زواج سوداناس

بل بدون بلايلى



شارك الموضوع :

* للمعلومية بس
* الحكم الجنوب افريقى بوميز الموسم ده أدار فقط مباراتين أفريقيتين
* الإتنين كان طرفهما الهلال
* والغريبة المباراتين كانن خارج ارض الهلال
* والأغرب انو المباراتين خرج الهلال فيهما بالتعادل
* ده كلو صدفه ساى
* والصدفه برضو قادت هذا الحكم ليدير مقابلة الهلال ضد الإتحاد الجزائرى
* برضو مباراة طرفها الهلال وخارج ارض الهلال
* وده كلو طبعاً صدفه
* ولجنة الحكام بالإتحاد الأفريقى التى يرأسها مجدى
* لادخل لمجدى فى إختيار الحكام فيها
* مجدى قاعد سااااااى
* رئيس وبس
* أيها الناس
* عمرى كلو قضيتو فى الكورة
* فى تلاتة حاجات محيرانى لى الليله
* قون إيداهور الرأسى فى زيسكو
* وقون بكرى التالت فى مازيمبى
* ورأسية إتحاد الجزائر فى قائم الهلال أمس
* ليه نقض الحكم قون أيداهور داك
* وليه نقض قون بكرى فى مازيمبى
* وليه صفر مخالقه على إتحاد الجزائر مع الضربة الر أسية الإتحاديه التى
ضربت فى القائم؟؟؟
* تفتكر يا مجدى المريخ ممكن يجد حكم ممتاز زى التنزانى الأمس ده؟؟؟
* ولا ماعندك علم؟؟؟
* أيها الناس
* الحكم الجيد جداً بتاع أمس ده كيبى فى الدقيقه 58 ضرب الراجل فى دماغو
بالكدارة
* الحكم الجيد مشى اللعب
* وإتلعبت لى كيبى وقرب يدخلها قون
* حكم جيد لكن فاتت عليهو دى
* والحكم الجيد جداً بتاع كورتنا
* ينقض هدفاً صحيحاً لبكرى
* سبحان الله
* حكام لجنة مجدى كلهم جيدين
* أيها الناس
* الفساد فى أروقة الإتحاد الأفريقى هو اس الفساد فى الفيفا
* وهو السبب الأساسى لتدهور الكرة الأفريقية
* وبقائها فى هذه النقطة
* إن لم يقتلع الأفارقة الفساد والمفسدين من الكاف
* حايظلوا يشاركوا عالمياً من اجل المشاركة فقط
* وستنتقل العدوى من الكاف لبقية الحروف
* وتبقى لغتنا مريضة وكورتنا مرض وهم وكافنا بؤرة لظلم الناس وتحطيم الجهود
* المهم
* أمس المطره صبت
* إخوتنا الأهلة الشرفاء إتغطوا بالكراسي
* قلعوها براهم وإتغطوا بيها
* موقعة زات الكراسى يا مزمز
* والغريبة موقعة ذات المراتب كانت ضد الوفاق
* يعنى العلمه لو جاتهم
* حانشاهد موقعة ذات الملايات
* ضد الجزائر البيت كلو حا يتفرش فى الإستاد
* لما المطره صبت
* الكاميرا مشت على الجماهير
* قلت يا ربى الناس ديل مالهم ساكتين
* إسلام قالت لى صابة فيهم مطره
* المهم
* المطره بلت إخوتنا الأهلة أمس
* وإتحاد الجزائر بلاهم برضو
* والإتبلبل بعوم
* وعشان ما يعوموا ويغرقوا
* حقو ما يمشوا الجزائر
* البتبلبل بعوم
* وإنتوا عمتوا كثير يا روشا
* والبحر بشيل عوامو
* المهم
* عابدين
* عابدين درمه يا اخوى
* اليومين دى المقابر بندفن فيها سيدها
* التطوانى جا المقابر دفن فيها سيدها
* أمس إتحاد الجزائر جا المقابر دفن فيها سيدها
* دايرنك يا عابدين
* خلى المقابر دى وشيل الفاتحة فى الزلط
* المهم
* ده حالتو البلايلى مشى البحر
* يعنى لو البلايلى ما مشى البحر
* كان وداكم وين يا خالد عزالدين؟؟؟
* بدون بلايلى مشيتو الخور
* بى بلايلى كان مشيتوا خور اربعات يا عمك
* ايها الناس
* على الأهلة ان لا يزعلوا
* ياهو مستواهم وياه مقدراتهم
* والبدرة وكل مساحيق التجميل لاتصنع فتاة جميله
* الجمال جمال خلقه
* أيها الناس
* أمس التحكيم شدة ما جيد
* رجال الخطوط كانوا شغالين بتاعين نفايات
* يشيلوا فى القارورات من الملعب ويطلعوها بره والكورة لاعبه
* حقو يا والينا رجال الخطوط ديل تمسكهم لينا
* عينهم فى النفايات عشان نلقاهم لما العربيه ما تجينا
* أيها الناس
* منظر الأهلة الشرفاء فى شارع العرضة وهم مبلولين يحنن
* خايفين عليهم من الإلتهاب
* المهم
* قال ليك هلالابى رجع بعد الكورة البيت
* مرتو قالت ليهو مالن هدومك ديل مبلولات كدى
* قال ليها الهلال عملها
* قالت ليهو سجمى!!!ماقلتوا كبار!!!فى زول كبير بعملها ويتبلبل كدى؟؟؟بركه
البقت مطرة
* ماتقعد فى السرير تشرب لى الملايات ديل
* ديل ملايات العيد جدااااااد
* لى اسى مادفعنا باقى أقساطهن
* أيها الناس
* ده اول فريق من مجموعة الحمام كما سماها روشا يقابل الهلال
* يعنى الهلال لو كان فى مجموعة الجزائريين ديل كان اندفن هناك
* كان الجزائر بقت بلد المليون وواحد شهيد
* أيها الناس
* وتانى ايها الناس
* الشفت امجد على عبدالرحمن
* شفت اصلى
* وعضو بقروب ملتقى الصفوة
* وسافر مع المريخ الجزائر
* وهو الجاب الحمام الإستاد
* خمسين حمامه
* كأسلوب تشجيعى جديد وجميل
* عشان كده ما تظلموا الراجل
* الزول شفت وغيور
* وتحية منى ليهو كبيييييييييره
* سنلتقى به على صفحات الزعيم فى دردشه
* شكراً أمجد على عبدالرحمن
* أيها الناس
* أندريا بالغ
* أندريا كره الأهلة أغنية أندريا بتاعت نانسى عجاج
* أسى فى زول بكره نانسى؟؟؟
* كرهت الناس نانسى يا اندريا
* تانى كلما الزول يجى يغنى اندريا
* يتلفت يشوف فى هلالابى ولا مافى
* نانسى ذاتها إلا تغنيها فى سرها تانى
* يا الزارعنك فى الصريف أندريا
* بسقيك برا خريف أندريا(زى مطرة أمس دى)
* لو ما الصبر تكليف اندريا
* من بيتكم ما بقيف اندريا
* حلاوة القرطاس اندريا
* يا الفى الخشيم تتماص اندريا
* لو ماكلام الناس اندريا
* برحل معاك خماس اندريا
* بركة الما بقت خمسة أندريا
* وعلى ذكر الرائعة نانسى عجاج
* نتذكر المبدعة ام بلينا السنوسى
* وعلى ذكر الرائعة ام بلينا السنوسى
* نذكر اختنا ام بلينا الصادق
* نذكر اخونا الرشيد على بلل
* ولا احلى معاك الرشيد على مطر؟؟؟
* كان إخترتا التانية دى ماتنسى تشيل ليك كرسى
* المهم
* جمهور المريخ رفع التيفو
* وجمهور الهلال رفع الكراسى
* البل شديد يا ابراهيم
* رشه زى دى سمحه فى رمضان يا رمضان ولا كيف ؟؟؟
* وفى الجوهرة يا بتاع الجوهرة
* انتو فيصل الجوهرة كان لاعب؟؟؟
* غايتو يا رمضان الليلة الجوهرة إلا تشتريها براك
* أيها الناس
* ابو الهل امس حاول يشترى المجد
* لكن غلبو
* غلبو إتحاد الجزائر
* لكن السنه الجايه المحاولة رقم تسعين يا خالد عزالدين
* كلمنى حاول حس بى
* محاولات كتيرة خلاص
* المهم
* بلايلى وقف البوقف المطر شنو؟؟؟
* أيها الناس
* إن تنصروا الله ينصركم
* اها
* نجى لى شمارات والى الخرتوم
* وكت أصلو يا والينا
* عربية النفايات ما بتجينا
* حقو عربية الهلال الأمس دى يا والينا
* تجيبها تشغلها لينا
* شايفها بتتفرتق وتتطبق كمان يا والينا
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ ﻭﺍﻟﻜﻠﺐ لمن المطره صبت جرى خشه جوه وقال بتتبلبلوا
بتتبلبلوا؟!!
ﻭﺍﻟﻲ ﻟﻘﺎﺀ
ﺳللللللك

شارك الموضوع :

تعليقات الفيسبوك

تعليقات


1 التعليقات

      1. 1
        abo albnat

        ننساك كيف ومازمبى كان بتفرج فى مبارة النجم الساحلى والزمالك .الله يكضب الشينه يامزمل اخوى ربنا لا نسالك رد القضا ولكن نسالك اللطف فيه واستغفرك يامالك روحى . قايتو الله يهون

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *