منوعات

طلاب من جامعة الخرطوم يصنعون سيارة زهيدة التكاليف تثير موجة من الإعجاب


تحت شعار (صنع ﻓﻲ ﺟﺎﻣﻌﺔ ﺍﻟﺨﺮﻃﻮﻡ)قام مجموعة من طلاب جامعة الخرطوم أكبر وأعرق الجامعات السودانية بصناعة سيارة بإستخدام مواد محلية وغير مكلفة ، عبر مشروع تخرج لطلاب من كلية الهندسة، قسم الميكانيكا.

والطلاب أصحاب المشروع ، هم ﻋﺒﺪ ﺍﻟﻌﺰﻳﺰ ﻫﺎﺷﻢ، ﻋﺒﺎﺱ ﺍﻟﻮﻟﻴﺪ وﻋﺒﺪ ﺍﻟﻌﻈﻴﻢ ﻛﻨﺪﺍﻭﻱ بمعاونة ﺍﻟﻤﺨﺘﺒﺮ: ﺍﺑﻮﻋﺒﻴﺪﺓ ﻡ .ﺍﻟﺒﺸﺮﻯ وتحت إشراف الدكتور ﻣﻀﻮﻱ ﺍﺑﺮﺍﻫﻴﻢ.

ويقول الطالب ﻋﺒﺪ ﺍﻟﻌﺰﻳﺰ ﻫﺎﺷﻢ عن السيارة “مرفق صورتها بالأعلى” (فكرة المشروع، حل أزمة المواصلات و إرتفاع الآسعار في السودان .. و ان شاء الله تكون بداية تصنيع العربات محلياً المركبة مصنعة بالكامل من اكتر المواد المتوفرة و ارخصها في السوق هي كانت موازنة بين قلة التكلفة .. قوة التحمل و الآدآء

بالنسبة للتصميم نحن طبقنا كل العلوم الاساسية من أساسيات الفيزياء و الحركة و كل علوم التصميم الميكانيكي بمراعاة أوضاع الشوارع في السودان لكي نضمن سلامة الراكب و المركبة .. بساطة التصنيع .. التجميع و الصيانة تقليل استهلاك الوقود ..

المشروع أمامكم تكلفته حتى الآن 15 الف جنيه سوداني و على ضمانتنا أنها تعيش على أقل تقدير 10 سنين.

وبخصوص الماكينة والسرعة و الامان يقول الطالب ﻋﺒﺪ ﺍﻟﻌﺰﻳﺰ ﻫﺎﺷﻢ عن السيارة بحسب رصد “موقع النيلين” (أولا العربة بتوصل سرعتها لحدي 100 كيلومتر على الساعة وبها حزام امان و AirBag والفرامل بتسمح ليها توقف من سرعة 100 كيلومتر على الساعة للصفر او الوقوف التام في 4.5 ثانية أو ما يعادل 5 ثواني ).

ويضيف عبد العزيز، العربية عندها Center of Gravity منخفض الارتفاع ، ممكن تأخذ لفة جامدة بسرعة 80 بدون ما تنقلب .. كله مدعم بحسابات رياضية و Simulations بالحاواسيب فقد كان همنا الاول سلامة الراكب.

ويقول عبد العزيز بحسب متابعة موقع النيلين (هيكل و ماكينة و آلية نقل الحركة و نظام التعليق و المكابح، المشروع دا مكتمل فقط تبقت الكماليات وان شاء الله في الشهور الجاية حتشوفوها متحركة في شوارع الخرطوم ونحن مستمرين في التطوير و ايجاد حلول تزيد العمر و تقلل التكلفة ).

ويضيف الشاب الطموح عبد العزيز “لو ربنا سهل ووجدنا دعم من شركات، في العشرة سنين القادمة السيارة ستكون متوفرة بأقل تكاليف و ممكن أي طالب أو طالبة يمتلك واحدة لنفسه “.

الخرطوم/معتصم السر/النيلين


‫37 تعليقات

  1. بالتوفيق امل المستقبل
    ربنا يوفقكم لما فيه خير البلاد والعباد

  2. دى سياره ولا كارو والله دى اصغر مكنيكى فى المنطقه الصناعيه يعملها قال خريجين كلا فارغ

    1. أصغر ميكانيكي يمكن يصنعها !! ..

      قايلها شنو انت !! فتة بوش و لا ملاح كول !!

      يا خي لو ما قادر تعمل حاجة أسكت و خلي الناس تشتغل .. هسي خلينا من أصغر ميكانيكي ,,, انت Center of Gravity تلقاك مفتكرو مدرب مازيمبي !!!!

      1. ليه يعني اخترت ملاح كول بالذات !!!!!

        تحياتي

    2. كلامك محبط .. ربنا يوفقم و دي البداية بس يا ادم .. ناس لسة في بداية الطريق المفروض نشجعم مش نكسر مجاديفم.

    3. يا سبحان الله يا اخى بشر ولا تنفر
      فقل خيرا او اصمت يرحمك الله واستغفر لربك

  3. بالتوفيق ان شا الله حاجة حلوة وماتسمع كلام الاحباط واصلو عمللكم

  4. ربنا يوفقكم وطالما هنا فكرة وهدف وعدم الياس فإن شاء الله تصلوا إلى الغاية ولا مستحيل تحت الشمس ونتمنى أن تجدوا من يقف بجانبكم من البنوك ورجال الأعمال

  5. الله يرحم جامعه الخرطوم _والله الواحد ماعايز يحبطكم لكن ياولدي نحن في القرن الكم حسع,بعدين مواد محليه, الحديد اللحام العجلات والكرسي القاعد فيه دا.الحاجه المحليه الوحيده في الشغلانيه دي كلها عقلك وباقي جسمك داخل بس. حسع لو بس المطره صبت بتمشي وين.قال ايرباك

    1. أير باك .. و كمان معاك فلسفة !! باك شمال و لا ّ يمين ؟؟ اسمها أير باق Air bag … عالم وهم بصحيح !

  6. شوف الكفرين الاماميين كل واحد ماشي في اتجاه ده اول عيب

  7. صراحة مجهود كبير .. وأحسن حاجة مراعاة سلامة السائق .. وكمان حاجة تانية .. ما في طريقة تظليل .. الا تخت ليك ملاية !!!

  8. والله بصراحة مجهود حلو
    لكن بي طريقته دي ما تصلح إلا في الحواشات
    امانه دردقة ولو بتصرف بنزين كمان اكبر مشكلة

  9. ماشاء الله وربنا يوفقكم ومزيدا من الاجتهاد والمثابرة حتى يستمر المشروع ويدعم الاقتصاد السودانى

  10. صنعوا سيارة ام صندوق
    السيارة هي المكنة وبساتمها والمكونات الالكترونية
    هل هذه الاجزاء مصنوعة في السودان

  11. ما شاء الله خطوة في الطريق الصحيح انصح الكل يقراءة كتاب كيق اصبحوا عظماء

  12. مزيد من التوفيق انشاء الله …نحتاج الي من يدعم الناججين حتي يبدعو وليس اسقاط السخرية عليهم حتي يملو ويحبطو…اضف بصماتك في الحياة ولا تلتفت الي الذين لا بصمة لهم في الحياة و لا ابداع…

  13. مبروك ربنا يوفقكم بس الباب وين والمرايات لو يعني واحده عايزه تركب؟٠٠٠٠٠٠٠٠٠

  14. لا تغتالوا الابداع والمبدعين،قرأتم المواصفات الميكانيكية والفنية وقالوا التحديثات متواصلة-اصبروا شوية-ديل شباب مبدعين،ما عطالة ولا محششين،ما تحولوا كل شيئ للسياسة والمماحكة والتقطيع ومريخ-هلال!
    باذن الله(اذا ما ضايقوهم اللاعبين الكبار )وخرجت الفكرة للواقع اكون من اوائل المشترين،الى الامام.

  15. ميه الميه ياولاد …واوعى تسمعوا كلام المحبطين المفلسين ذهنيا….برطانيا العظمى بدات صناعة السيارات بسياره تشبه هذه السياره شكلا …واى سياره صالون لو شلت منها البودى ستصبح مثل هذه السياره….الى الامام والالف خطوه تبدا بالخوه رقم واحد …الى ان تصل مرحله الهامر انشاء الله…؟
    واذا كان عندى نصيحه ليكم لازم تعملوا تجربه عمليه اختباريه للسياره …بيان بالعمل تحت كل الظروف …المرتفعات تحت الامطار فى الوحل وكل الاختبارات الممكنه …فاذا اجتازت السياره هذه الاختبارات تمنح شهاده الترخيص لمزاوله العمل.وشكرا

  16. ربنا يوفقكم والعافية درجات وأهم حاجه السلامه وزي الحاجات دى هى الحل الأمثل لمشكلة المواصلات خصوصا في العاصمه وفوق دا كله بالسعر المذكور ممكن كثيرمن الناس يقدروا اشتروها ورصيد قدام البيت لحالات الطواري

  17. ما شاء الله تبارك الله—
    شبابنا هيا الي الإنجاز —
    هيا أصعدوا شوامخ الجبال—
    هيا اهتفوا يا معشر الرجال—
    قولوا لكل الناس لا نبالي–بكلام الإحباط والتخذيل–

  18. وااله دا ما احباط بس دى حقيقة يعني مفروض تكون شغالة بي طاقة شمسية وتكون الكترونيا يعني من دون عجلة قيادة
    انا شايف انو ما في جديد ونحن في القرن الواحد والعشرين …من وجهة نظري دى حاجة بدائية

  19. اكثر ماعجبنى فى هذه العربه هى فكرة اليايات الاماميه فهى مصممه بطريقه مختلفة تماما عن بقيه السيارات وربما يتم تبنيها من احدى الشركات الكبرى العالميه وذلك لان الفكره جديده وغير مسبوقه..

  20. 1-مشاريع التخرج متطلبات الكليه لنيل الدرجه المعينه
    2-الفكره جميله وزمان واحد صنع عربيه اسمها امروابه(بوكس) جاءت الخرطوم
    3-لا تنسوا تمشوا الفحص الالى والمرور والجمارك وتعملوا رقم شاسى قبل تمشوا الشارع
    4-ربنا يوفقكم وتنسقوا مع جياد للسيارات(عربيه تشبه عربات وكاله ناسا للفضاء)

  21. لو انا وزير الصناعه اشجع الجماعه ديل … واعمل منافسه ما بين جامعه الخرطوم وناس المنطقه الصناعيه ونستفيد منهم الاتنين