ثقافة وفنون

في ظل انتشارها مؤخراً وبكثافة.. صور الزفاف الغرائبية (التجضيم) يدخل الفورمة


في ظل انتشار صور الزفاف الغريبة في عدد من المواقع الإلكترونية بدأت أمس في الانتشار عدد من الصور الجديدة والخاصة بذات الموضوع مع اختلاف الشكل والطريقة، فقد ظهرت أمس صوراً جديدة يظهر فيها العريس وهو تحت رحمة العروس بأشكال متفرقة من بينها (التجضيم).. أو قرص الخد بالأصبع .. هذا وقد وجدت تلك الصور استهجاناً كبيراً من مرتادي المواقع الإلكترونية فيما وصف آخرون ما يحدث بانه (عيب).

صحيفة السوداني


‫20 تعليقات

  1. و الله شئ عجيب و غريب .. خلاص ده الفضل لاخر الزمان … انعدمت الرجالة تب و الله

  2. قال الحافظ ابن كثير رحمه الله في البداية والنهاية :

    قالوا وكانت همة الوليد في البناء وكان الناس كذلك يلقى الرجل الرجل فيقول ماذا بنيت ماذا عمرت

    وكانت همة أخيه سليمان في النساء وكان الناس كذلك يلقى الرجل الرجل فيقول كم تزوجت ماذا عندك من السرارى

    وكانت همة عمر بن عبد العزيز في قراءة القرآن وفي الصلاة والعبادة وكان الناس كذلك يلقى الرجل الرجل فيقول كم وردك كم نقرأ كل يوم ماذا صليت البارحة

    والناس يقولون الناس على دين مليكهم إن كان خمارا كثر الخمر وإن كان لوطيا فكذلك وإن كان شحيحا حريصا كان الناس كذلك وإن كان جوادا كريما شجاعا كان الناس كذلك وإن كان طماعا ظلوما غشوما فكذلك وإن كان ذا دين وتقوى وبر وإحسان كان الناس كذلك وهذا يوجد في بعض الأزمان وبعض الأشخاص والله أعلم .

  3. حبوباتنا الواحدة كانت ما بتجيب اسم راجلها في خشمها ابدا .. و مثلا لو كان هناك ولد من الأهل له نفس اسم زوجها تقوم تخترع ليهو اسم تناديهو به. و الواحدة ما بتاكل مع راجلها في صينية واحدة .. حتى لو كانوا براهم (و دي نادرا ما تحدث) تنتظر لي غاية ما ينتهي حتى تقوم تشوف طريقة تاكل .. هسي جابت ليها جضيم وشلاليت وكمان موثقة بالصور و بالفيديو (يا قول ناس النيلين)

  4. االه يرحم رجال زمان هسي لو في رجال بملو العين ما كان النسوان عملو كدة بس خلاص يلا نعمل شنو الله يرحم زمن
    الرجال والرجالة

  5. يا جماعة إذا الزول راضي. انا ما شايف حاجة غلط. و بعدين دا نوع من انواع المزاح. و الزول الفي الصررة فرحان احنا مالنا.

  6. يا جماعة حارقين دمكم فوق كم ؟؟ اذا كان العريس من جماعة موضة لبس السيستم المفروض موش يجضموهو في الصورة ، المفروض يكفتوهو ويشلتوهو . قال راقد ومبسوووط .. ههههه … رجال آخر زمن

  7. وفرقت في شنو ما هو “ميلكي شيك ” الأمين كل يوم بيحنن واحد و الناس واقعة ليهو في الواطة ورئيس الجمهورية بيرسلوا ضمن الوفود الحكومية ويستقبلوا كمان . خلو الشاب يرقد واطة ما الواطة كالت خشومنا كلنا .