منوعات

بالصورة.. (سيلفي) شيخ الأمين وحيرانه يشعل مواقع التواصل الاجتماعي ويتصدر قائمة الصور الأكثر رواجاً في العيد


أشعل رواد مواقع التواصل الاجتماعي الصفحات الإسفيرية بصورة للشيخ السوداني المثير للجدل الشيخ الأمين عمر الأمين يظهر فيها وسط حيرانه في مسيده العامر بمدينة أم درمان وذلك بحسب ما أكد بعض رواد مواقع التواصل.

ونجحت صورة شيخ الأمين وحيرانه في أن تتصدر قائمة الصور الأكثر رواجاً وانتشاراً في عطلة عيد الأضحى المبارك.

وبحسب ما ذكر بعض النشطاء المهتمين بأخبار الشيخ الأمين فقد تم التقاط هذه الصورة إبان أيام عيد الأضحى, حيث سجل الحيران زيارة للشيخ المعروف عنه باهتمامه بفئة الشباب.

ويتمتع شيخ الأمين بقبول طيب عند الشباب والذين يتحينون الفرص لزيارته, ويجد شيخ أم درمان محبة خاصة عند الإعلاميين والمطربين وغيرهم من فئات المجتمع.

 

12064036_1061455920561271_497929027_n

ياسين الشيخ _ الخرطوم

 

النيلين


‫10 تعليقات

  1. عليكم الله خلوه بترشح في البرلمان علشان يكون رئيس المجلس الوطني بمشي السعوديييييه ويجيب مروحتين وخلاطين وتلفزيونين ويبيع واحد ويجمرك التاني ويكون كانو ما دفع حاجه …..الود سيد الشقال

  2. من افضل العادات والسلوك الاجتماعي الذي يتمبز به اهلنا في السودان ويتميزون به عن بقيه شعوب الارض هو التراحم والتواد والالتصاق الحميمي بين الاسر والاقارب والارحام والمعارف والاصدقاء والجيران ,خصوصا في الاعياد والمناسبات وهذا سلوك جبد تقتضيه الفطره السليمه , وجاء الاسلام يعلمنا ويرشدنا الي الاطار العام الذي تكون فيه هذه العلاقات اكثر ايجابيه وجالبه لخيري الدنيا والاخره :
    فقال الله تعالي ( والذين جاهدوا فينا لنهديهم سبلنا ) والجهاد هنا جهاد النفس وجهاد الشيطان وجهاد المنافقين وجهاد الكفار. وقال الحبيب الشفيع تركت فيكم مان تمسكتم بهما لن تصلوا بعدي لبدا كتاب الله وسنه رسوله !!! وقال ايضا !! كل بدعه ضلاله وكل ضلاله في النار !! وكل الطرق التي لاتتقيد بما جاء في كتاب الله وسنه رسوله هي طرق الشيطان وتندرج تحت باب البدع التي تقود الي الضلال , والضلال لن يقود الا الي النار عياذا بالله…. اللهم اهدنا واهد بنا واجعلتا سبببا لمن اهتدي واهدي شبابنا وشيويخنا وعلمائنا لاتباع كتاب الله وسنه رسوله.آمين…..ودنبق

  3. السلام عليكم

    والله المشكلة الأكبر من (الشيخ) نفسه الشباب حول (الشيخ) شباب باين عليهم انهم متعلمين ومثقفين ربنا يهدينا وأياهم للحق.

  4. ديل طاشين شبكه … الواحد فيهم بدل يمسك في الله … يمسك في شيخ زعيط .. ومولانا معيط …

  5. كلس .. ود نبق .. أبو الوليد .. سودانى مغبووووون .. هريسة و هردبيسة …..

    كدى راجعوا كلكم تعليقاتكم .. هسه علاقتها شنو يالموضوع و الصورة ؟؟؟؟؟؟

    بعدين الغلط شنو فى أنه الشيخ ياخد صورة مع حيرانهُ ؟؟؟؟؟

    واحد فيكم كلامو خارم بارم و بخفف فى دمو (كلس)
    التانى عملها بدعة (ود نبق)
    التالت عملها مشكلة .. لا قال لنا المشكلة شنو ولا ورانا حل المشكلة شنو ؟ (أبو الوليد)
    الرابع غتهم الجميع بالجهل “طاشين شبكة” .. و ما قال لنا منو الداخل الشبكة (سودانى مغبوووون) مغبون من شنو ما عارف؟؟
    أما الخامس .. دا أصلاص معروف لدى رواد الموقع بأنه مريض نفسياً .. يعنى معذور (هريسة و هردبيسة)

    و بعدين … كلكم جبناء و خوافين .. بدليل أسماءكم المستعارة ….

    1. ربنا يهديك الي الطريق القويم ..

      بس لو ما عجبك الدعاء ده كمان اعتبرني ( معذور )

  6. شباب حلوين .. خلونا ناخد الموضوع بالمنطق .. افرض مثلاً مثلاً يعني إنو الأمين دة زول ولي وزول شيخ وما فيهو كلام .. أنا بستفيد منو شنو .. كويس لي نفسو .. ربنا عز وجل قال : (من عمل صالحاً فلنفسه) ..

    أبوبكر الصديق رضي الله عنه اللي هو خير البشر بعد الأنبياء والرسل .. ما ورد بالجد ولا بالكضب إنو قال أنا ولي وأنا شيخ تعالو عندي ابقو حيران .. ولا قال أنا بشفي وبعالج وبطير وعندي كرامات .. ولا عمر ولا عثمان ولا علي رضي الله عنهم جميعاً .. والصحابة زاتهم مافي واحد مشى لي واحد فيهم قال ليهو اعمل لي كدة ولا سوي لي كدة .. مع إنو هم بالجد اولياء ونزل فيهم قرآن ومبشرين بالجنة .. لكن محل ما هم شالو قاعدين يشيلو .. القرآن والسنة.

    بعدين ياخي شيخك دة في النهاية بشر .. يصيب ويخطئ .. والقلوب بين اصبعين من اصابع الرحمن يقلبها كيف يشاء .. وما معروف الزول يختم ليهو بشنو .. يعني لو شيخك ربنا ازاغ قلبو إنت بتمسك ماسورة جد وبتروح فيها ..

    قول أنا مسلم وبس .. لا صوفي ولا انصار سنة ولا انصار المهدي ولا غيرو .. ما تتبع لي أي جماعة أو أي جهة ..عندك كتاب وسنة .. وعندك اربعة مذاهب .. والفيلم انتهى .. يوم القيامة كان ربنا سألك بتقول يارب اتبعت كتابك ونبيك ويكون عندك حجة .. مش تمشي تقول اتبعت الشيخ الفلاني ولا الجماعة الفلانية واضلوني .. زي ما قالو اهل النار : (وقالوا ربنا إنا أطعنا سادتنا وكبراءنا فأضلونا السبيل) .. والآية القبلها قالو : (يوم تقلب وجوههم في النار يقولون يا ليتنا أطعنا الله وأطعنا الرسول) اطعنا الله واطعنا الرسول وهم الكتاب والسنة .. وآسف على الإطالة 🙂

    1. و الله رد راقي و يدل على اخلاقك يا أخ يس , عسى الله ان يهدينا جميعا”