لايــــلاقيــنا لا نــــلاقيــهـــو لا نتلاقي لا نتلم

> ونعود لحديث قرن شطه
> قرن شطه قال ناس الاتحاد الافريقي مسمين المريخ برشلونه
> ديل ناس الاتحاد الافريقي ما نحنا
> البارسا الافريقيه
> لكن بصراحه شطه ما ورانا ميسي اوكرا ولا كوفي ؟؟
> سواريز عارفنو بكري
> لكن الخلاف في ميسي
> برشلونه السمراء
> هكذا يلقبنا الاتحاد الافريقي
> الناس ديل حقو يجيبوا الكاس ده من اسي
> يسلمونا ليهو في المطار
> ويكسبوا زمنهم
> ولان شطه قال المريخ هو برشلونة افريقيا
> ظهرت لينا كلامات من شاكلة الهلال يصطحب المريخ
> اول مره اشوف لي زول يصطحب ليهو زول لي مكان
> الزول المصطحبنو يصل قبال الزول المسطحب
> والزول المصطحب احتمال زاتو ما يصل للمكان الفيهو الزول المصطحبنو
> يعني خبر الشوم لو اتناقلنو الحروم
> يبقي لا يلاقينا لا نلاقيهو لانتلاقي لا نتلم
> وقالوا المرحلة الجايه من المجموعات
> النتائج المتوقعه فيها
> كلها انتصارات لي اصحاب الارض
> المريخ واتحاد الجزائر علي ارض المريخ
> وفاق سطيف والعلمه علي ارض الوفاق
> مازيمبي وتطواني علي ارض الكنغو
> سمووووحه علي ارضها
> ويا ارض احفظي ما عليك
> قلت ليكم احتمال لا يلاقينا لا نلاقيهو لا نتلم ااااارد
> المهم
> دشنا مشروع الدعم
> 2870
> الطريقه ساهله جدا
> ترسل رساله للرقم 2870 فيها الفئه الداير تشترك فيها
> خمسه وعشره وخمسين وميه
> الناس العندهم تلاتين عشره وربيكا القصه ساهله
> ناس الجكسي وتلفونات الاندرويد ممكن يقابلهم اشكال بسيط
> وعشان يحلوا الاشكال
> يتصلوا علي الرقم 2870
> مافي خط بدخل معاهم
> لكن الرقم بكون اتخزن في السجل
> يرجع للرقم يديهو عفصه صغيره
> يديك خيارات
> رساله واتصال
> اضغط علي خيار رساله
> بتفتح معاك
> اكتب الحزمه الداير تشترك فيها
> وارسل الرساله
> في لحظه
> اسرع من بكري المدينه
> بتجيك رسالة ترحيب بالانضمام في الحزمه
> يلا يا شفوت
> دايرين نحقق رقم قياسي كعادتنا
> قدامنا اولي يا روشا
> مطار
> المهم
> سمعنا تحت تحت
> انو ناس كادوقلي عندهم لاعب مسجل في اتحاد الجنوب
> وفي اتحاد الشمال
> طبعا ناس روشا حايطلعوا لينا بي قليله
> حايقولوا الولد مسجل في اتحاد جنوب كردفان او جنوب النيل الازرق
> وانو مولود في ابيي مع ناس جمعه
> وانو مشلخ تي
> غايتو لو صدقت ياروشا
> يبقي الفرق تلاته نقاط
> ويبقي النجاح الاداري فاق الحدود
> وتاني حاترجع للبرلمان وجمال الوالي
> والغريبه لما نمشي المطار
> الا أولي يا روشا
> صحيح الخندآوي نزل مصر؟؟؟
> نزل امتي ؟؟؟
> طب ليييييييييييييه!!!!
> ومين الي نزل مصر تاني يا روشا يا اخويا ؟؟؟؟
> طب راحوا سيدي الحسيني ولا السيده زينب ؟؟؟
> طب سمعت العندليب وهوا بيغني
> اني اتنفس تحت الماء اني اغرق اغرق اغرق ؟؟
> طب انت بتعرف انو الاسكندريه علي البحر يا اخويا ولا نزلتوا وانتوا ما تعرفوشي ؟؟؟
> اولي يا روشا يا اخويا الله يخليك
> ايها الناس
> تشبيه الكاف لنا بالبارسا
> واطلاق لقب برشلونة افريقيا علي الزعيم
> حدث يجب ان تفتخر به البارسا قبل اي زول
> وصدقوني
> في كاس العالم للانديه
> ميسي زاتو حايعرف حاجه
> حايعرف ميسي هو ولا اوكرا
> حايشوف العجب العجاب
> والغريبه لما بكري يجري
> بيكيه ده الا يلملموهوا من اسكان كاتلونيا
> باقي الاسبان ديل جنهم وجن العقارب
> ايها الناس
> منتخبنا في اعداد
> وياليت اعداد منتخبنا يخرج عن علوق الشدة
> وشدة وتزول
> ويبقي اعداد يشرفنا ويدعمنا ويطورنا
> المنتخب مسئوليتنا كلنا
> بدءأ من رئاسة الجمهوريه ومرورا بوزارة الرياضه والاتحاد والاعلام والجمهور
> دايرين منتخب يتشرف بينا قبل يشرفنا
> وقصة نهتم بانديتنا ونهمل المنتخب
> زي ناس عندهم عرس اختهم في البيت
> كلهم اشتروا القشره
> ماخلوا ليك سيستم
> كمر البنطلون في واطات الله دي
> وكفة القميص في الصره
> والبنيات ماخلن بنطلون ضيق
> ولا بيتر اديني حقنه
> حتي العطور جابوها قبل العرس بي اسبوع
> وجهولات امات سكاسك
> ام العروس وخالاتها
> لا خلن روج لا مكياج ولا نقش حنه
> الحمام المغربي ده مشنو
> لما يوم واحده فيهن يجيها هبوط في الحمام المغربي تقع تموت
> وشيلة الموبايل النوت لتكملة القشره
> كان قفلت الشاشه الا تكورك لي ولد بتها يفتحها ليها
> والتياب الشفافه
> والكعب العالي يتشعبطن فيهو
> الواحده كان اتفنقلت المخروقه قطع شك سته مسامير ما برجعنها في مكانها
> عملوا ده كلو
> ونسوا ابوهم
> ويوم الحفله يظهر السيد الوالد
> في جلابيتو الشربانه وعمتو البيجيه من القدم
> ولانو هو الواجهه تبقي قشرت ناس البيت كلها راحت ساي
> عشان كده
> حقو المنتخب السيد الوالد
> نجهز ليهو جلابيتو الجديده ومركوب النمر حتي ولو ناس الحياه البريه ابو
> وديك يا العمه البتزيدو همه
> والملفحه حلالالالالاته علي الكتيف
> والشال مشغول مخصوص للسيد الوالد
> عشان يشرفنا وسط المعازيم
> قلت لي يا روشا
> الخندآوي نزل مصر ؟؟؟
> طب نزل امتي ؟؟؟
> طب ليه ؟؟؟
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> زمان قالوا لينا
> خذوا الحكمه من افواه المجانينا
> قمنا قابلنا واحد من مجانينا
> قلنا ليهو دي عيشة شنو يا اخينا
> ابتسم وقال لينا
> تنسي الفوق تمشي في الدنيا فوق
> تطيع الفوق تمشي تحت في الدنيا وفي الآخره فوق
سلك كهربا
ننساك كيف والكلب لما يلقي زول متمسك بالحلال والحرام بنبسط
والي لقاء
سلك