سياسية

السودان يشتري 5 طائرات وقطارين و9 بواخر من الصين


أعلنت الحكومة السودانية، عن اتفاقيات ستوقعها مع شركات صينية، بحضور الرئيس عمر البشير، لشراء طائرتي أيرباص، وثلاث طائرات أخرى للنقل الداخلي، بجانب شراء تسع بواخر للنقل، وبناء خط جديد للسكة حديد.

ويبدأ الرئيس عمر البشير زيارة رسمية إلى جمهورية الصين الشعبية، يوم الإثنين، لمشاركتها في احتفالاتها بالنصر على اليابان في الحرب العالمية الثانية. وأعلنت السفارة السودانية في بكين اكتمال استعداداتها لاستقبال البشير ومرافقيه.

وكشف وزير النقل والطرق السوداني مكاوي محمد أحمد، لـ (الشروق)، عن عقد ستوقعه الحكومة السودانية مع شركة صينية لبناء خط جديد للسكة حديد في شرق السودان، يربط مدن هيا، كسلا، القضارف، سنار والدمازين، بطول 1000 كلم سيتم تشغيله إلكترونياً باستخدام الألياف الضوئية في المحطات، ويضم 26 محطة وثلاث ورش للصيانة.

توفير التمويل

وقال الوزير، إن العقد سيوقع مع شركة (سي سي اي سي) الصينية، بحضور الرئس عمر البشير، بعد أن تم توفير التمويل البالغ ملياراً و400 مليون دولار عن طريق البنك الصيني لتنفيذ الخط الحديدي. وأعلن أنه سيتم التوقيع أيضاً، على استجلاب قاطرتين للنقل في خط مدني الخرطوم.

وأعلن الوزير عن توقيع اتفاق إطاري مع شركة (بوولي) الصينية لتصنيع تسع بواخر في مجال النقل البحري، اثنتان منها في مجال نقل الركاب واثنتان لنقل الحاويات واثنتان لنقل الغاز واثنتان لنقل الحاويات وأخرى متعددة الأغراض. وكشف أنه سيتم تسليم البواخر التسع قبل نهاية العام الحالي.

وقال إن الرئيس السوداني سيشهد، خلال زيارته للصين، توقيع اتفاق لشراء طائرتين أيرباص من طراز (320) عبر طريقة البيع الإيجاري، ليرتفع بذلك العدد الكلي لأسطول سودانير إلى أربع طائرات، عقب الفراغ من صيانة طائرتي أيرباص بالخرطوم قبل نهاية العام.

وكشف أنه سيتم استجلاب ثلاث طائرات من طراز (16 أم ايه) صينية الصنع، سعة الواحدة منها 60 راكباً، لتجربتها في السودان بإشراف صيني، لرفع قدرات الناقل الوطني الجوي تدريجياً.

شبكة الشروق


‫30 تعليقات

  1. اولاً سكة الحديد اللي ح تعملها الصين دي نحن ما دايرنها و حتى السكة الشغالين فيها تحديث لغية عطبره دي زاتها ما نافعه – لانو النظام ده انتهى في كل العالم ( نظام السكه الضيقه) اذ ليس من المنطق تصرف مليارات الدولارات في نظام انتهى في كل العالم – هذه خسارة اموال على الفاضي – -في اوربا لا تزال فلنكات الخشب تعمل بصوره جيده – ليست العبره ان تزيل فلنكه خشبيه و تاتي بي فلنكه اسمنتيه و تكون نفس المقاس القديم. انما العبره في المقاس العريض – كان مفروض تبقى فلنكات الخشب كما هي و عمل خط جديد موازي للخط الاول يكون بالمقاس العريض و متى اكتمل الخط. بعدها نبدأ في ازالة الفلنكات الخشبيه القديمة و نبدأ في التحديث و كده نكون مواكبين و يكون عندنا سكه ذهاب و سكه اياب. لكن البتعملوا فيهو ده عباره عن خراب و ضياع اموال الشعب على الفاضي

  2. اثنتان لنقل الحاويات وتاني اثنتان لنقل الحاويات
    حتى الكذب ما فالحين فيهو
    بعدين الصينين يغشوكم بقطار ديزل مركبين ليهو راس قطار كهربائي حديث

  3. “وكشف أنه سيتم استجلاب ثلاث طائرات من طراز (16 أم ايه) صينية الصنع، سعة الواحدة منها 60 راكباً، لتجربتها في السودان بإشراف صيني”.
    تجربتها؟؟ لماذا تجربتها؟ اليست مجربة من قبل؟ ام تودون تجربتها في ارواح الناس؟؟ هل اصبح الشعب السوداني فئران تجارب للطائرات الصينية؟؟
    اتقوا الله يرحمكم الله ياهؤلاء

  4. انتوا الزلومه دا مافى دوله بيجى مارى بيها تنزلوا تسلموا لينا لى لاهاى وتريحنا بدل ما يمشى يجيب لينا حبه خرد مستعمله ويردم البلد ديون فى الفارغه لا نحنا ولا اولادنا ولا اولاد اولادنا نقدر نحلها ولا نستفيد منها وبعد كم سنه يجونا الصينيين يطردونا من البلد بالقروش العايزنها مننا ونطلع مطالبين كمان الله ياخدك الليله قبال بكره يا قادر يا كريم

  5. ليه القروش جات من وين فجأتن كده ..
    ِطيارات وبواخر وقطارات مرة واحدة ..
    ولا خلاص البلد نشفت دايرين ليكم باب بتاع كومشنات ..

  6. انتوا لايعجبكم العجب ولا الصيام في رجب

    اذا دايرين يشتغلوا ما راضين واذا ما اشتغلوا ما راضيين

    اكتر شعب يبخس إنجازات بلده وحاقد وما عاوز أي خير

    1. إنت ما صاحي ولا شنو يا أوباما؟ إنت مصدق الكلام الخارم بارم دا يا مسكين!!!!!!أصحى يا دا

  7. ههههههههه ديل مافية بس والمصيبة كملوا الجوة وبقوا يحتالوا علي المغتربين

  8. كل هذه البواخر ستسلم قبل نهاية العام …..هل هي مصنوعة من ورق مثل الالعاب الصينية تشتريها لطفلك قبل ما يصل البيت تكون في خبر كان لان المعروف ان البواخر تأخذ اعوام عديدة لصناعتها و لا عندهم اسكراب عايزين يرموا عندنا طبعا بعد ما يرشوا بوهية و كدا نحن (الشعب الفضل) يشيل الدين على ظهره انا مش عارف ضهرو دا بشيل لمتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    1. هذا الشعب الصينى يا عزيزى يعمل ليل نهار من اجل الوصول لهدف ليس هو الشعب السودانى
      ابو الكسل يا محايد يا كسلان

      1. يا جميل يا رايق البواخر التسعة قالوا ستسلم قبل نهاية العام و العقد حتى الان لم يتم التوقيع عليه والمعروف السفن تصنع بمواصفات المشتري بالعقل لو اشتغل المليار صيني مش ح تخلص قبل نهاية العام و زي ما قال وزبر المعادن الميه تكذب الغطاس و انشاء الله نشوفك راكب فيها بعد شهرين و معاك بثينة ها ها ها ها

        1. اهاهاهاااااااااااااااااي عجبني
          “نشوفك راكب فيها بعد شهرين و معاك بثينة ها ها ها ها”

    2. طبعا كلام فارغ
      قالو قبل نهاية العام
      الا طبعا لو سنابك صغيرة
      لكن لو الشعب عوير وبريالة
      قدم الكيشة

  9. كلام مفرح جدا لكن 3طائرات الداخل ديل خلونا زى فيران التجارب بعد تقع (لاسمح الله ) يفتشوا العيوب

  10. خبر البواخر مفرح وان كان متاخر نتمنى سد ثقر البحر كله بوجود سوداني ووطني الطيران اعملوا به تست او تجربة بعدد ستين وزير الرحلة التي تليها مدراء البنوك

  11. يا جماعة تفالوا خيرا تجدوه
    ما افتكر الموضوع كذب الصين عندها القروش والتقنية وأهى الدولة الوحيدة البتساعد فينا !! هل يقعدوا يتفرجوا ام ينجزوا
    نفس الموال لما ارادوا اخراج البترول سمعناه ما يقدروا وكضابين وهلمجرا بس قاعدين تثبطوا فى الهمم
    شعب غريب وحاسد وحاقد

  12. عن نفسي لا اصدق هذا الخبر ولكن اسأل الله بأن يصبح هذا الخبر حقيقة لأننا في امس الحاجة لهذه البواخر حيث اصبح يعني الركاب والحجيج في كل موسم حج حيث التكدس بمواني البحر الاحمر
    وأما الطيران فيحتاج إلي تأهيل كامل وشامل في كل شيء من المطار الي الطيار ومن المدير الي القفير

  13. اليوم ازدحام للمغتربين الذين حضروا لقضاء اجازة عيد رمضان ومعروف العيد الزحمه عيد الاضحى يعني من العيب على الدولة او المسؤولين بامر هذا الميناء يجب تكوين لجنة طبعا تكوين اللجنة عندنا بدل لخدمة البلد بفكروا في انفسهم لازم لجنة تقوم بدراسة الميناء كامل ومطلبات الميناء مناطق حرة منح دول جوار مثل تشاد اكرر تشاد لو تم ربط تشاد بالسودان هذا اقوى ممر تجار يستفيد منه كل اهل السودان حكومة وشعب سكك حديد خط من بورتسودان الى انجمينا طوروا البشر استوعبوا ناس عندها تطلع عندها حضور لا نشك في وطنية والكلام الفارغ دا في ناس طبيعتها زول اكاديمي بحت موظف اتجاه واحد وفي ناس لديها نظرة وطموح وضحت الفكرة لا اطيل الكلام فرحونا بس نشوف البلد دي لديها شيء تتميز به مطارات مواني زراعه مستشفيات بمواصفات لجميع التخصصات هذه بدون منازع حقتنا

  14. كمان جابت ليها طيارات صينية وديل الحيركب فيهم منو ياربى

  15. يامصطفي الشعب السوداني شعب راقي وشعب بيفهم لكن المجموعه الفي هذا الموقع مجموع جاهله اصلا لولا الاغتراب ووسايل التوصل الاجتماعي زي هذه المجموعه كان تكون في الزباله ولا يكن لهم وجود مجموعه من الهلافيت لا الشارع علمهم ولا البيت علمهم ولا الحياة علمتهم والوحد مايعرف قدر نفسه وطبعا زي الاشكال ده دايما بتكون متشائمه لانو عقولهم فاضيه من اشياء كثيره لو الواحد فيهمفيه خير لاهله كانيكون له خير لوطنه لكن مثل النوعيه ده لا فيها خير لاهله ولا لوطنه زباله بس

  16. لمشاركتها في إحتفالاتها بالنصر على اليابان في الحرب العالمية الثانية….
    .. أنتو مالكم ومالهم دي حاجة تخصهم .. دايماً بتتحشرو في الما ليكم فيه دخل .. ده كلو سبب البلاوي .. سياسة رعناء .. متخبطة .. غبية.

  17. وعيــنُ الرِّضـــــا عن كلَّ عيبٍ كليلة ٌ
    وَلَكِنَّ عَينَ السُّخْطِ تُبْدي المَسَاوِيَا
    …..
    من الجهالة والله أن يصدر البعض أحكامهم المسبقة
    ويطلقون حديثاً على عواهنه هكذا ..

    الله الهادي

  18. المعروف ان الشركات لا تفرج عن اى بضاعة الا بعد التاكد من جودتها حتى لو كان لعب اطفال حفاظا على سمعتها ومابالك عن طائرات وما تحملها من من ارواح ومن سيتاثر بسقوطها على راسه او منزله والصينيون ادرى الناس بذلك اظن ان هذا الكلام كذب يروجه الحكومة والمشكة ليس فى كذب الحكومة فى السازج الذي يصدق مثل الخبر