أبرز العناوينسياسية

البشير للطالب السوداني “أحمد”: ادعوك واسرتك للقدوم للسودان.. الوطن بحاجة ماسة لأصحاب العقول المبدعة والمواهب


في تدوينة على موقع فيسبوك لصفحة منسوبة للرئيس السوداني قال الرئيس عمر البشير بخصوص الطالب السوداني الأصل أحمد محمد الحسن صاحب أشهر قصة خبرية تناولتها معظم وسائل الإعلام في العالم والذي تم إعتقاله في تكساس بالولايات المتحدة الأمريكية بعد أن صنع ساعة وأعتقدت مدرسته والشرطة أنها قنبلة.

كتبت الصفحة المعنية (ادعو الطالب المخترع احمد محمد الحسن واسرته القدوم الي السودان مبدياً استعدادي في تطوير اختراعه الحالي وأبحاثه القادمة.
أنا على ثقة بأنك ستواصل تحصيلك العلمي وستتابع جهودك من أجل تحقيق المزيد من التفوق والنجاح لكي تكون عالمًا ومخترعاً يشار إليه بالبنان لترد لبلدك وأمتك الجميل وتؤكد بأن وطننا الشامخ بحاجة ماسة إلى أمثالك من أصحاب العقول المبدعة والمواهب التي ستغني هذا الوطن، وهي التي ستكون بإذن الله ثروته الحقيقية التي لا تنضب وفقك الله وسدد خطاك).

علماً أن موقع النيلين لا يمكنه التأكد من صحة المعلومات المتناقلة عبر مواقع التواصل الإجتماعي خصوصاً الصفحات والحسابات غير الرسمية.


‫41 تعليقات

  1. أكان جيت ياهو الرماد الكال حماد !!!!! أو تسمع كلام خالي ده .

  2. أكان جيت ياهو الرماد الكال حماد !!! أوع تسمع كلام عمي ده .

  3. دا كلام ي بشه العندك قاعد تطردهم كمان جايب واحد من هناك

    كلا ي عوض دكام

  4. أتوقع كلام مفبرك على لسان الرئيس ونتمنى ألا يكون قد صدر منه وأحمد وغيره سيعودون تلقائياً إذا شافوا في الوطن ما يستحق عدم مغادرته !! آه بس يا وطن ، اللهم من ولي من أمر أمتي شيئا فشق عليهم فاشقق عليه، ومن ولي أمر أمتي فرفق بهم فارفق به.

  5. هههههههه يجي وييييييين ؟؟

    انت حاليا بتطرد اكثر من 150 الف من خريج الى دكتور الى بروف سنويا من 2011 … ياخي كفاءات المؤتمر الوطني طلعوا من البلد

  6. اوع تجي لو يسجنوك هناك احسن وافضل ليك وما تسمع هذا الكلام بشه طرد كل الشعب وكل يوم الناس بتتخارج ومافي اي امل في ظل وجوده هو ومن معه

  7. ان تطرد ابوه وتنادية هو ؟؟؟؟؟؟
    اذا كان السودان يحتاج للعلماء يلا خليك جادي وحافظ علي بقية العلماء الموجودين للان بالسودان هههههههه
    (الجفلن خلَّهن أقرع الواقفات)

  8. السودان كان فيه خير مع الانغاذ كان ابوه هاجر امريكا . لو رجع السودانم الفي راس بطير .

    1. لكن يا ابو حنفي الانجليزي عندك — شكلك دخلت مدارس في عهد (الانغاذ)— مع كل الود والتحية

  9. في السودان برضو في علماء ومخترعين بس الحكومه بتكسر مجاديفون بدل ما تهتم بيهم

    مكانك يا احمد ..فهنالك افضل لك بكثير

  10. ايوا يابشة جيب لينا ولدنا دا عشان يحترف في الهلال باك شمال
    غايتو كان جا السودان بدل يصنع الساعات إلي كان يبيع الساعات في السوق الشعبي

  11. بالغتِ يا متغربة

    شنو الدعوة دي ؟ أنتِ ناسية دي العشرة الفيها الدعاء مستجاب ؟

  12. يازول اوعك تسمع كلام الزول ده يغشك وتجي راجع
    تكون دي اكبر غلطه غلطتها في عمرك
    احسن ليك اوباما والله كان قعدوك في السجن احسن من انك تجي راجع

  13. ههههههههههههههههاى والله خالك دا حنين وحنكو سنين
    ياود هوى خليك فى تكساسك دى ماتسمع الحنك البيش دا

  14. يا ريس الجفلن خلهن اقرع الواقفات بان يوكل الامر لاهله ويقيم اصحاب العقول عندك

  15. اوووعك تسمع كلام عمك بشه يا ولد هوووي ,, تجي السودان تاخد اكبر مقلب في حياتك .. قال تعال السودان قال !!! السودان فضل فيهو شعب حر ؟ اكبر نسبة هجرة في العالم المهاجرين السودانين .. ح يجي السودان الشاب ده يعمل شنو يا بشه ؟؟ يبيع ترمس ؟ ولا يعيش شقي طول حياته يسوق ركشه رزق اليوم باليوم .. لا خيرا منك يا بشه ولا كفايه شرك ؟

  16. معقول تشوف زولا كبير مرضان شديد يشكي الالم
    ما ترفعه ؟؟!!
    وطني العزيز مرضان شديد وشعبك المسكين بعيد
    في الغربة ما قادر يجي
    شعبك الهادي الرضي
    كيف حالك ؟ ! المؤمن مصاب
    وأنا بي هناك
    ارقيك فاتحالك كتاب أرقيك من كل الذئاب
    أرقيك من كيزانك السرقوا الجيوب
    وأرقيك من بترولك الشالو الهبوب
    وأرقيك من كل العذاب
    وارقيك من جرح الجنوب الما اندمل
    وارقيك من شر النظام والجوه ديل فقدو الامل
    شعبك الهاجر زمان ,, ينعيك بي كل امتنان
    قال ليك تعال شوف السهام
    لاحقانا في الغربة وكمان !!
    دايرين نجيك دايرين نحضنك بس شديد !!
    دايرين نحضنك بي حنان
    الا الحرامية اللئام
    فارضين اتاوات من زمان
    نحن المهاجرين الحنان
    دايرين نجيك الا النظام مانعنا نان
    مانعنا جت !!
    وين الاتاوت وين مشت ؟!!
    ما شوفتها ؟ّ!ما جابها لييك ؟؟! مفروض يعالجك يا وطن ؟!!
    شرط جيوبنا وفتشها !!
    كيزانا ديل ما جابو ليك حق العشاء ؟
    دمغة جريح ! ,, وارض المطار! ,, وحق القناة !
    ودم الشهيد ! وحق الكديس !
    أظنو الكديس قطع كبيدتك قرمشها !!
    نان وين مشي ؟!!
    قفل بيوتنا وتربسا !!
    قروشنا دي ,, شالها النظام قاعد يسرقك ما مشي ؟
    شالها من جيبي اليمين خاتها في بطنه السمين !!
    انشاء الله حقي يدمروا
    وطني العزيز مرضان شديد ؟
    وكل الاطبا اتحيروا مرضك عضال وحالتك شلش !
    وطني الحسيس نظامك خسيس !!
    حيرني فيك !! بهدل كيانك وما مشي !!
    بت علي

  17. هو لو كان قعد معاك كان وصل لما وصل اليه
    الاف مثله في السودان لم يبرزوا ولم يسمع بهم احد بسبب سرقتكم اموال التعليم والصحة وعقول كثيرة ماتت او اصيبت بالوهن والعطب بسبب الملاريا وسوء التغذية

  18. حرم ملاريا واحدة او تايفويد الفي راسك يطير ده لو ما طقاك عسكري بي دبشك في راسك خلا ريالتك سايلة

  19. يسم الله الرحمن الرحيم
    والله ما شفت التفاهة فى الكتابة الا من السودانيين شنو بشه مابشه رئيس دولة غصبنا عنكم واحسن الواحد يترفع من التفاهة .
    وللعلم ليس لى علاقة بالموئتمر الوطنى لكن اسلوبكم حقيقة تافه لابعد درجة.كملكم طبعا من ال……..؟

  20. يا عمر
    بشة بتاعنا ده رئيس نص كم وحكومته حرامية بدوه الفتات
    وهو ضعيف الشخصية والدول حاقرة بيهو ودايما محرجنو وطاردنو لذلك يسمى بشة تصغيرا له واقلالا من شأنه

  21. ههههههه يجي وين يابشة احسن لية يمشي الصومال ولى تشاد بقت احسن من السودان

  22. يا اخوانا الان دعونا نتعاون مع النابغة احمد الان في محنته ومادام جابت ليها تمييز ديني وعنصري بسببه اعتقل وهو طفل اولى بيه بلده وانا مدرس واعرف ان هناك مدارس للموهوبين وممكن يجد احسن تعليم ورعايوة وفي مرحلة الجامعة او بعدها ممكن يهاجر تاني محل عايز ولا كيف؟!

