أم جقلو ولا مشى عرجان
* أغرب كورة أفريقية أشاهدها للزعيم هذا الموسم
* أربعة أهداف مضمونه تضيع والدهشة تلجمنا
* الحمامة راكة على عارضة مرمى كديابا
* أبت تطير والأقوان تتطاير
* وطارت الحمامة وطارت
* فإذا بكوفي يدون الهدف الأول للمريخ
* لعب فى الهدف ديديه دور كبير
* برغم انه أضاع هدفان مضمونان
* ولكن صنع الهدف الأول بمهارة كبيرة لجابسون
* والذى هدف بدوره تهديفة إرتدت من كديابا
* فإذا بكوفى يقول ليهو شكراً كديابا
* وبمناسبة كديابا لم نشاهد رقصته الشهيرة
* مافى ليها طريقة
* وبكري سخنها معاهو
* قعدو فى صاج
* عشان كده الرقصة الشهيرة إستحالت على كديابا
* قعدة الصاج بتمنع كديابا الرقيص
* بكرى قعد مازيمبي كلو ورا
* ولسه
* حايقعدهم بى بلدهم ورا
* وأعلن بكرى عن نفسه هدافاً للبطولة ولسه ما إنتهت
* ووقع على هدف آخر جميل
* شبال
* ولكن كان للحكم رأى آخر
* سؤالى
* القون ده فيهو شنو ؟؟
* أفتينا يا رمضان
* المهم
* بكري القالو فاشل
* بكري القالو جاب قونين فى سته سنين
* أسى جاب سبعة أفريقيات فى ستة شهور
* يبقى الكعب بكرى ولا الكعب العدم ؟؟
* المهم
* الشفوت كانوا عند الموعد
* ولكن فى أحايين كثيرة صمتوا
* ولا أدرى سبباً لذلك الصمت
* وحتى أداء المريخ كان يرتفع وينخفض
* بعض أولادنا ما كانوا فى يومهم
* نعذرهم
* لأنهم هم أنفسهم من يصنعون التأهل من لومومباشى
* إن شاء الله
* لأنو مازيمبي فى ملعبو مابقدر يخلى بكري وراهو براهو
* كان عملها بجيب من جوه طوالي
* أيها الناس
* المهم ان كديابا نسى الرقصة
* وعرف الرصة
* وظهرت القصة
* متأهلون إن شاء الله للمباراة الختامية
* والكاس كاسنا ونحنا أهلو
* مافى اي داعي للإحباط
* كتب خالد عزالدين عن سوء هذا الحكم
* خالد قال حقيقة بعد شفنا تحكيمو
* لكن خالد لمن قالها
* قالها مقتنع بانو المريخ بمستواهو ده حايجندل مازيمبي بأهداف كتيرة
* كان داير يطلع علينا ويحدثنا عن الحكم وقلت ليكم وكلمتكم
* ولو الأربعة أهداف التى أضعناها دخلت
* كان خالد مات خلى للحكم ده جمبه يرقد عليها
* لكن سؤالي لخالد
* هذا الحكم السيئ
* أدار كم مباراة للهلال وإنتهت كم ؟؟
* وحدد لينا يا خالد المباريات التى أدارها للهلال
* وضد ياتو فرق
* وهل للحكم ده علاقة بى البتدق محل الحقنه
* ولا ده جنونو وفنونو غير !!
* أيها الناس
* الشفوت ما قصروا
* والأولاد ماقصروا
* وفارق الهدف ده هو البأهلنا إن شاء الله
* وريحة المطار عبقت
* لا تردد ولا إستهتار ولا إستهوان
* سنمضى فى طريق المطار وقشة ما بتعرض لينا بفضل الله
* المهم
* بكري اثبت أنه مكسب كبير لينا
* مواهب بكري تفتحت لدينا
* لأنو بكري بى هناك سحته سنين لا لقى ديديه ولا كوفي ولا امير
* بكرى كان ترضوا مان تابوا خسارة كبيرة للجماعة
* وكردنه دقس
* دقست يا كردنه
* زى بكري ده ما بقولوا ليهو هاك جزو وتعال بكرة
* زى بكري ده بجروا بيهو الإتحاد طوالى
* اسى شوف جرى بيكم كيف
* قطع نفسكم واحد واحد
* الحقيقة ان بكري هو الآن هداف البطولة الأفريقية
* العندو هداف يورينا
* ما حنك ساي
* عدد أهداف
* واحد الله
* مالوش تانى العدد تلاتة
* وآدى اربعة
* كده خمسة
* وكمان واحد تبقى ستة
* وكده سبعة
* سبعة وعليها واحد ما حسبوه تبقى تمنيه
* كمان واحد على التمنيه فى الكنغو تبقى تسعه
* وواحد فى الجزائر هناك وواحد فى الجزائر هنا تبقى حداشر
* العقرب هدافاً لأفريقيا بحداشر هدفاً
* ورونى تيم فى بطولة افريقيا دى اهدافو حداشر
* ده غير الأهداف التى صنعها
* ضربة جزاء مع الترجى
* ضربة جزاء مع الوفاق
* لى كوفى فى كابوسكورب
* لى كوفى فى عزام
* لى ضفر فى تونس
* ولسه تسلم البطن الجابتك
* وتسلم الورقة المضيتها عند كردنه وجابتك
* أيها الناس
* التأهل مسألة زمن ليس إلا
* المطلوب جدية من الجهاز الفني والأولاد
* وثقة عند الشفوت
* وما النصر إلا من عند الله
* المهم
* اليوم تدفعنا الوطنيه لمتابعة المباراة
* دايرين نكمل الفرحة
* اللهم اكمل فرحتنا يا حنان يا منان
* واحد خالاً لينا رجافه شديد
* قال لى فى كورتنا الخوف نندم على وقفة البلايلى
* قلت ليهو ليه ؟؟
* قال لى عشان ما بلعب النهائى ضدكم
* قلت ليهو يا خال توقعاتك دى طوالى بتصدق
* كان ما تتوقع شئ تانى عشان الليلة تيمكم يمشى
* قال لى ناس دارفور قالوا أم جقلوا ولا مشى عرجان
* قلت ليهو يعني شنو ؟؟
* قال لى أم جقلو دى الأرض الغير مستوية طالع ونازل عالى وواطي
* وعرجان جمع اعرج
* ومعنى المثل انو الأرض العالي واطي ما بتتمشى لى اعرج
* قلت ليهو يا خال إتفائل شوية
* قال لى عرجاننا كتااااار الله يستر
* المهم
* موعدنا النهائى يا شفوت إن شاء الله
* أيها الناس
* إن تنصروا الله ينصركم
* أها نجى لى شمارات والى الخرتوم
* أكان شفت يا والينا
* فى العيد عربية النفايات وحشتنا
* لمن إتملت كوشتنا
* قومتنا من النوم ولى عينينا قشقشتنا
* تلقى الضبانه ركت فى البزه وطرشتنا
* دحين يا والينا غيابهم فى العيد ما بخصموا لينا وبأجلوا سوقتنا للمحكمة فى عدم
السداد وكشتنا ؟؟
ﺳﻠﻚ ﻛﻬﺮﺑﺎ
* ﻧﻨﺴﺎﻙ ﻛﻴﻒ ﻭﺍﻟﻜﻠﺐ قال عرفنا فى محكمة للما بدفع رسوم النفايات.. مافى محكمة للتأخير والغياب بتاع ناس النفايات؟؟
وهز ضنبو وجرى؟!
ﻭﺍﻟﻰ ﻟﻘﺎﺀ
سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة