منوعات

بالصور.. ندي القلعة تودع جمهورها من أعلي سلم الطائرة القطرية.. وملابسها المثيرة تثير ضجة داخل مواقع التواصل


تداول نشطاء علي مواقع التواصل الاجتماعي صوراً للمطربة السودانية المثيرة للجدل ندي القلعة وهي تصعد علي متن الطائرة القطرية في رحلة فنية خارج البلاد.
وبحسب الصور التي قام بنشرها عدد من المعجبين بالمطربة السودانية الأشهر فقد لوحت ندي بيديها في إشارة وداع.
وأكد بعض النشطاء أن ندي القلعة غادرت البلاد في رحلة فنية لم يتم الكشف عنها, وواصل وقامت ندي برفع يديها وهي تودع جمهورها علي مواقع التواصل الاجتماعي.
ولم تسلم ندي القلعة من الانتقادات حيث هاجمها البعض في ملابسها والتي وصفوها بالمثيرة وطالبوها بارتداء الثوب السوداني المحتشم.
حيث كتب عثمان إدريس (ندي القلعة بعد كدة مفروض تخلي اللبس الشاذ ده).
وكتب علي ابراهيم (هسا دي هدوم تسافري بيها.. مفروض تحترمي جمهورك حبة).
وكتب علي النور (يا ندي مفروض تلبسي التوب السوداني المحتشم بدل الانتي لابساه وده).
12021989_1054010407972489_430110329_n

11949341_926851420721252_8228104110478635616_n

ندى القلعة1

ندى القلعة3
ياسين الشيخ _ الخرطوم

النيلين


‫34 تعليقات

  1. قسم بالله المرأه دي ما وراها رجال ….يا شايبه يا حبوبه ارمي ليك طرحه علي صدرك الزي البقره ده..

  2. وان شاءالله ح تمشي تحجي متين ؟!! ناس تتوجه لأداء فريضه الحج وناس فارغه تتوجه لأداء الاغاني والخلط والرقيص

  3. يا ولية اتقي الله …. إنتي وباقي المغنيات حتودونا إلى جهنم والعياذ بالله.. .. متى تعودين إلى الله يا أمة الله؟

  4. لا حول ولا قوة الا بالله

    اللهم لا شماته …. اللهم أعنا على ذكرك وشكرك وحسن عبادتك

    الله يهدينا جميعا

  5. بالله شوف الجبوبه دي لابسه كيف ….
    فعلا … اتا لم تستحي فاصنع ماشئت …..

  6. اللهم لا تعاملنا بما فعل السفهاء منا وارفع مغطك وغضبك عنا

    يا جماعة في حاجة انتو ناسنها المره دي راسا دلوووووكة ما تشوفوا الشعر المستعار دا والله إن ابطحت فوق برش شعرها ما يصل الأرض

  7. اسمع كلامكم اصدقكم ، اشوف عمايلكم استغرب

    يا خوانا خليكم صادقين من انفسكم مرة واحدة بس ، كلكم بتهاجمو فيها لكن والله تمسك المايك ده وتبدأ في عزاز علينا كلكم تجو جارين عشان تسمعوها … ياخوانا خلوها مستورة

    ولا ما كدي

  8. شكلها كدة جاها خرف مبكر
    دي هسي حال مرة حصلت ال50 سنة
    الله يهدي الجميع

  9. حسبنا الله ونعم الوكيل ما منها من الدولة التي تسمح لها بالسفر عشان مزيد من الفوضى كما كان الحال في نجيريا . اليس الدولة ضالعة في هذه الامور؟ افتونا يا جماعة الخير

  10. لبس عادي شوف صالات الافراح فيها شنو ………………….. امشي الحامعات امشي شارع النيل بالليل امشي شوف بيتكم فيهو شنو

  11. حسي المثير شنو حسيتوني انها لابسه ملابس بحر .. وبنتقدوها ولمن تقول جيتكم في الحلفه الزحمه حدها اخر الشارع .. الله يهديها

  12. وين حسي اللبس الشاذ يا عقول مريضه .. الشي الوحيد انو بس ما لابسه طرحه .. لا لابسه قصير لا ضيق .. وهو يعني الثوب دا بيستر ما ممكن يكون يكشف ويصف.. .. حتى اصلا لو كانت لابسه عبايه برضو ما كانت حتسلم ودا ما دفاع عنها لانها لا تمثل شئ بالنسبه لي ولا بسمعها من اساسه لكن موضوع اللبس الشاذ دا بقى لبانه تلوكوها عمال على بطال ..عدم موضوع و عقليات مريضه دي ودعوا الخلق للخالق .. وللعلم بكره دي لو عندها حفله انتوا اول ناس حتمشوا تجبجبوا

  13. حسبنا الله ونعم الوكيل اين ولاة الامر والحكومه الاسلاميه من هذه المهازل

  14. مسؤوليين من الخير… ندى دي لسة ما عملت ليها طيارة خاصة ليشنو؟ حاجة غريبة!!!!

    وليكم مني أنا هدية طيارة خاصة لندى بس بعد ما تتحل مشكلة خط هيثروووو + ووووووو

  15. والله يا وداد كلامك عين العقل انا لما سمعت لبس شاذ مخى وده وجاب ، جد ناس ما عندها موضوع وما صدقو لقو حاجة يعلقو عليها وينتقدو لكن صدقى كلها حسنات ماشة ليها واصبح الناس يصدرون صكوك الغفران وصكوك الجنة بدل ما ينشغلو بنفسهم واصلاح عيوبهم ولو اصلا على موضوع الطرحة فما فرق ندي من الاف فتيات السودان وغيرها من الدول ولسنا هنا بصدد الحديث عن الحلال والحرام او اصل اللبس فى الدين
    حاسبو انفسكم قبل ان تحاسبو ولا تدرون كيف يختم لكم ، وان اردتم نصيحة فليكن بالحسنى

  16. الجاهله دي فاكره نفسها في حكومة الانقلذ واللا قايله نفسها بقت حرم الرئيس ؟ ماخده مقلب في نفسها شديد / المرأة صلاتها كلها سريه فما بالكم بمغنيه ؟ الله يستر عليك !!

  17. اكبر من عجوبه اللي خربت سوبا وعاملا فيها صغيره….بنتها لو تزوجت تلد