اقتصاد وأعمال

ارتفاع غير مسبوق في أسعار الخضروات وكرتونة الطماطم تصل لألف جنيه


تشهد أسواق ولاية الخرطوم هذه الأيام ارتفاعاً غير مسبوق في أسعار الخضروات والفواكه. وكشفت جولة لـ(المجهر) على السوق المركزي الخرطوم والملجة بأم درمان والسوق المركزي شمبات وصول سعر كرتونة الطماطم إلى ألف جنيه (20 كيلو)، ووصل سعر جوال العجور إلى (500) جنيه، وجوال البصل إلى ألف جنيه وربطة جوز الجزر إلى (40) جنيهاً وكيس الخيار (300) جنيه وجوال البطاطس (320) جنيهاً، وربطة الخضرة ما بين (30) إلى (40) جنيهاً والرجلة (10 – 15) وربطة الجرجير (5) جنيهات، وكيس البامية (50) جنيهاً (20 كيلو)، وجوال البازنجان (80) جنياً (35 كيلو).وعزا التاجر “محمد طه” في حديثه ارتفاع الأسعار إلى عدم الوفرة وتحول المزارعين إلى تجار، مطالباً بضرورة تدخل الدولة وضبط حركة السوق.

 

 

المجهر السياسي


‫10 تعليقات

    1. أول حاجة انت مالك ؟؟ مش اتنكرت لأصلك خلاااااص !!
      خلي أهل البلد وناس الوجعة يتكلموا .. الواحد تلقاهو مساهر الليل كلو مع (البامبرز) ويجي الصباح يعمل لينا فيها (بيل جيتس) !!

  1. الوالي لا يبالي..و لو اكل الشعب تسالي..و هو في حالة رقص …..طوالي

  2. المزارعين تركوا الزراعه لانهم اتهروا بالجبايات …

    1. المشكلة في ثقافة الشراء ومواسم المنتجات .. مش الطماطم غالية ؟ .. خلاص خلوها .. ال 50 جنيه اللي بتشتري بيها كيلو طماطم دي ممكن تجيب ليك كمية كويسة من السمك أو الدجاج (جداد) .. ضروري طماطم .. خلي الشتاء يجي واشتري طماطم زي ما عايز !!

  3. أول حاجة انت مالك ؟؟ مش اتنكرت لأصلك خلاااااص !!

    خلي أهل البلد وناس الوجعة يتكلموا .. الواحد تلقاهو مساهر الليل كلو مع (البامبرز) ويجي الصباح يعمل لينا فيها (بيل جيتس) !!

  4. يعني كيلو الطماطم بي 5 دولارات … تقول لي دهب وقمح و (قرين كارد) .. الناس دي ما عارف محل القروش وين ساكت !

  5. والله على النطاق الشخصي اعرف شبابا كانوا يزرعون الخضروات وبالاخص الطماطم وبكميات تجارية والآن يشتغلون في الدكاكين”ولا اقول بقالات” وتركوا الزراعة نهائيا بعد ان كانوا منتجين!وذلك بسبب الضرائب الكثيرة التي تبدأ من ضريبة الموية ولا تنتهي بالقبانة،المهم الواحد آخر اللقطة”تطلق على عملية الجني الواحدة”يطلع بمصاريف الاكل والشراب فقط بعد دفع الترحيل ايضا”لاتوجد شوارع مسفلته تربط مناطق الانتاج بالسوق” ،يعني سلاق بيض!

  6. شماعة الضرايب لا اساس له وبالمنطق العكس هو الصحيح لان الناس تركت بدون ضرائب اصبحو يعملون فى الوظائف الهامشية المريخة يعنى بدلما تتعب فى الزراعة دبر ليك كم جنيه ومعتوه يشترى من معتوح طماطم كيلوا جابو بعشره يبيعه لتانى بعشرين والمعتوه الثالث يشترى منه بالعشرين عشان يكثب عشرة بالبيع بثلاثين يفرشها فى الشمس يقعد اليوم كله مايلقى الى يشتريه ويخسر واليوم التانى يكون مصير الباقين نفس الشى وفى الاخر نسمع ان البلد مانافع فيه شى ويعلقوها فى الجبايات ونفتش لينا مخارجة من البلد نسمع عنه يوم غرق فى البحر المتوسط والله يكون فى العون