رياضية

صحف هلالية تتهم محترف المريخ المصري أيمن سعيد بدفع أموال لنادي سموحة من أجل عرقلة الهلال بمساعدة رئيس المريخ


شنت بعض الأقلام الهلالية هجوماً قاسياً علي محترف المريخ المصري أيمن سعيد واتهمته بدفع أموال لممثل بلاده في دوري أبطال أفريقيا سموحة من أجل عرقلة الهلال بالفوز عليه في مباراة الفريقين مساء السبت لحساب دور المجموعات من بطولة دوري أبطال أفريقيا.

وذكرت بعض صفحات مواقع التواصل الاجتماعي المنسوبة لنادي الهلال أن لاعب وسط المريخ قام بدفع أموال للاعبي سموحة من أجل الفوز علي الهلال وإبعاده من البطولة الأفريقية, بمساعدة من رئيس نادي المريخ الدكتور جمال محمد عبد الله الوالي.

وتعتبر مباراة الهلال ومضيفه سموحة مصيرية لممثل السودان والذي يكفيه الفوز أو التعادل لضمان تأهله للدور نصف النهائي من البطولة الأفريقية فيما ستجعله الخسارة علي مشارف الخروج من البطولة.

 

ياسين الشيخ _ الخرطوم

 

النيلين

 


‫28 تعليقات

  1. والله حيرتونا معاكم يارشاشات عليكم الله ده كلأم ده إلا يكون العوير على عمر

  2. اسمك غريب يا البتلعن في الكيزان كده فكر مره ولو هم ما بيستحقوا اللعنه من الله علي من حتقع ؟
    اتق الله في نفسك

  3. ينعلكم من النعال مش كدا ….لو قاصد حاجه تانيه تكون انت فاقد تربوي ما عارف طز من سبحان الله.

  4. انا والله هلالابي علي السكين مع وقف التنفيذ الي رحيل المدعو الكاردينال, لكن هذا لا يشبه خلق السيد جمال الوالي, الرجل مهذب وعلي خلق , هذه الاساليب مفضله لي رئيس الهلال, اما ان كان هذا الامر مقصود به تجهيز الاعذار لما بعد المباراه فهذا شئ اخر

    1. الكاردينال ياهذا إنجاره يتحدث عن نفسه ، اللهم إلا يكن بك صمم وعمي .
      اما جمال الوالي وضح تماما إنك لاتعرفه .

  5. طيب المشكلة وين؟؟؟
    الهلال كدا يضمن انه حيقاتل بشرف
    بعدين ناس الهلال يشتروا الكورة ، ناس المريخ مصلحتهم شنو؟؟
    انا مريخي وما خايف من الهلال في دور الأربعة
    اصلا الكاس دا في النهاية حق الاتحاد الجزائري شئنا أم ابينا

  6. سبحان الله العظيم والله ده كلام مايشبه جمال الوالي
    الهلالاب ده شغلهم براهم

  7. الهلال سيد البلد واسمو وابطاله فرقه انتحاريه لا محتاج لسموحه ولا للوااى ولو ايمن سعيد عاوزالعب مع سموحه مافى مانع … ولا يهمه سموحه ولا المريخ ولا الجزائرى ولا مازيمبى …. ايمن سعيد خايف من مقابة الهلال …. افضلو معانا يو السبت 12/9/2015 فى ملعب سموحه . وبعدها فى فندق توليب لقطع التورته الزرقاء الى ستقوم ادارة الفنق بتجهيزها ….
    الهلالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالال يتصدر المجموعه الاولى وبل راسك يا غارزيتو ومشاطيب الهلال …….؟؟؟؟؟ الفرق الانتحاريه جاهزه ورفعت التمام …. يمه شوفى الهجانه جو شوفى شوفى …..النار بنولعلا منو البطفيها ……ورونى عدونا فى السودان واقعدو فراجا …..وموتو بغيظكم ( قل اعوذ برب الفلق من شر ما خلق ومن شر غاسق اذا وقب ومن شر النفاسان فى العقد ومن شر حاسد اذا حسد )

  8. كل عمايل جمال الوالى مثل هذا لانه يدفع ويعلم لكن مزمز وجماعته هم البنفذوا ليهو ويخططوا ليهو جمال الوالى انسان امى فاقد تربوى العرف عزو رسب فى امتحان الشهادة السودانية كم مرة ومشى مصر كملها فى معهد كدا ومزمل ومن حوله هم المدبرون ليس لهذه المشكلة بس بل لكل امور نادى المريخ من والى
    واسالوا الاستاذ كامل سعيد وهو مريخابى غيور ورفض هذه الامور كثيرأ

  9. قووووووووووووووووووووول الدكتور جمال الوالي انطس في عقلو ودفع ليهم لكل لاعب مليون دولار مثلا هل فريق (سماح ) المصريه دي حايلعبو ب 12 لاعب ؟ ولا ياهم ال 11؟؟

    ان كان المتحدث مجنون السامع عاقل ياجماعه ماتفتشو في الاعزار من هسه وتسمعو لسخفي (صحفين) الهلال ديل وافلامهم المعروفه

    والله العظيم الهلالاب ديل شغالين بالمريخ اكتر من فريقهم

    ركزووووووووووووووو في كورتكم المصيريه دي وانسو المريخ شويه

  10. دا شنو يا طالح اقصد يا صالح مصدع بينا ومكسر كلام الله ، الله يكسر رأسك يا فاقد تربوي

  11. والله غلبنا البنقولو : بالمناسبة أنا هلالابي

    طيب لو رئيس النادي مثلا أو مجلس الإدارة حفز اللاعبين بمبلغ معين مقابل الفوز على الهلال أو أي مواطن مصري من انصار النادي عمل كدا الموضوع ليس فيه ادني شبهة و حتى لو دفع أيمن سعيد من جيبه الخاص لا غبار عليه فالمباراة هي هي سيلعب سموحة ب 11 لاعب و الهلال ب 11 و لو كان على موضوع التحفيز كذلك لعيبة الهلال تم تحفيزهم على جميع المستويات سواء من الدولة أو من الجهات الخاصة .
    رجاء ياشباب النيلين اتقلوا لنا مواضيع هادفة و بطلوا العبط و السفسطة الما ليها لازمة دي

  12. كلام عجيب يعني لو دفعو ليهم بيشلو الكوره بايدهم ولا بلعبو برجلهم خلو الناس تلعب كورتهم ماهم اصلهم ناس سموحة لاعبين من اجل الفوز لا دفعو ليهم ولا خلهم عجييب الكوره في السودان

  13. هههههههههه
    ناس الهلال دايرين يجهزوا ليهم شماعة من هسه
    كان سموحة اتعكلت معاهم وفاز عليهم
    رغم خروجه من البطولة

    المشكلة وين مايدفعوا ليهم انتو دخلكم شنو يا هلالاب
    تخشوا تلعبوا كورتكم وخلاص
    بطلوا بطبطة وجرسه من هسه
    الغريق راجيكم قدام كان اتأهلتو

  14. طيب إذا ناس المريخ دفعوا لسموحة أن يفوزو على الهلال إنتو ليه ماتدفعوا لفريقنا السجمان دا الماشي بالحظ دا .. أنا هلالابي لكن بالجد لما أكون عايز أعرف حاجة على حقيقتها برجع لصحف المريخ وبالذات مزمل شتات بين صحافة المريخ والهلال … كلام بايخ نفرض الوالي دفع ودا مستحيل إيه دخلكم فيه الصحافة الهلالية تعاملنا نحن الهلالاب كأننا جهلاء وتخطابنا بعقل الغير مثقفين إيه الكلام الفارغ دا يا صحافة الهلال نحن أكبر مما تتصورون ، انا لو عندي فلوس كنت حا أدفع لسموحة عشان تغلبنا ونرتاح من الهيصة والجمبليصة دي ….

  15. اهبل ناس الرشاشات عقولهم صغيره كالاطفال هم نشر البغضاء بين الناس مره غارزيتو كشف اوراق الهلال الى مازمبى كل مايكون فى لاعب محترف فى المريخ وتكون عندهم مبارة مع فريق من بلد المحترف تابى انفسهم المريضه الا ان ياتونا بابداعاتهم لعن الله الفتن ومن ايقظها اللهم انتقم من مروجى الاشاعات واصحاب القلوب المريضه اسال الله العلى القدير ان نسمع اخبار تسرنا

  16. بالله دا كلام دا ؟؟؟ أنا و الله هلالابي و مثل هذا الكلام لا يليق بالهلال ولو كان الهلال منتظر سموحة يسهل ليه عشان يفوز عساه ما يفوز و لو ما قادر يفوز على سموحة بقدرات لاعبيه الذاتية فلا داعي للمنافسة أصلا و الهلاليون الذين يرددون مثل هذه الاتهامات يسيئون للهلال قبل أن يسيئوا لأيمن سعيد و جمال الوالي ، فيا جماعة كبروا عقولكم شوية ، و هل جمال الوالي مغفل لهذه الدرجة؟ و ما ذا لو أخذوا فلوسهم و لم يستطيعوا عرقلة الهلال؟؟؟؟؟ ي عالم احترموا عقولنا و عقولكم هداكم الله و إن شاء الله الهلال فائز بعز عزيز أو بذل ذليل.

  17. في ناس تربية خيرا ن وشوارع ومفروض يراعوا الناس المعلقين المحترمين

  18. الخوف والجرسة واضحة ،،،،، عاوزين سبب مغلوبببببببببببببببببببببببببببببببببيييييييييييييييييييييييييييين إنشاء الله

  19. ايه السخافات دي لو دفعو لي سموحة مليار دولار حا يجيب ميسي ورونالدو اصلا في كل الاحوال المفروض سموحه يلعب بي شرف دفعو ليه او لم يدفعو ليه والمفروض الهلال يغلب سموحة في كل الاحوال .
    الكلام ده ما بنسمع بيه الا في السودان شنو يدفعو لي نادي عشان يغلب هو اصلا النادي لاعب عشان شنو فهمونا يا ناس ده الجهل المودينا لي ورا مرة يتجسسو لصالح فريق ومرة يدفعو ده شنو ده واي مشجع بمشي ورا الكلام دا جاهل وفاقد تربوي

  20. الصحفيين السودانيين في قمة السذاجة والجهل كلام زي دة عيب زاتو ماممكن صحفي ينزل للمستوي دة الجهل …… اصلا الفرق لو بتفوز بالقروش الكاردنال ما يدفع لي لاعبينو عشان يفوزو علي سموحة …ومافي زول بيصدق كلام الرشيد ومحمد عبد الماجد ماممكن صحفي يحرض الجمهور عشان يقتل لاعب او يهددوه او يضايقوه …لوما جوفهم مغلي من جوة بالحقد

  21. لاعب يدفع لنادي بحالو عشان يطفشوا نادي تاني من المنافسة .. والله دا كلام ساذج ومنطق مهزوز وما يصدر الا من واحد جاهل زي أبو جهل علي عمر ومين كدا ما عارف عز الدين .. انتو الجرسة العليكم شنو ما تواجهو مصيركم بشجاعة بدلا من البحث عن مبررات مسبقة لهزيمة قادمة لا محالة. ياعيب الشوم .. صحيح رشاشات .

  22. العكس هو الصحيح الوالى بدفع لسموحة عشان يخسر من الهبال لضمان وصول صفر البلد لربع لنهائي ومن ثم التهامه ذهابا وإيابا ومن ثم وصول الزعيم لنهائي الكأس والظفر بالاميرة السمراء معقولة فريق من اعمدته الرئيسية * أطير توماس* ده كلو كورة عندو بنلتى مضمون يا قرشها فى الشبكة ومهاجمه الأول الجزولى الذى لا يسجل إلا عصرا