رأصني يا قدع

> اخواننا المصرين ناس لذيذين جداً
> وقدام شديد
> يمكن يكونوا اقدم ناس في الدنيا دي
> من قبل سيدنا موسى عليه السلام هم قاعدين
> ناس خبره
> وتفتيحه واولاد قلبا
> هم بقولوا ولاد «البها»
> «البها» دي بالسوداني قلبا
> المهم
> ناس فايده
> الدنيا علمتم يستفيدوا
> ومن امثالهم
> يا بخت من نفع واستنفع
> عشان كده لو لقوا فرصه ينفعوا زول بنفعوهو بشرط يستنفعوا هم
> والنفع والاستنفاع في البيع والشراء
> ما كل المصريين ببيعوا ويشتروا
> المصري يا ببيع يا بشتري
> ناس القاهره مثلا بشتروا
> لكن ناس الاسكندريه ببيعوا
> اتعلموا البيع ده بحكم موقعهم كأقدم ميناء مصري في التاريخ
> نابليون بونابرت جاء مصر بالاسكندريه
> بوابة تجاريه من زمنا بدري
> بورسعيد بتلقي فيها البيع والشراء
> دي المدينه الوحيده في مصر الجمعت بين البيع والشراء
> بحكم المنطقه الحره الفيها
> لكن القاهره مدينة شراء
> والاسكندريه مدينة بيع
> بياعيييييييييييييييييييييين
> المهم
> المصريين بحبوا البيع شديد
> واحد مصري باع ابو الهول لواحد صعيدي
> ورمسيس اتباع كم مره
> ناس يبيعوا الهرم ما يبيعوا الحاجات؟؟؟
> طالما باعوا الهرم يبقي ببيعوا اي شي تاني
> ومن امثالهم
> بين البائع والشاري يفتح الله يا معلم
> وبستغلوك
> لو لقوك محتاج للبيعه شديد
> برفعوا ليك السعر شديد
> تقول الف دولار
> يقولوا ليك ما ينفعش
> تقول الفين
> يقولوا ليك الراجل حا يصفر ورانا شغل
> طبعا قاصدين بالراجل الحا يصفر العطشقي بتاع المحطة بتاعة القطر
> بصفر
> وبعدو القطر بصفر
> وبسافر
> هنا عندنا موش بقولوا ليك فلان قطرو صفر؟؟
> ياها زاتها عندهم
> بس بقولوها
> الراجل حا يصفر
> وطبعا الراجل لو صفر
> والقطر اتحرك
> بتلقي روحك واقف في المحطه
> وعشان تلحق القطر
> تقوم تشتري منهم بالسعر البحددوهوا هم
> ولا
> الراجل حا يصفر
> الغريبه في الجزائر مافي كلام زي ده
> القطر بصفر برااااهو
> وفوووووو
> يفوت يخليك في واطات الله دي
> المهم
> المصريين ناس قدام
> وليهم من العادات والتقاليد الكتير المثير والرائع
> لكن كل عاداتهم وتقاليدهم بتعتمد على الكاش
> مثلاً
> لو حضرت ليك عرس في حاره
> الواحد فيهم ما بغمت لي ناس العرس تحت تحت
> الحاره كلها تعرف انو دفع
> ويعملوا ليهو كمان دعايه واعلان لي شغلو
> وشغلو تجاره
> وطبعاً بيع
> المعلم رشوان اجدع معلم في البلد وصاحب اكبر وكالة وقهوه في الدقي
> تلت آلاف جنيه ومعاها بوسه
> الحله كلها تزغرد
> يقوم المعلم يقيف حيلو
> ويجي وسط الحلقه
> يقول
> المعلم
> ناس الفرقه الموسيقيه يقولوا وراهو
> المعلم
> يقول ليهم رشوان
> يقولوا رشوان
> صاحب اكبر وكاله في وسط البلد
> يرددوا معاهو صاحب اكبر وكالة في وسط البلد
> يبارك للعروسه المحروسه وميت جنيه للفرقه الموسيقيه
> ورأصني يا قدع
> الفرقه الموسيقيه تسمع بالميه
> ترقصوا ليك لمن يجيهو غضروف
> لكن لو ما دفع
> والله لو ينطط للصباح
> طبله تقول بغم مافي
> ناس فايده المصريين ديل
> ورأصني يا جدع
> المهم
> تختلف الثقافات واللهجات حتى داخل مصر
> ناس الاسكندريه بجمعوا المفرد المتكلم
> يعني يقول ليك رايحين السوق نبيعو البضاعه دي
> الماشي بكون زول واحد
> لكن بفكها في روحو وبجمع المفرد
> يتخيل لي السبب انهم شبعانين
> ناس الاسكندريه ديل جنهم اكل
> البحر فاتح نفسهم للاكل
> ونحنا نمشي البحر يومي
> يقولوا لينا الغداء
> نقول ما دايرين
> المهم
> تبقى مصر مصر
> بحضارتها وثقافتها ومكانتها في العالم
> وتبقى عبارة رأصني يا جدع
> خاصه بمصر معبره عن تكافل اهلها مع بعضهم البعض
> المهم
> مازيمبي كمل أقوانو
> وسنحافظ على نظافة شباكنا على ارضنا في مباراة مازيمبي ان شاء الله
> وسنقهره رايح جاي
> فالزعيم سمات البطوله ارتسمت على وجهه منذ مباراة عزام
> اما الطرف الثاني في المباراه الختاميه
> حا يدخل مباراة المريخ بحذر شديد
> لانو قابل المريخ السنه دي مرتين
> ولولا تدخل التحكيم لخسر السته نقاط بتاعات مباراتيه ضد المريخ
> الطرف التاني في المباراة النهائية
> مدجج بالنجوم
> نخاف منه فقط في منافسة مهاجمه لبكري في هداف البطوله
> لانو مهاجمهم برغم انو عندو تلاته اهداف بس
> الا انه قناص بارع
> واتوقع ان يحرز في مباراتي دور الاربعه ما اقل من اربعه اهداف
> البلايلي خطير شديد
> ايها الناس
> الوفاء لأهل العطاء
> عبارة جسدها فتيه تورنيدو اهل الروعه
> لفته بارعه منهم وهم يحملون يوم مباراة الاتحاد صورة الزميل الرائع الشفت المبدع معاويه الجاك
> تضامنا معه في رحلة العلاج التي نتمني ان تكون قصيره
> ليعود القلم المصادم النزيه معانقا الشفوت من جديد
> معاوية الجاك قدم عطاءً للمريخ لا يعرفه الناس
> لأنه لا يريد ان يلمع نفسه بقدرما يهدف لخدمة الكيان الكبير
> اتم الله نعمة الشفاء لاخينا معاويه الجاك
> ودعوات الشفوت ضروريه يا شفوت
> وناس تورنيدو عملوا ختمه للمصحف بنية شفاء ابو الجاك
> شكراً اهل الوفاء تقديركم لاهل العطاء
> ودمتم
> المهم
> انتوا وين شعبله ؟؟؟
> الراجل ده اختفي مالو ؟؟؟
> طبعاً مبدع برغم انو اغانيهو كلها لحن واحد
> اتخيل لي عندو غنيه بقول فيها
> كنت عايز اشتري طعميه
> قالولي لو عاوز تشتري تروح الاسكندريه
> ورحت الاسكندريه وباعوا لي الطعميه
> وهيييييييييييييييييييييييي
> اين انت يا شعبله !!!!!
> المهم
> سقط سهوا مننا ان نذكر دعم تجمع الروابط للزعيم قبل مباراة الاتحاد
> خمسه مليون
> مليون ينطح مليون «بس ما بقول باع بنطح ساي»
> تبرعوا بها دعماً للزعيم في التمرين الختامي لمباراة الاتحاد
> حقهم الادبي
> من واجبنا ذكره
> ودمتم يا شفوت
> ايها الناس
> ان تنصروا الله ينصركم
> اها
> نجي لي شمارات والي الخرتوم
> انت يا والينا
> السحاب ده صيني ؟؟؟
> مالو ما بصب لينا ؟؟؟
> ولا الا نغني ليهو يا والينا
> يا مطيره صبي لينا في عينينا؟
سلك كهربا
ننساك كيف ولما السحاب يتلملم الكلب بتألم ويقول يا حليل سحاب زمان لما كان الخريف قطاع اهلي والسحاب من رب العالمين والمطر للجميع
والى لقاء
سلك