زواج سوداناس

رجل المرور المفروض يكتب لي مخالفة الكترونية بمبلغ ٥٠ جنيه، بعطيه ١٠جنيه فيتركني.. اليك الحل الناجع يا وزير المالية



شارك الموضوع :

السيد وزير المالية
بما انك أحكمت القبضة علي سارقي مال الشعب
بالتحصيل الالكتروني
وسارقي الدعم علي السلع
فإليك ببعض الثغرات
حتي ينعم هذا البلد ومواطنه بخير
اولا
انت عملت تحصيل إلكتروني لكل شي وهذا هو المطلوب وكبد الحقيقة ولكن
مثلا
١/رجل المرور المفروض يكتب لي مخالفة الكترونيا بي ٥٠ جنيه
بديهو ١٠جنيه في جيبوا بيخليني امشي
كده لا الدولة اتحصلت ولا انا استفدت صراحة لان العشرة جنيه مشت ليه شخصيا وده بيخلي الدولة تقصر معاي في بعض الخدمات
طيب الحل
انو جميع عربات المرور والتقاطعات تزود بي كاميرات مراقبة تكون في غرفة تحكم لا علم لي رجال المرور والمتحصلين بمكان وأفراد اداراتها
ثانيا رفع رواتب المتحصلين حتي يكون لهم نصيب من هذا الجمع ومرتبهم يكفيهم حتي لا تكون هناك حوجه للرشوة
ثالثا
ابتعاث لجان وأفراد مراقبة متخفيين بي ألات تصوير خفية وانتحال شخصية مواطن عادي ومحاولة رشوة او بالدارجي كده تحنيك المتحصل لمعرفة درجة امانته وعرض هذه الفيديوهات علي جميع المتحصلين وفصل المخالفين للقانون بل سجنهم لخيانة الأمانة
رابعا
تزويد جميع نقاط التحصيل بنظام الدفع الالكتروني يعني ممكن بي بطاقة البنك ادفع المخالفة المرورية او رسوم العبور او اي رسوم حكومية
خامسا والاهم
محاكمة كل من ثبت انه خالف اي نظام تحصيل او خان امانه في السنوات الماضية ونقل محاكمته في الصحف حتي يكون عظة لمن يفكر في اكل أموال هذا الشعب
٢/ البنوك
وقف جميع انواع الرهن العقاري
جعل مكتب فيدرالي لتحصيل نقاط العملاء
وربط جميع المعاملات المصرفية مربوطه بهذا النظام
او ما يسمي بالكرديت ريكورد او بيرو
علي ان تتم جميع القروض حتي الشخصية منها بنظام هذه النقاط وحسب التزام العميل بالدفعيات
وإجبار البنوك برفع التقارير عن دفعيات العملاء وحركات حسابهم كل ٣ شهور
اجبار البنوك علي تكون شريك في التنميه وليس تاجر في السوق كما هو الحال الان بالنسبة للبنوك في السودان

٣/ مخالفات ركن السيارات ( الباركينق)
٩٠٪ من زحمة الطرق في الخرطوم او السودان بصورة عامه سببه انو العربات دي موقفه غلط
في بعض الدول ومنها تركيا في استانبول شاهدت ساحبات تابعة للبلدية بترفع السيارة المخالفة في دقيقة او اقل ولا تحتاج لي مساحة حتي تسحب السيارة وكأنها فورت كليف بالجنبة وفي ثواني بتكون شالت العربية
المهم تقوم تخصص ٤٠ فدان في أطراف العاصمة وتعمل فيها حوش كبير وتشتري ١٠ سحاب من النوع البيرفع في ثواني ده
ويحوموا في الشوارع ان شاء الله قدام بيتك موقف غلط يرفعوا سيارتك الي الحوش
تمشي تدفع ٥٠٠ج تستلم سيارتك
كده بتدخل ملايين لي خزينة الدولة
بس لا تنسي انو السحابات تكون مزودة بي كاميرا وكذلك الحوش وأماكن صف السيارات داخله حتي لا تتم سرقة ممتلكات اصحاب هذه السيارات اثناء نقلها او تخزينها

بقلم: نعمان حسين

شارك الموضوع :

تعليقات الفيسبوك

تعليقات


21 التعليقات

إنتقل إلى نموذج التعليقات

      1. 1
        جعفر سيد الاسم

        علم الناس الاخلاق والتدين، كل زول يكون امين يكسب دنيا وآخره. والتبداء الحكومة بمحاسبة نفسها وتعدم ليها كم متورط في ميدان عام

        الرد
        1. 1.1
          ود الجزيرة

          اقتراحات جميلة
          من امن العقوبة قل الادب
          من لم يخاف الله سبحانه و تعالى فليخاف من عقوبة الدنيا

          الرد
      2. 2
        مازن

        الولد دا مالو . حاسي بي شنو 😂😂😂😂

        الرد
      3. 3
        امريكي

        يا نعمان انت عبيط ولا بتتعابط

        الرد
      4. 4
        حاتم

        والله يا جماعه صاحب المقال الاسمه النعمان دا راجل مجرم وورط ناس كتار فى مقالب بكندا وانا بعرفه من لندن اونتاريو ع العموم النعمان بلطجى وزول ومصالح وكان شغال عامل عادى اقسم بالله العظيم ماتسمعوا كلامه ..

        الرد
        1. 4.1
          خالد عيسى

          يا أخ حاتم ما لينا شغله بالنعمان وماضيه ، يمكن الراجل فعلاً كان سئ وربنا هداه ، نحن لينا باقتراحو وكلامو جميل حسب وجهة نظري ، ربنا يهديك

          الرد
        2. 4.2
          الطريفي ... زول نصيحة

          ( كان شغال عامل عادي) !

          يعني الباقين شغالين في (ناسا) !!

          الرد
      5. 5
        منصف

        لماذا لا نريد أن نقتنع أن الإصلاح كلي
        وان الكلام على كل مشكلة على حدة لا ينفع
        اتفق مع جعفر سيد الاسم فقد شاهدت مقطع فيديو يحكي عن فواكه معروضة في الشارع بلا رقيب توزن الكمية
        وتضع الفلوس في الدرج
        الحل في نظري عودة الاستعمار
        لأننا لا نعرف احترام القانون

        الرد
      6. 6
        هاني

        هذا الكلام سليم ويوجد في الدول المتقدمة ما قال هذا الشخص بس تعليقات الإخوة من قبلي يوجد بها اجحاف في ماده المقال بدلا من تشجيع هذه الأفكار صارت تهكم مالو خذا الزول او هذا بتاع مقالب وهذه مسالة شخصية.

        الرد
      7. 7
        فيصل الاصلى

        الحل ان تدفع جميع المخالفات عن طريق البنوك ورسوم المحليات ايضا وجميع التحصيل يكون عن طريق الرقم الوطنى لمالك المحل او السيارة او وهكذا مثلا محلية الخرطوم يكون لها رمز سداد بالبنك وكذلك المرور والتجارة والصحة والداخلية كل وزارة لها رمز سداد تدخل الرمز والرقم الوطنى وتحصل المبلغ الذى يتوجب عليك دفعة الكترونيا موجود اتوماتيكيا ويتم الربط الالكترونى مع الدوائر بمجرد المراجعه تلقائيا يقول لك تم السداد

        الرد
      8. 8
        فيصل الاصلى

        الحل هو ان يتم دفع جميع الرسوم والمخالفات الكترونيا عن طريق البنك او الصراف الالى وانشاء قائمة رموز سداد للوزارات والمحليات من الصحة التعليم الداخلية المرور التجارة ويتم ربط الرسوم والمخالفات بالرقم الوطنى لصاحب المحل او السيارة او صاحب المعاملة اينا كانت بالجامعة او المدرسة او المشفى وتسدد عن طريق الرمز والرقم الوطنى وتظهر تلقائيا بمجرد ادخال الرمز والرقم الوطنى ويتم الربط مع البنوك للوزارات للتاكد من السداد

        الرد
      9. 9
        نقاااي

        كل الكلام الكتير دا بي سببك انت
        انت لو بتحت ترشي هذا هو الاسلوب
        غرامة تدفع بالالكتروني الحكومي وفكك من الكلام الكتير دا وامشي صاح

        الرد
      10. 10
        سيدالكارو

        شاطر يا نعمان !
        قلت لي المواطن عشان يستلم سيارته المسحوبة من امام منزله يدفع ٥٠٠ جنيه نص راتبو ؟
        هههههههههه
        لا شاطر يا نعمان !
        بس جهلك بيتمثل في العشرة جنيه البتديها (رشوة) لعسكري المرور وبتحسده فيها !
        يعني كل البيهمك في العشرة دي إنها ما دخلت جيوب اسيادك من القطط السمان ؟
        يعني عقاب رب العالمين المنتظرك (كراشي) ما هماك ؟
        بعدين ليه ماسألت نفسك العسكري ده شنو الخلاه يقبل بالعشرة جنيه حقتك الداير تعمل ليها كميرات ومراقبين ؟
        الغريب إنك كل الطلعت بيهو من التجربة التركية سحب السيارات المخالفة !!
        ما قلت ليك إنت زول جاهل.

        الرد
      11. 11
        dfdsf

        لا المقال ولا كاتب المقال ولا وزير المالية ولا السداد الالكتروني .. يمكن ان يوقفوا .. الرشاوى الا من هداه الله .. والثغرات على ملئ البصر … فمثلا لا يمكن ان تركب كاميرات في كل حته . فبإمكان رجل المرور القبض على سائق في تقاطع بعيد او ميت .. ابسط مثل . يرتشي عادى … وحتى اصحاب المحالات … ولا نكون اكثر تطورا من امريكا او السعودىه.. فالرشاوى من الثوابت . الأ ….. إلا …إلا من هداه الله فقط

        الرد
      12. 12
        عمدة

        كلام صحيح100% بخصوص “بعض”رجال المرور،وبالطبع مثلهم مثل غيرهم من مموظفي الدولة،ولاشذوذ منهم!
        اما عرضك لحلول بعد طرح المشكلة،يعتبر إعلام إيجابي،لا إعلام إثارة فقط،فلك التحية نعمان حسين،
        وكل عام والجميع بخير.

        الرد
      13. 13
        كلس

        اوووو المجاهد النعمان صاحب هدهد سليمان …..التحيه لك وللاخوه في السائحون…..كلامك جميل بس التطبيق حايكون فيه صعوبه شويه …التوعيه ثم التوعيه ومخافة الله في حقوق الناس وسيادة دولة القانون ستكون الحل الامثل ..

        الرد
      14. 14
        ودامدرمان

        المقال صور رجل المرور بأنه مرتشي لماذا خصص رجل المرور ولم يقل بأن بعض من الناس يدفعك لدفع رشوة لتخليص موضوعك، وهذا أصبح موجوداً وعلى مستوى عالٍ من المسئولين زيطالبك بتحديد نسبته قبل التصديق على المشروع، وعلى كلٍ فإن الموضوع يحتاج إلى تنقية الضمائر ولنتذكر دائماً قبل القدوم على أي فعل بأن الله شاهد علينا.

        الرد
      15. 15
        ودشيطوره

        الكلام دا مطبق في دول الخليج مائه في مائه

        الرد
      16. 16
        ودالحاج

        ياخي الحكومة عارفة رجل الشرطة بيرتشي ومطنشة بمزاجة . عارفة الرواتب ضعيفة

        الرد
      17. 17
        مغبون

        الحل انو ما يكون في دفع كاش …….مع التجديد للترخيص تدفع جميع المخالفات ……..تحفيز الشرطة للبجيب مخالفات اكتر اقتراح غبي لأنو كدا التركيز حيكون على المخالفات نفسها وكدا معناها اقل شي بخالفوك……..الافضل لكل المصالح الحكومية بما في ذلك الجيش والشرطة ان يتم ربط مرتباتهم بمتوسط دخل الفرد ودا بتحسن بتحسينهم للخدمات والهدف بيكون التيسير عشان يزيد دخل الفرد………..وعموما الاستفادة من تجارب الدول الاخرى عشان ما نقعد نجرب ساي بدون منهجية

        الرد
      18. 18
        محمد عزالدين محمد الامين

        الحل هو ان يتم دفع جميع الرسوم والمخالفات الكترونيا عن طريق البنك او الصراف الالى وانشاء قائمة رموز سداد للوزارات والمحليات من الصحة التعليم الداخلية المرور التجارة ويتم ربط الرسوم والمخالفات بالرقم الوطنى لصاحب المحل او السيارة او صاحب المعاملة اينا كانت بالجامعة او المدرسة او المشفى وتسدد عن طريق الرمز والرقم الوطنى وتظهر تلقائيا بمجرد ادخال الرمز والرقم الوطنى ويتم الربط مع البنوك للوزارات للتاكد من السداد

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *