زواج سوداناس

فتاة تتغزل في وزير الخارجية السوداني بقصيدة جميلة .. بسحروك عشان ما بشبهوك يا غندور



شارك الموضوع :

عبّرت فتاة عن إعجابها بوزير الخارجية السوداني البروفيسور إبراهيم غندور بمقاطع شعرية جميلة، تناولت فيها مهارات الرجل ومقدراته القيادية وخوفها عليه من السحر والحسد والعين،

وقالت الفتاة في القصيدة التي أرسلت للنيلين الأبيات التالية:

بسحروك يا بروف الخارجية الغالي

بسحروك عشان ما بشبهوك يا غندور

رقة وعلم وثقافة ووسامة ونشاط

وفوق للطيبة فارس أصيل وجسور

سودانا  بفخر بيك يا الدبلوماسي

يا الرافع راسنا وديمة إنت حضور

الطلّة البهيّة بس إنت لايقة عليك

والبسمة صافية ما فيها أي غرور

كل حاسد ليك في الظلام غرقان

وانت القمر في سمانا نور في نور

الشاعرة أ.م

والمعرف أن وزير الخارجية السوداني البروفيسور إبراهيم غندور كان أرفع مسؤول يقابل الرئيس الأمريكي أوباما في إثيوبيا خلال الفترة الماضية ضمن مباحثات لقادة شرق إفريقيا بخصوص أمن المنطقة، وتولى وزارة الخارجية في تشكيل الحكومة الجديدة عقب الانتخابات السابقة، وراهن عليه الكثيرون للنجاح في هذا المنصب بسبب شخصيته المقبولة لجميع الأطراف المحلية والدولية.

معتصم السر – النيلين

 

شارك الموضوع :

تعليقات الفيسبوك

تعليقات


39 التعليقات

إنتقل إلى نموذج التعليقات

      1. 1
        ابوعفان

        العاجبها فيهو شنو ؟
        جضومه ديل ولا شنبو ؟
        ارحمونا يا ناس .
        شكله جاهزه مع زوجته
        الله يستر من الطلاق .

        الرد
        1. 1.1
          حامد

          مع ياتا فيهن؟؟ غندور معرس اربعة!!

          الرد
      2. 2
        الصريح

        يسحروه فى شنو عليك الله ابجضوم دا ؟؟؟؟

        الرد
      3. 3
        Abukhalid

        يستحق كل الشكر والتقدير و الثناء حقيقه شخص جاد و مثابر في عمله بكل تفانى و اخلاص بمعنى الكلمه ربنا يحفظه

        الرد
        1. 3.1
          الطريفي ... زول نصيحة

          غايتو يا آنسة ( أ. م) زوجته كان لمت فيك بتمعط ليك شعيراتك ديل .. و حكاية شعر و شخصية عامة وقصدي شريف .. ما ح تحلك منها .. الحاجات دي ما فيها (يمة أرحميني).

          الرد
      4. 4
        Hosam

        الراجل بي أولادو يا بتنا شوفي ليك شغلة تانية

        الرد
      5. 5
        مسافر

        ياخي يمكن قافلة ليها على منصب ولو وزير دولة
        خلوها ترمي تلجتها بارتياح

        الرد
      6. 6
        عابد

        قول الحق والشجاعه صفة جميلة صفة تلازم كل صاحب اخلاق وقيم لو كنت معارض لشخص او نظام او حتى مختلف مع شخص اختلاف شخصي لا تربطه بقول الحق فيه هذه هي شيم الكرام لكن اللئام ينكرون اي شيء جميل ندخل في الموضوع . غندور شخصية كما ذكرتم مقبولة الى الان بشرط ان يبعد عنه زي ما بقولو اولاد الحرام اي زول يتحدث بصدق من داخل قلبه كلامه يصلك وتفهمه وهذا تحدي مع اي ناكر لهذا لو في مثال داعية يتحدث بصدق لجمع من الناس سوف يجد القبول والاذن الصاغيه كذلك الاستاذ لان كلامه ان اسميه من القلب للقلب ليس من الفاه للقلب ما بتركب بنفرها غندور لحظة الاستفتاء كان مهموما اتذكر بكا بكاءا الطفل من اجل وحدة السودان هذه البنت منح حقها تمدحه وهذا ليس بغزل الغزل ليس محله هنا والاخ حسام الراجل محلل ليه اربعه نسوان والبنت ليس غرضها زواج بل لفتت انتباه الناس او طلعت ما كان الكثير يريد اخراجه عن هذا الرجل ربنا يوفقه ويزيد من امثاله نحن بحاجه لرجال امثال غندور لازم يساند ويدعم من قبل اهل الخبرة في الدبلماسية اهم شيء فيه الطيبة والوطنية ونخوة الرجال ربنا يطول عمره ويمده بالصحة والعافية وخدمة هذا الوطن واهله

        الرد
      7. 7
        د.الشريف

        دبلوماسيتنا تتغزل فى الناها بنت مكناس .. وبناتنا يتغزلن فى وزير خارجيتنا .. وزير خارجيتنا يتغزل فى اوباما .. واوباما يتغزل فى الجكس الأثيوبى .. منظر شىء بديع ما أحلى الغزل .. الناس فقرانه والجضووووم ورمانه !!!

        الرد
      8. 8
        خالد الخليفة

        انت يا ابو عفان حاسد ولا بغران ؟

        الرد
      9. 9
        احمد السر

        (( كان أرفع مسؤول يقابل الرئيس الأمريكي أوباما في إثيوبيا )) !!
        دي ما فهمتها , بقت مقابلة الرئيس الامريكي ميزة بعد ان اصبح رئيسنا كالوباء يتحاشاه الجميع و انت فرحانة كمان ؟؟

        الرد
      10. 10
        Ali

        الفنان المصري في اغنيته المشهورة أنا بكره اسرائيل قال : بحب عمرو موسى وذلك لما كان عمرو موسى وزير خارجية مصر.
        كثير من الدول بتعمل تسويق لوزراء خارجيتها ، لا شك أن وزير خارجيتنا شكله مريح وهو المطلوب للعمل الدبلوماسي.
        وزير الخارجية زي رجل المبيعات لازم يكون مقبول وله شكل مريح لانه فعلا بيعمل تسويق لقضايا بلده.
        مرت على وزارة الخارجية شخصيات لو قابلتك تحاول تنهي معاهم الاجتماع سريع وتخارجهم،
        لا يعني اعجاب البنت بوزير خارجية بلدها أي شئ سلبي زي اعجاب اي شخص بالنجوم مثلا العجب حبيبي

        الرد
      11. 11
        أب زرد

        ما دام الكلام جاب الكلام، مسئولين من الخير يا أخوانا، إنتو زوجة كرتي بتاع الأسمنت والسيخ داك لسع سفيرة لي جمهورية أمازونيا في روما ولا نزلوها المعاش مع بعلها ؟؟؟ مجرد سؤآل لو حد عارف حاجة

        الرد
      12. 12
        ابو احمد

        غندور هو الانسب ليخلف البشير رئيسا للسودان

        الرد
      13. 13
        الســوداني الخــطر

        شعر ركيك ولا يصلح ان يقال عليه شعراً

        انما هي نثر

        والبنية دي خريجة وعايزة وظيفة

        ان شاء الله سكرتيرة ولا كنساة

        الرد
      14. 14
        murtada elrom

        sorry to write in English ,,as l tryed the Arabick keyboard many times ,but failed……..The most smart and handsome foreign ministers in history of democratic rule ,,,,were mohd, ahmed mahgoub and muarak zarouk,,,,,they were the best , in the fields of political know how ,,plus charismatic, acceptable, personalities,,,…….. Allah Yarhmhum

        الرد
      15. 15
        ود مكسر

        ايوااااااااااااااا …. السر كلو في رد ابو احمد الفوق دا

        “غندور هو الانسب ليخلف البشير رئيسا للسودان”

        يلا يالجداد اشتغل

        الرد
        1. 15.1
          ابوعمر

          جداده تكسر رقبتك ياودمكسر امشى الراكوبه بتلقى باقى السكارى هناك .

          الرد
          1. جن يركبك

            يا ابو عمر ..
            يِسُككَ البعاتي .. كلام ود مكسر ده حرقك والاَ شنو القصة؟
            شكلك واحد من الجداد أياه .. لذلك انبريت للدفاع والتملق.

            بعدين جايب سيرة الراكوبة هنا ليه؟ جِن يركبك بركة جاه النبي.

            الراجل طرح رايه في خلافة غندور للبشير مفروض ترد بكل موضوعية

            الرد
      16. 16
        بنوتة

        بت خفيفة ولفيفة يعني عايزة تصل لشنو في النهاية؟ وهل وزير الخارجية ممكن شمار القصيدة دي يصلو؟؟ ورد فعله حيكون شنو !!!!

        الرد
      17. 17
        يونس

        الشاعرة اجتهدت ومنتظرة النتيجة
        بكرة يقوليك غندور يكرم شاعرة مشهورة كتبت قصيدة فيه 🙂 🙂 🙂

        الرد
      18. 18
        مواطن حقاني

        السلام عليكم ورحمة الله وبركاته
        أنا فاكر نفسي الوحيد المعجب بشخصية هذا الرجل..الحمد لله طلعو ناس كثرين ربنا يحفظه ويوفقه في مشواره الدبلوماسي وصراحة شخصية قيادية مقبوله للعالم أجمع ومناسب بدون منازع لتولي خلافة البشير.

        الرد
      19. 19
        osman

        على ما اعتقد عندو اربعه نسوان

        الرد
      20. 20
        ود البوك

        دى واحده شر……………………..

        الرد
      21. 21
        اوباما

        غندور رجل حكيم وهادي يشبه الصينيين … بيره غريقة وما بوريك سره وهذا سر نجاحه ويعمل في صمت … عندما تفاوض مع ياسر عرمان لم يجد ياسر عرمان ما يقوله سلبا في الرجل لانه لايمنحك الفرصة لتقول فيه شيء ..يضبط تصريحاته ويمشي علي حبال معلقة بمهارة … الرجل رجل دولة من طراز رفيع …

        الرد
      22. 22
        سودانى

        البت دى شكلها عاوز تعمل ليها نظارات لانو شوفا بقى طشاش ( يابت غندور شنو الوجيه ده وشو كلو مجلبط كريمات )

        الرد
      23. 23
        عزالدين

        بمقاييس السن طبعاً غندور وجيه . واكيد لمن كان شباب كان وجيه جداً جداً . الرجل اخلاقو عالية ومهذب ومحترم ودبلوماسي ناجح وعندو كاريزما وكمان لبيس . عندنا وزراء ما برفعوا الراس تلقى الكرفيتة زي مصران الجدادة . نميري برضو كان وجيه واللبس فيهو خايل . يا حليلك يا ابعاج اخوي الله يرجمك .

        الرد
        1. 23.1
          د.الشريف

          الحكاية ما دام بقت وجاهة انا ارشح اسحق أحمد فضل الله اكثر وجاهة من غندووور !!!

          الرد
          1. جعــلي

            ما تتريق .. انت كيف؟! أقل حاجة الجماعة ديل ما متعقدين من نفسهم … أنشر صورتك !!

            الرد
      24. 24
        Abu-Mohamed

        الرجل بحق حاليا يعتبر احسن وزير خارجية مر على حكم البشير كله حنكة وعلم وثقافة ومقبول من جميع الاطراف في الحكومة أو المعارضة ، وثاني وزير خارجية ناجح بعد الدكتور منصور خالد الرجل القامة في عهد المشير جعفر محمد نميري عليه رحمة الله ، ولا ننس الفطاحلة في الزمن الجميل محمد أحمد المحجوب ومبارك زروق ،

        الرد
        1. 24.1
          جعلي

          ما تتريق .. انت كيف؟! أقل حاجة الجماعة ديل ما متعقدين من نفسهم … أنشر صورتك !!

          الرد
      25. 25
        طلحة

        بشة في الصورة سنو مكسورة . شبه علي ابراهيم الفنان . غندور جمبو ما شاءالله عليهو .

        الرد
      26. 26
        أزرق

        إذا طلب من كثيرين صور مايخسروا قروش ممكن أرسم كثيرين

        الرد
      27. 27
        ابو فهد

        ههههههههههههههههه والله قصيدة زي قصيدة الحلزونة

        الرد
      28. 28
        ابوعمر

        غندور ممكن اكون رئيس السودان على شرط اكون نائبه عسكرى لئيم .

        الرد
      29. 29
        عبدالرحمن

        كلام أصيل من الشاعرة الرجل يستاهل كل الشكر والتقدير وله احترام رافع صوت السودان وممثل السودان في كل المحافل لك التحية يا الدبلوماسي

        الرد
      30. 30
        Noureldin

        26 سنة دبلوماسية تفحط وتنطط ما قادرة تعيد وجه السودان الى صورته الماضية وتجعله مقبول بين الدول العربية ناهيك عن الدول الغربية ……. تفيييييييييي

        الرد
      31. 31
        واقعي

        غايته عرس مافي ليك لكن ممكن تشتغلي في الخارجية ..

        الرد
      32. 32
        الحاج موسي

        المعلق رقم 23 ترحم علي نميري وقال الله رجمو ام يرحمو

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *