منوعات

تعرّض احمد وحسين الصادق للضرب من قبل معجبي (الحوت)


تعرض الفنانين احمد وحسين الصادق الي الضرب من قبل معجبي ومحبي الفنان الراحل محمود عبد العزيز مساء امس الجمعة بسبب ترديدهم لبعض اغنيات الفنان الراحل.

وتعود التفاصيل حسب ما علمت الي حضور أولاد الصادق الي زواج احد أقارب الفنان الراحل محمود عبد العزيز وطلب منه عشاقه عدم ترديد اغنيات الحوت الا ان الثنائي لم يستجيب لكن احمد الصادق لم يأبه لتحذيرات الشباب وغني أغنية للحوت ثم تفاجأ بمجموعه كبيرة من معجبي الحوت ينهالون عليه ضربا وعلي شقيقة حسين لكن تدخل أهل العرس وأقاموا بإخراجهم بالباب الخلفي للصالة.

النيلين


‫17 تعليقات

  1. ﻭﺍﻗﺎﻣﻮﺍ
    ﺗﻜﺘﺐ ﻫﻜﺬﺍ ﻭﻗﺎﻣﻮﺍ
    ﻭﺍﻟﺎﺻﺢ ﺗﻢ ﺧﺮﻭﺟﻬﻢ ﻣﻦ ﺍﻟﺒﺎﺏ الخلفي

  2. معجبو الحوت ديل زودوها حبيتن ..

    زي ما هم معجبين .. برضو أحمد الصادق معجب بالحوت .. بعدين الحوت عنده ورثة هي الجهة الوحيدة اللي مخول لها بالاعتراض والشكوى بطريقة قانونية .. أما حكاية أي واحد يعمل فيها معجب بالحوت أو غيره و يعتدي علي الناس .. دي فوضى لا بد من ايقافها.. رحم الله الحوت .

  3. أما حكاية أي واحد يعمل فيها معجب بالحوت أو غيره و يعتدي علي الناس .. دي فوضى لا بد من ايقافها.. رحم الله الحوت

    نعم نعم نعم

  4. الحواته ما برضو يردد اغاني محمود الا من هو في قامه الحوت ومع كامل احترامي للجميع طالما لم يخلق بعد من هو في قامه الحوت فعلي الكل عدم ترديد اغاني الحوت الي حين اشعار اخر.

    1. هههههههههههههه طيب لو رددها السيد علي المرغني برضو ما بكون في قامة الحوت ؟؟؟

  5. والله الفن مجتمع عفن
    هسي الحواتة ديل البشيل الفاتحة للحوت منو
    لاخمننا حواته ومراكبيه هو الحوت زاتو ما بردد في اغاني الغير

  6. ناس فاضية والله
    الحواتة ديل ناس منو هل رفعتوا ليهو الفاتحة قبال كدة
    اترحمو علية واذكرو محاسنة
    بلاش كلام فارغ معاكم

    1. قالوا الحواته لو عملو انتفاضه بقلبوا الحكومه ……….. شباب اخر زمن .. دي الاجيال الراجنه تصلح السودان …

  7. الحواتة ديل شوية عيال ما كويسين وبس..لكن اولاد الصادق ديل كان بقطعوهم حتة حتة في محلهم دا

  8. فعلاً الحواتة متخلفين وناس عطالة وما عندهم لا شغل ولا مشغلة . طيب يا الحواتة ارجعوا لاغاني محمود عبدالعزيز حتلاقوا انو 80% منها حقت الغير . واجمل اغانية كانت اغاني الحقيبة . وكان في اغنية حقت صلاح مصطفى اسمها ( بعد الغياب ) دي غناها بطريقة جميلة ما بننكر الحكاية دي . وبرضو اغنية احمد المصطفى ( الوسيم ) روعة . اذن يا حواتة بطلوا استهبال على الناس .

  9. شى غريب معجبى وردى ما اعترضوا على ترديد اغنياته خليك من الحوت

  10. الحووت فوق كل فنان وماف زيوو
    دي حقيقه والفن في السودان
    بقي هابط والله حليل ناس وري
    ووووو غيرهم يستاهلو اولاد
    الصادق قال عصير القصب
    حليل حوت الله يرحمو