كتيبة تقتحم مستشفى سنار وتتبنى علاج شول منوت
اقتحم أفراد من كتيبة الهندسة بالفرقة 17 مستشفى سنار، وأعلنوا تبنيهم علاج الفنان الشاب وأحد نجوم برنامج نجوم الغد شول منوت.
وأصدر قائد الكتيبة الرائد عمر الطيب أمراً بتخصيص مرافق لمنوت، وأعلنت تبنيهم لعلاج الفنان الذي زاملهم سابقاً في سلاح المهندسين قبل انفصال جنوب السودان، وتم أمس استئجار غرفة خاصة لمنوت بعد أن رفض الذهاب للخرطوم مفضلاً تلقي علاجه في سنار.
وتفيد المتابعات أن العديد من رجال الأعمال والمبادرات الشبابية والشعبية اهتمت بعلاج الفنان، أبرزهم السلطات الرسمية والشعبية بولاية سنار، ورجال الأعمال أشرف الكاردينال وصلاح إدريس أضافه لمبادرة شارع الحوادث.
صحيفة السوداني
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
البسمع كتيبه تقتحم وعلاج شول
تقول الجنوب بكره برجع من الانفصال
لو عملتوا السبعة وزمته الناس ديل تاني مافي رجعه
اتمنو ليو الشفاء الانفصال خلو جانب
ناس فاقان وسجمان وين ضربوا قروش البترول وهربوا أسرهم للخارج ومصدعننا السودان الجديد
لو من زمان بتعملو كدة ما كان انفصل الجنوب…
عليك الله لقاي أخوي كم من معاشي القوات المسلحة السودانية فى المستشفيات الحكومية والخاصة يمكن حق الأسبرين ماعندهم وموش كده وبس يمكن أولادوم حق العشا ماعندهم ونساءهم يمكن في مهن هامشية عشان لقمة العيش الكريم شنو البوبار في بيت الإيجار ياخي شول وإخوانه مشو بي اختياروم مافي زول طردهم قالوا نفرز عيشتنا والله الزاد كان ماكفي أهل البيت يكون حرام على الجيران وده كلو شوفوني أنا وعضلات للإعلام شنو تقتحم غير ترويج إعلام عبيط
معلومة للذين لا يعلمون شول دا فضل يقعد في السودان لمن الجنوب انفصل عننا فعشان كدة بنلقي في سودانيين أبدوا إستعدادهم للمساعدة في علاجه
يا قلب الاسد شوف جهة غير القوات المسلحة تسببت في الانفصال . لأنها حاربت من أجل وحدة السودان . عندما تم التوقيع على الاتفاقية أكثر من 70 من مساحة الجنوب منتشرين فيهو القوات المسلحة . برضو روح الزمالة العسكرية ما بتقطع بالانفصال . التحية لهم
اتفشخرو .. مافى مشكله بس اخصموها على الحساب الجارى بينكم والجنوب ( بتاع نقل وترحيل البترول ) …
وبالله افيدونا افادكم الله … باى حق يوزع ذلك الرائد الهامل افراد القوات المسلحة مرافقين للمرضى ؟؟