أبرز العناوينمنوعات

معتمد محلية بالعاصمة السودانية يستخدم سلم لتفقد سطح المدارس يثير دهشة رواد التواصل


من الصور المدهشة التي وصلتني: معتمد محلية جبل أولياء اللواء (م) جلال الدين الشيخ الطيب .. في اثناء تفقده للمدارس بالمحلية شايل معاهو سلم وبتفقد في سقوف المدارس..

يا سعادة اللواء خليك من السقف شوف الشوارع ديل مليانة موية كيف ؟ وين التصريف ؟! وين الاستعدادات المبكرة لمواجهة موسم الخريف؟ وين ميزانية جداول تصريف مياه الخريف؟ والوالي عبد الرحيم محمد حسين في (دار السلام ) بغرب امدرمان قرب ينزلق في السيل !!

الحل ليس فقط في الزيارات الميدانية والظهور امام كاميرات أجهزة الاعلام!!.. الحل هو في تشييد مصارف وجداول للعاصمة بواسطة شركة اجنبية متخصصة ..حتى لا تتكرر الماساة والمعاناة كل خريف ! ولا نسمع عبارة (الخريف فاجأنا!) (الخريف جاء اكتر من توقعاتنا!)

تهاني عوض
معتمد1

معتمد3


‫12 تعليقات

  1. وانتو عاوزين السقوف دي تقع في التلاميذ .. ايوه يتفقدها ويصلحها .. ويصلح كمان جداول تصريف الخريف …

  2. حقا ما زلنا نعيش فى عاصمة تفتقد لابسط البنيات التحتية لتصر يف مياه الامطار الموسمية وايضا التصريف الصحى والسؤال لماذا لا يتم التعاقد بوضوح مع شركات متخصصه من خارج الوطن وتكون لديها خبرة وهل هذا صعب؟ وثانيا يمكن عمل نفير لكافة المواطنين والمغتربين وايضا من الداخل لعمل هذا المشروع المهم فى حياة وصحة المواطن بولاية الخرطوم ؟ والظاهر هم فى وادى وحلم المواطن فى وادى والله المستعان وخليهم يركبوها سيارات ومكاتب وبيوت والمواطن مريض والدوله عاجزة لتقديم خدمات طموحه الى الان فى العاصمه؟

  3. كلام ظابط ياهريسة وعلي الاقل يتأكد من الشعل واطفالنا يكونو غي أمان

  4. نحن والله بعيدين جدا ابسط موقومات الحياة ماموجوده المشكلة داء حاصل في العااااااااااااصمة طيب الولايات بتكون كيف

  5. معتمد محلية بالعاصمة السودانية يستخدم سلم لتفقد سطح المدارس يثير دهشة رواد التواصل!!!!!!!!!!!! المشكلة في شنو ولا هو منو يعني طيب لو كان المحافظ العنوان كان يكون كيف ؟؟؟ لا نقلل من شان هذا المعتمد ولا نعلم نوايا الناس لكن في تصرفات نحس بها نوع من النفاق ولا اخص بكلامي هذا الشخص انا كمواطن ما يهمني احس بان هنالك خدمة عمل على واقع الارض اما حكاية تطلع سلم وتنزل ولا تلعب لعبة الثعبان دا امر يخصك النفاق دا قدموه لاهل القرار خليهم ينخدعوا ويجدوا انفسهم كان موية تحت التبن لان الدولة لا تراقب ولا لديها مراقب ولا عيون ترصد تصرف وثروات المسؤولين بالدولة التعالي والكبر على المواطن ظهرت بعد وفاة الاخيار الزبير شمس الدين تواضع جلوس ارضا مع المواطن زيارات ميدانية لاسخن المناطق واليوم انا اشاهد هذا النمط في شخص والي بدارفور العقيد امن انس كلام وطني مرتب ومسؤول وجهه للمواطن بخصوص التنمية قال ليهم التفلت الامني اخر الولاية من التنمية

  6. لا أدري لماذا لا يستعين السودان بخبراء أجانب (خواجات) لوضع حل ناجع ونهائي لمشكلة المصارف في ولايات الخرطوم عبر التعاقد معهم لمدة عام أو عامين بمرتبات مغرية وإنهاء التعاقد معهم بعد حل المشكلة، فحجم الموارد المهدرة سنويا تساوي ملايين الدولار خسائر الحكومة والمواطنين جراء الخريف كل عام ، فإذا لم نستطع حل المشكلة فلا يوجد عيب في الاستعانة بالأجانب كما تفعل الدول المحترمة
    لا أدري لماذا لا يستعين السودان بخبراء خواجات لإعادة مشروع الجزيرة لدائرة الإنتاج بعد أن عجزنا نحن عن ذلك ؟؟ لماذا ولماذا ولماذا ؟؟؟ وبالمناسبة دي ما عقدة (خواجات)
    حتى أمريكا لا تستنكف من الاستعانة بخبراء أجانب حتى لو كانوا من دول نامية كالسودان ، بل وتمنح هؤلاء الخبراء جنسيتها لمساعدتهم على الابداع في عملهم فهل نحن أكثر فهما من الخواجات أم أننا نخجل من الاعتراف بعجزنا؟؟؟؟؟

    1. الحمبلوش يا اخي انت زيك منو والله انا امنيتي ان تقوم الدولة بهذه الخدمة العجز هو المسؤول اذا قلت لمسؤول ليه م بتشتري حاويات للنفايات يقول ليك بسرقوها بالله دا رد ولا كلام زول يمتلك عزيمة لنهضة ولا تنمية بلد . انا مسؤول لازم اقعل شيء مهما كان بسبب النفايات بسبب المجاري كم شخص يمرض وكم تصرف الدولة بتصرف في الاثنين ومن اسوا لاسوا لان المسؤول نفسه سيء وغير مؤهل فقط يفلح يتحشر في المهرجانات واخراج اكبر النثريات والماموريات

    2. عليكم الله التصريف دا داير ليهو مهندس كمان اقرب تربال ممكن يحل مشكلة التصريف ويوزع المياه الى الخيران ومنها الى النيل

      خلونا من الكلام الفاضى دا

  7. يا اخوانا السودان دا … ما محتاج موارد بشرية من الخارج .. ولا صناعة من الخارج … ولا غذاء من الخارج. يوجد علماء على اعلى طراز في السودان .. وارض لو زرع الجحر لأثمر … وخيرات لا تعد ولا تحصى ونحسد عليها …….. ولكن ………….
    نحن مشكلتنا حكووووووووووووووووووووووووومة فقط .

  8. والله أتعجب من المواطن وخاصة المعارضة
    إيش يرضيكم عشان كفوا ما نسمع منكم نقدكم الهدام ،،
    أيو جولة تفتيشية لكل حاجة والمدارس من ضمن هذا الجولة وأتمنى أن تكون حتـى في ساعةالدوام عشان البلد ده تمشي صاح
    والعينة القوية هي التي تنفع معـاكم حتى تخلوا الناس تعمـل لمصلحـت المواطن اليوم هنا وبكرة هناك بالليل والصباح وأتمنى أن الناس تتعـاون مع هذا الوالي الجديد حتـى يصلح ما دمره الزمن للمواطن سبب عشان المحلية تجد كل الخدمـات التعـليم الصحـة والبيئة والكهرباء والموية والطرق والتخطيط السليم والبنية التحتية هي الاساس في كل شيء
    الله معاك يا معتمد والله يسهل ليك البطانة الصالحة التى من حولك،،،،،،،،،،،،،،،،،،،،،،،،،،،،،،،،،،؟؟؟؟؟؟؟

  9. ما تحت السقف خراب يمكن ما تلقى فيها الكراسى كمان وهو بيحاول يظهر اهتمامه فى السقف بدل ما يشوف احتياجات الطلبة والمدارس الضرورية
    على كل حال نعطيه 2 من مائة
    يعنى ايه ?
    يعنى راسب