سياسية

صورة.. قناة سكاي نيوز الإماراتية تتعمد تشويه سمعة السودان


كتب  الإعلامي “محمد عبد الرحمن درونكي” (تشويه متعمد من المحررين في موقع سكاي نيوز عربية للسودان بوضع صوره قبيحة مرفقة لأخبار السودان لا تحمل علاقة بموضوع الخبر ولاتشبه السودان وهذا فيه تشويه متعمد لصورة السودان و يظهر السودان عبارة عن قمامة ووساخة (كوشة).

علماً بمطالبة بعض السودانيين بسحب الصورة وقام بعضهم بإرسال مجموعة صور عن السودان الحقيقي غير صور مكبات النفايات في خيالهم
وقال بعض الموظفين بالقناة في إتصال من بعض السودانيين أن الصور المسيئة يتم إختيارها من المحررين وليس لهم علاقة بها.

وأضاف أنور محمد بحسب متابعة “النيلين” (إعتادت قناة اسكاي نيوز تناول أخبار السودان وفي مرات كثيرة سابقة بكثير من التحامل وهو نفس الخط الذي تسير عليه قناة العربية وأعتقد أن وجود جنسيات عربية بعينها تهيمن على هذه القنوات هو سبب التحامل والتعالي ..وهم يملكون كامل الجرأة للتحدث في كل شأننا ولا يملكون أقل القليل من هذه الجرأة عندما يتحدثون عن شئون دول الخليج مثلا) .

الخرطوم/معتصم السر/النيلين
سكاي نيوز


‫30 تعليقات

  1. الموضوع اكيد الاسمها رفيدة ياسين وباقى شلتها الصايعين
    اصلو اتعودنا اى زول يعارض الكيزان يعمل كل شى حتى على حساب البلد وسمعتو وان شاءالله يمسح بيها الواطه ومايهمو وده الماخرنا ذاتو ومخلينا امه سودانيه فاشله وفى اخر الامم.

  2. دة واقع السودان ياجماعة امشى موقف جاكسون حيث اطنان الاوساخ وطفح الصرف الصحى دة مثال بسيط وباقى المدن مرتع زبالة لا نلوم قناة اسكاى نيوز دة الواقع الهاربن منة كان اللة فى عونالسودان والشعب السودانى

  3. (اسكاي نيوز) اصبحتِ كالذي يدخل قصراً ولا يرى إلا مكان القمامة، نحن في عصر الميديا عيب عليكم ان تقولوا ان هذه صور تخص المحررين، شاهدناكم كذا مرة تجرون اتصالاً مباشراً مع احد المسؤولين ولم تكن الخلفية قبيحة.

  4. يا ناس هوى ما تكابرو قسما بالله اوسخ من كدا دى حقائق مفترض الناس ماتجوط فى الفارغة ساى خش ميدان جاكسون وبقة احياء الخرطوم شوف العفن على اصولو
    بعدين ما تقارنو دول الخليج بى بلدنا يا جماعة من حيث النضافة
    وما عايز لى زول اجى ناطى واعزف الاغنية المرجعانا ورا مليون سنه وهى انو نحنا العلمنا الناس ديل والكلام الممجوج دا
    خليكم ناس واقعيين ودا شئ واقع رضيتم ام ابيتم
    يلا حركو اللمبى شوية على النضافة

  5. اكيد الخبر بمناسبة وفاة ٧٠ شخص بمصر بسبب ارتفاع درجات الحرارة

  6. لا تلوموا الجنسيات الاخري . للاسف تشويه السودان يتم بأيدي سودانية بدعوي النضال ومعارضة الكيزان وما علمو ان هذه الصورة لن تزول بزوال الكيزان وستظل ملازمة للوطن

  7. هذا هو الواقع وهذا هو الحاصل بالولايات بمافيه ولاية الخرطوم اوساخ ردوم وبالكوم والأسواق والمجاري كلها ممتلائة بنفايات لي عامان منذ ان مررت بمنطقة السوق المركزي هل اصبح نظيفاً أم مازال كما هو يعج بالنفايات حول المدينة الرياضية

  8. حكاية الناس الماتت بسبب الحر صحيحة . أما الصورة المرفقة مع الخبر ليست بوادي حلفا . حكاية بلدنا وسخانه دي ما بيتغالطو فيها اثنين
    ربنا يكون في العون

  9. العدد وصل 15 باعتراف الجهات الرسمية اما الصورة دي الحقيقة
    امشي سوق ام درمان النفايان علي فقا من يشيل

  10. يعني عاوزنهم كل خبر عن السودان يجيبوا صورة برج الفاتح
    الحقيقة هي ان الخرطوم ومعظم المدن اصبحت مكب للنفايات ولو اتت القناة بصورة برج الفاتح والقصر الجمهوري وكافوري يكون ذلك غش واحتيال لان بعض الاجانب قد يزور البلاد للسياحة فيتفاجأ بانها اوسخ بلد في العالم على عكس الصور

  11. الصورة المرفقة تعتبر نظيفة بالنسبة لمعظم احياء الخرطوم

  12. فعﻻ هذا هو الواقع واتمنى أﻻ تأخذنا الحمية حمية الجاهليه . فعندما ادى والي الخرطوم الجديد القسم كان اول ماصرح به انه لم تبق أراضي خاليه بالوﻻيه -لبيعها ؟؟؟- لﻷسف أولوياتنا ليست النظافه و الرقي لمصاف اﻷمم ..والسياحه ﻻ تعني عندنا سوى تحصيل الرسوم.ناهيك عما يكلفنا له المرض والعﻻج الناتج عن تردي البيئة ..اصحو يا ناس .

  13. تقصدوا(يا مصحصح على طول) الحسناء الكناضلة الجسورة العلامة قائدة التحرر رفيدة ياسين؟؟؟!.

  14. انتم بدل ماتشكروهم تتهموهم شي عجيب! لأن الإعلام السوداني غاب عن نقل حقائق ومعاناة أهل الريف ونقلها الي ناس الكروش الفي الخرطوم وتجي تقول لي صورة قبيحة، إذا كان في قبح في الصور فقبح الله وجه كل من تسبب في معانات أهل هذة المنطقة. قوموا بمهنية تامة دون تسيس ياناس الإعلام وانقلوا صور الريف ومعاناة أهلها وكونوا لهم صوت حتي تصل ظروف حالهم الي المركز ومن أجل سودان خالي من الصور القبيحة علي حد قولك ومن أجل أن تكونوا سباقين للخير من ناس اسكاي نيوز الذين نشروا صورة حقيقية لمعاناة شعب.
    نعم كل دولة لها جانب مظلم ولكن الجانب المظلم في وطننا تجاوزا حدود الظلام بسبب إهمال الحكومات لمواطنيء الريف.

  15. النفايات والأوساخ دي العملها منو ؟ مش الناس ! تبقى المشكلة في الناس البتخلصوا من وساختهم كيفما إتفق فلازم تكون هناك توعية للتخلص منها بطريقة حضارية!! وكمان لازم يكون في ضغط من الناس على شركات تجميع النفايات بعدم الدفع أو بإتفاق أهل الحي بتكديس النفايات ورميها في وقت واحد وسط الطريق الرئيسي وإغلاقه بها أو بأي طريقة اخرى ضاغطة.

  16. طيب ليه لمن يجيبو خبر موت 70 مصري من الحر بيجيبو ماسبيرو مع انه هناك من الاوساخ والعشوائيات في مصر ما لا يمكن الكتابه عنه …ليه يا اسكاي نيوز كدا ؟

  17. الا مدينة بورسودان …. لو عملوا مسابقه انظف المدن السودانيه … اكيد بورسودان تفوز بالكاس

  18. الحقيقه اقبح كده بكثير .ولا عشان جاتكم من الخارج . من منكم لاتعيبر منظر النفيات مالوف (الجمل ما بشوف عوجه رقتو)

  19. اتذكرت فيديو في اليوتوب لقرد امام مرآة اثارت صورته المنعكسة عليها حفيظته وهجم عليها

  20. من زمن بعيد كنت قد كتبت عن تعمد هذه القناة وقناة العربية في اظهار السودان بصورة اسوا مما يتوقع او بصور منافية للحقيقة و احيانا الاتيان بصور قديمة من قبل الحكومة الحالية وتنشر مع خبر لا علاقة لها بالموضوع وان كانت هذه الصور جميلة او قبيحة ..
    تساءلت ساعتها لم تحجم هذه القنوات من نقل الاشياء والفعاليات الجميلة عن السودان . هل لايوج فيه رياضة ؟ هل لايوجد فيه فنانون هل لايوجد كتاب .. الا يوجد فيه مبدعون ؟ لم تغض النظر حين يكون هناك خبر عن سوداني في دولة ما ابتكر شيئا علميا او انه يقود شركة ناجحة وعملاقة .. حتى خبر السوداني الضرير الذي يعمل في اليبان لم تنشره كما فعلت الجزيرة
    قناة اسكاي نيوز العربية معروف كم هو صاحب القناة الاصلية سكاي نيوز انه يهودي .. اما العربية فهي يهيمن عليها لبنايون وهم احقد العرب على السودانين وهم الدولة الوحيدة التي اعترضت انضمام السودان لجامعة الدول العربية واتضح فيما ان السودان اكثر عروبة منهم لغة ومنهجا .. وثقافة ..
    قارنو الانتقائية في الاخبار للدول الاخرى فحين يكون الخبر عن تفجير في لبنان ياتون بالحسان على شواطيء بيروت وحين يكون الموت بسبب الحر في القاهرة ياتون بصور لشواطيء الاسكندرية وحين يكون الخبر عن السودان وامطار غزيرة عطلت الحركة وسط الخرطوم يأتون بصور من ضواحي الضواحي اي من ضواحي الثورات وام بدة والحاج يوسف ..ولا ينقلون من شارع النيل او اي شارع اخر ..
    اتحدى مشاهد يقول انه شاهد منطرا للخرطوم في قلبها او شوارعها الحديثة في اي قناة عربية ..؟
    ولكن المؤسف حتى اعلامنا لاينقل الا الصور التعبانة وجمال حسن سعيد وشلته لانهم مفلسين لايمثلون الا في البيوت ذات الايجار الرخيص والسيئة والازقة ويوصلون رسالة للعالم هذا هو السودان او هذه هي الخرطوم .. وعشان كدا فشل جمال حسن سعيد وزمرته في ان يبقوا في الاعلام ..
    لاحظو معي ايضا تقارير المراسلين وكاني بهم امروا ان يوقفوا في هذه الاماكن التي لا تعكس وجود حياة اصلا وانما اشياء مشوهة وقبيحة كل المراسلين .. ماعدا مراسل واحد وجد نوعية جيدة في اماكن تصوير وهو مراسل المنار .. بالله عليكم تمعنوا ..
    ولكن هم ليهم حق اذا رفيدة وامثالها هم من يسيئون للسودان

  21. الخرطوم بصراحة خلال السنوات الأخيرة وتحديدا منذ استلم ولايتها المدعو ((عبد الرحمن الخضر)) تحولت لمكب نفايات كبير ..
    لدرجة أن الوالي الجديد حاليا لا حديث له إلا عن النظافة الليلية .. وما نكابر ساكت عاصمتنا وسخاااااااااااااااااانة ..

  22. هذا هو الواقع السوداني و بدل أن تلوموا هؤلاء القوم يجب أن تلوموا الذين يتحصلون رسوم النفايات كل يوم و لا يحركون ساكنا في نقل تلك النفايات من أماكنها ، و بعدين يعني عايزنهم يجيبوا ليكم صورة برج إيفل ؟؟؟؟؟؟؟؟؟؟ و سيبونا من عقدة النقص الملازمة ليكم دي أي تعليق سلبي تعتبروه ازدراء ، أصلحوا من حالكم يحتار مزدريكم فيكم.

  23. و زعلانين مالكم ؟؟

    فعلا انحنا اوسخ بلد في العالم

    الوساخة بتلقاها قدام عيونك محل ما تقبل

    لو ما عرفنا الحقيقة دي ما حنتقدم شبر

    قال تشوية !! والله بقينا نخجل من روحنا

  24. أكيد الجقيقه مره ودول الخليج اتقدمت لى قدام بالعمل والمال وأزالة أى أوصاف سيئه عنها عمليا
    يبقا دورنا فى السودان كيف نغير هذا الواقع المرير النفايات حقيقه موجوده السؤال كيفه نتكاتف سويا لأزالتها وتغير الواقع الى أفضل

  25. أخير تسمع كلام ببكيك ويزعلك من كلام يغشك ويضحك عليك النفايات والوسخ موجود وواقع السؤال كيف نزيل هذا الوخ والنفايات عشان قناة سكاي نيوز الإماراتية تتعمد تجميل سمعة السودان

  26. للاسف الشديد كل الذين اشادوا بخط قناة اسكاي نيوز يبدو ان سمعة السودان لاتعنيهم في شئ لان الذين يتولون كبر معاداة السودان من الدولة التي وقفت ضد انضمام السودان لجامعة الدول العربية باعتبارة دولة غير عربية و هم مازالو لايرون في السودان شيئا جميلا ز شأنهم شأن قناة العربية اقصد العبرية التي ما فتئت تلطخ سمعة السودان بالكذب و الاخبار المفبركة ز ونقول لهم يكفي السودان فخرا و جمالا ان يجري فيه نهر النيل العظيم . وهم بالتأكيد لا يقصدون القمامة الحسية و انما المعنوية المتمثلة في الشعب السوداني الذي وقفوا ضد انضمامه للجامعة العبرية التي مازالت تخدم المخخط اليهودي . فأصحوا يا هؤلاء و لابد من ارسال رسالة واضحة لهذه القنوات الساقطة في وحل العمالة ان تحترم هذه الامة العظيمة (المعلمة)

  27. والله المفروض نشكر ناس القناة لانو الوضع فى السودان اسواء من كدا بي كتير والله المستعان

  28. بعض السودانيين لا يفرق بين معارضة النظام واشانة سمعة السودان فى كل محفل
    هؤلاء لا يستحقون العيش على تراب هذا الوطن
    اما هذه القناة والقنوات الاخرى التى تتعمد تشويه صورة السودان فهى كلاب تعوى
    ونحن لا نرد على الكلاب
    لو كل كلب عوى القمته حجرا
    لاصبح الصخر مثقالا بدينار
    بدت البغضاء من افوههم وما تخفى صدورهم اعظم
    دعهم يموتو بغيظهم الا لعنة الله على الظالمين