سياسية

قوات من “الدعم السريع” تغلق طريقا رئيسيا شمال الخرطوم لساعات


قطعت قوات نظامية تابعة لجهاز الامن والمخابرات السوداني، طريقا رئيسيا السبت، يربط العاصمة الخرطوم بالولاية الشمالية، وأوقف منسوبها الرحلات، لعدة ساعات، ونهبوا ممتلكات المواطنين.

JPEG – 29.9 كيلوبايت
مليشيا “الدعم السريع” توقف رحلات سفرية شمال الخرطوم 5 سبتمبر 2015 – صور بثها نشطاء
وأفاد شهود عيان “سودان تربيون” أن القوات التي باتت تعرف بمليشيا “الدعم السريع”، أغلقت صباح السبت طريق الخرطوم- شندي – عطبرة، قرب مصفاة الجيلي للبترول، وأجبروا السيارات العابرة على الوقوف وأستولوا على ممتلكات المسافرين.

ولم يصدر في الخرطوم أي تعليق على الحادثة، لكن في العادة يتبع اولئك الجنود، أسلوب الاحتجاج بقطع الطرق والنهب حال تاخر الحكومة تسليمهم إستحقاقاتهم المالية.

وبحسب الشهود الذين كانوا على الطريق السفري، فإن قوة من الشرطة مرت بقرب الحادث ولم يستطع أفرادها مواجهة منسوبي الدعم السريع، مؤكدين أن الجنود المدججين بالسلاح، إستمروا في إيقاف العابرين وتعطيل حركة المرور لساعات دون تدخل أي سلطة.

وأفاد الشهود أن منسوبي القوة الغاضبين هاجموا أيضا أماكن لبيع الأطعمة ومتاجر بالقرب من منطقة الجيلي، وشرعوا في نهب محتوياتها دون أن تتمكن أي جهة من إعتراضهم .

ويشار الى أن مليشيا “الدعم السريع” تتبع لجهاز الامن والمخابرات السوداني، حيث تشكلت لخوض المعارك في جنوب كردفان والنيل الازرق ودارفور، الى جانب الجيش والقوات النظامية الأخرى، وبموجب تعديلات أجريت على الدستور السوداني، تحولت لاحقا الى قوة نظامية رسمية .

وتعد حادثة إغلاق الطريق الرابط بين الخرطوم والولاية الشمالية الثانية من نوعها بيد ذات المليشيا التي أقدمت أواخر العام الماضي على سد طريق الخرطوم – عطبرة- إحتجاجا على تأخير الحكومة في تسليمهم رواتبهم الشهرية.

sudantribune


‫22 تعليقات

  1. الحل في تسريح الجيش و الأجهزة الامنية و إعادة تأسيس الجيش من الصفر وفق رؤى محددة قومية شاملة.

  2. ياطابور خامس فتش ليك حاجة تانية تدعيها غيرها أكيد ديل متمردين كانوا ماشين الشمالية شعرت بيهم قوات الدعم السريع الله يجازيهم بيتو المتمردين القوي

  3. شى مخجل ولكن طبيعى عندما تهمل الحكومة الجيش الوطنى وتستعيض عنه بمليشيات ومرتزقات وعصابات وقطاع طرق لعن الله الكيزان

  4. هههههههه الظلم ظلمات ليه قفل الطريق المؤدى الى الشمال والى اى القبائل ينتمون ……لقد قتلو اهليهم والقائمون على امرهم من الولايات الشمالية بالرقم من ان سكنات الدعم السريع كلها تقع على الطريق القومى الجنوبى والغربى …..هذا مؤشر وااااضح للتفتيت السريع للسودان ….وديل ناس ما عندهم أمل فى الحياة لق استغلو فى قتل اهاليهم والان يقتلون اسر رؤسائهم فيجب الاسرارع بفصل كردفان ودارفور والنيل الازرق والبدء فى تنمية شريان السودان قبل زمجرة الشرق الحبيب ويكون الشماليين المظاليم كالسورين مشردين

  5. هذه بداية الفوضى والله يستر مادام القوات النظامية التاابعة لجهاز الامن والمخابرات السوداني والمنوط بها حفظ امن المواطن واستقراره بتعمل كده الهمباته يعملوا شنو لازم الحكومة تتصرف وتتصرف بسرعة حتى تردع امثال هاؤلاء المتفلتين واذا ما قادره تؤمن لهم احتياجاتهم فعليها ان تسريحهم وفورا لانو المواطن المسكين ما ناقص مصائب فوق مصائبه التى عليه

  6. ايه بتقول شندي عطبرة والولاية الشمالية حقتني دى غيرتو ولا شنو

  7. يالمدعو الضو اسماعيل خائف بس علي الشماليين مايكونو مشردين زي السوريين بس وماخايف علي بقية السودانيبن دارفور وكردفان والنيل الازرق وتطالب بفصلهم كمان. قبح الله وجهك ووجه كل امثالك يامتخلف

  8. الحل في تسليح المواطنين لمجابهة لصوص وصعاليك الحكومة الكيزانية

  9. كلام ما يدخل العقل ومستحيل كيف ومن المروج لهذه الشائعة وما الغرض من الترويج نريد تفسيرا …من الجهات المختصة لان الخبر خطير.

  10. احسن يودوهم يحاربوا في اليمن نشوف فلاحتهم دي بقدروا يعملوها هناك …

  11. شفتو نحنا ماشين لي وين ؟؟

    ولمن الواحد يتكلم ببقى طابور خامس ..

    الغريبة امس كنت بتكلم مع احد قياديي المؤتمر الوطني عن قوات الدعم السريع وتهميش الجيش السوداني قال لي قوات الدعم السريع ديل النخبه ( إن لله وإن إليه راجعون )

  12. الضوء انت ماقريت تاريخ السودان الوثيقه آلتي ارسلها حاكم سنار لي اسماعيل باشا
    (لا يقرنك انتصارك علي الجعلين والشايقيه نحن الملوك وهم الرعيه ) خط خطين تحت هم الرعيه عشان تعرف و وزنك

    تانيا الشمال حاليا شبابه ورجاله كلهم في الأغتراب ٣ولايات الموجود فقط حريم وبنات من البدافع عنهم
    دارفور دي لما كانت سلطنه انت كنت بتعيش علي فضلها

    وثانيا الاستعمار ده دخل السودان من وين من الشمالية ليه ماقاومتوه.

    عندكم صاحب اكبر مارسون في التاريخ ألمك نمر جري خلي الجعليات لي الدفتردا ر الذي استباح المتمة ومنها جات المقوله ضربت المتمه الفارق تاني ما لمة)
    .

  13. انا مستغرب في ضنب الحكومة المسمى نفسو ادروب كسلاوي .امشي شوف ولايتك المنتهية واهلك المالاقين ياكلو والمرض ينخر في أجسادهم.
    لكن انت الظاهر عليك متسلق وانتهازي وبتبطل لي اسيادك الكيزان الخربو السودان.

  14. المثل بقول كان حلقوا اخوك صلعه انت بل رأسك كلنا سودانين لافرق بين شمالية ولا دارفور ولاشرق كنا نقول العبيد للجنوبين وراحوا عنا واليوم بدأنا للشمال والشرق والغرب من المفترض الناس تشيل بعض ونترك الجهوية والقبلية ونتحد ونحارب كل المأجورين والفساد وإلا ونيران كردفان ودارفور تصل لكل ربوع سودانا الحبيب والناس كلها تقع البحر وتبقى ساردين ???????????

    1. كلامك عين العقل ..
      قال صلى الله عليه وسلم «دَعُوهَا فَإِنَّهَا مُنْتِنَةٌ». امرنا رسولنا الكريم بترك العنصريه والقبليه

  15. أنا ليس مع الإنقاذ وبكرهها شديد ولكن هذا الخبر خبر كاذب مليون بالمائة ومستحيل يكون ده حصل ، ده كله من الشيوعيين الكلاب لتشويه صورة أبطال الدعم السريع أو من حركات دارفور لأنهم أذاقوهم المر وسقوهم كأس الهزائم النكراء ” مستحيل هذا يحصل والحكومة لا تحرك ساكنا مهما كان ” ديل دايرين يشوهوا صورة البلد بس …..

  16. الرد علي المدعو علي : (وثانيا الاستعمار ده دخل السودان من وين من الشمالية ليه ماقاومتوه.) من الذي جمع السودان وقبائلة المتفرقة المتناحرة والتي كان يغيبها الجهل والامية والعقيدة الفاسدة المنبنية علي تألية السادة والبشر ؟؟ اليس هو الأمام محمد أحمد المهدي القادم من الشمال من دنقلا تحديدا والذي تجري فيه الدماء النوبية … الم تسأل نفسك يوما لماذا هو النوبي القادم من الشمال وحده الذي استطاع توحيد السودان بقبائله المتباينة والمتناحرة … الإجابة في غاية البساطة فالنوبيين حين عرفوا معني الدولة المؤسسة والمنظمة لم يكن تاريخكم الذي تدعونه ولا اجدادكم الذين تنتسبون اليهم زورا … ولم تعرفوارمعني للدولة المنظمة ولا الاستقرار وفق حكم وقوانين الدول والممالك .؟ ففاقد الشئ لا يعطيه وهي سنن الله في البشر يتوارثون الطباع والسلوك والثقافة جيلا عن جيل … وما انتم الا قبائل متناحرة ليس لكم ارث في ثقافة الدولة والاستقرار ولا العيش تحت حكم منظم وفق قوانين … لهذا عندما انطلق المهدي بدعوته لم ينطلق من منطلق قبلي ضيق كما فعل غيره والذين تتندر بهم وانت لا تختلف عنهم … فالمهدي نوبي والنوبيين اهل ثقافة وانفتاح للعالم من حولهم من قبل التاريخ .. فنحن حينما لم نقاوم المستعمر ليس خوفا بل لاننا نعرف قدرته وقوته فالاتراك كانوا اكبر امبراطورية في ذلك الوقت والنوبيين يعرفون تركيا وماهي علية من القوة وىالعتاد فلا يمكن لقبيلة مواجهة امبراطورية .. ولا يقدم على هذا الا جاهل كل معرفته وإدراكه منحصر في نطاق قبيلته التي ولد ونشأ فيها .. والنوبيين كانوا ليفعلوا ذلك في مجد ممالكهم الفتية والتي ما سقطت الا بعد الاسلام ودخول قبائل واجناس شتي الي السودان بسبب طيب معشر وانسانية النوبيين وقبولهم الاخر .. ولانهم كانوا اهل كتاب .. وما تلي ذلك من سقوط للمالك واحدة تلو الاخري .. وآخرها مملكة سوبا وما أدراك ما سوبا وكيف سقطت وما سقطت الا خسة وغيلة بواسطة عجوبة وما أدراك ما عجوبة ؟؟ وليس في هذا مفخرة ولا نبل من نبل الحروب .. وهذا الرد ليعلم الذي يفاخر بالفونج والعبدلاب كيف سادوا وكيف حاربوا ما يدعونه عدوهم .؟ وما سقوط الممالك النوبية الا سنة الله في الخلق تنشأ دول وتزول دول .. وليس في ما كان من شأن سقوط ممالك النوبة أي بطولة لأي مدعي كائن من كان .. فالمهدي انما انطلق من سلوك عفوي من إرثه وإرث حضارة قومه الضاربة في التاريخ . فقد علم المهدي ان لا طاقة في مواجهة دولة تمثل امبراطورية بقبيلة أو اغاني حماسة من النساء ؟؟ بل بتوحيد القبائل وتأسيس دولة تستطيع مواجهة الإمبراطورية .. حتي عند وفاته المهدي اعطي الخلافة لغير أهله أو قبيلته . لأنه كما قلت لم ينطلق من منطلق قبلي ضيق .. والآن هل عرفتم من وحد السودان وقاوم المستعمر .. وان الدول لا يأ سسها الجهل ولا القبلية الضيقة ولا إدعاء البطولة ونسج وتزييف التاريخ ..