بابكر سلك

ولج فولجت


* ﺍﻳﻬﺎ ﺍﻟﻨﺎﺱ
* ﺍﻟﺮﻳﺎﺿﻪ ﺗﺴﺎﻣﺢ ﻭﻣﺤﺒﻪ
* ﻻﻃﻌﻢ ﻟﻬﺎ ﺍﻥ ﺧﻠﺖ ﻣﻦ ﻣﺪﺍﻋﺒﺎﺕ ﺑﺮﻳﺌﻪ
* ﺑﺸﺮﻁ ﻋﺪﻡ ﺗﻌﺪﻱ ﺣﺪﻭﺩ ﺍﻻﺩﺏ ﻭﺍﻟﻠﻴﺎﻗﻪ
* ﻣﺎ ﻣﻄﻠﻮﺏ ﻣﻦ ﺯﻭﻝ ﻳﺸﺠﻊ ﻓﺮﻳﻖ ﺗﺎﻧﻲ ﻏﻴﺮ ﻓﺮﻳﻘﻮ
* ﻻﻧﻬﺎ ﺿﺮﺏ ﻣﻦ ﺿﺮﻭﺏ ﺍﻟﻤﺴﺘﺤﻴﻞ
* ﻟﻜﻦ ﺍﻟﻤﻄﻠﻮﺏ ﺍﻟﺤﺪﺍﻻﺩﻧﻲ ﻣﻦ ﺍﻻﺣﺘﺮﺍﻡ ﺍﻟﻤﺘﺒﺎﺩﻝ
* ﺧﺪﺵ ﺣﻴﺎﺀ ﺍﻟﻨﺎﺱ ﻭﺍﻟﻤﺴﺎﺱ ﺑﻬﻢ ﻟﻴﺲ ﻣﻦ ﺍﻟﺮﻳﺎﺿﻪ ﻓﻲ ﺷﺊ
* ﻭﺍﻻﺳﺘﻤﺮﺍﺭ ﻓﻲ ﺍﻟﺨﻄﺄ ﻣﻜﺎﺑﺮﻩ ﺳﺎﻱ
* ﺧﻠﻮﻧﺎ ﻧﺘﻔﻜﻔﻚ ﻋﻦ ﺍﺧﻄﺎﺀ ﺗﺸﻮﻩ ﺍﻟﻮﺳﻂ ﺍﻟﺮﻳﺎﺿﻲ
* ﻭﻫﻲ ﺩﺧﻴﻠﻪ ﻋﻠﻴﻪ
* ﻭﺍﻟﺘﺨﻠﻲ ﻋﻦ ﺍﻻﺧﻄﺎﺀ ﻧﺒﻞ ﻭﺗﻌﻘﻞ ﻛﺒﻴﺮ
* ﺍﻳﻬﺎ ﺍﻟﻨﺎﺱ
* ﻣﺎﻗﺎﺩﻧﻲ ﻟﻬﺬﻩ ﺍﻟﻤﻘﺪﻣﻪ
* ﻣﻮﻗﻒ ﺍﻻﺳﺘﺎﺫﻩ ﻧﻀﺎﻝ ﺣﺴﻦ ﺍﻟﺤﺎﺝ
* خاص صفحة الأحمر الوهاج
* ﻫﻲ ﺷﺎﻋﺮﻩ ﺻﺎﺣﺒﺔ ( ﺑﺎﻉ )
* ﺑﺎﻉ ﺩﻱ ﻣﺎ ﺑﺘﺎﻋﺖ ﺍﻟﺨﺮﻭﻑ
* ﻭﻫﻲ ﺷﺎﻋﺮﻩ ﻣﺠﻴﺪﻩ ﻭﺗﻤﺘﻠﻚ ﻧﺎﺻﻴﺔ ﺍﻟﻘﻮﺍﻓﻲ ﺍﻣﺘﻼﻛﻬﺎ ﻟﻠﻨﺒﻞ ﺍﻟﺬﻱ ﺗﺮﺑﺖ ﻋﻠﻴﻪ
* ﻧﻀﺎﻝ ﻣﺴﺖ ﺍﺣﺘﺮﺍﻡ ﺍﻟﻜﻴﺎﻥ ﺍﻟﻤﺮﻳﺨﻲ ﻓﻲ ﻟﺤﻈﺔ ﺗﻨﺎﻓﺲ ﻋﻠﻲ ﻣﺴﺮﺡ ﺟﺎﻣﻌﻲ
* ﻭﻋﺎﺩﺕ ﻭﺍﻋﺘﺬﺭﺕ ﻓﻲ ﻛﺜﻴﺮ ﻣﻦ ﺍﻟﻤﺤﺎﻓﻞ
* ﺑﻞ ﻭﺳﻄﺮ ﻗﻠﻤﻬﺎ ﻧﻈﻤﺎ ﻓﻲ ﺍﻻﻋﺘﺬﺍﺭ ﻣﻨﻈﻮﻣﺎ ﺑﺪﻗﺔ ﻭﺗﺠﻮﻳﺪ
* ﻭﻋﺎﺩﺕ ﻭﻛﺘﺒﺖ ﻋﺒﺮ ﻋﻤﻮﺩ ﻟﻬﺎ ﻋﻠﻲ ﺻﻔﺤﺔ ﺍﻟﺴﻮﺩﺍﻧﻲ ﻋﻠﻲ ﻣﺎ ﺍﻋﺘﻘﺪ
* ﺍﻳﻬﺎ ﺍﻟﻨﺎﺱ
* ﺍﻻﻋﺘﺬﺍﺭ ﺷﺠﺎﻋﻪ ﻣﺘﻨﺎﻫﻴﻪ
* ﻻﻳﻌﺮﻓﻪ ﺍﻻ ﺍﻟﺸﺠﻌﺎﻥ
* ﻭﻟﻢ ﺍﺳﺘﻐﺮﺏ ﺗﺤﻠﻲ ﻧﻀﺎﻝ ﺑﺘﻠﻚ ﺍﻟﺸﺠﺎﻋﻪ
* ﻭﻫﻲ ﺍﺑﻨﺔ ﺍﻟﺒﻄﺎﻧﻪ ﺍﻟﻜﺮﻳﻤﻪ ﺍﻟﻤﻀﻴﺎﻓﻪ ﺍﻟﺸﺠﺎﻋﻪ
* ﻭﻣﺎ ﺍﺩﺭﺍﻙ ﻣﺎ ﺍﻟﺒﻄﺎﻧﻪ ﻭﺷﺠﺎﻋﺔ ﺍﻫﻞ ﺍﻟﺒﻄﺎﻧﻪ
* ﻓﻔﺎﻗﺖ ﻧﻀﺎﻝ ﻓﻲ ﺷﺠﺎﻋﺘﻬﺎ ﻣﻠﻜﺔ ﺟﺎﻧﺴﻲ
* ﻃﻠﻌﺘﻲ ﺍﺭﺟﻞ ﻣﻦ ﻣﻠﻜﺔ ﺟﺎﻧﺴﻲ ﻳﺎ ﻣﻠﻜﺔ ﺍﻟﺒﻄﺎﻧﻪ
* خاص صفحة الأحمر الوهاج
* ﻭﻻﻥ ﺍﻟﻤﺠﺘﻤﻊ ﺍﻟﺮﻳﺎﺿﻲ ﻣﺘﺴﺎﻣﺢ ﻭﺟﻤﻴﻞ
* ﺑﺎﻟﺘﺄﻛﻴﺪ ﺍﻋﺠﺒﺘﻪ ﺷﺠﺎﻋﺘﻚ ﻓﻲ ﺍﻻﻋﺘﺬﺍﺭ
* ﻭﻧﺴﻴﻨﺎ ﺗﻠﻚ ﺍﻻﺑﻴﺎﺕ ﻳﺎ ﻧﻀﺎﻝ
* ﻭﺍﻵﻥ ﺗﺪﺍﻋﺐ ﻣﺴﺎﻣﻌﻨﺎ ﺍﺑﻴﺎﺕ ﻗﺼﻴﺪﺗﻚ ﺍﻟﺠﺪﻳﺪﻩ
* ﺍﻟﺘﻲ ﻣﺠﺪﺗﻲ ﻓﻴﻬﺎ ﺍﻟﻤﺮﻳﺦ ﻭﺟﻤﺎﻫﻴﺮﻳﻪ ﻭﺍﻧﺖ ﺗﻔﺨﺮﻱ ﺑﻮﺍﻟﺪﻙ ﺍﻟﻤﺮﻳﺨﻲ
* ﻫﻴﻴﻴﻴﻴﻴﻴﻴﻴﻴﻴﻴﻲﻳﻴﻊ
* ﻋﻤﻚ ﺣﺴﻦ ﺍﻟﺤﺎﺝ ﺍﻟﻀﻜﺮ
* ﻭﻟﺪﺕ ﻭﺍﻟﻠﻪ ﻳﺎ ﺣﺎﺝ
* ﺍﻟﻤﻬﻢ
* ﺗﻌﺎﻟﻮﺍ ﻧﻌﺘﺬﺭ ﺑﺸﺠﺎﻋﻪ ﺯﻱ ﺷﺠﺎﻋﺔ ﻧﻀﺎﻝ
* ﻭﺍﻥ ﻧﻘﺼﺘﻨﺎ ﺗﻠﻚ ﺍﻟﺸﺠﺎﻋﻪ
* ﺗﻌﺎﻟﻮﺍ ﻧﻜﻒ ﻋﻦ ﺍﻟﻤﺴﺎﺱ ﺑﺎﻟﻨﺎﺱ ﺑﺼﻮﺭﺓ ﺗﺨﻠﻮ ﻣﻦ ﺍﻟﻤﺪﺍﻋﺒﺎﺕ ﺍﻟﺒﺮﻳﺌﻪ
* ﺷﻜﺮﺍ ﻧﻀﺎﻝ
* ﺷﻜﺮﺍ ﻣﻠﻜﺔ ﺍﻟﺒﻄﺎﻧﻪ ﺍﻻﺭﺟﻞ ﻣﻦ ﻣﻠﻜﺔ ﺟﺎﻧﺴﻲ
* ﺍﻟﻤﻬﻢ
* أمس التقينا ﻫﻼﻝ ﺍﻟﺮﻣﺎﻝ
* دخلنا الملعب
* وفى الذاكرة انهم فازوا علينا
* لم نقابلهم بحقد
* ولن لن ننسى لهم أنهم إنتصروا علينا
* يبقى دافعنا للنصر كبير
* وما رفعنا قدر ما الله أدانا
* برغم ضياع اهداف كثيره
* كانت كفيله ان تقنع الجميع بالفارق بين
* بطل افريقيا 2015
* وأحد أندية الممتاز
* خاص صفحة الأحمر الوهاج
* دخلنا بحذر ولعبنا على الواقف
* فلدينا موقعة إبعاد مازيمبى عن طريق المطار بعد أيام
* لم نفرط فى كورة عروس الرمال
* ولم نفقد سلاحاً من أسلحة القتال فى درب المطار
* والشفوت ملوا الإستاد لى عينو
* شامين ريحة بشتنه
* منها تشجيع ومنها بروفة لإقصاء الغربان
* أيها الناس
* الخير راقد
* الأيام مباركات
* العيد الكبير بيننا
* والخرفان تتطاقش
* باع باع باع
* تجيك من اى مكان فى البلد
* با ع بوضوح بتتسمع فى كل شارع
* كل حلة
* كل زقاق
* بتطلع مع كل نفس
* بتظهر فى كل همس
* باع باع
* فى كل المدن الإسلامية
* من الأسكندرية شمالاً
* وحتى حى العرب جنوب
* الواطه كلها باع
* المهم أن يضحى الجميع إمتثالاًلأمر الدين
* خاص صفحة الأحمر الوهاج
* لا أن نضحى كالعادة إجتماعيه شوفونية
* المهم
* مازيمبى قلبو فى يدو
* قرب يطير
* وحا يطير بإذن الله
* طالما شعارنا من عزام ولى قدام
* لن تعتر لنا قشة فى مسيرتنا للمطار
* وبالقرآن مريخنا مصان
* وبالإصرار مريخنا فى تقدم
* المهم
* جمعتنا سهرة رائعه للأستاذه الرائعه ميرفت حسن
* ومما زاد روعة السهرة إشراقة الأستاذ القامه شجرابى
* وعطر سماء الإبداع فيها الأستاذ سيف الجامعه والأستاذة حرم النور
* ومن اجمل مافى السهرة
* إندماج المشجعين الحمر والزرق مع بعضهما البعض فى محبة ومودة
* كلو زول بى شعارو وشعورو
* لكن الإحترام وقبول الآخر كان فقهاً للجميع وقناعة رائعة ودليل على ان التفلتات دخيلة وليست أصيلة على مجتمع الرياضة
* ولو مشينا على كده بنمشى صاح
* نمارس أدب العكننه بأدب
* ونتبادل الإحترامات بكل ود
* أيها الناس
* يحصل ايه لو المريخ شال كاس افريقيا؟
* لاجديد لأن المريخ أساساً موجود فى لوح الشرف الأفريقى
* خاص صفحة الأحمر الوهاج
* طيب يحصل ايه لو الهلال شال الكاس؟
* بحصل جديد
* يدخل الهلال لأول مرة فى حياتولوح الشرف الأفريقى بعد تسعين سنه
* ويرافقنا
* الخلا ولا الرفيق الفسل
* والهلال ما فسل
* دفااااااااااع
* كريم شديد
* قاعدين برانا وسط الأفارقة ديل خمسه وعشرين سنة
* ولكن ريحة المطار تأبى إلا ان تعطرنا هذا العام
* مع تمنياتنا للأخوة الأهلة باللحاق بنا مستقبلاً
* ورانا شنو؟؟
* بنرجاكم تانى تسعين سنه
* لكن القيامة بترجاكم؟
* المهم
* نرجع لمباراة هلال التبلدى
* قبلو كل شئ
* على جعفر كيف؟
* قلت ليكم على جعفر مشكلتو انو فاقد الثقة فى نفسو
* ولما ولج الملعب بديلاً فى مباراة إتحاد الجزائر
* إستقبله الشفوت بالتصفيق والتشجيع
* فولجت الثقة من جديد فى نفسه
* وأبدع بالأمس وأمتع
* خاص صفحة الأحمر الوهاج
* كان نجماً كبيراً
* قلت ليكم على جعفر ده بجى منو
* ولج فولجت ثم ابدع وأمتع
* أما المعلم عمر بخيت
* فصنع لديديه الهدفين
* وديديه لعب بشعار ليبيا فتحت
* مصعب كان رائعا
* الود ده بقى بيلعب بى حرفيه
* شفتو آخر الصبر شنو؟؟؟
* الصبر سمح
* إلا عند الأهلة
* أخوتنا الأهلة صابرين من قبل محطة صابرين
* ولى اسى صبرهم فى حالو
* صبر صينى خلى بالك
* المهم
* لعب الزعيم فثأر وأمتع وإستمتع
* وإتجدع
* وأتفدع
* منو الغيرك بودينا يا زعيمنا للمطار؟
* ما تتفاصحوا ساى
* منو المشى المطار قبل كده؟
* لوح الشرف الأفريقى الدخول له مشكلة
* المشكله دخول لوح الشرف بشرف
* أيها الناس
* المعلم معلم لكن
* وديديه يا دوبك وقعت ليهو
* يدردقها براااااااااااحه
* الدنيا كلها تجرى وراها ما بتلحقها
* أيها الناس
* أمس هلال التبلدى أخد قدر حروف كلمة تبلدى
* الحمدلله ما سموهم هلال قونقليز
* أو هلال الرمال
* كان أخد قدر عدد الرمال
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* أﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
* ﺍﻟﻤﻄﺮﻩ ﺍﻣﺲ ﺟﺎﺕ ﻟﻴﻨﺎ
* ﻧﻔﺲ ﺍﻟﻤﻨﻈﺮ ﺑﺘﺎﻉ ﺍﻟﺴﻨﻴﻦ ﺍﻟﻘﺒﺎﻟﻬﺎ ﻳﺎ ﻭﺍﻟﻴﻨﺎ
* ﺍﻟﻮﺍﻟﻲ ﻣﻜﻔﻜﻒ ﺑﻨﻄﻠﻮﻧﻮ ﻭﻣﺎﺷﻲ ﻭﺳﻂ ﺍﻟﻤﻮﻳﻪ ﻳﺘﺼﻮﺭ ﻟﻴﻨﺎ
* ﻧﻔﺲ ﺍﻟﻤﻮﻳﻪ ﻭﻧﻔﺲ ﺍﻟﻤﻜﺎﻥ ﻭﻧﻔﺲ ﺍﻟﻄﻴﻦ ﺑﺲ ﺑﺘﻐﻴﺮ ﻭﺍﻟﻴﻨﺎ
* ﻭﺍﻟﺤﺎﺷﻴﻪ ﺩﺍﺧﻠﺦ ﺍﻟﻤﻮﻳﻪ ﺑﺪﻭﻥ ﻣﺎ ﺗﻜﻔﻜﻒ ﺑﻨﺎﻃﻠﻴﻨﺎ
* ﺣﺒﺎ ﻓﻲ ﺍﻟﻮﻃﻦ ﻛﺪﻩ ﺧﺎﻳﻀﻴﻦ ﺍﻟﻤﻮﻳﻪ ﺑﻲ ﻃﻴﻨﺎ
* ﻭﻟﻮ ﺍﺻﻠﻮ ﺍﻟﻮﻃﻦ ﻫﺎﻣﻴﻨﺎ
* ﻛﺎﻥ ﻛﻔﻜﻔﻨﺎ ﻗﺒﻞ ﺍﻟﻤﻄﺮﻩ ﺗﺠﻴﻨﺎ
* المطرة الجايه يا ربى منو البكفكف بنطلونو ويمرق سيقانو لينا؟
* خاص صفحة الأحمر الوهاج
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﺭﺍﺍﺍﺍﺍﻗﺪ ﻓﻲ ﺍﻟﻤﻮﻳﻪ ﻭﻳﻌﺎﻳﻦ ﻟﻴﻨﺎ نخمج سااااااى فى الطين؟!!
ﻭﺍﻟﻲ ﻟﻘﺎﺀ


تعليق واحد