منوعات

بالصورة: حاج سوداني من مصابي حادثة الحرم يرفض المنحة الملكية بقيمة 500 ألف ريال ويرفض المقابلة التلفزيونية


ناقلت وسائل التواصل الاجتماعي خبرا مفاده أن الحاج (النابغة الجيلي أبشر) المصاب السودانى الوحيد في حادثة رافعة الحرم الشريف (بمكة المكرمة) قد رفض حتى تقييد اسمه بكشوفات المصابين موكداً ان هذا شرف كبير له ، وأن هذه العلامة في جبينه ستظل نوراً يضي جبينه ، ويسأل الله أن يتقبل منه حجه، وأن يشفى جميع المصابين وأن يرحم الشهداء الذي استشهدوا في أطهر بقعة في الأرض، كما أنه رفض حتى اجراء المقابلات التلفزيونية.

يذكر أن النابغة الجيلي هو من آهالي امتداد الدرجة الثالثة بحي الصحافة بالخرطوم قد اصيب بشظية في جبينه في الحادثة وتمت خياطة جرحه ، وخرج ثاني يوم من المشفى وهو الآن بصحة جيدة.

جدير بالذكر أن العاهل السعودي الملك سلمان بن عبد العزيز آل سعود اصدر اليوم امراً ملكياً بصرف مليون ريال لاهل كل متوفي وكل مصاب اصابة دايمة ، و500 الف ريال لكل جريح.

النيلين


‫46 تعليقات

  1. ياب جاكوما احسن شيء فعلتهو حتي لاتصادر نصف المبلغ الحكومة وإن كان سوف تسعي لتوفير البديل حتي لو بتزوير وانت خيراً مافعلت لأن الحج المبرور اسمن واغلاء من كل كنوز الدنيا نسأل الله بأن يتقبل حجتكم وسعيكم

    1. يا ناس النيلين الواتس بقكم بنقل القصة

      إليكم أيضا بقصيدة كتبها المواطن السعودي سليمان بن عبد العزيز مشيدا بولدنا النابغة :

      عجبا لأمرك أيها السوداني
      قد فاض حمدا للولي الحاني

      قد فاض إيماناوحمدا ظاهرا
      في قل حال واضح التبيانِ

      قد فاض إيمانا وشكرا قد خفى
      في حال تجار من الأعيانِ

      متبسم القسمات واضحة الرضا
      وأرق تعبيرا بلا نقصانِ

      إنا نعيش بأنعم من ربنا
      قد زاحمت بعضا بلا شكرانِ

      يا أيها الأستاذ علم قومنا
      كيف السعادة في قضا الرحمنٍ

      كيف السعادة بالقليل يحيلها
      شكرا لواهبهاكما الكثبانِ

      كثبان خير وانبساط معيشة
      وهدىً وتوفيقا من المنانِ

      يا ربي فارزقْ عبدك السوداني
      ما يغنيه فوق رضاه خير جنانِ

      وأرزق إلهي كل شاكر نعمةٍ
      نعما على نعمٍ بلا خسرانِ

  2. ياخ ربنا يهديه ياخ شيلها واديها المساكين في اهلك بلدك قايتوا مكابره في الفاضي

    1. والله نفس الكلام دار في راسي واضيف والله انا وانت هو عندنا اقرباء وجيران المحتاج لي عملية والمحتاج يبني ليهو غرفة بس تقيه الحر والمطر وال500000 الف كانت جابت خمسين حاج وشوف اجرهم والدعاء له والمريض والمعسر والمديون والمتعفف وال وال بلادي مليانه بي المحتاجين انت ما محتاج اديها لي المحتاج ليها

    2. يا ناس الزول المحتاج ليهو الله . هو ما مسؤل عنهم و داير ثوايه في الحادث من الله وعطاء ربك خير وابقى . ما تخلخلوا قلب الراجل بعد إيمانه و قلب أهله / ربح البيع اخي النابغة و وفقك الله وأغناك من مفضله و الغنا هو قناعة .

