زواج سوداناس

لدواعٍ وطنية نمشي الاسكندرية



شارك الموضوع :

> نحنا كشفوت حقو نمشي الاسكندريه
> نناصر ابو الهل
> لاعتبارات عديده
> لينتصر ويتصدر ويقابلنا
> مادايرين في الكروس قشه تعتر لينا
> عشان كده مقابلة ابو الهل بتسهل علينا
> ولما البلد تضمن المريخ في النهائي
> يبقي ربحت
> لذلك نمشي الاسكندريه
> نمنع التواطؤ
> الفراعنه ديل ما مضمونين
> والجماعه ديك «خترين »
> التطوان
> ممكن يحاولوا يشتروا من الفراعنه
> وده الكلام المادايرنو نحنا
> نحارب التواطؤ
> فالبطوله نريدها شريفه
> ولا نريد أن نسمع بتواطؤ فيها
> عشان ما يجينا زنطور بعد تمر السنين والشهور
> ويقول ما شاف كاس افريقيا الجابو المريخ
> او يقول كان فيهو بيع تطواني فرعوني
> وحاجات بالشكل ده
> ايها الناس
> بعض الناس وهمانين
> لسه ما اتأهلوا لي دور الاربعه
> وبتبجحوا
> ونحنا بنفكر اسي نغلب برشلونه كيف
> بنخطط لي قفلة ميسي
> يقفلوا ضفر
> ولا نفك ليهو راجي يسكو
> ولا نخصص ليهو ايمن المصري
> وناس برشلونه بفكروا يوقفوا بكري كيف
> عارفين بيكيه تقيل
> وعارفين دفاعهم ما بقدر علي الكهربه دي
> وناقشين كويس
> انو بكري لو جري
> اقليم ساكسونيا كلو لو لعب سكسك ما بلحقو
> فكرنا مشي بعيد
> بعيد شديد
> ايها الناس
> كورة اتحاد الجزائر الاولي لازم نجتهد فيها
> على الجماهير دور كبير
> واللوحه التي رسمتها الاولتراسات كلها
> وروابط التشجيع
> وجميع الشفوت
> يجب ان يرسموا اجمل منها
> كما ادهشوا الوفاقاب
> يدهشوا الاتحاداب
> اما كورة الاتحاد التانيه فدي دايرين فيها لوحة تدهش افريقيا كلها
> لأنها الكورة الاولي في النهائي
> اما كورة الاتحاد التالته
> فهي مباراة النهائي بالجزائر
> لن ندعك تسير وحيداً شعارها
> كل الشفوت جوه الجزائر
> لو نمشي بالركشات نكون هناك
> عشان نحضر الزعيم وهو يرفع الكأس الافريقيه عالياً
> أيها الناس
> كورة السوبر برضك نمشي مع الزعيم
> ومشية اليابان فيها منافع اخر
> جنس خمخيم خرد
> استعمال اليابان يا عمك
> سكند هاند من امو
> وناس روشا ما يزعلوا
> بنديكم مكنات بالاقساط
> ادفعوا المقدم والباقي بنعتبروا دين هالك
> ايها الناس
> ريحة المطار فاحت شديد
> وعلينا ألا نفرط فيها
> ما جاتنا صدفه
> ولا جاتنا بطرق ملتويه
> جاتنا بي عرقنا واجتهادنا
> بي جري بكري المدينه وجسارة جابسون ورشاقة جمال سالم
> جاتنا بي جهود رجال ودعم جمال
> جاتنا بدون ادنى شك في اننا نستحقها
> لا لعبنا كورة الحكم نهاها في الدقيقه اربعين والزمن الضايع رقادا كان تلت ساعه
> ولا انظلم منافسنا ظلم الحسن والحسين باخطاء تحكيميه «غير مقصوده».
> ولا القرعه لملمت لينا الكرور «صدفه»
> ولا كتلنا زول جوه خط طمنطاشر والحكم صهين
> هو زول واحد!!!!
> جاتنا بي حقنا
> يبقي من واجبنا ومن حقنا
> ان نحافظ عليها قبل ان نفخر بها
> فالكاس كاسنا
> ونحنا اهلو ونستاهلو
> لو اجتمع الجن كلو في قلب الاتحاد الافريقي
> لو تفرغ الشيطان ليعاكسنا
> لو اجتمع كل منجمي العالم ضدنا
> فمريخنا مصان بالقرآن
> ومصان بنية جمال الجميله
> ومصان بقلوب الشفوت الاصيله
> ومصان بمهارات وامكانات كبيره
> ايها الناس
> رئاسة الجمهوريه اعلنت دعمها للزعيم
> كتر خيرهم
> دعمونا بعد صعدنا بي اسبوع
> وغيرنا تم دعمه قبل ان يلعب
> بل
> قبل ان يتأكد صعوده
> ولعل رئاسة الجمهوريه بفطنتها قد قصدت ان تقول
> انا احفز المريخ علي انجازه
> لذا اقدم له بعد ان يصل
> وانا احرض الهلال علي ان ينجز
> يبقي زي المريخ
> لذا ادعمه قبل ان يلعب واوعده بالحوافز
> على كل الشكر لرئاسة الجمهوريه
> ونتمنى ان تعلن حافز البطولة الافريقيه من اليوم
> وتجهزوا
> الكاس جاييكم في القصر يا ناس رئاسة الجمهوريه
> قولوا آمين
> جايبوا جمال متقدم للصفوف
> هديه لرئاسة الجمهوريه
> وما جديده علينا
> فقد اهديناكم من قبل مانديلا
> وجبناهوا ليكم جوه القصر
> واليوم من حق القصر الجديد ان يتوشح بالاميره الحمراء
> من الليله اسمها الاميره الحمراء
> دايرين نجيبها لي بلاد العجائب
> عشان تبقى الاميره الحمراء في بلاد العجائب
> ما تفهموني غلط
> العجائب دي قاصد بيها
> فيصل عجب ورمضان عجب
> ايها الناس
> التواطنه لو اتفرعنوا مع التواطؤ
> اقصد التواطؤ لو اتطون مع الفراعنه
> اقصد الفراعنه لو اتطونوا مع التواطؤ
> اقصد التواطؤ لو اتفرعن مع التواطنه
> يبقى خبر الشوم خبر الروم
> وحايتناقلوا الحروم يا فطومه يا اختي
> غايتو لو اتناقلتوا ما تبخلوا علينا
> ورونا الشمار
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الجقر كملن الفينا
> قصاد كلو مواطن خمسين جقر يا والينا
> والجقر كلو اتنين وخمسين يوم بلد يا والينا
> لا بحتاج موجات زي البتتعمل لينا
> ولا داير طفل انابيب زي اللدينا
> ولا ببلع فوليك اسيت يا والينا
> بدون تأمين بلد مجاني كيتا علينا
> بدون حضانه طفلو تاني يوم يجري بينا
> بدون تحصين بدون تطعيم بدون تنجيم يا والينا
> لكن علمياً وحسب ماقالوا لينا
> الجقر بجيب الطاعون يا والينا
> موش كفانا الطاعون الساكن فينا
> اقرضوهوا قبل ما يقرض الشعب الفضل لينا
> الجقر القرض الكبري بقرضنا يا والينا
سلك كهربا
ننساك كيف والكلب لو شاف الجقر بجري .. هو جقر نصاح يا والينا!!
والى لقاء
سلك

شارك الموضوع :

تعليقات الفيسبوك

تعليقات


5 التعليقات

إنتقل إلى نموذج التعليقات

      1. 1
        زايد الخير

        إقليم سكسونيا دا جديد عملوه المريخاب ولا شنو ،، اظنه فاصد كاتلونيا او كطلونيا … بالله ياسلك ارعي مقيد وشرف وفخر كبير لكل المريخاب داخل وخارج السودان التاهل لدوري الأربعة ..زهدا حدكم وكفيتوا و وفيتوا ….

        الرد
      2. 2
        الحلفاوي

        تعرف انا لو عندي جريدة حائطية
        بتعرف جريدة حائطية دي شنو
        كنا بنعملها زمان في المدارس الثانوية
        ايام ما كانت في مدارس في السودان
        والله ما اخليك تكتب فيها
        يا اخي مما ممكن ده يكون اسلوب واحد عامل نفسه صحفي

        الرد
      3. 3
        ابوكساوى

        انا اصحابى كلهم مريخاب وطبعا مامصدقين انهم وصلو للدور هذا وطبعا خايفين من الهلال اذا تصدر لان موضوعهم انتهى عشان كده بولولووووووو وطبعا نهايتهم قربت وطبعا الهلال عمره مابعرف نظام اللف والدوران ونحن بنجيبها كدة بلعيبتنا الفنانين والابطال عشان كدة ارفع راسك انت هلالابى وان لغد لغريب

        الرد
        1. 3.1
          مريخابي جد

          ما مصدقين القعدوا يبكو والحالة لسة ما اتأهلو لو اتأهلو بسوو شنو ؟؟؟؟

          الرد
      4. 4
        جار الزمان

        HHHHHHHHHHHHHHHHHكككككككككككك الكأس دا
        ودفاعكم زي مجاري الخريف في الخرطوم قاعد ساكت البركة في المدينة وعلاء الدين يعني كونكم وصلتو هذه المرحلة فالفضل يرجع لي الهلال كونو ادكم بكري ارنب

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *