احمد في اقل من 4 دقائق لخص كل القصة التي شغلت العالم.. لو كان مسؤول في السودان كان ردح ساعتين
في حادثة الطفل الأمريكي الجنسية السوداني الأصل (أحمد محمد الحسن سعيد الصوفي) اعجبتني القدرة الهائلة للطفل (احمد) في التعاطي مع أجهزة الاعلام .. احمد في اقل من 4 دقائق لخص كل الشئ الحاصل الذي شغل العالم و أجاب على كل أسئلة الصحافة وأجهزة الاعلام ..هسع دا لو كان مسؤول عندنا في السودان كان ردح ساعتين ونص وما فهمنا منو اي شئ ! ودا ذاتو بورينا انو نوع التعليم والثقافة لها تاثير كبير جدا في تكوين الشخصية وتغيير نمط السلوك وطريقة التواصل مع الآخرين وتوصيل المعلومة بايجاز..
قبل شوية انا كتبت بوست عن نزول أمطار في مدينة (ربك)..وتعالوا شوفوا الفلسفة العمياء وشيل البطارية في القمرة : واحد علق قائلا: يا بت ما تقولي مطر قولي غيث.. واحد تاني بقول ياتهاني ما قالوا أمطار ما صاح حقو تكتبي غيث!!! تعليق تالت بيقول : بنو اسرائيل ربنا قال ليهم قولوا حطة ..وقالوا (حنطة) ! بمعنى قمح ! وغيروا الكلمة وربنا عذبهم !! مطر يعني عذاب!!
هسع عليكم الله (الدش) دا علاقتو شنو بأمطار نزلت في ربك؟! وعلاقتو ذاتو شنو باحمد السوداني الامريكاني؟
نحن ناس بنحب نستعرض ونتفلسف ونقشر ونلفت النظر ونظهر التدين المظهري والشكلي وإلا فما الداعي لكل هذا ؟
قال غيث قال ! اجي ! وكلمة أمطار حرام ولا مكروهة ؟!
تهاني عوض
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
تعالو نتخيل لو كان أحمد في السودان في مدرسة حكومية
سيقول له المدير :
ما هو لو كان أهلك ربوك كويس ما كنت بتبقى طول وقتك قاعد تربط في سلوكك دي
يربطوك إن شاءالله في التيجاني الماحي يا عمبلوق ويضبحوك في العيد ويعلقوك في باب بيتكم
هسي جبت لينا البوليس لحدي باب المدرسة
خليهم يودوك الإصلاحيةعشان دا مكانك الطبيعي يا مستهتر
خلي البوليس يربيك ويعلموك الاختراعات كويس
هسي ما كان وقكت عندك اختراعات تخترع لينا ريسيفر يفك لينا شفرة قناة الجزيرة عشان نشوف الكورة مجانا ، يفكوك في جهنم
يا بعيد لو فيك صلاح وفلاح وأصلك تلولو في سلوك الكهربا كان تخترع ليك طريقة لسرقة الكهربا من الهيئة القومية من غير ما يعرفو ، ماهم ذاااتهم حرامية حرمت عيشتك
جاتك الكتاحة في نضاراتك الكبار ديل ياعموش
*********************
عفوا أوباما هنا في السودان مليون أحمد وأحمد ورندا وربا ….فقط ارفع الحصار الجائر وحتشوف
الطفل السوداني وظف البيئة واخترع لنفسه ما يلعب به من المواد البسيطة التي حوله
صفي حساباتك بعيد مننا
شوف بالله جنس دي …ردحي …بالله ده أسلوب ؟ وين نحن ؟ انتي مفروض تدخلي محو اميه في الفهم والأسلوب والذوق والاحترام ……ردحي ردحي ….الله يرحمك يا صحافة بلادي ..
انتى هسه خلاص يعنى عاملة فيها ابو المفاهيم ويادنيا مافيكى الا انا
وكرهتينا بى صورتك دى هسه يكون متصورة الصورة دى قبل عشرين سنة
الاخت تهانى بارك الله فيك … سيرى وعين الله ترعاك … وربنا اكفيك شر الحسد … اصلا نحن كده ما عندنا غير انتقاد الاخرين …
وانتي كل يوم قاعدة تردحى برضو. ياريت تلخصي في سطر واحد.
تهاني ولاّ بعاتي دي الظاهر عليك خاليه موضوع قومي كدا