منوعات

شاب سوداني يقود سيارته 24 ساعة ويعبر ثلاثة دول أوربية من أجل السلام على والدته


قاد الشاب السوداني “صلاح الجميعابي” سيارته لمدة 24 ساعة منطلقاً من بريطانيا ليعبر ثلاثة دول(فرنسا، سويسرا وألمانيا) ليصل لدولة إيطاليا وذلك للقاء ومصافحة والدته سيدة الأعمال السودانية سامية شبو ،الناشطة في الأعمال الخيرية النسائية ، التي كانت في زيارة لدولة إيطاليا.

وكتب سامية شبو على حسابها الرسمي بموقع فيسبوك بحسب رصد محرر “موقع النيلين” (ابني صلاح الجميعابي لم التقيه منذ عامين وقدر لنا أن نلتقي بإيطاليا اتي لي مسافراً وسائقاً لمدة أربعة وعشرون ساعة من بريطانيا مروراً بفرنسا وسويسرا وألمانيا ثم ايطاليا لنلتقي بعد أن طال الفراق بيننا وكم كان اللقاء حاراً بيني وبينه أحمد الله كثيراً ان هيأ لنا أن نلتقي .. وليحفظك الله ابني صلاح ولك خالص حبي ودعواتي لك بالنجاح والعودة إلى الوطن ظافراً ناجحاً بإذن الله)

.
الخرطوم/معتصم السر/النيلين


‫21 تعليقات

    1. الغلط في (لفح) الخبر من صفحة الفيس ونشره في موقع عام كهذا، لأن الخبر يمثل شيئا للأم و معارفها فقط، ويعتبر عادي بالنسبة للآخرين.. و لا شك ان الابن يثاب و يشكر علب بره بوالدته .. فهناك من يسكن مع أمه في نفس المدينة و لا يراها بالسنين.

      أما المعليقين السلبيين فلهم وجهة نظرهم أيضا، .. فهم يرون أن الأمر ليس بهذه الأهمية، فهناك من يسافر بالأيام الطويلة من أجل لقاء أمه، وان مدة السنتين ليست بالطويلة في حساب ظروف الغربة .. فأنا شخصيا مرت علي ظروف لم أر أمي لمدة 6 سنوات .. و وفقنى الله في العودة ورؤيتها .. و كم أنا نادم الآن علي تلك السنين التي قضيتها بعيدا عنها، الأم هي الشخص الوحيد الذي يحب بدون و لا ينتظر مقابل (خاااالص) … ما تقول لي مرتك متكسرة فيك أو .. أو.. كلهم يختلط حبهم بالمصلحة، وان كانت بنسبة 1% !!
      وبرضو في ناس ح يقولوا حاجة كان ممكن يركب طيارة .. و الله أعلم.

  1. الغريب في كده شنو نحن الواحد بسافر يومين من استراليا للسودان بالطائرة عشان يسلم علي والدته وإخوانه ولا عشان تسافر تسلم علي والدتك خبر لابد ان يوثق في الصحف

  2. نسأل الله عناق هكذا في جنات الفردوس
    المعلقين السلبيين ، هذا الخبر (ملفوح) من صفحة الام بالفيس وهي غير قاصدة نشره للإعلام
    عن نفسي أمي توفت وانا بعيد عنها وساعة وفاتها بالسودان بكيت بدون اي سبب وقلت عاوز امي حتى اندهش من حولي
    فارجوكم قولوا خيرا او ربما ابتلاكم الله تتعلمون منها قيمة الام

  3. ربنا يحفظكم لبعض
    ساميه مثال للمراة السودانيه الناجحه الفاهمه المتطوره وحقيقى وجه مشرق لنساء البلد ربنا يوفقك ويذيدك من خيرو كمان وكمان.

  4. شنو يعنى انشاء الله اسافر مليون سنه عشان الاقى امو وابوس رجولا كمان مش اسلم عليها وبعدين شنو الحنك بتاع مسافر اربعة وعشرين ساعة عشان الاقى امو والحكمة شنو اسافر اربعة وعشرين ساعة ماممكن عادى اركب ليهو طيارة والاقيها او العكس
    بعدين دا ود سامية شبو ومحى الدين الجميعابى يعنى غالباهو حق التذكرة

    ياناس النيلين جيبو لينا مواضع هادفة وليست هايفة

  5. ما شاء الله ربنا يبارك بالجميع و لكن عندي وقفة مع سيدة الاعمال و ابنها الا يعرف احد جفرافيا العالم ما دخل المانيا بطريق السفر الطريق المختصر و المباشر من بريطانيا – فرنسا ثم ايطاليا سبحان الله حب الدنيا و الاعلام اعمى عيون الكثيرين
    والله من وراء القصد

  6. والله ياشريف يااخوي خطفتها من خشمي عايشين في اوربا دي اكتر من عشرين سنه لفيناها بكراع كلب ماسمعنها بالدايركشن ده سبحان الله الا يكون الراجل ضاع في السكه

    استغفر الله العظيم

  7. الغريب شنو في الموضوع …؟ سفرية عاديه جدا جدا … انا بسافر سنويآ من لندن الي المغرب بالسيارة … السفر في شوارع أوربا مافي اروع منه … في كل مسافة تجد ما تشتهية نفسك من اكل واستراحات ومحطات مخصصة بكل الخدمات … ومواقف عربات امانه … حتي الحمامات موجودة … قال ود الجميعابي قال …!

  8. سامية شبو مثال للمرأه المجتهدة المكافحه , نجحت في حياتها وفي أعمالها بفكرها وجهدها وعملها ,, حفظك الله وابناءك و أهلك ,, و تحيه ليك يا صلاح

  9. الخبر ما راكب لي علي عارف أوربا من ألمانيا الي ايرلندا الطريق من بريطانيا الي إيطاليا لا يمر بسويسرا وألمانيا للعبور من بريطانيا الي إيطاليا يمر عن طريق فرنسا فقط وبعدين ما يركب طيارة أرخص وأسرع ولا الحكاية. شنوا

  10. لو كان ركب طيارة كان وصل في 1/2 ساعة بدل التلتلة دي. شكلو الولد كان عاوز اتفسح شوية.

  11. احساس جميل والله انو تعب علشانه حتى ولو 24 ساعه وحاجه بسيطه..في ناس مابعملوها اصلا!!!فا مافي داعي تحبطوهم كده ?

  12. والله احساس جميل وعادي جدا لو نزل post زي ديا!حتى لو كانت الرحله ماموضوع 24 ساعه وكده..فا مافي داعي لاحباطم كده بالنسبه لي.. احساس حلو والله ووالدته مره بتستاهل ماكل الامهات فعلا امهات!! ولا كل الاولاد باريين بامهاتم علشان يعملو كدهso whatيعني؟!

  13. الطريق من لندن الي ميناء دوفر هناك معبر وحد فقط الي دول اوروبا يركب الباخره وينزل ميناء كالي حيث الطريق الي ميلانو وبعد اربع ساعات يلاقي امه التي كانت هنا في روما الاسبوع الماضي ممكن يكون عبر جزء من سويسرا بس المانيا دي كيف

  14. ما عندك موضوع يا صاحب الخبر من الاعلان واضح انو عايز تجذب الناس بس الموضوع عادي و زي م قال الاخ الكلام في صفحة امو حاجه خاصه للمعارف والاهل عدم الموضوع مشششششششكله