زواج سوداناس

ممكن جداً



شارك الموضوع :

ﻣﻤﻜﻦ ﺟﺪﺍً.. دﻭﻥ ﺗﻜﻠﻴﻒ ﻭﺑﻼ اﺳﺘﺌﺬﺍﻥ
ﻳﺪﺧﻞ ﻗﻠﺒﻚ ﺯﻭﻝ ﺑﺎﻟﺼﺪفة ﻳﻜﻮﻥ ﺑﺎﻟﺠﺪ ﻓﻌﻼ ﺇﻧﺴﺎﻥ
ﻳﻐﺴﻞ ﻋﻨﻚ ﺭﻫﻖ ﺍﻟﺴﻜة ﻭﻳﻤﺴﺢ ﺩﻣﻌﻚ ﻭﺍﻷﺣﺰﺍﻥ
ﻳﻐﻴﺮ ﻛﻞ ﺗﺎﺭﻳﺦ ﺃﻳﺎﻣﻚ.. ﺻﻮﺭة ﻭﺻﻮﺕ ﻭﺯﻣﺎﻥ ﻭﻣﻜﺎﻥ..
ﻭﻳﻔﺘﺢ ﺑﻮﺍﺑﺎﺕ ﺃﺣﻼﻣﻚ… ﻭﻳﻐﻤﺮ ﺭﻭﺣﻚ ﻧﻮﺭ ﻭﺃﻣﺎﻥ
ﻭﻳﺒﺪﺃ ﻳﻔﺮﻫﺪ ﻏﺼﻦ ﻏﺮﺍﻣﻚ.. ﻭﺗﻌﻠﻦ ﺇنت ﺍﻟﻔﺮحة ﺃﻭﺍﻥ
ﻣﻤﻜﻦ ﺟﺪﺍً ..
ﻳﻔﻴﺾ ﺇﺣﺴﺎﺳﻚ … ﺧﻴﺮ ﻭﻣﻮﺩة ﻭﺷﻮﻕ ﻭﺣﻨﺎﻥ
ﻭﺗﺒﺪﺃ ﺗﺸﻮﻑ ﺍﻟﻠﻮﻥ ﺍﻟﻮﺭﺩي.. ﻭﺗﻔﺘﺢ ﻟﻶﻣﺎﻝ ﺩﻛﺎﻥ
ﻳﺮﺳﻢ ﻓﻴﻚ ﺍﻟﻠﻮحة ﺍﻷﺟﻤﻞ.. ﻭﻟﻴﻬﺎ ﻳﻜﻮﻥ ﺍﻟهنا ﺃﻟﻮﺍﻥ
ﻭﻳﻜﺘﺐ ﻟﻴﻚ ﺍﻟﻘﺼة ﺍﻷﻋﻤﻖ.. ﻭﻳﺼﺒﺢ ﻟﻴﻬﺎ ﺍﻟﻮﻓﺎ ﻋﻨﻮﺍﻥ
ﺗﺮﺍﻫﻦ ﺇﻧﻮ ﺍﻟﻔﺮﺻة ﺍﻷﺣﺴﻦ.. ﻭﺣﺘﻤﺎ ﺗﻜﺴﺐ ﺃﻏﻠﻰ ﺭﻫﺎﻥ…
تكتب فيو أشعار وخواطر.. وتزرع بالأزهار بستان
تنسى معاو الهم والفرقة.. وترقص فى الأفراح طربان
لا حتضوق من تانى جراحك.. لا حتحس معنى الخذلان..
ﺗﻌﻴﺶ ﺍﻟﻌﺸﺮة ﻣﻌﺎو ﻓي ﺳﺘﺮة.. ﻭﻟﻴﻚ ﺗﺘﺒﺪﻯ ﺍﻟﺪﻧﻴﺎ ﺟﻨﺎﻥ….
ﻭﻣﻤﻜﻦ ﺟﺪﺍً ..
ﻣﻤﻜﻦ ﺟﺪﺍ ﺗﺒﻘﻰ ﺍﻟﻐﻠطة … ﺑﺪﺍﻳﺔ ﻣﺮﺣﻠﺔ ﺍﻟﺘﺼﺤﻴﺢ
ﻭﻳﺒﻘﻰ ﺍﻷﻣﻞ ﺇﺣﺴﺎﺱ ﻳﺘﻤﺪﺩ.. ﻭﻳﻤلا ﻧﻀﺎﺭﻙ ﺑﻬﻮ ﻓﺴﻴﺢ
ﻭﺗﻠﻘﻰ ﺍﻟﺰﻭﻝ ﺍﻟﻴﺴﻤﻊ ﻧﺪﻣﻚ.. ﻭﺇﻧﺘﺎ ﺑﺘﺤﻜي ﻋﻦ ﺍﻟﺘﺒﺮﻳﺢ
ﻳﻮﺍﺳي ﺃﺳﺎﻙ ﺑﺎﻟﻜﻠﻤة ﺍﻟﻄﻴﺒة… ﻭﺑﺮﺿﻮ ﻳﻮﺿﺢ ﺭﺃي ﺻﺮﻳﺢ
ﺯﻭﻝ ﻳﻬﺪﻳﻚ ﺃﺧﻄﺎﺀﻙ ﻭﻳﻨﺼﺢ.. ﻭﺣﺘﻰ ﻋﺘﺎﺑﻮ ﺟﻤﻴﻞ ﻭﻣﺮﻳﺢ
ﻟﻴك ﻳﻔﺴﺮ ﻛﻞ ﺍﻟﻤﺒﻬﻢ.. ﻭﺑﻴﻬﻮ ﺗﻀﻤﺪ ﻗﻠﺐ ﺟﺮﻳﺢ
ﻭﻣﻤﻜﻦ ﺟﺪﺍ
ﺗﻠﻘﻰ ﺍﻟﺰﻭﻝ ﺍﻟﻴﺮﺣﻢ ﺿﻌﻔﻚ ﻭﻳﻔﻐﺮ ﻏﻠﻄﻚ ﻭﻛﻠﻮ ﺳﻤﺎﺡ
ﺗﻨﻮﻡ ﻋﻠﻰ ﻃﻴﻔﻮ.. ﻭﺗﺤﻠﻢ ﺑﻴﻬﻮ.. ﻭﻣﻨﻮ ﺑﻴﺸﺮﻕ ﺃﺣﻠﻰ ﺻﺒﺎﺡ
بيه ﺗﺴﺘﻘﻮي.. ﻭﻳﺒﻘﻰ ﺍﻟﻤﺄﻭﻯ.. ﻭﺗﺸﻌﺮ ﺟﺪ ﺇﻧﻚ ﻣﺮﺗﺎﺡ
ﻳﻘﻮﻡ ﻋﻮﺟﻚ.. ﻳﺒﺪﺩ ﺯﻫﺠﻚ.. ﻭﺯي ﺍﻟﻨﻮﺭ ﻓي ﺩﺭﺑﻚ ﻻﺡ
ﺿﺤﻜﺘﻮ ﺣﻠﻮة.. ﻭﻳﺒﻘﻰ ﺍﻟﺴﻠﻮﻯ.. ﻭﻳﻬﻤﺲ ﻟﻴﻚ ﺑي ﺻﻮﺕ ﺻﺪﺍﺡ
ﺭﻳﻘﻮ ﺍﻟﻌﺴﻞ ﺍﻟﻄﻌﻢ ﻋﻤﺮﻙ.. ﻭﺑﻠﺴﻤﻮ ﻳﺸﻔي ﻋﺬﺍﺏ ﻭﺟﺮﺍﺡ
ﻭﻣﻤﻜﻦ ﺟﺪا
ﺭﺑﻨﺎ ﻋﻮﺽ ﺻﺒﺮﻙ ﺧﻴر.. ﻭﺭﺟﻊ ﻟﻴﻚ ﺍﻟﺴﺮﻗﻮ ﺍﻟﻐﻴر
ﺟﺎﻙ ﺍﻟﺰﻭﻝ ﺍﻟﺒﺒﻘﻰ ﻧﺼﻴر.. فيه شهامة وصدق أصيل
ﻓﻰ ﻟﻴﻼﺗﻚ ﺑﺪﺭ ﻣﻨﻴر.. يلوح في خاطرك معنى جميل
ﻭﻣﺎ ﺗﺘﺮﺩ ﻟﺤﻈة ﻭﺗﻐﻠﻂ.. ﺳﺮﺝ ﻧﺤﻮﻭ ﺍﻟﺮﻭﺡ ﻭﺍﻟﺨﻴﻞ
خلي بريقو يشع فى عيونك.. يبدد فيك ظلمات الليل
ﻭﻟﺴة ﺍﻟﺪﻧﻴا الفانية بخير..
ﻭﻣﻤﻜﻦ ﻳﻈﻬﺮ ﻗﻠﺐ ﻧﺒﻴﻞ.. ﻭﻋﻤﺮﻙ ﺑﻴﻬﻮ ﺑﻴﺒﻘﻰ طويل..
تلقى الحلم الضايع منك.. ويجري في روحك نهر النيل
ﻣﻤﻜﻦ ﺟﺪﺍً
تلويح:
الليلة جيت شايل الفرح.. قصدك تعوضني اللي فات

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *