زواج سوداناس

أنوارها واصلة بدون سلوك


شارك الموضوع :

> عدم المنطق بضحك
> بضحك ضحك شديد
> قالوا غرزه مشي لي وفد المقدمه بتاع مازيمبي وكشف ليهم الجماعه
> يعني غرزه بالبلاده دي؟؟
> لو وتسب ليهم المعلومه ما بتصل ؟؟؟
> يمشي ليهم نهارا جهارا عشان ناس الشتله يكتشفوهو
> ياخ لو مسكل ليهم دحين ما برجعوا ليهو
> ويوفروا عليهو الرصيد والمشوار
> ارواق شنو المشي غرزه يكشفها
> هو المستور شنو والمغطي شنو
> باقي ليكم ناس مازيمبي ماعارفين الشغيل موقوف ولا ما موقوف؟
> باقي ليكم ناس مازيمبي محتاجين زول يوريهم انو جوليام حمام؟
> تفتكروا ناس مازيمبي محتاجين للبوريهم انو اندرزينهو ماسورة؟
> الغربان مفتحه وناقشه اي شيء
> عارفين ابو الهل فقد المدينه
> ففقد رشده
> عارفين كاريكا كبر
> عارفين بويا قاعد ساي وفداسي ثغرة كبيره
> ناقشين درب القرعه الغريبه
> وناقشين سر الرصاصات الفشنكات
> عارفين اي شيء
> واكتر حاجه مطمئنين عليها
> انهم متأكدين من قصة الصفر الدولي
> وعارفين عمرو سبعه وتمنين سنه
> وناقشين السبعه وتمنين سنه الجايه
> دي برضو قالها غرزه ؟؟؟
> مافي شيء مغطي يا رمضان عشان غرزه يكشفو
> المهم
> ابطال افريقيا 2015م وصلوا الجزائر
> المليون شهيد جوا يتفرجوا في بكري المدينه
> وسألوا
> وين الجماعه القالوا في تونس انهم من طرف بكري المدينه؟
> الجزائر نورت
> وحا تشرق الانوار ان شاء الله من يوم الجمعه
> يوم السبت بتكون انوارها واصله بدون سلوك
> والغريبه الاحد
> نورها حايبقي ضاوي
> ايها الناس
> قطاع الشباب والناشئين ماشي صاح
> وقصة المدرب الاجنبي بقت حقيقه
> وده سبق ما سبقو سبق
> ودي مدرسه مابعدها مدرسه
> وده المريخ يا هو ده المريخ
> المهم
> الاولاد يحتاجون للدعوات
> ونقطه واحده تكفي
> مهما كانت نتيجة الجمعه
> ولا نخاف تواطؤ سطيف والاتحاد
> فلو تواطأ معهم المليون شهيد
> زايد الشهيد الجزائري بتاع السودان
> لن يحركوا في شباك جمال سالم ربطه
> ايها الناس
> بي ايدينا بناكل
> وبي ايدينا نبنيك يا بلدنا
> فقط نحافظ على اولادنا
> لانو لقاء مازيمبي في دور الاربعه يحتاج للكتيبه كامله
> والتطواني لا يقوي علي ابعاد اتحاد العاصمه
> يبقي حا نواجه اتحاد العاصمه في النهائي
> طيارة الكاس جايه من الجزائر يا ناس
> ان شاء الله
> ايها الناس
> قرار غرزه في شأن اوكرا قرار تربوي يستفيد منه اوكرا في المقام الاول
> وليس بقرار انتقام
> وسنشاهد ان شاء الله رقصة الباعوضه في النهائي
> ونرقصها مع اوكرا على ارض المليون شهيد
> اما الشهيد الجزائري الهنا
> فحيوحشنا
> حايكون مرق في بلد طيرها عجمي
> اسمعوا كلامي يا روشا
> الجواز الممغنط اهم شيء
> ايها الناس
> لا تنسوا قصة السواسيو الجرو ودخلو الكرتونه براهم
> كبروا الكراتين وكبروها
ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> اي شيء بقى دفع مقدم لينا
> الكهربا دفع مقدم يا والينا
> الرصيد دفع مقدم يا والينا
> المدارس دفع مقدم يا والينا
> الدفع قبل الخدمه يا والينا
> بس الجايب الحيره لينا
> المطر دفع مقدم يا والينا
> ندفع التمن كتمه وسخانه مقدم يا والينا
> والمطره تمقلبنا وما تجينا
> طيب ليه مسخنه الجو علينا ؟؟؟
سلك كهربا
ننساك كيف والكلب قال لينا كان راجين المطره انبح بي ضنبي ده.. وهزه ضنبو وجرى .. ابن الكلب بضحك علينا
والى لقاء
سلك

شارك الموضوع :

تعليقات الفيسبوك

تعليقات


9 التعليقات

إنتقل إلى نموذج التعليقات

      1. 1
        OMAR ALKASHEF

        اسلوب الشماتة بتاعكم ده الخلا الناس ماعندها وطنية رياضية
        العالم كله لو لعب فريق من بلدهم كلهم وراه
        الا نحن
        نفت في المغص والمحن ونساهم في الشقاق بكلمات النفاق
        ياخي ارحموووووووووووووووووووووووووونا

        الرد
      2. 2
        abo albnat

        يا سلك صدقنى المريخ طائر طائر هذه الحقيقه الخالاك تهضرب جنس الهضربه دى٠ يااخوى من حسه جهزو مقالات الخروج المحزان ومبررته. من تؤاطؤ الفرق الجزائريه ننساك كيف والمريخ لحق امات طه

        الرد
        1. 2.1
          أبو نجمة *

          أها المريخ اتأهل رايك شنو ياوجيه؟؟؟

          الرد
          1. abo albnat

            الشكر لاتحاد العاصمه

            الرد
            1. idreesai

              خدمة يمين وعرق جبين 10 نقاط من فوزين وتعادل واحد وهزيمة . الشكر للكاردينال هههههااااا******

              الرد
      3. 3
        أبوأحمد

        أنا مريخابي على السكين وبالميلاد كمان لكن ياسلك أنت ومزمل عندكم أقلام غريبه
        لماذا التجريح والهمز واللمز.
        من حقك الإحتفال بفوز وتأهل مريخنا الحبيب ولكن لايجب الكلام عن الآخرين بهذه الطريقة مهما كان.

        الرد
      4. 4
        بدع

        ليلة ويا لها من ليلة .. كانت ليلة ما منظورة
        نحن بلابله وسماره .. نحن اهلته واقماره
        عالي نظامنا .. حالي وئامنا هاه طربنا هاه مدامنا
        ………
        اغنية من الزمن الجميل للعشق النبيل … الهلال

        الرد
      5. 5
        الفكي أبو عصايه

        عشان حقدكم دا يا أحمد بدير ربنا خلاكم بره أبطال أفريقيا عدة سنيين ،، والبركة في نتائج الهلال التي أقنعت الإتحاد الإفريقي ودخلكم بدون تذكره

        الرد
      6. 6
        adamali

        أسوأ صحفى رياضى يمر علي السودان ، وين المهنية والنقد الموضوعى ، اسلوب شوارعى بحت ، يبذر بذور الكراهية فى الوسط الرياضى السودانى السمح .

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *