رياضية

في ساعة متأخرة من مساء أمس.. لجنة الإستئنافات تمنح المريخ نقاط هلال كادقلي وتعيد مباراته أمام الأمل


قررت لجنة الاستئنافات العليا في اجتماعها الأربعاء قبلت استئناف نادي المريخ ضد لجنة المسابقات بالاتحاد السوداني لكرة القدم، برفض شكوى المريخ ضد كل من فريقي الأمل عطبرة وهلال كادقلي حول عدم صحة مشاركة لاعبين من الفريقين ضد المريخ.

وأكد مصدر في ساعة متأخرة من مساء الاربعاء ان لجنة الاستئنافات منحت نقاط مباراة هلال كادقلي للمريخ بعد ثبوت عدم صحة مشاركة اللاعب طوك في مباراة الفريقين في الدوري الممتاز، لان هلال كادقلي خالف منشور التعاقدات وقرارات الجمعية العمومية لإتحاد الكرة السوداني في تسجيل اللاعب طوك كونغ مثار الشكوى برقم وطني صادر من كادقلي وليس من منطقة ابيي.

وحول شكوى المريخ ضد نادي الأمل في مشاركة لاعبه عمر عثمان في مباراة الفريقين بالدوري الممتاز، قررت اللجنة اعادة المباراة باستاد عطبرة، بعد أن تأكدت بأن اللجنة الادارية أخطأت لعدم معاقبة اللاعب بالإيقاف لمدة عام، حسب تقرير مراقب المباراة، وعليه قررت اللجنة قبول طعن المريخ وإعادة مباراته امام الامل في الدورة الثانية.

كوووره


‫10 تعليقات

  1. انتو ماتدو الناس ديل الكاس وتريحوهم وتريحونا معاهم من الشكاوي والبكاوي..عملتو ازمة بتاعت صيوانات في البلد بالفراش البتعملو فيهو دا…بعدين لما بتخصمو النقاط من الفريق الغلطان، طيب ماتخصمو النقاط من المريخ وتدهوها للامل عطبرة بدل الاعادة..اشمعنى يعني تشيلو من هلال كادقلي..ولا اقول ليكم عيدو مباراة هلال كادقلي..طبعا دي مابتعملوها عشان ممكن تنضربو تااااني..لكن (الامل) لسه في..وكمان (مازنبي) لو اتغلبتو من الامل

    1. الكاس دا خليناهو نحن ليك انت يامسكين بس عاوزين نوريك ان ناس المريخ ديل لما يشتكو فى لاعب مابيشتكو ساكت مش زيكم انتم سنه اولى اداره مصيه المريخ ان لازم يعلم الاقزام الذيكم ديل لانه كبير البلد وسيد سيدها (اذا قالت حزام فصدقوها)

  2. مبروووووووووووووووووك للاحمر الوهاج عودة النقاط و بعد دا جاك بلى يالوصيف لا كاس و لا دوري

  3. ده ما حق … سرقة يمين وعرق جبين عدييييل كدا
    ماتجيبوها بضراعكم با مريخاب .. ارجو الراجيكم

  4. ههههههههه والله من ما سمعت جمال الوالي قال أمامنا لجنة الاستئناف عرفت في شيكات اتوزعت والموضوع انتهي هههههه

  5. ههههههههههههههه المريخ شاطر اداريا وفاشل كبير كرويا !!!!!!!!!!!!!!

  6. بقيتوا تشتروا النقاط يا ناس المريخ, دي مرحلة متأخرة شديد. فضيحة كبيره للنادي الثاني في السودان.. هلالنا فوق..

  7. البحصل ده فضيحة وجغمسة
    معقولة بس
    ليه يعني
    عاوزين ترفعوا معنوياتم قدام مازمبي
    مازمبي حيديهم خمسة حقن زي السم بعد ده كله
    ولو فلتو منه ووصلوا النهائي بمعجزة حيقعوا في ايد الهلال يتبزم

  8. جمهور الهلال دة مالو خايف بعد مارجع الحق بس اقول ليهم بلو راسكم هههههههههه