رياضية

مدرب المريخ غارزيتو يجتمع بإدارة مازيمبي بفندق برج الفاتح..يثير غضب الأهلة والبعض منهم يصفه بالجاسوس


أبدي عشاق الهلال قلقهم من تواجد مدرب المريخ غارزيتو وابنه مع وفد مقدمة مازيمبي بقيادة المدير التنفيذي مستر فريدريك وقضي غارزيتو وابنه انطونيو قرابة الثلاث ساعات نهار الاثنين في إحدى الصالات بفندق (كورنثيا) برج الفاتح مقر إقامة وفد مقدمة مازيمبي وداعب بعض عشاق الهلال الذين يعملون بالفندق غارزيتو عقب نهاية الاجتماع لكن الفرنسي رد عليهم بابتسامة فقط.
وقد وصف بعض الأهلة المتواجدين علي مواقع التواصل الاجتماعي مدرب المريخ بالجاسوس, وفي ظنهم أن مدرب المريخ ينوي كشف أوراق الهلال لبعثة مازيمبي قبل مواجهة الفريقين عشية الأحد القادم بإستاد الهلال.
ياسين الشيخ _ الخرطوم

النيلين


‫18 تعليقات

    1. خلاص بدينا في الجرسة والشماعات ؟
      الراجل عنده سابق معرفة بمازيمبي وكان مدربهم، والواجب يمشي يسلم عليهم.
      بعدين مازيمبي عارف عنكم أي حاجة وما محتاج لي غارزيتو، أصلو عندكم عشرة أساسيين ما بتغيروهم. مكسيم، مساوي، أتير، سيسيه، نزار، الشغيل، بشه،نيلسون، صلاح الجزولي، كاريكا… دي عايزة ليها غارزيتو !
      بعدين يوم (موضوع زمان دااااااك) مع مازيمبي، برضو كشف أوراقكم غارزيتو !!

  1. يا عالم ما هذا الجهل كيف يكشف اوراق الهلال؟ اصبحت المباريات تنقل على الهواء ولا تحتاج لكشف اوراق

  2. من عاشر قوما اربعين يوما فر منهم او صار منهم وبما انة عاشر المريخاب فلابد ان يينتقل الية مرض الحساسية ضد الهلال ولو لا الهلال لما
    عرف هذا الجاسوس الهلال

  3. ماهذا العبط والتعصب الذي وصلنا اليه……هو كان مدرب لمازمبي لفترة طويلة وله علاقات معهم ويقوم بزيارتهم ولكن صحافة الفارغة والسوء العندنا تصنع من المرض جنازة لا تصدق ان تجد موضوعا وتطبل له ويصدق السذج ويشتروا صحفهم ا لبايرة….فما دامت هذه الصحافة موجودة فلن تتقدم الرياضة السودانية شبرا واحدا……..اوقوفها وارحمونا

  4. موش الزول دا لمن كان بدرب مازيمبي صقع الهلال خمسة ، عايز يديهم الوصفة تاني ، اركزوا بس

  5. خليهو يضع ليهم الخطه ذي الخطة اللعب بيها مع أمل عطبره. ههههههههههههههههههههههههههههههههههههههههههههههههه

  6. لها الجرسه خلاص بدت الفرنسي مابيزور الفرنسي دايرين تمنعو زيارة اولاد العمومة دا غير علاقتو كندرب سابق لمازمبي واوراق شنو دي العندكم عشان يكشفوها انتو مااوراقكم طارت في الهواء زمان وديكم كنقولي

  7. هههههههههههههههههه الصحافه ماعندها موضوع. تجسس شنو بعد القنوات الكتيره ونقل المباريات. الناس كلها عارفه طريقة لعب برشلونه والاعبين بتاعنهم. في فريق بقدر يهزمهم فكونا من الوهم ونظرية المؤامره

  8. هل تعلم ان غارزيتو كان يدرب مازيمبي و طبيعي ان تكون له علاقات اجتماعية معهم

  9. هي عايزة ليها كشف أوراق الهلال ….. بطلوا الخرافات والتخلف نحن عايزين رجال يلعبو بقوة ومسئولية … وإعلامنا البايخ دا كل حاجة يفتش ليها سبب قبل تكون … الهلال أوراقه مشكوفة للجميع ألعبو كورتكم وشرفونا بنتيجة ترفع رأسنا شوية ….

  10. مازنمبي ماذنبي مازنمبي ماذنبي مازنمبي ماذنبي

    من هسه الجرس بدت ؟؟ مع عالم الميديا حاليا اصبح كل شيء متاح

    هم لمن ضربوكم خمسات قبل كده في استادكم كان فيها غارزيتو؟؟

    ياخي الراجل كان مع ولدو اتعشو وشربو قهوه هناك ومااول مره بمشو هناك شبه يومي

    ده معناها قابلهم ؟
    عوسو عواستكم ساكت وماتخلوها تصل خمسه بس تموها مشاكل معاهم وخلاص

  11. نحن ما بهمنا قارسيتو مشى او جلس او قابل فقط يهمنا الهلال وجاهزيته وهذا هو جوهر القضية كذلك يجب ان نبتعد عن الاستهتار ونعمل بروح وبرجولة ومسئولية لنهزم مازيمبى

  12. كشف أوراق الهلال ههههههههههههههههههه ..هو الهلال عندو حاجة يكشفوها ..؟؟ ولوداير يعمل حاجة زي دي الا يمشي زيارة.. يا عالم في نت وموبايل وواتس وغيرو ..دي سذاجة وكب جرسة من أأأأأأسسسسسععععع …( وريني درب الخمسات كييييف يا غارزيتو ) ههههههه

  13. هو المدرب دا قبل كدة ما درب مازمبي زي ما درب الهلال .. بل فاز مازمبي في عهده ببطولة .. يعني الحكاية كلها لا تعدو ان تكون زيارة للمجاملة لناس هو عاش معاهم فترة طويلة.. وما اظن في اي غرابة في ذلك .. ثم ايه مصلحته في انو يكشف اوراق الهلال لمازمبي؟؟؟ دا تحليل ممعن في السطحية .. ثم ثانياً هو الهلال عنده اوراق عشان يكشفوها ما هي مكشوفة لمازمبي من زمان .. زمن الخمسة اهداف في سنة 2009 القريبة دي؟؟ بالله فكونا بلا ش هبل معاكم.