موضوع .

    نرجو من اى فرد أن يراجع ما يكتبه اكثر من مرة قبل إرساله

  23. الوزير ده لو حاوره زول خلاف الهندي كان الناس صدقت الكلام لكن الهندي … حتى لو صدق هو كاذب
    المانع شنو الوزارة ترسل وفد الى روسيا للتحقق من ماهية الشركة ومقدراتها المالية والفنية وسمعتها قبل توقيع العقد جميع الدول لا توقع اي عقد مع شركة اجنبية حتى يقوم وفد الدولة بمايعرف ب (Due-Diligence) عشان ما نكرر نفس تجربة عارف في سودانير او صقر قريش

  24. جحا قال الجمل بطلع النخلة قالو ليبهو هدى النخلة وهدا الجمل …والنشوف الاخر شنو

  25. انت عارف نفسك مافى زول حيعدمك لانو الارتكبو جرائم القتل عديييييل كدا لافين فى شوارع الخرطوم بحرية
    والستة شهور ما بعيده وحنشوف