منوعات

مدير السجون للنزلاء: «أي زول بتكلم مع الصحف بنصفي حسابنا معاهو»


توعد مدير الإدارة العامة للسجون والإصلاح الفريق أبوعبيدة سليمان النزلاء بسجن الهدى، بالمحاسبة لاستخدامهم الهواتف داخل السجن ومد الصحافيين بالمعلومات، وقال خلال زيارة لجنة التشريع بالبرلمان للسجن أمس: «أي زول بتكلم مع الصحف عارفنوا بنصفي حسابنا معاهو». وطالب المدير النزلاء بإيقاف الحديث مع الصحف، وأضاف: «وقفوا الكلام مع الصحف». وتابع: «كان قمنا شينين».

الانتباهة


‫30 تعليقات

  1. ده كان زمان يا جنابو، الان الناس بقت تعرف حقوق الانسان وحقوق الحيوان

  2. قوم ساي
    ما البلد حقتكم
    تقوموا وتقعدوا علي كيفكم من زمان
    في زول فتح قدومو قال شئ!!!!!!!!!!!!!؟؟؟؟؟؟؟؟؟؟؟؟؟

  3. ﺑﺎﻟﻠﻪ ﺍﻧﺖ ﻓﺮﻳﻖ ﻭﺭﺟﻞ ﻗﺎﻧﻮﻥ ? ﺩﻩ ﺑﻴﺖ ﺍﺷﺒﺎﺡ ﻣﺎ ﺳﺠﻦ

  4. علني كدا؟؟؟
    لكن برضو دا نوع من الرجالة،وضح افعالهم عدييييل ما دس!
    احسن من “الغمت” في الخفاء،اخير كشف منهجهم بدون خوف!!!!!!!.

  5. منفوخ كدة زي التنبيرة … والله ما عرفنا سيدنا منو في البلد دي …!

  6. اتقى الله
    (إذا دعتك قدرتك إلى ظلم الناس فتزكر قدرة الله عليك)

  7. هو سجن ولا منتجع،، أي واحد يقل أدبو أدوهو في راسو،، هو المخلي البلد دي تمشي لي وراء غير الصحفيين شنو، أي واحد قضى ليهو 4 سنيين في كلية الإعلام وتخرج بدرجة مقبول عاوز يبقى صحفي وهو تلقاهو ما يعرف الواو الضكر، وعاوزيين كمان حصانه ما يتسجنوا ، يا ريت لو يرجع لينا نميري عشا ن تدخلوا في جحورك ، خليكم في ناس الدلوكة والكوره وخلوا السياسة لقداى الصحفيين.

    1. بلاهى انت اسمك سرور..لية اهلك طلموك انت ما تستحق هذا الاسم..

    2. سرور ده يكون عسكري ..
      نفس منطق العساكر .. الله يكافينا شرهن ..

  8. ماكفايه هو في السجن كمان تهددوا حرام اعطيه قليل من حريته يعني هي رجاله نعم تعيش كتير تشوف كتير

  9. “كان قمنا شينين” والله يا اخونا ما محتاج تقوم.. بعدين يا اخونا عاوز تقوم على انسان مسجون ضعيف لا حول له ولا قوة. سبحان الله على دي بلد ..

  10. انت قاعد كده بدون ماتقوم شين خلي ما محتاج تقوم عشان نشوف شناتك

    1. هههههههههههههههههههههههههههههههههههههههههههههههههههههههههههه والله صدفت ماعسكري في النهاااية بلادة مكتسبة ومركبة الله المسنعان معليش ياسودان

  11. يتكلموا مع الصحافة…؟ وكيف تسمح ادارة السجن للنزلاء بامتلاك هواتف..؟ طيب ما تجيبوا بليهم الجزيرة ابرياضية بعد ده….جنس مسخرة…

    المشكلة انو يستخدموا الصحفيين لادارة اعمالهم المشبوه خاصة ترويج المخدرات و. .غيرها

    1. عندهم الجزيره الرياضيه و بتفرجو المصارعه كمان
      اها كان عجبك

  12. الغريب انو ما عندنا جهة تحاسب مثل هذا المسؤول على كلامه هذا . وهو خايف مالو هل هناك شيء يخفيه ؟ فالاثم ما حاك في النفس وكرهت ان يطلع عليه الناس . ويفترض ان تكون هناك رقابة من جهات حقوقية وبصورة دورية للسجون للتعرف عن مدى توفر حقوق السجناء داخل السجن فالمجرم له حقوق ايضا فلا يعني ارتكابه للجريمة بانه اصبح مستباحا ومن غير حقوق . واي الحاق اذي زائد به يعتبر من غير وجه حق وهو ظلم يقتص له الله يوم القيامة ويحاسب عليه من يفعله ومن يهمل في مراقبة حقوقه وحمايته من الظلم الزائد . فما هي الجهة التي تراقب حقوق السجناء ؟؟؟. وما هي الجهة التي تحدد ما يجب ان يتوفر للسجناء داخل السجن من حقوق ومعاش ؟؟. بلدنا دي غايتو هايصة زي سوق البصل وكل واحد شغال على كيفو .

  13. انت لو مدير فاهم وفيك راس عندك سجناء في شيكات الواحد منهم مسجون في خمسة مليون ليهو اربعه سنة وانت صارف عليه ١٠٠ مليون من أكل وشراب وملابس وعلاج وين الفهم مفروض المبالغ الصغيرة دي تتفاهم مع السلطات لحلها لكن نقول شنو علي الفهم الضيق وكمان بهدد بنشوف وبنوريكم انت مدير سجن ولا رباطي

  14. جنابو ياخترررري

    بعد شوية تنزل معاش وتقعد تتلفت وما تلقي اي زول يديك أي اعتبار الدنيا دولاب يا سعاتو
    ماتغرك السلطة الانت فيها الان
    انت ما بتتعظ من القدامك
    ناس قوش كانوا مرعبين البلد وفي الاخير دخل السجن
    وتلك الايام نداولها بين الناس

    ماتنفخ جضومك في الفاضي ساكت

  15. اولا الفي الصورة دا لواء …. فريق دي جيبتوها من وين …عاين للرتبة صقر ومقص مافي دبوووووووورة

  16. ألو عبيدة سلمان عوض الكريم ( ود السنجك ) من أهالي قرية قندتو جنوب شندي وهي التي أنجبت سابقا الفريق عبد الله حسن سالم مدير غام قوات الشرطة زمن النميري وانجبت الفريق محجوب حسن سعد مدير عام قوات الشرطة سابقا ..ابوعبيدة من اسرة عريقة وفاضلة وهو شخصية محترمة ومتواضع في المجتمع العام ..وقد يكون حازم في عمله ..وليس لديه اي ميولات كدة ولا كدة ..زول عسكري وزول ضبط وربط ,,,

  17. لو قمنا شينين !!

    غايته لو واصلت بالطريقة دي ممكن جدا تبقى رئيس في يوم من الأيام !!

  18. الفي السجن حتعمل معاهو شنو تاتى وبعدين انت لو كنت شايف شغلك الهواتف دخلت كيف اساسا دة مش تقصير منك ولكن لو لو فرضنا سيادتك سمح بذلك سمحت عشان يكلمو بعض فى العنبر

  19. الكلام القالو ده كويس إنتو عارفين قالوا شنو إنو السجون بتكلف الدولة 250 مليار جنيه في السنة.