زواج سوداناس

البديل الفكرة أفضل من البديل أب فقره



شارك الموضوع :

* مباراة جميله قدمها الزعيم بمشاركة أهلى شندى اللعاب
* مباراة سلبياتها إرهاق بعض اللاعبين
* مجرد إرهاق
* ولكن ظهر فيها الفارق الكبير بين المريخ وبقية الأنديه السودانية
* الزعيم اكبر بكتير من باقى الفرق مع احترامنا ليها
* وعشان نحافظ على هذا المستوى
* يجب ان نتحسس موبايلاتنا
* يجب ان نصر على الإشتراك فى تحويل الرصيد
* فلو كان الفرد منا بيشرب قهوة واحدة فى اليوم بى خمسه جنيهات
* ما كتيره عليهو لو عزم المريخ جبنة واحدة فى الشهر
* تحويل مرة واحده
* وبأقل الفئات خمسه جنيهات فقط
* بمكنا من المحافظة على كوفى وأوكراه وديديه وجمال سالم وجابسون
* بخلينا نجدد لى أمير
* بدفع غرزه الى تجديد التعاقد
* الناس دايره تضمن مصدر إيراد يكفينا شر التخفيضات
* لأن التخفيضات تعنى الإستغناء عن المهارات والقيم السامية التى نملكها
* ما بوصوكم يا شفوت
* تحويل واحد فى الشهر ولاحد يموت
* المهم
* كانت مباراة رائعة
* لأن الطرف الثانى فيها كان رائعاً
* وأروع ما فيها أن ديديه أخرس الألسن التى تحارب غرزه وتردد أنه سمسار
* ديديه إبداع وإمتاع
* ولسه بمرور الأيام وإكتمال الإنسجام حانشوف بدع من هذا الموهوب
* أيها الناس
* التحكيم حيرنا
* المخالفات ضد كوفى التى لم يحتسبها التحكيم أمس
* أكتر من عشرين مخالفه
* إحترنا شديد
* ماهو يا حكامنا ديل ما بعرفوا
* يا بعرفوا وعندهم رأى تانى ومحدد
* أيها الناس
* الإحساس بالظلم يولد الغبينه والضغينة فينا
* موش فينا برانا
* فى اى زول حاسى بالظلم وعدم المساواة والخيار والفقوس
* عليكم الله شفتوا آخر موديلات البلنتيات؟
* المدافع خلف الكوره
* والمهاجم خلف المدافع
* المهاجم يسقط المدافع أرضاً
* ويجرى على الكورة
* مايلحقها
* تنطلق صافرة بدون خجله لتعلن عن ضربة جزاء لصالح المهاجم
* ده موديل لسه العالم ما سمع بيهو
* دى خلوها
* ضربة جزاء فى الدورة الأولى لصالح النسور فى الدقيقه سبعه
* كأنو اللاعب الإنضرب ده إسرائيلى
* ولا فيها حاجة
* وطلع الهلال فائزاً
* وضربة جزاء فى ختام الدورة الأولى مع كوفى
* وكأنو ما حصل شى
* ديل أسى كم نقطه دخلن بدون وجه حق فى رصيد الهلال؟
* لو صحصح التحكيم الذى يخطئ ولا يظلم
* لكان الهلال اليوم فى أحسن حالاته يسعى ليدخل منافساً للعب فى الكونفدرالية
* مع ضغط شديد من فرق الوسط عليه
* أيها الناس
* البحصل ده ما طبيعى
* والحا يحصل نتيجة للبحصل طبيعى جداً
* فحقو نمسك عن الما طبيعى عشان ما يحصل الطبيعى ونبقى فى ندامة
* التصرف المشين الذى بدر من محترف مريخ كوستى
* برغم من اننا نستنكره وندينه بشدة
* إلا انه فى الآخر
* تصرف غبينة ناجم عن الإحساس بالظلم الفادح
* المهم
* العقرب منافس أفريقياً على جائزة أفضل لاعب للعام 2015
* شفت كيف يا كردنه
* ومنافس على لقب هداف البطولة
* شفت كيف يا روشا
* وعروض إحترافية كتيرة فى طريقها اليه
* شفتى كيف يا فطومة
* والحداشر محترف فى كنبة الهلال يتنافسون فى الفرجة على العقرب
* المهم
* كردنه شال السيخ وهذا يضر بالهلال
* وترك المواسير وهذا يضر بالهلال أيضاً
* فكان كردنه يخلى السيخ البينفع الهلال
* ويشيل المواسير لينفع برضو الهلال
* كردنه
* السيخ سيخك نعم
* لكن رجع السيخ وشيل المواسير
* عشان خاطر عيون الجماهير
* أيها الناس
* إستقال الوالى
* وإستقالة الوالى يجب ان نتعامل معها بواقعية ونشوف ندبر أمرنا كيف
* وخبر إستقالة الوالى ليس بالجديد
* جميعنا يعلم ان الإستقالات بأمر من الوزير أخرها لى آخر الموسم
* وآخر الموسم جا
