منوعات

سوداني يعرض 100 ناقة للزواج من الاعلامية علا الفارس وردت “من طينة بلادك لط على خدادك”


عرض وافد سوادني يدعى’ أبو الطيب عثمان ‘ للسعودية 100 ناقة رشايدي مهرًا للإعلامية (علا الفارس) واكد رغبته في تقديمها للاعلامية الشابة .

وأوضح ابو الطيب أنه قدم إلى السعودية منذ عشر سنوات ليعمل في مجال النقليات تاركًا خلفه بضع من الإبل بغرض تربيتها والاستثمارفيها بعد ان اوكل المهمة في السودان الى ابناء عمومته، الا ان رغبته في الارتباط بالإعلامية علا الفارس، دفعه الى تقدَّيم استقالته من الشركة التي يعمل بها، وجمع كل ما يملكه من المال داخل المملكة و الرحيل نهائيًا، ليكمل جمع الـ 100 ناقة رشايدي وتقديمها مهراً للعروس (علا الفارس)في حال وافقت على طلبه.

وتقول علا الفارس انها تفاجات بالخبر ،والزواج قسمة ونصيب وانها تكن كل المحبة والاحترام للشعب السوداني التي لمسته بكثير من المواقف وقالت انها في الزواج ستسمع نصيحة جدتها : من طينة بلادك لط على خدادك .

سرايا


‫26 تعليقات

  1. (وقالت انها في الزواج ستسمع نصيحة جدتها : من طينة بلادك لط على خدادك .) يعني بالعربي يا ابو الطيب يفتح الله لكن لا تحزن البشبهوها ملو البلد تعال شيل من طرف.

  2. بس تجيبوا لينا الكلام والاساءة . الله يهديك سوق نياقك ديل وشوف بت عمك وين ووفر حلالك

  3. الحلاوة (المفتوحة) بتلم الضبان…
    ياراجل مالك ومال خضراء الدمن….
    بلادك حلوة أرجع ليها..
    وبنحب من بلدنا مابره البلد…سودانية تهوى عاشق ود بلد

  4. فضحتنا هسي دي فيها شنو والعاجبك فيها شنو والله انا شخصيا شايفها عاديه زيها وزي اي بنت وفي بنات تشوفهم تقول ل الاسمها علا دي انتي منو كمان ياخ حاجه غريبه والله ، قول عايز تعمل لنفسك عرض ما اكتر !

  5. الاهبل دا مفتكر نفسه فى مضارب عبس
    قال مية ناقة قال

  6. أقبل يا أبا الطيب وسنزوجك أجمل وأعف وأحشم منها بلا ناقه ولا جمل
    ويحك يا رجل

    1. يا أيرويس اعتقد أن العبارة الصحيحة هى ( خسأت يارجل ) لأن فعله شنيع – و حلوة منك و اضحكتنى كثيرا – لك تحياتى

  7. شلاقه مشاتر …. علي العموم انتا كمان اسمع كلام حبوبتك وعرس بت عمك

  8. اعتقد انة هوة احد النياق التى يقدمها مهرا….ما لقيت غير ناس الاردن دة اكثر شعب عنصرى على وجهة المعمورة

  9. الاردن سكانها الاصليين نادر تتعرف عليه اكثر من ثلث الاردن اصولهم فلسطين . الزول البمشي بفتش غير بنات اهله براه جاب لي نفسه الزل والهوان ولعلمك ممكن تتزوج من اي جنسية بهذا العالم لكن تدفع انت وابنائك الثمن واسرتك انا ما جربت لكن شاهدت نماذج كثيرة يا اقطع وشك من اهلك يا عيالك تصادر منك وسمعت قصص كثيرة من جنسيات اخرى خلاف السودانيين هنالك تعمد لتنصير الاطفال يعني من 1000 زيجة تجد واحدة نجاح

  10. والله انا قابلت بنت بريطانية من اصول عربية تكره تسمع صوت الاذان

  11. قالوا لمن تكتل تكتل اسد هسع الزول دا يعرس ليهوا فنانه خيبان وطلب رخيص وبزل في نفسه

  12. عليك الله هسي في داعي للاحراج دا … دااااائما حارجننا مع الجيران

  13. البت دىحبوبة وسمعت كلام حبوبتة وماقالت كلام غلط وليست كل الجمال هو الجمال ما تراة انت يراة غيرك شئ اخر على كل الناس بتتعلم من الايام لا تحزن اخا العرب مضارب البطانة مليئة بالحسان والمها والغزلان 000سلام

  14. يااخوانا المشكله وين رجال داير مراءه من حقه يطلب الي دايرها نعم كل شي قسمة ونصيب بس ماشوف في شي غريب بالموضوع

  15. هو حر يعني الله يوعدنا بالحور هي تبقى شنو بالنسبه للحور أقل طلب بس هو زود المهر شويه دي كتيره عليها

  16. ههههه..
    كلام الحبوبة وطين

    كلام الحبوبة وطينة بلدك دي ليك ي المطير عينيك.. والله صحي اختاتو. ..

  17. يا زول فظحتنا زول داخل على قبايل عبسي النياق حقتك بيعهم وجمع حقهم وجيب فيهم مرسدس 500 sel ,وتلاقاها جاتك يا زول فشلتنا طيح الله حظك انت ونياقك ديل