    3. ياخي الزول ده ربنا خلقوا كده وإنت لو كنت في مكانوا ما كنت جبت خبر زول كنت لغفتها وفكيت الزوغة

  3. يا حاج كان ممكن تستلمها وتعطيعها لمحتاج او اي شخص من ارحامك في وحجة لها وهم كثر او تبني بها مسجد او تحضر بها اجهزة لغسيل الكلي او غيرها من اعمال الخير لتكون لك صدقة جارية في حياتك وبعد مماتك فهذا رزق ساقه الله اليك وتقبل الله منك جميع الطاعات وماتنسانا من الدعاء

    1. مش كده وبلاش من حماقة السودانيين الفارغة دي والتى أوردتنا موارد الهلاك ….. عمل خير لا ينقطع إلى يوم القيامة كان أفضل وكا قلت رزف ساقه الله له …. وحجا مبرورا وسعيا مشكورا وعاجل الشفاء للمصابين

  4. نسال الله ان يتقبل حجك وان يحمى حجاج بيت الله الحرام وجزا الله المللك وحكومة السعودية خيرا

  5. يا اخى هى السعودية فقيرة
    خذها عالج بها مريض محتاج او اعطيها ايتام او استرى بها مسكن لاسرة فقيرة تفترس الشارع
    هداك الله للصواب
    فيكون لك ثواب الاصابة والصبر عليها وثواب الصدقة على الفقير

  6. انت فاكر بعد مالحراميةديل ياخدوا عليك ضرائب وجبايات ودعم ولاية ونفايات ودمغة جريح وخلافو حايفضل ليك منها شى؟
    عشان كده خيرا فعلت.

    1. لا تغلق اخى ياخذها ويحولها فى حسابى الخاص مافى حدا حيطول منها شئ
      وان الله يحب المحسنين

  7. النابغة اسم على مسمى ربنا يتقبل منك ومن كل الحجاج وفي ميزان حسناتك انشاء الله
    شرفت كل السودانيين

  8. والله ياها دى العواره العدييييييييييييييييييله .. على الاقل يمكن الورثه يكون فيهم زول واعى وحكيم …. ياخى ( 500.000 ريال ) اضربها في الجنيه ابو لمبه ده .. على بالقسم دى تعمل عمليات مستشفى بحرى شت عليها … المحتاج والما محتاج … التقول السعودية محتاجه للفكه الخليتها ليها دى … لكن نقول شنو .. الفهم قسم …

    1. دي عوارتنا الما خلانا نتقدم، ياخي شيلها وحل بيها مشاكل ناس كتيرين ، وشوف الاجر الحا يجيك

  9. بسم الله الرحمن الرحيم
    السلام عليكم
    ربنا يتقبل ححجك
    يا اخوة ما كل الناس همهما الفلوس ما تجعلوا تعليقاتكم مادية. يا جار الزمان اكتب الكلمة صحيحة اثمن مش اسمن
    وهو ادرى بنفسه .ما عند الله خير وابقى

  10. هناك اناس معدن نفيس لا تؤثر فيهم مجريات الحياة من حولهم جعلوا ما عند الله افضل مما في ايدي البشر متمثلين بالصحابة والتابعين ليس نظرهم في هذه الدنيا الفانية لا يبيعون انفسهم ولكن يرجون تجارة لا تبور ، متمثلين من المكان والزمان زاداً لهم فزادهم ثباتاً ويقينا بالتقرب الى الله بافضل القربات والطاعات
    يتمنى الشخص فيهم ان يرزقه زيارة بيته العظيم ويجمعون طيلة حياتهم الزاد اليسير حتى يسيرون الى الله وبيته ويكملون دينهم ويرددوا لبيك اللهم لبيك لبيك لا شريك له لبيك ان الحمد والنعمة لك والملك لا شريك لك ودعوة سيدنا ابراهيم في اذانهم
    فبما عندهم من ثوابت يجاهدون انفسهم الا ينزلوا الى الدون وانما يصعدون في طريق طويل عالي ملي بالرمل والوحل وهناك على ضفاف ذلك الطريق استراحات وشعب يأخذون انفاسهم المتقطعة ويتكؤون على ركبهم ووضع كاحل يده ويحني ظهرة لكي يجر نفسه ويواصل ما بداه ، الطريق طويل ولكن بالعزيمة وترك الشبهات وعدم النظر الى الشعب المتفرقة ويركزون بنظرهم الى الامام عسي ان يتقبل منهم ويبلغوا نهاية المشوار .
    اللهم ثبته على الحق وتقبل حجته واعطه ما في نفسه وتقبل منه واكفه شر نفسه والشيطان والكبر اامين

  11. يمكن ما محتاج ليها…فى ناس مبالغ زى دى ما بتعنى ليهم اى حاجة…

  12. بسم الله الرحمن الرحيم
    انا لا ارى الجرح فى جبينه يصنف من ضمن الاصابات التى اوصى الملك بتعويضها
    ثانيا اصيب فى شظية هل كان فى الحرم ام فى منطقة العمليات
    ثالثا اذا كان هو لايحب التشهير ورفض التعويض لماذا قام بتصوير نفسه وارسالها لاحد اصدقائه الذى قام بنشرها كان يمكن ان يخبر اهله واصدقائه اذا سألوه بان زجاجا قد تطاير فى جبهته
    هذه الايام هناك برنويا سودانية ذاك سودانى وجد امانة وذاك سودانى رفض التعويض
    انهم يبطلون صدقاتهم بهذا المن والتشهير
    والله من وراء القصد

    1. الغيظ كاتلكم بتتمنوا الخمسمائة الف ريال …. لكن ان فى الناس من لا تعنى لهم الماديات شىء … هنيئا” لمن اغناه الله ورعا” وتقى

    2. اولا اخي الكريم لا تنقصوا على الرجل فعلته ليس الانسان يقاس بالمال وهناك اصابات اخف من ذلك بكثير شملهم قرار الملك اذن لماذا تكذب الرجل وبعدين الكلام لم ياتي من فراغ بل اتى من اللجنة المكلفة بالحصر وهذه اللجنة مكونة من افراد سعوديين حضروا لتسجيل اسمه واجراء مقابلة معه رفض ذلك جملة وتفصيلا – اذن اين الكذب اتقي الله ؟؟؟؟؟؟؟؟؟؟؟؟؟؟؟؟؟

  13. انت لا تراي يا نزار بس الملك يراي
    ومن ادراك انه لم يصب في الحرم يا راجل اتقي الله في عباده . وادعو ليه بالشفاء , واحسن الظن بالناس , ونسأل الله ان يهدينا إلي الصراط المستقيم

  14. مش كان افضل يا نابغة ان تستلم وتنفق في سبيل الله وعمل خير بدلا من دعم خزينة المملكه ؟؟ والله كان اتكيفت منك لو اتذكرت مثلا معاناة مرضي القلب والكلي في بلادي وحوجتهم للدعم بدل الهبل والاعلام المضلل دا

  15. الحاج ده بكون بنباغته هذه منتظر اكثر من المبلغ ده ربما يستدعاه الملك سلمان ويعجب بموقفه الحسن ده ويكافئه بدار بالقرب من الحرم..هل يرفضها ايضا؟

  16. كان من الممكن إستلامها وتقديمها في عمل الخير وما أكثر المحتاجين في السودان وتكون لك صدقة جارية ليوم القيامة ” بناء مجمع إسلامي أو قل جامع أو حفر آبار للعطاشى أو حتى بناء خلوة لتحفيظ القران أو مساعدة مريض ليس له حق الدواء وعمل عملية جراجية ” ما أكثر المحتاجين في بلدي السودان “

  17. دى قروش جاتو بالحلال بدل الفشرة الفارغه كان يشيلها و يوزعها على المساكين … مبلغ زى دا كان ممكن ينقل عشرات الاسر من الفقر الى الحياة الكريمه … الله يهدينا و اياه

    1. يا ترى لو عشراااات الفقراء اصبحو اغنياء .. حالهم ح يكون كيف ..

  18. ما شاء الله…لبيك لا شريك لك…لا مال لا ماديات لا لا لا لا شريك لك. في سبيل الله…بعدين انت نابغة تركت المال اخلاص لله تعالى الذي يحكم بالعدل والرحمة والودود اللطيف الرزاق…خليك كدا بس…ما تشتغل بناس الدنيا….الله بس إخلاص بس…تلقى كل خير

  19. من عفا واصلح فاجره على الله ، تقبل الله منك اخى احسن ما عملت ، داماءك سوف تكون لك شفيعا يوم لا ظل الا ظله ، اللهم تقبل منه اللهم تقبل منه ….. ادعو لنا ولاهل السودان بالتوفيق والقبول فى هذه الايام الطيبة ،، يوم لا ينفع مال ولا بنون الا من اتى بقلب سليم ،،،،ز

  20. كان بالإمكان أن يأخذها و يساعد منها أهله و المحتاجين من الناس في هذا البلد

    على أي حال ربنا يتقبل منه ويرزقنا حجةً الى بيته

  21. معروف انو القروش مهما تكون مابتحل كللللللل مشاكل الفقر والمرض والمعاناة ( دة اذا اعتبرناها مشاكل ) ..
    قد ينعم الله بالبلوى وإن عظمت … ويبتلي الله بعض القوم بالنعم
    ومعروف جزاء الصابرين ( علي الفقر والمرض وغيرها ) /// بغير حساااااب ومعروف امنية الشهيد انه يعود ويطعن ويقطع ويسيل دمه ليستشهد مرة اخرى . يعني حسابات دار الفناء غير دار البقاء ..
    وياتري لماذا اختار سيدنا عثمان رضي الله عنه ما عند الله ولم يأخذ أموال تجار مكة ويوزعها علي المحتاجين من آل بيته ؟؟؟؟
    .. هداني الله واياكم السراط المستقيم ..

  22. برضك لو تاخذهم وتديهم الفقراء تكسب اجر اعظم مع اجر الحجى لس ضربه المخ اثرت فيه

  23. يا اخي كان مرضي سرطان مستشفي الذرة لو وقف جمب الباب وكل واحد اداه ٥٠٠ ريال في يده..
    نقول شنو بس…فهم كرور

  24. ربنا يجزيك الف خيير نظرت الى ما عند الله فامتلا قلبك …….رفض عمر ابن عبد العزيز 100 الف دينار ذهب وهبتها الحكومة ليتركها لعياله عند وفاته……زلماذا ترك عمر اولادم فقراء ؟

  25. ما عند الله خير وابقى …….. منح عمر ابن عبد العزيز 100الف دينار بواسطة الحكومة الاموية وهو فقير على فراش الموت …وترك ابناءه فقراء …. تلك الدار الاخرة نجعلها للذين لا يريدون علوا في الارض ولا فسادا…

  26. ياراجل احسبها صاح وسوف تكون لك صدقة جارية او من حق العيال لانه ان تزر ورثتك اغنياء خير من ان تزرهم فقراء …..
    500000 * 2700 = 1,350,000,000 جنيه ..مراكز غسيل الكلى , كثير من العمليات المتوقفة نسبة للحاجة والفقر, كثير من الطلبة والطالبات ماعندهم قوت يومهم مما دفع كثير منهن للطريق الخطا والنتيجة امتلاء دار المايقوما, لاتنسى الاقرباء وصلة الرحم
    اكيد عدد منهم محتاجين,النازحين فى المعسكرات وكذلك الساكنين اطراف العاصمة, وعشرات الامثلة المحتاجةلهذا المبلغ.

  27. ياخ نابغة انا ..

    انا محيرني الناس البتكبر ليهو راسو وناس بتقول العوض من الله مابنقبل بالعوض .. يا جماعة ده كلام؟ المعروف انو العوض ده بيكوسو كواسه ده اسمو عوض المابتدورو في الحالة دي اخير ليك عوض من الله , لكن عوض جاك في محلك ده رزق من الله , بعد ده الا ينزل ليهك ملاك ويقول ليك دي من ربك , انا قايتو : شايفو رفس نعمه.

    خليك من ده كلو , هو في اللحظه ديك لو داير ثواب بالجد هسي لو جا بنى بيها مسجد ولا مدرسه كان بيكون عندو حساب جاري من الثواب , اذا مات الانسان انقطع عمله الا من ثلاث : صدقة جارية , او علم ينتفع به , او ولد صالح يدعو له , هسي ياجماعة الله في ثواب احسن من ده عليكم الله , عزة النفس لابتنفع دنيا لا اخرة.

  28. خيراً ما فعل وماعندالله خير وأبقى هنيئاً لك بهذا الفعل الذي رفعت رأسـك ورأس الســوداني صحيح فقـرا ولكن إغنياء بالنفس والنفس عزيزة علينا يـآهُـ الســـــــــــــــــــــــــــــــــودان وبهذا نضـرب أروع الأمثلة

  29. يانابغة اي فقير او محتاج يعرف انك رفضت المبلغ حيدعي عليك في ناس مساكين وفقراء محتاجين المبلغ ده وكان حيساعدهم

  30. عزة النفس لا تشترى بمال
    السودانيين شعب يشرف العرب كلهم كرم شهامه طيب
    الشعب الوحيد الذي لا تغيره الماده