سيدة تتلقى علقة ساخنة بسبب تفريطها في “الكمونية”
تلقت سيدة علقة ساخنة على يد زوجها بحزام بنطاله بسبب تفريطها في (كمونية) خروف الأضحية في أحد الأحياء العريقة بأم درمان، وحسب مصدر فإن الرجل العائد من الاغتراب من محبي أحشاء الخراف وانتقل للسكن في منزل منفصل عن أسرته وعند ذبح أضحيته وبعد أن أولم أهله وأصدقاءه كان يمني نفسه بوجبة دسمة من (الكمونية) خص بها صديقه المقرب وعندما طلب من الزوجة إعداد الوجبة تلعثمت في الكلام وأخبرته بأن أحشاء الخروف مضرة كما أنها لا تستسيغ رائحتها فأعطتها جميعها وحتى الرأس للعاملة بالمنزل، فثارت ثائرته واحتد بينهما النقاش ولحظتها أخذ حزام بنطاله وانهال عليها ضربا ولم ينقذها منه إلا تدخل صديقه، وأصرت الزوجة على تدوين بلاغ لما سببه لها من أذى بيد أن تدخل الأهل أنهى الخلاف.
اليوم التالي
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
زول عبيط ليس الا يعنى شنو لو اهدت الكمونية الا يكون داير يورى صاحبة انو راجل بيدق المراة ما اكرمهن الا كريم وما اهانهن الا لئم والظاهر انه لئم
هسي اكان اشتكت
اكان القاضي قال ليها : ( لكن تفرطي في الكمونية ) ؟؟!!!
تستاهل الجلده
الرجل دا كلمة عبيط شويه عليه كمان قال عازم صاحبو تعزم ةشنو يا بخيل عمليتك دى ما يعملها الا واحد بخيل لو اعرف زوجتك
والله كلمة علقة ساخنة دي بقت تعمل لي حساسية شديدة ..يا جماعة ابتكروا شوية و لا تكونوا كماكينات النسخ
دا غبي في زول محترم بضرب ليهو مرأة وعشن شنو كمونيه؟ الكمونيه التقوم ليك في رأسك
دا أهبل وعبيط ومتخلف وكمان مغترب يعنى شنو لو ما أكل كمونية
كان ينبغى لها أن تستأذن قبل الإهداء ..
من يضرب امراة فهو ناقص الرجولة فما بلك في كمونية فهذا يكون عديم الرجولة وحقيقة عديمها لانه في وجود ضيف
شيئين لايمكن للمراءة التفريط فيهما فرجها و الكمونية والمرارة يوم العيد …حكمة روسية قديمة.
بالله عاين الراجل الخايب ده عشان كمونية تدقها كان تطلقها بت الما صلت الصبح!!
حلوة يابركة….
الله عاين الراجل الخايب ده عشان كمونية تدقها الرجالة ضاعت كمونية شنو كان تحاسبها بعد ما الضيوف يمشو اخسسس عليك
كانت تتحمل العلقة وتسكت وتقوم تجيب كرشه ومصارين من اي حته وتعمل الكمونية والحله سخنه تكبها في راسه الغبي
الرجال ديل كلهم واحد .. انحنا ذاتنا عندنا الصنف ده في البيت .. الواحد يصبر بس .. قال رسول الله صلى الله عليه وسلم : (الميت مستريح ومستراح منه ) .. الله يريح الناس .. أمين