زواج سوداناس

دايات يا.. حد نازل!!



شارك الموضوع :

> زمان لما كنا بنركب البصات
> طبعاً في محطات مشهوره وليها مكانتها
> تلقي ناس كتاااار نازلين فيها
> من تلك المحطات كانت محطة الدايات بشارع المورده
> وكان ادب الكماسره وقتها
> ان ينده الكمساري اسم المحطه قبل وصول البص اليها
> الوصول بكون وشيك
> لكنه ينبه النازل ليستعد للنزول
> المهم
> جانا صوت الكمساري
> دايات يا.. حد نازل
> كلنا نزلنا
> ايها الناس
> يوم الشكر جا
> وقبل اي شيء نشكر السيد جمال الوالي
> الراجل قدم الكتير لنصل لما وصلنا اليه
> ولو بالحسابات حقو كان الكاس
> ونشكر غارزيتو الذي كانت بصمته واضحه في درب الوصول لما وصلنا اليه
> ولكن غلطة الشاطر بعشره
> فالطريقه التي لعب بها غارزيتو بالامس
> كانت غلطة شاطر
> ونحمد الله انها كلفتنا تلاته ما عشره
> كيف بالله تلعب في منطقتك مدافعا بعشره لاعبين
> ويكرر الخصم الهجمه تلو الهجمه
> كل الوقت الخصم موجود بمنطقتك
> الا تحدث هفوة يأتي منها الهدف الذي يقصينا يا غرزه؟
> لا توجد طيلة التسعين دقيقه ولا هجمه واحده
> بل ولا محاولة للهجوم
> وبعد ان انهزمنا بهدف
> ادخل غرزه ضفر وعمر
> فكيف نسعى الى الهدف بعد تغيير اتنين من اهم المهاجمين بالفريق؟؟
> غارزيتو امس ما براهو
> وهي نفس الطريقه التي انتهجها ضد اتحاد الجزائر في المباراه الاولى
> قيد اللاعبين ولم يطلق سراحهم الا بعد ان احرز الاتحاد هدفه الوحيد
> ووقتها ندمنا على تقييدهم طيلة زمن المباراه
> كلنا خطاؤون
> فغرزه برضك بشر
> على كل شكراً غرزه
> ونعود لنشكر الاولاد
> ما قصروا
> قدموا موسم افريقي استثنائي
> دفع كل المختصين لترشح المريخ للبطوله
> وشكراً جميلاً وكثيراً
> لتلك الجماهير التي ارست ادباً جديداً
> وقدمت لوحات تشجيعيه ادهشت الاجانب
> فكانت جماهير المريخ على كل لسان
> ابقوا عشره يا شفوت
> وما تبقوا مشجعين مناسبات
> المهم
> احرز مازيمبي هدفاً في مرمانا بالخرطوم
> وتلاتة في الكنغو
> الاربعة بي سايد مصعب
> حتى الهدف الذي اتي من ركنيه
> طلعها مصعب لي ركنيه مافي ليها اي لازمه
> كان ممكن يوديها التماس
> فهل فطن غرزه لذلك ؟؟؟
> انا لا الوم مصعب
> بل لا الوم خط الدفاع باكمله
> الاربعه مولفين
> الاربعه ما فيهم مدافع
> لعيبة وسط
> اما ايمن سعيد فقدم موسماً جيداً
> ولكنه في اواخر الموسم ظهرت عليه آثار السنين
> في خط الهجوم لا يوجد مهاجم غير بكري
> كده كلامي وضح
> نحتاج لاطراف فاعله
> ونحتاج لمتوسط دفاع اهم حاجه يشيل فوق كويس
> ومحور الى جانب جابسون سريع يغطي على بطء جابسون
> ومهاجم الى جانب بكري
> نستفيد من الاخطاء
> ونعمل على سد الثغرات
> بي كده صدقوني ما بننزل الدايات
> ايها الناس
> طرنا من هنا
> عندما اضاع ديديه هدفين
> واطاح بالكرة رمضان
> ايها الناس
> ما في زول ما بغلط
> وغرزه زول
> بس بعترف بي غلطاتو
> عشان كده بستفيد منها
> ايها الناس
> فرصة لنيل اللقب اضعناها لاننا احترمنا مازيمبي اكتر من اللازم
> فكانت حقارة مازيمبي بينا
> الاستهوان بالخصم ما حبابو
> لكن كمان تضخيم الخصم برضك ما حبابو
> بدون انفعالات
> نقيم موسمنا
> ندرس الأمر جيداً
> نسد الثغرات
> وفي سد الثغرات يجب ابعاد الناس البعاكسوا في استجلاب الاجانب لشيء في نفس يعقوب
> فالجماهير عرفتهم فرداً فرداً
> وقرفت منهم شديد
> حفاظاً على اشياء كثيره
> نتمنى ان يبتعدوا
> ان يبطلوا حركات الورق ما جا
> واللاعب مصاب
> والرنين قال
> فما حدث في موضوع الياسو
> هو سبب الخروج بالأمس
> اخجلوا وخلونا موسم نعرف نشتغل من اجل المريخ
> ايها الناس
> شكراً روابط المريخ بدول المهجر
> شكراً قروبات المريخ الفتيه
> شكراً لكل من ساهم في خلق فريق هز الارض في هذا الموسم وشرفنا
> هاردلك
> والعتره بتصلح المشي
> ايها الناس
> لدينا ناس يوم شكرهم جا
> انها سنة الحياه
> حقو نشكرهم ويتقبلوا منا ذلك
> المهم
> البعض يحتاج لمراجعة مستواه
> بالذات جمال سالم
> فماذا حدث لهذا الولد اللعاب طيب السلوك؟
> في شيء
> ايها الناس
> فاكرين انو روليت دور الاربعه كالآتي:
> اتحاد الجزائر اربعه نقاط
> مازيمبي تلاته نقاط بفارق الاهداف عن المريخ
> المريخ تلاته نقاط
> وأب نقطة طيش دور الاربعه
> المهم
> وانا بتفرج اول امس في كورة اتحاد الجزائر
> سيسيه كان مصاب
> الكاميرا جابتو من قريب
> بسم الله الرحمن الرحيم
> ببكي ولا بضحك اقسم بالله العظيم ما عرفتو
> الزول ده جبتوهو من وين يا روشا ؟؟؟
> البلد دي فيها اطفال يا فطومه يا اختي يقوموا يتخلعوا كمان
> وفيها نساء بتتوحم بفضل الله
> راعوا للحاجات دي لما تجيبوا زول
> ايها الناس
> لو جبنا متوسطي دفاع مولدين مدافعين
> وختينا علولو وامير مع جابسون كمحاور
> عليكم الله رصاصه تاني بتمش ؟؟؟
> ايها الناس
> وتبقى الحقيقه الوحيده
> صاح الكمساري فينا
> دايات يا… حد نازل
> فنزلنا كلنا من البص
> ايها الناس
> من مكاسب الموسم الافريقي
> بكري ينافس على لقب افضل لاعب
> وهو الفائز بلقب هداف البطوله
> يعني برضك متواجدين في المنصه
> ما طلعنا بدون حمص
> لكن بيني وبينكم
> كورة الاتحاد موش بتشعر انها فيها توأمه!!
> أيها الناس
> ان تنصروا الله ينصركم
> والايمان بالقضاء والقدر انبل انواع الايمان
> اها
> نجي لي شمارات والي الخرتوم
> كان شفت يا والينا
> بقت فينا
> يجدعوها ورا مصعب ويدخلوها فينا
> وايمن قطع مر العمر ومرت سنينا
> وقطعوا الامداد من بكري المدنيه
> عشان كده بقت فينا
سلك كهربا
ننساك كيف وأمس فقدناك شديييييييييييد.. الكلب بكى
والى لقاء

شارك الموضوع :

تعليقات الفيسبوك

تعليقات


7 التعليقات

إنتقل إلى نموذج التعليقات

      1. 1
        abo albnat

        الحمد لله ياسلك البقيتو تعترفو بانكم محتاجين كده وكده والله ياعم سلك مريخك داء عائز فريق بحالو . انت الديات دى يفترض تنزله من بدرى لكن الكوبرى كان مقفول اول ما فتح وصلتو المحطه سريع بالله ثلاثه دقايق بس . المهم . وصول المريخ لدورى الاربعه يفترض يكون يوم عيد لانه لا اظن يتكرر فى القرئب

        الرد
      2. 2
        ازاهر

        ايها الغبى دى مرحلة خروج المهزوم ما نقاط الهلال وصل هذه المرحلة سبع مرات بل النهائى
        الان رجعتوا الى حجمكم الطبيعى
        فريق ما قادر يغلب الامل والفاشر عايز يغلب مازيمبى
        much cry little wool

        الرد
      3. 3
        ِAdil

        اطفال البلد دي ما خافوا من راسك المكلوج ده العامل ذي مكنة التلاجة القديمة، وما خافوا من صلعتك العاملة ذي المرحاكة او اللداية دي. يا خ انت اقبح واحد في السودان وطويل واهبل ومسلوع.. اعوذ بالله من خلقتك وكمان بتضحك علي سيسي، والله سيسي جنبك ملك جمال الكون. قبيح شين وسخ وكلب.. ما قلت شامي ريحة المطار… كج

        الرد
      4. 4
        طاهر

        لابتعرف تكتب ولا تعررف تمثل ماتشتغل ماتشتغل عرض حالجي

        الرد
      5. 5
        wahid garfan

        yallaaaa……balaaaa …lammma ….gal silik gal…..goum lif …laffak gatar..inta …wal karoooor bitaaak…

        الرد
      6. 6
        من انتم ؟؟؟؟

        ههههههههههههههههههه عجبتني التعليقات جداً
        لاحظتة يا سلك انك ليسة لك علاقة بالاعلام والعمل الصحفي نهائ .
        من الافضل ان تشتغل عرض عالجي كما قال الطاهر ههههههههههههه.
        وانا ما استفدتة من عمودك دا غير ان المريخ محتاج للاتي
        بل لا الوم خط الدفاع باكمله
        > الاربعه مولفين
        > الاربعه ما فيهم مدافع.( محتاج مدافعين )
        في خط الهجوم لا يوجد مهاجم غير بكري (محتاج مهاجم)
        ومحور الى جانب جابسون سريع يغطي على بطء جابسون ( محتاج محور )
        اما ايمن سعيد فقدم موسماً جيداً
        > ولكنه في اواخر الموسم ظهرت عليه آثار السنين ( محتاج لاعب وسط)
        احتاج لي حمدكمال مساعد لي لان محسن سيد ليسة له علاقة بالتدريب حتي العلامات لا يعرف كيف يضعها ( مجتاج مساعد مدرب )
        اذا يا سلك انت محتاج تغير كامل وشامل
        **************************************************
        وين المطار ماقلت شامي ريحة الكاس
        انت اول امس خرجتة من دوري الا4 واول مرة تصله في حياتك من المنطق والواجب انك تكتب في حل هذه المشاكل ونقاط القصور والسلبيات من وجه نظركم كصحفين وكتاب اعمدة لاكن للاسف مازلتة في هبالتك وعوارتك وكتاباتك الماعندها معني
        سيسيه كان مصاب
        > الكاميرا جابتو من قريب
        > بسم الله الرحمن الرحيم
        > ببكي ولا بضحك اقسم بالله العظيم ما عرفتو
        > الزول ده جبتوهو من وين يا روشا ؟؟؟
        > البلد دي فيها اطفال يا فطومه يا اختي يقوموا يتخلعوا كمان
        > وفيها نساء بتتوحم بفضل الله
        مالك ومال سيسة دا انتقادك ليه يعني عشان شينة ياخي دي خلقه ربانية ,
        تكون خلقة ربنا دي هي الاطاحة بيكم من النهائ يارب ؟؟؟
        انصحك يا بابكر انك تشوف ليك وظيفه غير الاعلام والصحافة ( كلم جمال اوالي يشغلك في شركاته او في القلعة الحمراء )

        الرد
      7. 7
        اريج الهادي

        غايتو بعبع سيد البلد محمدكم وما خاطيكم يا سلك لازم حتي لمن تنتقد نفسك فيما يعرف بالنقد الذاتي تجيب سيرة الهلال

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *