جرائم وحوادث

سجن شاب سرق (طلب لحمة) من كافتيريا ببحري


أوقعت محكمة جنايات بحري وسط عقوبة السجن شهرين على شاب استولى على (طلب لحمة) من كافتيريا ببحري، على أن تنفذ العقوبة من تاريخ توقيفه، وهو منتصف الشهر الجاري. وحسب الاتهام فإن المدان كان قد تسلل إلى إحدى الكافتيريات المعروفة وسرق (طلب لحمة) واستخدم القوة الجنائية عند محاولة القبض عليه، وأكد شاهدا اتهام استمعت إليهما المحكمة وهما عاملان بالكافتيريا، أن المدان سرق (اللحمة) ورفض دفع قيمتها، وقاوم العمال عند القبض عليه، ما دفعهم للاتصال بالشرطة، التي حضرت دورية منها اقتادته إلى قسم الشرطة ودونت في مواجهته بلاغاً، ومن ثم أحيلت الأوراق إلى المحكمة.

المجهر السياسي


‫11 تعليقات

  1. يا جماعة يمكن الزول ده جعان
    بعدين قروش الاكل البتصرفوها عليهو في السجن لمدة شهرين حتكون اكتر من التمن بتاع طلب اللحمة.
    كان تشوفو ليهو حل غير السجن

  2. ده غبااااااء
    طيب ياخ القاضي يقول مثلاً انه يغسل الصحون و لا يشتغل يومية في المطعم ( او نص يومية علي حسب فاتورة الوجبة )
    حسه ده عدل !!!
    يعني قروش الضرائب تضيع لمدة شهرين ( صرف علي الشاب ده ) زائداً هو زاتو يتعطل لمدة شهرين و المجتمع يخسر شخص فاعل

    يااخ متين حتطلعوا من عقلية الاستعمار و تفكروا في الأفعال بتاعتكم
    دي ما جناية ( و اكبر دليل أنوا حتي في الاسلام في نصاب لحد السرقة . يعني في سرقة ما تعتبر سرقة – يعتبر خلل اجتماعي و يتم معالجته تباعا باصلاح اجتماعي مش سجن – الزول ده السجن حيخليهو انسان غضبان من المجتمع .
    كرهتونا زاتو ياخ
    بيجيبوكم من وين انتو ياخ

  3. والله الجيعان حقيقي صاحب المطعم قابض ليك واحد عشان شال منك طلب لحمه والله انت اكيد ما سوداني لانو السوداني الاصل بذبح الثيران عشان ااكل الناس وتستاهل تدخل السجن بدله يا جيعان

  4. زول جعان كان يقابل بتاع المطعم او لو خجلان ينادي اي زول من الشغالين في المطعم ويكلمو وكان اقل حاجة ممكن يطلع بطلب فول وبدون قروش لو قلنا صاحب المطعم بخيل ، لكن هو عملها بقوة عين وطلب لحمة للتمويه باعتبار انه عنده قروش عشان كدا طلب لحمة ، ولما كشفو امره بدل ما يعتذر قام شاكل الناس ، ده بيستحق عقوبة ولا ما بيستحق ؟ ممكن كان يشوفو ليهو حل لكن ممكن يتعود على كدا ، او لو مشى حكى الكلام ده لزول تاني ممكن الزول داك يمش يعمل كدا برضو ، وما معروف الظروف ممكن يقع في يد ناس كعبين يقتل او هو ذاتو بتعوده للمشاكل يقتل ليهو زول لانه المشاكل متوقع فيها الموت ، لذلك وجب السجن والتاديب ، الناس بتنظر للامر من زاوية واحدة دائماً !!!

  5. وثق في القضاء وحكمه
    اذا سرقها وهو جائع لتطوع احدهم ودفع المبلغ او تم عفوه من صاحب المطعم لكن اكيد سرق اللحمة شفتنه وقوة عين
    في ناس من النوع ده كتير نسمع عنه وأحيانا تجد متسول بكامل قواه البدنية لكن يفضّل ان يمد يده ويهين كرامته بدل العمل ولو يومية

  6. ***الله يفقع مرارتكم أيها الانقاذيين
    ***أوصلتم الناس لدرجة ان يشتهي احدهم لحمه فيسرق وجبه لحمه
    ***قال عمر بن الخطاب رضي الله : في عام الرمادة أوقف الحدود
    ***ربما كان هذا الشخص عاطل عن العمل ، مسكين ، فقير
    ***وين الرحمة هو لم يسرق غير طعام ، وماسرقها إلا وهو جائع ومشتهي

  7. النظام ضيق علي المواطنين في معاشهم وهذه الافعال نتيجة طبيعية للجوع بل ان القادم اسوء .

  8. الجعان يقرش عضم ….. يا مفتري تسرق طلب لحمه كامل .. طيب كان تسرق ليك عضمايه وبس .

  9. والله زول زي دة اركبو حطب لمن يامن زول حقار ساكت أكان جيعان يقول انا جعان لكن يقل ادبو وبحقارة كمان ولابضرب للبوليس