منوعات

فتاة تتغزل في وزير الخارجية السوداني بقصيدة جميلة .. بسحروك عشان ما بشبهوك يا غندور


عبّرت فتاة عن إعجابها بوزير الخارجية السوداني البروفيسور إبراهيم غندور بمقاطع شعرية جميلة، تناولت فيها مهارات الرجل ومقدراته القيادية وخوفها عليه من السحر والحسد والعين،

وقالت الفتاة في القصيدة التي أرسلت للنيلين الأبيات التالية:

بسحروك يا بروف الخارجية الغالي

بسحروك عشان ما بشبهوك يا غندور

رقة وعلم وثقافة ووسامة ونشاط

وفوق للطيبة فارس أصيل وجسور

سودانا  بفخر بيك يا الدبلوماسي

يا الرافع راسنا وديمة إنت حضور

الطلّة البهيّة بس إنت لايقة عليك

والبسمة صافية ما فيها أي غرور

كل حاسد ليك في الظلام غرقان

وانت القمر في سمانا نور في نور

الشاعرة أ.م

والمعرف أن وزير الخارجية السوداني البروفيسور إبراهيم غندور كان أرفع مسؤول يقابل الرئيس الأمريكي أوباما في إثيوبيا خلال الفترة الماضية ضمن مباحثات لقادة شرق إفريقيا بخصوص أمن المنطقة، وتولى وزارة الخارجية في تشكيل الحكومة الجديدة عقب الانتخابات السابقة، وراهن عليه الكثيرون للنجاح في هذا المنصب بسبب شخصيته المقبولة لجميع الأطراف المحلية والدولية.

معتصم السر – النيلين

 


‫39 تعليقات

  1. العاجبها فيهو شنو ؟
    جضومه ديل ولا شنبو ؟
    ارحمونا يا ناس .
    شكله جاهزه مع زوجته
    الله يستر من الطلاق .

  2. يستحق كل الشكر والتقدير و الثناء حقيقه شخص جاد و مثابر في عمله بكل تفانى و اخلاص بمعنى الكلمه ربنا يحفظه

    1. غايتو يا آنسة ( أ. م) زوجته كان لمت فيك بتمعط ليك شعيراتك ديل .. و حكاية شعر و شخصية عامة وقصدي شريف .. ما ح تحلك منها .. الحاجات دي ما فيها (يمة أرحميني).

  3. ياخي يمكن قافلة ليها على منصب ولو وزير دولة
    خلوها ترمي تلجتها بارتياح

  4. قول الحق والشجاعه صفة جميلة صفة تلازم كل صاحب اخلاق وقيم لو كنت معارض لشخص او نظام او حتى مختلف مع شخص اختلاف شخصي لا تربطه بقول الحق فيه هذه هي شيم الكرام لكن اللئام ينكرون اي شيء جميل ندخل في الموضوع . غندور شخصية كما ذكرتم مقبولة الى الان بشرط ان يبعد عنه زي ما بقولو اولاد الحرام اي زول يتحدث بصدق من داخل قلبه كلامه يصلك وتفهمه وهذا تحدي مع اي ناكر لهذا لو في مثال داعية يتحدث بصدق لجمع من الناس سوف يجد القبول والاذن الصاغيه كذلك الاستاذ لان كلامه ان اسميه من القلب للقلب ليس من الفاه للقلب ما بتركب بنفرها غندور لحظة الاستفتاء كان مهموما اتذكر بكا بكاءا الطفل من اجل وحدة السودان هذه البنت منح حقها تمدحه وهذا ليس بغزل الغزل ليس محله هنا والاخ حسام الراجل محلل ليه اربعه نسوان والبنت ليس غرضها زواج بل لفتت انتباه الناس او طلعت ما كان الكثير يريد اخراجه عن هذا الرجل ربنا يوفقه ويزيد من امثاله نحن بحاجه لرجال امثال غندور لازم يساند ويدعم من قبل اهل الخبرة في الدبلماسية اهم شيء فيه الطيبة والوطنية ونخوة الرجال ربنا يطول عمره ويمده بالصحة والعافية وخدمة هذا الوطن واهله

  5. دبلوماسيتنا تتغزل فى الناها بنت مكناس .. وبناتنا يتغزلن فى وزير خارجيتنا .. وزير خارجيتنا يتغزل فى اوباما .. واوباما يتغزل فى الجكس الأثيوبى .. منظر شىء بديع ما أحلى الغزل .. الناس فقرانه والجضووووم ورمانه !!!

  6. (( كان أرفع مسؤول يقابل الرئيس الأمريكي أوباما في إثيوبيا )) !!
    دي ما فهمتها , بقت مقابلة الرئيس الامريكي ميزة بعد ان اصبح رئيسنا كالوباء يتحاشاه الجميع و انت فرحانة كمان ؟؟

  7. الفنان المصري في اغنيته المشهورة أنا بكره اسرائيل قال : بحب عمرو موسى وذلك لما كان عمرو موسى وزير خارجية مصر.
    كثير من الدول بتعمل تسويق لوزراء خارجيتها ، لا شك أن وزير خارجيتنا شكله مريح وهو المطلوب للعمل الدبلوماسي.
    وزير الخارجية زي رجل المبيعات لازم يكون مقبول وله شكل مريح لانه فعلا بيعمل تسويق لقضايا بلده.
    مرت على وزارة الخارجية شخصيات لو قابلتك تحاول تنهي معاهم الاجتماع سريع وتخارجهم،
    لا يعني اعجاب البنت بوزير خارجية بلدها أي شئ سلبي زي اعجاب اي شخص بالنجوم مثلا العجب حبيبي

  8. ما دام الكلام جاب الكلام، مسئولين من الخير يا أخوانا، إنتو زوجة كرتي بتاع الأسمنت والسيخ داك لسع سفيرة لي جمهورية أمازونيا في روما ولا نزلوها المعاش مع بعلها ؟؟؟ مجرد سؤآل لو حد عارف حاجة

  9. شعر ركيك ولا يصلح ان يقال عليه شعراً

    انما هي نثر

    والبنية دي خريجة وعايزة وظيفة

    ان شاء الله سكرتيرة ولا كنساة

  10. sorry to write in English ,,as l tryed the Arabick keyboard many times ,but failed……..The most smart and handsome foreign ministers in history of democratic rule ,,,,were mohd, ahmed mahgoub and muarak zarouk,,,,,they were the best , in the fields of political know how ,,plus charismatic, acceptable, personalities,,,…….. Allah Yarhmhum

  11. ايوااااااااااااااا …. السر كلو في رد ابو احمد الفوق دا

    “غندور هو الانسب ليخلف البشير رئيسا للسودان”

    يلا يالجداد اشتغل

    1. جداده تكسر رقبتك ياودمكسر امشى الراكوبه بتلقى باقى السكارى هناك .

      1. يا ابو عمر ..
        يِسُككَ البعاتي .. كلام ود مكسر ده حرقك والاَ شنو القصة؟
        شكلك واحد من الجداد أياه .. لذلك انبريت للدفاع والتملق.

        بعدين جايب سيرة الراكوبة هنا ليه؟ جِن يركبك بركة جاه النبي.

        الراجل طرح رايه في خلافة غندور للبشير مفروض ترد بكل موضوعية

  12. بت خفيفة ولفيفة يعني عايزة تصل لشنو في النهاية؟ وهل وزير الخارجية ممكن شمار القصيدة دي يصلو؟؟ ورد فعله حيكون شنو !!!!

  13. الشاعرة اجتهدت ومنتظرة النتيجة
    بكرة يقوليك غندور يكرم شاعرة مشهورة كتبت قصيدة فيه 🙂 🙂 🙂

  14. السلام عليكم ورحمة الله وبركاته
    أنا فاكر نفسي الوحيد المعجب بشخصية هذا الرجل..الحمد لله طلعو ناس كثرين ربنا يحفظه ويوفقه في مشواره الدبلوماسي وصراحة شخصية قيادية مقبوله للعالم أجمع ومناسب بدون منازع لتولي خلافة البشير.

  15. غندور رجل حكيم وهادي يشبه الصينيين … بيره غريقة وما بوريك سره وهذا سر نجاحه ويعمل في صمت … عندما تفاوض مع ياسر عرمان لم يجد ياسر عرمان ما يقوله سلبا في الرجل لانه لايمنحك الفرصة لتقول فيه شيء ..يضبط تصريحاته ويمشي علي حبال معلقة بمهارة … الرجل رجل دولة من طراز رفيع …

  16. البت دى شكلها عاوز تعمل ليها نظارات لانو شوفا بقى طشاش ( يابت غندور شنو الوجيه ده وشو كلو مجلبط كريمات )

  17. بمقاييس السن طبعاً غندور وجيه . واكيد لمن كان شباب كان وجيه جداً جداً . الرجل اخلاقو عالية ومهذب ومحترم ودبلوماسي ناجح وعندو كاريزما وكمان لبيس . عندنا وزراء ما برفعوا الراس تلقى الكرفيتة زي مصران الجدادة . نميري برضو كان وجيه واللبس فيهو خايل . يا حليلك يا ابعاج اخوي الله يرجمك .

    1. الحكاية ما دام بقت وجاهة انا ارشح اسحق أحمد فضل الله اكثر وجاهة من غندووور !!!

      1. ما تتريق .. انت كيف؟! أقل حاجة الجماعة ديل ما متعقدين من نفسهم … أنشر صورتك !!

  18. الرجل بحق حاليا يعتبر احسن وزير خارجية مر على حكم البشير كله حنكة وعلم وثقافة ومقبول من جميع الاطراف في الحكومة أو المعارضة ، وثاني وزير خارجية ناجح بعد الدكتور منصور خالد الرجل القامة في عهد المشير جعفر محمد نميري عليه رحمة الله ، ولا ننس الفطاحلة في الزمن الجميل محمد أحمد المحجوب ومبارك زروق ،

    1. ما تتريق .. انت كيف؟! أقل حاجة الجماعة ديل ما متعقدين من نفسهم … أنشر صورتك !!

  19. بشة في الصورة سنو مكسورة . شبه علي ابراهيم الفنان . غندور جمبو ما شاءالله عليهو .

  20. غندور ممكن اكون رئيس السودان على شرط اكون نائبه عسكرى لئيم .

  21. كلام أصيل من الشاعرة الرجل يستاهل كل الشكر والتقدير وله احترام رافع صوت السودان وممثل السودان في كل المحافل لك التحية يا الدبلوماسي

  22. 26 سنة دبلوماسية تفحط وتنطط ما قادرة تعيد وجه السودان الى صورته الماضية وتجعله مقبول بين الدول العربية ناهيك عن الدول الغربية ……. تفيييييييييي