زواج سوداناس

ريحة الصفر نحاس نحاس



شارك الموضوع :

> فرحة هستيريه اجتاحت الاهله بعد خروج المريخ
> اصلو حبايبنا ديل ما بفرحوا بانجاز
> لانهم ما عندهم مكان في لوح الشرف الافريقي منذ تسعين سنه
> ولكن فرحتهم الجويه دائماً تكون عند اخفاق المريخ
> بعكسنا نحن
> نفرح لانجازاتنا
> حفظناها صم سكة المطار
> ولا نفرح لخسارة الاهله ابداً
> لأننا على قناعه تامه
> بانهم اذا ارادوا تسجيلاً على لوح الشرف
> بطولوا ويخادوا مده
> اسي التسعين سنه الفاتت دي
> دحين ما طولوا فيها واخدوا مده ؟؟؟
> تاني اديتهم تسعين
> وصدقوني التسعينيه التالته برضك ما بكون فيها انجاز
> ايها الناس
> لم نفرح لخروج الهلال افريقيا على ارضه ووسط جمهوره
> ليس حباً في الهلال ولا حقداً
> برغم انه كان خروجاً مذلاً جداً
> فمن ينهزم وسط جماهيره في حضرة شيوخه على ارضه
> يكون قد تم اذلاله اذلالاً ليس بعده اذلال
> برغم كل ذلك لم نفرح لمغادرة ابو الهل المنافسه
> لانه لا يوجد مريخي واحد كان يضع احتمال صفر في الميه بفوز الهلال بالبطوله
> فقناعة المريخاب كأس ما جابو جكسا ما بجيبو بشة
> بل لا يوجد هلالي واحد كان يضع احتمال واحد في الميه بالفوز بالاميره السمراء
> فالمجال ليس مجال توأمة اطلاقاً.
> وانت كانت مباراة الاتحاد بالجزائر فيها ريحة توأمة للتعادل
> ليس لأننا نحب الهلال
> بل لأننا نثق
> ولكن قابلكم هلالابي ما كان واثق من ان المريخ سيحقق البطوله؟
> بالطبع لا
> واديكم دليل ما كتبه روشا قبل لقاء مازيمبي
> كتب روشا
> نحن لا نتحمل مسيرات الفرح الحمراء بارض المطار صبيحة الاتنين
> ده دحين ما تأكيد علي القناعه الكامله بان الزعيم سيحقق البطوله؟
> عشان كده فرح الاهله لخروجنا اكتر من فرح ناس مازيمبي
> وهم يضحكون على التلاته
> نسوا تلاتة رمضان القبل الأخير
> نسيتوا تلاتة رمضان يا رمضان ؟؟؟
> لما مشوا الكنغو ولعبوا ضد فيتا ومازيمبي
> موش كورتهم ضد مازيمبي انتهت تلاته برضك
> يوم جمعه جينارو رقد بره الخط في واطات الله دي
> وبعد ده قاسوهو
> زول راقد في الواطه يقيسوهو!!!
> حواشه ولا قطعة ارض يا زول
> ولم نتحدث عن خماسية ام درمان
> فيها ذله يا رمضان ولا عاديه يا عمك !!!
> المهم
> خالد عز الدين كتب شامي لي ريحة سيكافا
> كضاب يا خالد
> ريحة سيكافا بتعرفها من وين؟؟
> زول طيش سيكافا عشره سنين الوراك شنو بي ريحتها يا خالد
> سيكافا دي واحده من عقد الاهله
> غلبتهم غلبتهم
> عاينوا ليها في المشلعيب وقالوا عفنننننه
> مع امجاد جمب جاد يا خالدونا
> جوه المطار نهي كرتا بالكل كهيه تاني تسعين سنه
> تكون شامي ليك ريحة صفر يا خالد
> الصفر عندو ريحه بفرزوهو بيها من الدهب
> ريحة الصفر نحاس نحاس
> المهم
> زمان كان في موضة
> رجل البر والإحسان يعلن تبرعه ببناء مركز صحي
> الحكومه الغبيانه في الوكت داك تصدقو
> وتديهو التصاديق والاعفاءات الجمركيه
> رجل البر يدخل اسمنت جبال
> وحديد اطنان
> يبني اربعين عماره خاصه
> حتى يسور المركز الصحي
> ويخت جواهو الحديد والاسمنت
> وبعد فتره يجي بطاح يشيل الاسمنت والحديد
> لجهة غير معروفه
> الحكاية دي كان بتحصل كتير زمان
> اسي ما اظنها بتحصل
> الا غايتو لو الشركه المنفذه شالت العقد واستفادت من الاعفاءات
> ودي بتحصل في حالة تسليم مفتاح
> كتير من الجامعات الخاصة بتتعاقد في التشييد على تسليم مفتاح
> يعني تكون محتاج ليك لي اطناشر باب وستطاشر شباك في الموقع موضوع العقد
> تقوم الشركه تدخل اربعه كونتينرات ابواب
> وسته كونتينرات شبابيك
> تنزلهم عندك
> وترفعهم تاني لجهه غير معروفه
> حقو الحكومه تبحث في الحاجات الزي دي عشان ما تبقي داقسه زي حكومة رجل البر والإحسان
> رجل البر والقندران
> حيرتونا
> ايها الناس
> حسناً فعل المجلس بقراره حول الثقه في غرزه
> وبالطبع كلام جيمي كان عاقل جداً لما صرح بانو الناس بتستاهل يحتفلوا بيهم
> مع سد الثغرات
> وكردنه زاتو جدد ثقتو في الكوكي يا روشا
> الثقه ثقتو
> بدفع براهو في ثقتو
> وياكلها وحدو
> انت لو عندك رأي في الكوكي يا روشا
> وداير تسحب منو الثقه
> ادفع يا حبيب
> بالروبيه
> ايها الناس
> ابو الهل سموحة دور اربعه بنقطه واحده
> الطيش عند الله بعيش عشان يعيد المحاوله
> ايها الناس
> رحم الله والد اخونا ابراهومه الديسكو واسكنه فسيح جناته مع الصديقين والشهداء
> وشد حيلك يا كابتن حال الدنيا
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> نعم الايصال الالكتروني بحمينا
> لكن وقفتو حاره يا والينا
> داب الموظف يملاهو يا والينا
> تكون ماتت رجلينا
> وقام نفس الزوله السمينه
> وموية كرعينا لحقت موية مواسيرنا يا والينا
> ناس قالت اخير ياكلونا وسريع يفوتونا يا والينا
> اصلها ان لماها النمل بوطاها الفيل يا والينا
> مستفيدين شنو نحنا غير وجع رجلينا
سلك كهربا
ننساك كيف والكلب حالف ما يقيف في صف الالكتروني ابداً …افرض لموها شنو البنوبنا منها؟
والى لقاء.

شارك الموضوع :

تعليقات الفيسبوك

تعليقات


5 التعليقات

إنتقل إلى نموذج التعليقات

      1. 1
        حسنين

        اسع انت ما تبت

        الرد
      2. 2
        WEEEW

        ننساك كيف يالكلب حالف ما يقيف في صف الالكتروني ابداً ….

        الرد
      3. 3
        كلام القصير

        انتو الناس ديل ما بلغوا سن الرشد بعد؟ دا كلام شفع

        الرد
      4. 4
        wadmadani

        فرحة هستيريه اجتاحت المرخرخييين . العنوان الصاح لو كنت صحفى وتحمل امانة الكلمة . لسبب بسيط جدا الهلال لعب أولا . الشئ لا بتسمع لابتشوف

        الرد
      5. 5
        من انتم ؟؟؟؟

        انا بقول ليكم سلك ود عبد الماجد ديل هم سبب البلاوي
        اكتبو كتابات ليها معني و نقد موضوعي وهادف , اما الهترشات دي ماليها معني , كفاية خلاص اللعب بعقول الجماهير احترمو الجماهير دي بعدين الكتابات دي ليسه لها علاقة باللغة العربية , دي لغة شوارع عمودك انت ود عبدالماجد تتبادلوها في الواتس والايميل الخاص دي ماكتابات للصحافة والاعلام والرائ العام ياخ
        اكتبو حاجة يستفيد منها المتلقي والادارة واللعيبة حتي الجهاز الفني رجاً رجاً رجاً ياخ

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *