رياضية

مفاجأة المريخ يشكو الأمل عطبرة في لاعب اعتدي علي حكم مباراة سابقة.. ومصادر تؤكد صحة الشكوى


ينوي نادي المريخ وصيف بطولة الدوري الممتاز  الموسم السابق تقديم شكوى في لاعب فريق الأمل العطبراوي عمر عثمان بسبب مشاركته في مباراة الفريقين في بطولة الدوري الممتاز والتي كسبها فهود الشمال بهدفين دون رد.
وبحسب ما نشرت صحيفة الصدى الرياضية السودانية فإن نادي المريح قد تحصل علي معلومات مؤكدة بإشراك الأمل للاعب عمر عثمان صاحب القميص رقم(6) برغم أن اللاعب صدرت بحقه عقوبة من اللجنة الإدارية بالقضارف بالإيقاف لعام،وسيدفع المريخ بشكواه صباح اليوم نظرآ لاحتساب يومي العطلة(الخميس والجمعة) في ألمدي الزمني المحدد لتقديم الشكاوي؛واستند المريخ في الشكوى التي سيدفع بها إلي ان لاعب الأمل غير مؤهل قانونيا للمشاركة في مباراة فريقه أمام المريخ لأنه معاقب بمادة وجوبيه(89)نظرا لاعتدائه علي الحكم بالبنية حيث عاقبته بالإيقاف لمدة عام،بعد أن بدر منه في مباراة الموردة و أهلي القضارف؛وتنص المادة( 89)علي أن أي لاعب يعتدي علي الحكم يعاقب بالإيقاف لمدة لا تقل عام. وبعد أن أستوثق مجلس المريخ من صحة المعلومات وتأكد من أن هذه الشكوى القوية ستعيد له نقاط عطبرة قرر بأن يدفع بشكواه إلي إتحاد الكرة.

ياسين الشيخ _ الخرطوم

النيلين


‫12 تعليقات

  1. طيب بكري المدينة دا برضو ضرب الحكم بونية ..ووقفهو عام كامل . وهسي ببرطع سايي ويرفس ..زول واااحد سألكم…وبعدين كورة الامل المفروض تتعاد ومافي واحد ربنا فتح عليهو بكلمة..بس مما تترشوا السكليبة تدور…انسترو انسترو.. الغريق قدام

  2. ‘ طالما ان بكري المدينة وقف عام كامل.. طيب من حقو يبرطع يا ناصر.. معناها طبق القانون

    1. إنتو تتكلموا يا مريخاب وفي النهايه يبقى ليكم حار،، قلتوا البضرب الحكم بقيف سنه، بكري دا وقف وين؟؟؟ تقيف قيامتكم،، مزمز أبو القنابل يكذب ليكم وإنتوا تصدقوا يا بجم.

  3. بكري المدينة ده ما خلاص أنسوهوا , الكاردينال قال تاني ما حيدقها , وطلع كلام وجعجعة ساي , وأصلاً طالما بكري المدينة ده عاجبكم كده ما كان تدفعوا ليهو وتسجلوهوا بدل البكا والجقلبة دي كلها , كل يوم فاتحين لينا مأتم وفارشين ليهو , خلوا كاردينالكم يخم ويصر عشان تاني ما يتفاصح ويقول إنه أي لاعب في الهلال لازم يكون عنده سقف وما حيدفعوا المبلغ البطلبو اللاعب مهما كان , سقف شنو يا الكاردينال في إنتقالات اللاعبين؟ إنت رئيس نادي ولا مقاول؟ سقف قال!!!

    عشنا وشفنا , شوفوا ليكم موضوع تاني غير بكري المدينة ده , بعدين الشكوى منعوها ولا شنو؟ مش من حق أي نادي يقدم شكوى؟ خلوا جهات الإختصاص تفصل في الشكوى وبعداك تعالوا جقلبوا!!!

    وجع شديد!!!

  4. شكوى شكلها فالصو حيثياتها ضعيفة طيب متين كانت الواقعة وهل العام المقصود هجرى ولا ميلادى ولاعام كروى وتكون انتهت العقوبة زمنيا لكن تعودنا ان يتم التخفيف على المريخاب هول الصدمة وانتو بكرى ده ينطط بره جوه مالو مكتف ولا شنو بعدين حدو قريب بى اخلاقو الضيقة دى