ضحكوا على أنانيته ووصفوه بـ(الفراحان)
الفنانون السودانيون في مصر غاضبون من شريف الفحيل
شن الفنانون السودانيون في جمهورية مصر العربية هجوماً عنيفاً على (المغنواتي) شريف الفحيل ووصفوه بـ(الفرحان).. وترجع الأسباب في ذلك التي عاشتها (السياسي) لحظة بلحظة خلال حفل زفاف أحد الفنانين السودانيين بمصر مساء يوم الأربعاء الماضي بقاعة ألف ليلة وليلة بشارع الهرم وسط حضور أكثر من خمسة فانين لمشاركته الأفراح وفرقة موسيقية مميزة بقيادة الموسيقار وعازف الكمان الشافعي شيخ إدريس, وكان من ضمن الفنانين المغني شريف الفحيل الذي طالب بأداء أغنيتين معتذراً بأنه ذاهب للمستشفى لمرافقته أحد المرضى, فسمحوا له بالغناء في البداية ولكن الفحيل فاجأ الحضور بالغناء لأكثر من نصف مدة الحفل بأكثر من عشر أغنيات دون أن يراعي لإفساح المساحة لبقية الفنانين بالمشاركة في الحفل مما جعله مصدر سخط وتذمر من الحضور حتى حسم فني الساوند الموقف وفصل المايك من شريف الفحيل وأجبره على التوقف عن الغناء وسط ضحكات عدد من الفنانين الذين وصفوا الفحيل بالمغني (الفرحان).
صحيفة السياسي
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
هههههههههههههها
غايتو جنس حسادة و جنس غايتو ..
الراجل أكيد مشاركته كانت مجاملة، و ما عنده مصلحة يتعب كتير .. أكيد تجاوب الجمهور هو اللي أجبره علي الاستمرار … و في الحالة دي منو حقو يفرح
سبحاااان فنان قال
أسمع ياجعلي هذه فترة سيئة جدا في تاريخ الغناء السوداني طالما فيها فحيل ده عايش على اغاني الاخرين (شرحبيل ومحمد ميرغني) لم يقدم شئ سوى تشويه غناء هؤلاء العمالقة ومش هو بس الساحة الفنية أصبحت تئن وكل من هب ودب عايز اغني والقادم أسوأ . (وسلم لي على الفنان الراقي عصام محمد نور) .
هو مالو عامل كده زي خبر الشوم
قلتوا لى اسمه منو شريف السخيل …… بالله مش اسم على مسمى.؟
نوع من انواع خبر الشوم بالله اسى اهلوا بيخلوهوا يعمل كدا ويعاينوا ليهوا ساكتين ياحليل كردفان من ناس القامه عبد القادر سالم وعبد الرحمن عبدالله الى هذه الهاويه السحيقه من شفع بى حقى اسى شكلوا دا ما خجله لى اهلوا ولا عشان بقى يجيب عداد …..لكن دى عينه بس والقادم اسوأ نسال الله السلامه من الخلعه البتسوى جنس دا الله لا كسب نجوم الغد ولا الشر شرور …قاصد اكتب اسمو بالشين لانوا شر بالجد