    1. كيف الكلام ده يا استاذ؟ وين مدارس الموهوبين دي؟ في السودان؟ وكمان يجد احسن تعليم ورعاية؟ انت جادي ولا بتهزر؟

  23. يا أحمد ما في أيء تمييز ديني المدرسين شكو ومن حقهم في هذا الزمن المرهب . الغرب يحترم أصحاب العقول لعلمك ناسا كلهم أصول آسيوية وإفريقية وعربية
    يا بشة لو كان في السودان ما كان برع ..خليك بعيد .. هو ما جايي هم أبوهو لما كان شخص عادي فات خلال الحين يجيك يا مطرطش يا فاقد العقل والبضيرة

  24. بالتوفيق.. واختراعات مثل هذه وأكثر وأكبر تملأ الجامعات السودانية. لم تطرب أحد. زمان امريكا

  25. وجهاز المغتربين يدعو مئات المبدعين للتمسك بالقحة بالمدارس السودانية بالخليج .. والتمسك بالموقف الرافض للكوتة لمن يحملون الشهادة العربية بنسبة 100% . وأمسك واقطع من الوطن المتفوقين والمبدعين والمخترعين .

  26. ***تطابق في الأسماء (محمد الحسن محمد الحسن) الذي يقيم في نفس المدينة بأمريكا هو الذي يرغب في الحضور للسودان والترشح للرئاسة ، وليس وآلد الطفل محمد الحسن
    ***الشئ الغريب ناس موقع النيلين على طول قالو أبوه عايز يترشح لرئاسة السودان
    ***والشئ الأغرب قامو قبلها بنشر خبر أن الرئيس السوداني البشير ، قدم دعوة لأسرة الطالب أحمد للحضور للسودان ، وبعدها نشروا إكذوبة رغبته في خوض الإنتخابات القادمة
    ***ده كله غير صحيح ، فوالده رجل أعمال ناجح ومستقر بأمريكا وإموره عال العال ، إيه اليجيبوا في هذا العمر وقد تجاوز الستين لخوض إنتخابات في بلد كله مشاكله وتحكمه عصابة ومرتزقة الجبهجية الذين لن يتركوه يفوز بالإنتخابات ، يعني تعال جيب فلوسك خلينا نحرقها ليك وندخلك أنت وإبنك وأسرتك كلها في فلس وضياع وظلام دامس ، وتكون خسرت جنسيتك الأمريكية والإقامة بأمريكا وحريتك كإنسان ، بالإضافه للوضع العلمي المناسب لإبنه أحمد وأبنائه ، ومستقبله المشرق بأمريكا
    ***الجبهجية والإنقاذيين هم تجار دين ومحبي وسخ الدنيا ، الذين نهبوا خيرات وثروات السودان وهجروا أبنائه للخارج وكرهوا أصحاب البلد في السودان بجلبهم للمصريين والأجانب بالحريات الأربعة وتمكينهم من خيرات البلاد ، وبسبب سياساتهم الرعناء وتبنيهم للإرهاب والفكر الضال أدخلوا السودان كله في حصار إقتصادي معلن ولن يرفع عن السودان إلا بزوال حكم الإسلاميين الإنقاذيين

  27. انا سوداني مندوب في شركة طيران برازيلية وجيت لي خدمة بلدي وقدمت في سودانير وعملوني تحتى التدريب مع اني لدي خبرة ممتازة ودرست بالولايات المتحدةmaster dgree وكنت متفق مع البرازلييين ولكن فوجئت بالصدمة لمن شفت الوضع من المهنديسين سبحان الله قاعديين ناس خراب وحقد وتدمير للمصلحة وانا اصلا ما محتاج والله ان في نفسي افيد هم وفي رجعت من السودان مخذول
    البلد ما حتتقدم لو ما اتحدوا بالنوايا الحسنة وليس للجشع والطمع والخراب المفروض يجيبوا ناس مؤهلين لخدمة البلد وليس الجبهية الحرمية سبحان الله اقتصادنا كلها ماشة لصالح الشركات الاجنبية طيران الخليج المصرية لو كنا جبنا شركات سوانية مش كان احسن حسبي الله ونعم الوكيل عشان كدة الكوادر كلها خلت البلد مش كان احسن حسبي الله ونعم الوكيل