* خبر الإستقالة خبر الشوم
* ولكن الدبارة واجيه حتى لا نلطم الخدود ونشق الجيوب
* بدل نشق الجيوب
* ندخل ايدينا فى الجيوب لندعم الكيان المحبوب
* والجميع يسأل البديل منوة؟
* البديل ما زول
* البديل فكرة
* فكرة تقودنا الى الأمام
* تستمر فى مسيرة الوالى
* نبدأ من حيث وقف
* لأنو البديل لو فى زول قطعاً سيذهب
* ولكن الأفكار تبقى مابقيت الحياة
* يبقى نأتى بالبديل الفكرة بدل البديل أب فقرة
* مع شكرنا الكتير وإحتراماتنا الفائقة لما قدمه جمال
* ولكن
* إستقالة جمال واقع
* وشكر جمال لايعنى البكاء على رحيله
* وإنما يعنى رفع الرايه من بعده لندعم درباً سار عليه سنينا
* والتفكير فى الأمر كواقع لايعنى الوقوف ضد جمال اوعدم الإعتراف بما قدمه
* ولكن لن نلطم الخدود
* ولن نشق الجيوب
* ولن نقف مكتفين ايدينا
* سنستمر
* ونتمرد على الواقع
* ونتمرد على التاريخ
* وبداية خطوات إستمرارنا
* سنشكر الوالى فى إحتفال يليق بما قدمه
* ونحرتم له رغبته فى الإبتعاد
*ونواصل المسير
* وإن كنا قد وصلنا بيم السقف أفريقياً هذا العام
* وبالطبع سنسقف فى العام القادم إذا تضافرت جهودنا
* وسنقدم الدعوة للوالى فى إحتفالنا بنيل الأميرة السمراء
* لأنه برغم إستقالته قد شارك فى المسيرة
* المسيرة الظافرة
* أيها الناس
* خبر الزين
* خبر أسعدنا كثيراً
* صعود مريخ نيالا للممتاز
* محلك وبيتك ومطرحك يا زعيم نيالا
* ويا حلاتك يا ممتاز وفيك يقدل
* مريخ السلاطين وزعيم نيالا ومريخ كوستى
* مع الزعيم كده عندنا اربعه مريخ فى الممتاز
* بعد سنتين دايرين نشوفن سبعه
* مريخ الحصاحيصا ومريخ بورتسودان ومريخ التبلدى
* مريخ التبلدى ومريخ بورتسودان ومريخ الحصاحيصا فمكانهم الطبيعى الممتاز
* شدوا حيلكم يا شفوت الشرق وياشفوت الجزيرة ويا شفوت عروس الرمال
* أيها الناس
* الإتحاد سكيتوهوا فى موضوع الشكاوى
* ولا مستنين جمال يسكو ليكم؟
* أجمل حاجه فى الإستقاله ذهاب ناس كتار قاعدين ساكت
* كان داخل المجلس
* او حول المجلس
* النوع البطير مكسيم الثيردباك داك
* الناس البجيبوا تقارير طبيه وينكروها
* راجعين ليكم
* زول زول
* دار دار
* مكتب تنفيذى مكتب تنفيذى
* أصبروا
* ايها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* محليات محافظاتك ما شغاله بينا
* الخيران مليانه علينا
* والباعوض ساكن عينينا
* الضبان بالليل حافينا
* وتعرف أجمل قصة يا والينا
* واحد ممارض أخوهو قال لينا
* فى المستشفى الفراشه دى ما بدوها لينا
* قلنا ليهو الباعوض بدى الفراشة مساحة تدخل المستشفى يا اخينا؟
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ وﺍﻟﻜﻠﺐ لما يتذكر زمان ببكى لما يشوف مستشفى الليله؟!!
ﻭﺍﻟﻲ ﻟﻘﺎﺀ
ﺳللللللك

شارك الموضوع :

تعليقات الفيسبوك

تعليقات


4 التعليقات

إنتقل إلى نموذج التعليقات

      1. 1
        المغترب

        شاي الصباح ما شربتو سو لي شنو…..شاى المغرب ما شربتو سو لي شنو

        الرد
      2. 2
        بدر تنقا

        وضربة الجزاء التي احتسبها لكم الحكم نفس الوضع المدافع امام المهاجم … تصرف بكري تجاه الحكم دافعتوا عنه بحكم أنه لاعبكم لكن لماذا الدفاع عن لاعب مريخ كوستي !!!! سخفيييين أفصد صحفيييييين آخر زمن .

        الرد
      3. 3
        abdelrahim

        ديل ما صحفيين ديل تفل تفل صحفيين (من تفل الشاي)

        الرد
      4. 4
        ريفا

        والله ما عارف أنتو واجعين قلبكم ليه ؟ ما تخلوا الزول يكتب ما الكل اصبح يكتب يا جماعه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *