منوعات

الجوازات: لا قرار يمنع سفر السودانيات للعمل «خادمات»


قطع مدير عام إدارة الجوازات و الهجرة اللواء أحمد عطا المنان بعدم صدور قرار يمنع سفر السودانيات للخارج لمزاولة مهنة «خادمات منازل»، كاشفاً في الوقت ذاته عن بروتكول مع السعودية بخصوص العاملات في المجال كواحدة من وسائل الحماية، بجانب التدقيق في التأشيرات ومراجعتها. وحذر عطا المنان خلال حديثه في ندوة أمس بالمركز الثقافي السوداني من آثار أمنية وسياسية سالبة لظاهرة الوجود الأجنبي غير الشرعي، تتمثل في التأثير على العادات والتقاليد ونشر الجريمة والضغط على الخدمات و مزاحمة المواطنين في العمالة المحلية وامتهان مهنة التسوّل، إضافة إلى نقل الأمراض المستوطنة و على رأسها الكبد الوبائي والسل.

وأعلن عن تكوين مجلس أعلى لضبط الوجود الأجنبي وتكليف الجهات المعنية بعمل دراسة عن الآثار الاقتصادية السالبة للوجود الأجنبي. مشيراً لإشكالية العصابات المشتركة التي تهرب الأجانب بعيداً عن أعين السلطات.

صحيفة آخر لحظة


‫10 تعليقات

  1. حاجه عجيبه خﻻص المانع شنو السودانيه تشتغل خدامه؟؟
    اذا كان الحبشيه والفلبينيه والاندونسيه قبلو يشتغلو خدم فما بالك بالسودانيات الاصﻻ مافي مقارنه بينهن وبين الجنسيات الاخرى

    1. أهلاااااا

      من وين قلعت يا حلو البخت ؟

      نسيناااك وقلنا هاجرت في بلاد الله ….قلنا مت والموت مصير كل حي !!!

      وأتاريك حيي ترزق وكمان لسه لسانك طويل ما قصرتو الأيام

  2. عفارم عليك ياالكاهلي والله كلامك عجبني تب…ردك في محله ومافي كلام غيرو.

  3. سلام عليكم
    يا حلو و الله المرأة السودانية لم و لن أجد أفضل منهن لا تقول لي فلبينية ولا سويدية ولا أمريكية و لا كندية ….و الله نسوانا ديل نعمة حباها الله لنا و خصانا بها نحن السودانيين فعلينا أن نشكر الله علي ذلك كثيرا و نحافظ عليهن و علي عرضهن ……
    لا و الف لا لعمل أخواتنا و بناتنا خادمات عند هؤلاء العربان

  4. ناس الحكومة فير اللف والدوران ما عندهم حاجة كرهتونا السودان

  5. تشتغل خدامة قال المانع شنو قال .إذا كان في جنس دة وبقول كدة وطاتكم أصبحت

  6. انا الحمد لله م عندي اخوات لكن م عندي مانع يا الكاهلي انو اختك او اي بت من اهلك تشتغل خدامه بل العكس دا شرف لهن

  7. انا ما فهمت حاجة الراجل ده بقول مافى قرار يمنع يعنى بسمحوا ليهم ولا شنو ؟ البشر ديل ما سودانيين

    1. الجوازات كجهة ليس لديها قانون يمنع هذه المهنة بمعنى انه ليس لديه الحق في منع اي شخص ما لم يكن هنالك قانون صريح يمنع .. او عليه ملاحظات امنية.. ولكن الجهة التي يجب ان تمنع ذلك هي مكتب العمل بالتعاون مع الجوازات وجهاز المغتربين ..

      لكن مكتب العمل وجهاز المغتربين ما دام الناس بتدفع ليهم رسوم وضرائب ما عندهم مانع انه اي شخص يتخارج ليهم من البلد ..واضان الحامل طرشاء..